Forum Replies Created
-
Replies
-
Sælir félagar.
Í morgun var eftirfarandi fréttatilkynning send frá Klúbbnum til fjölmiðla:
Aðalfundur Ferðaklúbbsins 4×4 fordæmir þann utanvegaakstur sem skýrt var frá í fréttum að kvöldi 6. maí 2002.
Háttsemi eins og þessi er í fullkominni andstöðu við stefnu klúbbsins, en hann hefur barist gegn utanvegaakstri
allt frá stofnun félagsins árið 1983.Þessi fréttatilkynning hefur nú þegar verið birt í Fréttablaðinu á Vísi.is
Kv.
Kjartan G
Mjög góð hugmynd. Jón er að sjálfsögðu sjálfkjörinn til að skipuleggja sumarferð, hann er jú í ferðanefnd ásamt Jóni Snæbjörns.
Kv. Kjartan
Sælir félagar.
Ein leið til að koma skálagjöldum til skila er að hringja í einhvern úr skálanefndinni og fá uppgefið númer á reikningi sem hægt er að leggja inná.
Símanúmer allra skálanefndarmanna og netföng sumra eru inni á heimasíðu klúbbsins undir netföng og skálanefnd.
Einnig getur Nikki tekið á móti greiðslu en eins og allir vita er hann á skrifstofu FÍ, Mörkinni 6Kveðja
Kjartan Gunnsteinsson
Skálanefnd
Við vorum þarna á ferðinni á fimmtudaginn. Inn að Árbúðum var snjólaust og blautt, en þó ekki svo að vegurinn skemmdist. Frá Árbúðum að Kerlingafjallaafleggjaranum var töluverður snjór í veginum en autt að mestu utan hans. Mikill krapi var á köflum og vorum við tæpa 3 tíma að fara þessa ca. 15 km. Erindi okkar var að lagfæra símasamband við Hveravelli, en þar sem félagar okkar komust ekki upp á Þránd til að vinna á móti okkur ákváðum við að snúa við á Kerlingafjallaafleggjaranum.
Farkostar okkar voru 2 Toyotur, önnur á 38" en hin á 35"Kv.
Kjartan
R-1563
Sælir félagar
Kjalvegur er mjög illa farinn eftir vætutíðina í vetur.
Í vatnavöxtunum í síðustu viku flæddi yfir veginn báðum megin við brúna yfir Grjótá og er vegurinn töluvert skemmdur.
Frá Bláfellshélsi niður að Hvítárbrú eru mörg skörð í veginn og sum stórhættuleg. Það versta er líklega um eins metra djúpt og tveggja metra breitt.
Menn eru því hvattir til að fara mjög varlega á þessu svæðiKv.
Kjartan
R-1563
Það er af Setursförunum að frétta að þeir voru við Litlu kaffistofuna á leið í Bæinn um kl. 17 í dag.
Þeir fóru inn undir Loðmund í gær og snéru þar við eftir að einhverjir bílar duttu niður í krapa og þurfti að spila þá upp. Þeir komu síðan í Árbúðir um kl. 6 í morgun. Í dag fóru þeir inn í Hvítárnes og niður í Fremstaver.Kv
Kjartan
Ég hef notað VHF handstöðvar talsvert og þær hafa virkað ágætlega. Ég veit að menn notuðu handstöð í handstöð þar sem 68 km voru á milli. Það var þó á mörkunum að það gengi. Ég hef notað handstöð í bíl þar sem loftnetsstöng á toppnum var notuð við hana og virkaði það mjög vel.
Handstöð getur þó ekki virkað eins vel og bílstöð þar sem sendiafl hennar er 5W en 25W í bílstöð.KG
Sælir félagar.
Ég vil benda ykkur á að nú er til nóg af lyklum að Setrinu.
Við viljum hvetja þá félaga sem ekki eiga lykil, til að kaupa einn slíkan.
Lykill kostar kr. 5000, og er verðið hugsað sem skilagjald sem fæst endurgreitt þegar lykli er skilað.
Lyklar að Setrinu ganga líka að Árbúðum.
Ég held að þeir gangi einnig að einhverjum skálum sem eru í eigu eða umsjá annarra deilda. Getur einhver upplýst um það?
Tekið skal fram að fyrir lykla sem lánaðir eru út þarf einnig að borga kr. 5000 í skilagjald.
Þeir sem hafa áhuga á að eignast lykil geta haft samband við skálanefndina á opnu húsi á fimmtudagskvöldum í Mörkinni 6 eða Nikulás, starfsmann ferðakúbbsins 4×4, í síma 5684444F.h. skálanefndar
Kjartan Gunnsteinsson
R-1563
Sælir félagar.
Ég ræddi við Magnús Waage sem er forstöðumaður yfir fjarskiptastöðinni í Gufunesi.
Hann sagði mér að hlustun á 2790 hefði hætt 15. júní sl.
Ekki væru áform um að hefja hlustun aftur.
Hlustun á 2182, sem er neyðarrás fyrir skip, átti að hætta 1999 en hættir 1. febr. 2002. Hlustun á 2311 sem er samtalsrás fyrir skip, er í gangi frá 3 stöðum á landinu, Garðskaga, Streiti við Berufjörð og Grímsey.
Hann sagði að líklega yrði rás 16 á VHF lokað árið 2005.
Hægt er að fá Gufunes til að taka upp tímabundna hlustun í neyðartilfellum, til dæmis ef leit stendur yfir.Magnús lagði til að ef menn vildu halda í Gufunestalstöðvarnar gætu þeir komið sér upp kerfi, þannig að allir sem eru á ferðinni hlusti á heila tímanum og geti þá komið skilaboðum áfram.
Kveðja
Kjartan Gunnsteinsson
R-1563
