Forum Replies Created
-
Replies
-
Ég tek undir með Palla og vil hvetja alla sem tjá sig um þetta mál, jafnt sem önnur, að skrifa undir fullu nafni og helst félagsnúmeri ef það er til staðar.
Kveðja
Kjartan
Keypti innflutta vél af Hlöðver í Japönskum vélum fyrir nokkrum árum.
Vélin reyndist mjög vel og verðið var sanngjarnt.Kv. KG
Jón Ofsi er sko laaaaang flottastur.
Gleðileg jól, öll saman.
Bestu kveðjur. KG
verða sýndar á fundinum í kvöld.
Kv.KG
Síðustu bílar úr Jökulheimaferð komu í Bæinn upp úr kl. 5 í morgun. Heimferðin var um Breiðbak og Faxasund, niður á Nyrðra Fjallabak, í Landmannalaugar og þaðan í Hrauneyjar. Mjög þungt færi var og mikið um affelganir. Ef ekki hefði verið búið að moka í Landmannalaugar hefðum við slegið metið frá 2001 sem var 24 tímar á heimleið.
Í Hrauneyjar komu menn á síðustu bensíndropunum klukkan að ganga 3, en þar tók fólk á móti okkur með rjúkandi kaffi. Kærar þakkir , þið í Hrauneyjum, þið eruð lang flottust!
Takk fyrir frábæra ferð.
Kjartan
Menn mega ekki vanmeta vinnuferðir í Setrið. Þær eru ekki til þess að lappa upp á skálann svo mennirnir á stóru hjólunum geti notað hann á veturna. Setrið er einnig mikið notað á sumrin. Vinnuferðir er góður vettvangur til að kynnast nýjum félögum og gerast virkur í félagsstarfinu. Ég var passívur félagi í 4×4 þangað til að ég fór í vinnuferð haustið 2000. Eftir það hef ég verið mjög virkur og kynnst hellingi af nýju fólki.
Hvernig væri að fólkið á "litlu hjólunum" færi að fjölmenna á opið hús á fimmtudagskvöldum. Kannski myndast þá ferðahópar sem skipuleggja ferðir við sitt hæfi. Yfirleitt mætir eitthvað af "gömlum" félögum sem geta komið með góð ráð og ábendingar
Jón Snæland, alias Ofsi er td. nánast fastagestur á opnu húsi og ég er viss um að hann gefur fúslega ráðleggingar varðandi ferðir og búnað.
Kv.KG
Í mínum huga eru "mikið breyttir bílar" á 38 – 44" dekkjum, "minna breyttir bílar" á 35 – 36" dekkjum og "lítið breyttir" á 31 – 33".
Nýliðaferðir eru skipulagðar með mánaðar fyrirvara og í byrjun desember getur verið kominn mikill snjór á hálendinu, samanber nýliðaferð 2001. Því verðum við að setja kröfur um dekkjastærð miðað við þyngd bíla. Fararstjórar meta hvort bílar komist í ferðirnar. Margir telja sig færa í flestan sjó og eiga erfitt með að sætta sig við að fá ekki að fara með.
Ég get nefnt dæmi: Einn félagi okkar sótti um í nýliðaferðina í Setrið 2001. Við vildum ekki taka hann með því hann var á Sang Yong Korando á 33" dekkjum og að okkar mati var bíllinn of þungur miðað við dekk. Hann ákvað að fylgja okkur áleiðis upp Kjalveg. Áður en við komum að Grjótá hafði hann fest sig margoft í förunum eftir 20 bíla og ákvað því að snúa við. Ég hefði ekki viljað hafa hann með í spotta þessa 44 tíma sem við vorum á keyrslu þá helgi. Nógu margir nýliðar á 36 – 38" dekkjum áttu í tómu basli með að fylgja förum.
Ég held að það sé engin skynsemi í að skipuleggja nýliðaferð fyrir 31 – 33" bíla á þessum tíma árs. Ef þessum hópi félaga nægir ekki að fara í þær ferðir sem boðið er upp á að sumri til, mætti athuga með nýliðaferð fyrir lítið breytta bíla að vori til, td. eftir páska þegar komið er harðfenni.
Kv.KG
Innifalið í þátttökugjaldinu eru tvær gistinætur í skála og sameiginleg kvöldmáltíð á laugardagskvöldinu.
Kv.KG
Sæll AgnarBen
Eins og fram kom á síðasta félagsfundi á Hótel loftleiðum verða nýliðaferðir um mánaðamótin nóv/des.
Stjórn setur tilkynningu um ferðirnar fljótlega og einnig verður tilkynning í næsta Setri.
Það er um að gera að mæta á opið hús og spyrjast fyrir um ferðirnar og skrá sig.Kv.
Kjartan
Takk fyrir þetta!
Kv.
Kjartan
Góðan daginn
Er hægt að fá lægri hlutföll en 4,88 í framhásingu undan stutta Landcruisernum (reverse drif), td 5,29?
Hafa menn verið að nota þessar hásingar undir 4runner?Kv.
Kjartan
Mjög fín hugmynd hjá Skúla.
Með uppsetningu slíkra skilta minnum við á að Ferðaklúbburinn 4×4 hefur barist lengi gegn utanvegaakstri og með þessu getum við sýnt okkar afstöðu enn betur í verki.
Einnig er góð hugmynd að bjóða vélhjólamönnum að taka þátt í slíku átaki.Kv, Kjartan
Ég hef heyrt að ef ekið er of hratt á grand hawk með of lítið loft í þannig að dekkin nái að hitna, losni um strigalagið. Við það kemst loft inn á milli laga og kúla myndast á dekkinu. Dekkið getur síðan hvellsprungið hvenar sem er. Ég hef heyrt áður um dekk sem hvellsprakk úti á bílastæði. Um páskana var Beggi kokkur á leið yfir Steingrímsfjarðarheiði með stífpumpuð dekk og þá hvellsprakk að framan hjá honum. Kúla var á dekkinu áður en hann lagði af stað. Hér má sjá
[url=http://this.is/rotta/album.php?p=2&flk=42:160ynfa4]myndir[/url:160ynfa4] af dekkinu.Kv.
KG
Prófa [url=http://this.is/rotta:3q5ywplg]aftur[/url:3q5ywplg]
Nú prófa ég að setja [url=http://this.is/:66wvndum]link[/url:66wvndum]
Hvernig gerir maður svona link inni á spjallinu?
Kv. KG
Nú er sumarhátíðin að baki. Mig langar til að þakka Skemmtinefnd og Afmælisnefnd fyrir frábæra skemmtun.
Öll skipulagning og stjórnun var til sóma og allt gekk upp sem var í mannlegu valdi. Veðrið var dálítið að stríða okkur með hvössum vindi í gærkvöldi og nótt. Nokkuð var um að tjöld væru að fjúka. Ekki reyndist hægt að hafa brennu sökum veðurs en margt annað var til skemmtunar, sérstaklega fyrir börnin ss. hoppukastali, Gokart bílar og margt fleira.
Ekki veit ég hve margir mættu en held að það hafi verið töluvert á annað hundraðið.
Takk kærlega fyrir okkur!
Kjartan og fjölskylda.
Fundu þeir VHF talstöðina þína, Lúther?
Kv.
Kjartan
Ég get bara ekki orða bundist og ætla að ræða um dómgreindarskort skemmtinefndar.
Það var á fimmtudagskvöldinu í Mörkinni að fyrrverandi skemmtinefnd tilkynnti með mannalátum að þeir ætluðu af stað inn í Setur um hádegi daginn eftir með þorramatinn og fara Klakkinn. Fyrsta merki um dómgreindarskort því Klakkurinn er mjög erfið leið inneftir að vetri til.Magni og Reynir úr skálanefndinni ásamt Stjána Sig. ætluðu að leggja af stað inneftir um 5 leitið. Ekki var kjarkurinn meiri en svo hjá skemmtinefndinni, að þeir ákváðu að bíða eftir skálanefndinni.
Þarna kom upp annað tilvik um dómgreindarskort, því formaður skemmtinefndar kom tveim fullorðnum farþegum á verst búna bílinn í ferðinni, sem var Krúserinn hans Stjána. Þurfti hann því að bera 4 fullorðna og var þó aðeins á 35" dekkjum. Ekkert fréttist af ferðum þeirra fyrr en um miðjan dag á laugardegi.Undirritaður var staddur á Geysi um hádegisbil, ásamt fjórum öðrum bílum, á leið um Kerlingarfjöll í Setrið, þegar Jón Snæland hringdi og sagði að skemmtinefndin væri í vandræðum. Þeir væru einhversstaðar inni á Klakksleið, sennilega nálægt Draugakvísl. Allt væri að fara á kaf í krapa því þeir skældu svo mikið. Voru þeir farnir að tala um að kalla út björgunarsveitir til að ná í sig. Við breyttum því snarlega ferðaáætlun og fórum á eftir þeim upp Klakk. Okkur gekk þokkalega uppeftir og komum til þeirra seinni part dagsins.
Gerðum við stuttan stans hjá þeim og héldum síðan ótrauðir áfram. Þegar við komum niður í brekkurnar ofan við Kisubotna var erfitt að átta sig á hvar leiðin lægi því skollið var á myrkur. Ég fór fyrstur og keyrði niður rana með laut eða gil á hægri hönd. Ég snéri fljótlega til baka og ákvað að komast yfir lautina. Ofan í lautinni var mikið púður og mjög erfitt færi og var ég lengi að mjaka mér þar yfir. Siggi Tæknó var sífellt að spyrja í talstöðinni hvort ekki væri óhætt að fara niður ranann. Ég sagði að hann gæti skoðað það og ákvað Lúther að elta hann þar niður.
Ég get ekki borið ábyrgð á að menn hafi ekki dómgreind til að ákveða hvenær á að snúa við.
Ég fann síðan réttu leiðina niður í Kisubotna og var fremstur í að ryðja leiðina áleiðis í Setrið, eða þar til framöxull brotnaði hjá mér. Þá tók Reynir við að ryðja.Lúther, ég skal framvegis taka stóran hring framhjá, ef ég frétti af þér í vandræðum á fjöllum, svo ég leiði þig ekki í ógöngur.
Ps. Ætli Siggi tæknó hafi tínt naglaklippunum sínum þegar hann var að moka.
Kv. Kjartan
