Forum Replies Created
-
Replies
-
Prófaði spjaldið í gærkvöld til að rata um tvö ókunnug hverfi í RVK og Reykjanesbæ. Í skýjuðu veðri er þetta frábært, en það er greinilega misjafnt eftir bílum hversu vel GPS-móttakarinn virkar. Í gærkvöld setti ég spjaldið niður í hanskahólfið og gleymdi að loka Oruxmaps-forritinu. Svo þegar ég tók spjaldið upp aftur sá ég að það var búið að trakka alla Reykjanesbrautina lokað niðri í hólfinu. GPS-ið virkaði vel þó að ég væri með spjaldið í höndunum í framsætinu (var vel að merkja farþegi í framsæti).
Næst er að reyna að finna almennilega festingu og prófa tækið fyrir alvöru í jeppanum.
Þetta er algengt vandamál á vefnum. Stafrænar myndavélar (hvort sem er í myndavél eða síma) byrja alltaf að lesa skránna inn „efst í vinstra horninu“ eins og myndflagan snýr í tækinu.
En ef tækinu er snúið þá er skynjari í tækinu sem skráir í svokallaðan EXIF hluta myndskrárinnar hvernig tækið sneri þegar smellt var af.
Vandamálið er að það er ekki fullkomið samræmi milli tækja og vefþjónaforrita hvernig á að túlka snúningsupplýsingarnar úr EXIF . Stundum er það rétt og stundum ekki.
Öruggasta leiðin er að opna myndirnar í myndvinnsluforriti. Flest vandaðri forrit segja manni strax þegar mynd er opnuð að hún sé með „snúning“. Og bjóða þá upp á að endurvista myndina þannig að á hráu formi þá er hornið efst til vinstri það horn sem var efst til vinstri þegar myndin var tekinn.
vona að þetta skýri málið eitthvað, hlekkurinn undir er til nánari útskýringa.
http://www.daveperrett.com/articles/2012/07/28/exif-orientation-handling-is-a-ghetto/
Stillti inn á „útvarp kölska“ niðri við Kringlu, slatti af truflunum.
Vinsamlegast breytið þessu þá á atburðadagatalinu sem fyrst!
Af gefnu tilefni:
Inngangurinn í salinn þar sem við höldum opnu húsin er neðan við húsið, ekið er niður á milli húsanna (sjá örina á myndinni) Síðan er gengið inn um hvítu hurðina á álmunni sem skagar út úr aðalbyggingunni
Viðhengi:
Ég ætlaði að prófa spjaldið almennilega um páskana (föstudaginn langa) en þá brotnaði sogskálarfestingin. Var farþegi í öðrum bíl daginn eftir og prófaði það í glampandi sól. Það er nauðsynlegt í slíkum tilfellum að setja lýsinguna á spjaldinu í botn.
Þetta Acer spjald sem ég er með er fljótt að missa sambandið við gervitungl ef það er ekki vel úti í glugga.
Dreif mig loksins í að klára þetta, (ekki þó alveg) var kominn með olíuskilju frá Kína.
Notaði góða veðrið til að koma henni fyrir, og þá vantar bara eina hosuklemmu og raflagnirnar.Viðhengi:
Það er betra að nota litlu UHF stöðvarnar ef ætlunin er að þvælast erlendis, þær eiga að vera leyfilegar allstaðar innan EES-svæðisins og bylgjurnar eiga oft auðveldara með að komast út um bílglugga en VHF bylgjur.
Það er eitt sem ég vil gjarnan fá að vita hjá ykkur sem hafið verið að nota þetta;
Hvernig er spjaldið að virka í kulda? Ég veit að spjaldið hjá mér á að virka niður í 0°C en hef reyndar ekki prófað það niður við það hitastig.
Ferðin er 10-13 mars skv. viðburðadagatalinu.
Takk fyrir þetta Sindri og Elvar, um að gera að fá sem flestar reynslusögur. Eruð þið að nota GPS móttakarann í spjaldinu sjálfu eða plöggið þið móttakara í spjaldið?
Mér sýnist svona í fljótu bragði að það geti verið svolítið snúið í fyrstu, en ég held að maður verði nokkuð fljótur að finna þá uppsetningu og stillingar sem maður mun hafa not fyrir.
Og til að útskýra viðhengin að ofan. Fyrri myndin er af kortaforritinu, og það er þysjað inn á Setrið. Gulu flekkirnir eru merki við hæðarlínurnar. Það virðist alltaf koma inn merki sama hvað mikið er þysjað inn.
Hin myndin er af forritinu „GPS-status“. Það sýnir hvar gerfihnettirnir eru og hvernig merkið er frá þeim og einnig lengd og breidd (latitude og longitude) ásamt áætlaðri nákvæmni (DOP/HDOP/VDOP og Error)
Næsta skref verður að koma festingu í jeppann og prófa tækið þar.
Ég ákvað að gera tilraunir með Android spjald sem GPS tæki.
Ég mun halda utan um þessar til(raunir) hér á spjallinu eftir því sem fram líður.
Ég fór á útsöluna hjá Tölvutek milli jóla og nýárs og krækti mér í 8-tommu ACER spjald með sæmilegu innra minni og GPS móttakara. Ég var búinn að prófa tvö forrit á Android- símanum og leist sæmilega á, en síminn er svoddan ræfill með litlu plássi fyrir forritin, þannig að maður passaði sig að fá sér spjald með nægu minni. 16 Gígabæt virðast duga.
En áfram með prófanirnar. Kortaforritið heitir Oruxmaps (www.oruxmaps.com) og svo nota ég annað forrit sem heitir GPS-status.
Viðhengi:
Var enginn miði eða neitt annað frá framleiðanda?
Er bíllinn kannski ekinn ca. 210 þúsund km?
Ég hef heyrt að það sé hægt að setja tjakkinn á sinn stað án þess að taka köggulinn úr. Mestur vandinn er að koma splittinu á sinn stað.
Enn er þessi bilun í gangi Með „Ultimate build“ þráðinn. En núna fer hlekkurinn á forsíðunni með mann á auða blaðsíðu nr.12 þegar síðurnar eru orðnar 8.
Þetta er líklega hugsað fyrir þá sem vilja eitthvað sem er meira krefjandi en venjulegar ferðir hjá litlunefnd.
Ágætt að bjóða upp á það allavega einu sinni á ári þegar tekið er tillit til þess að stór hluti bíla sem fara í litlunefndarferðir eru á 38-tommum eða stærra.
Þetta getur talist einsskonar millistig milli litlunefndarferðar og stórferðar.
Ja það er ennþá þetta skrýtna í gangi, þráðurinn er efsti hlekkur á forsíðunni en hlekkurinn vísar á blaðsíðu tólf sem er ekki til!
Ef maður fer hins vegar í URL-stikuna og þurrkar út þráðarnúmerið aftast og /12/ dæmið og breytir í /8/ þá fer maður á öftustu síðu.
Svo ef maður póstar svari þá fer maður aftur á blaðsíðu 12 þegar þráðurinn er búinn að hlaðast upp og þá sér maður ekkert hvað maður var að gera.
Enn er eitthvað skrýtið er í gangi með þráðinn, Sigurður reynir að pósta og AFTUR fer kerfið með mann á blaðsíðu tólf!
