Forum Replies Created
-
Replies
-
Bara vera nógu frekur og leiðinlegur og troða sér framúr 😉
Kveðja
Izeman
Góða kvöldið
Ég myndi kanna þetta sem eik stakk upp á. Ef að það er til ljós í bílnum sem birtir "Check engine" eða álíka t.d. þegar þú svissar á þá gæti þetta kanski virkað.
Á cherokeenum mínum þarf maður að svissa á hann og af honum þrisvar sinnum á innan við fimm sekúndum. Þá byrjar check engine ljósið fljótlega að blikka og það gefur þér upp ákveðið númer eftir því hvað það blikkar oft (stutt pása þýðir næsti stafur t.d. 55 en aðeins lengri að það er ný tala að koma t.d 55 14).
Svo fann ég bara lista á netinu sem sagði mér hvað tölurnar þýddu.
Fann þessar upplýsingar á þessari sömu síðu.Mín taktík var sú að finna amerískt spjall um minn bíl eða svipaðan, eyddi svo rúmum klukkutíma að lesa í gegnum ýmislegt þar þangað til ég datt niður á þetta.
Það sakar ekki að prófa
Kveðja
Izeman
Sæll Kristmann.
Afsakið hve seint ég svara, hef verið netlaus í nokkra daga.
Það er margt í þessu sem að segir sig sjálft en þó ekki allt.
Ég er einmitt líka svo heppinn að hafa aðgang að manni sem getur ráðlagt mér um nánast allt í þessum efnum og þar af leiðandi sé ég um allt viðhald á bílnum hjá mér, stórt sem smátt og hef lært margt á því.Reyndar þykir mér þetta verð sem þú fékkst uppgefið ekki vera hátt. Ég átti von á meiru.
Nú er málið bara að skríða undir bílinn, spá og spekúlera í hvernig skuli hækka og hverju þarf að breyta í leiðinni. Reyndu að afla þér upplýsinga frá öllum sem þú getur.
Ég skal forvitnast með þetta og læt þig vita hér á vefnum fljótlega.
Kveðja
Izeman
Toyota og afl ganga nú ekki alltaf saman 😉
Nei bara smá skot.Þær aðstæður koma alltaf upp að mismunandi bílar komast mis mikið við vissar aðstæður. Ég er alveg sammála því að t.d. hilux á 38" kemst mun meira í leiðinlegu púðri heldur en hvaða bíll sem er á 33".
En þær aðstæður myndast líka oft að léttur bíll á breiðum dekkjum kemst miklu meira er stór bíll á 38", hef nú alveg ágæta reynslu af því.
En miðað við kostnað þá er þetta ekki spurning að mínu mati.
Fór sjálfur yfir í amerískt strax á eftir súkkuni þegar ég hafði efni á því…Kveðja
Izeman
Sæll Helgi
Ég mótmæli ekki þessum díselvélum sem þú taldir upp. Þær eru mjög kraftmiklar og skemmtilegar, endalaust tog
Kveðja
Izeman
Til hamingju með þetta!
Þú munt örugglega ekki sjá eftir þessum kaupum.Þekki nú ekki verðið á þessari breytingu en með réttum upplýsingum þá getur þú gert margt, ef ekki allt sjálfur ,fyrir ekki svo mikinn pening.
Kveðja
Izeman
Sælir
Bara svona til að bæta inn óþarfa kommenti þá er bensín að sjálfsögðu miklu betra en dísel og díselverð á uppleið (að öllum líkindum).
Að öllu öðru frátöldu þá er bensín svo miklu skemmtilegra en dísel.
Þannig að hættu þessari vitleysu og haltu þig við bensín…Kveðja
Izemanp.s hef heyrt að þessar vélar virki ekki alveg nógu vel (toyota V6 3000), hvað þá miðað við eyðslu. Þannig að þú skalt bara fá þér stóra ameríska vél sem eyðir án efa minna og kraftar miklu betur.
Sælir og takk fyrir svörin.
Nú er þetta orðið tvöfalt aftast hjá mér og allur hávaði minnkaði en mjúkt bassahljóð jókst.
Það heyrist ekkert inni í honum upp að tæplega 2500 rpm en svo eykst það.Ég er alveg sammála því að mikill hávaði frá pústi getur verið ansi pirrandi sérstaklega þegar ekið er langt í einu. En nú hljómar 6 cyl vélin hjá mér næstum eins og 8 cyl vél og þar með er markmiðinu náð 😉
En vill undirstrika næstum, því það hljómar fátt eins vel og 8 cyl vél.Kveðja
Izeman
Góða kvöldið
Hér kemur spurning sem ég get án efa aflað mér upplýsinga um annarstaðar en finnst mun skemmtilegra að að spyrja hér 😉
Ég var að smíða mér nýtt púst undir Cherokee´inn hjá mér.
Þetta er 2,5″ ryðfrítt með túbu og opnum kút sem endar í 4″ stút, sem verða reyndar tveir á sunnudaginn þegar ég nenni vonandi að klára þetta.En spurningin er sú: Hver má hávaðinn vera í pústi til að fá skoðun? Ég mældi hann 105db í hægagangi…
Þetta fer eitthvað eftir árgerðum og hversu mikið hávaðinn má hækka frá original pústi. Minn bíll er 93 árgerð með 6cyl vélinni.
Haldiði að ég fái skoðun á þetta?
Vissulega fer þetta að einhverju leyti eftir því í hvaða skapi skoðunarmenn eru í
En mig langaði bara að forvitnast og hugsanlega að fá einhverjar reynslusögur.Kveðja
Izeman
Sæll Þorkell
Þakka þér kærlega fyrir þessar upplýsingar með Skagafjörðin. Vissi ekki af þeirri leið.
Ég kem til með að hafa samband við þig fljótlega þegar ég hef skoðað þetta aðeins betur.Kveðja
Izeman
Sæl aftur
Afsakið hvað ég er pirrandi að vekja þennan þráð upp að nýju, eftir svo stuttan tíma. Mig langar bara endilega að fá fleiri álit á þessu, því ég þarf að skipuleggja þetta með góðum fyrirvara.
Er að fá pabba minn í heimsókn frá Svíþjóð helgina eftir 17 júní og mig langar virkilega að bjóða honum í smá jeppaferð.
Er kanski einhver annar skemmtilegur staður sem menn mæla með á þessum árstíma? Ég þyrfti helst að hafa nokkra staði inni í myndinni þannig að þetta klikki ekki…Kveðja
Izeman
Sælir
Takk fyrir svörin.
Ég veit af lokunum á vegunum.
Hitt er svo annað mál að drulla er síður en svo alltaf ástæðan fyrir lokunum hjá vegagerðini.
Ég hef nokkrum sinnum keyrt inn Eyjafjörðin og upp á Sprengisand þegar vegurinn var lokaður (myndi aldrei keyra neinn veg ef það fer illa með hann…) eina hindrunin var mjög stór steinn á miðjum veginum (sem ég komst auðveldlega framhjá án þess að skemma neinn gróður eða veg) og snjóskafl alveg efst í brekkunni upp á Sprengisand.Þess vegna er ég nú að forvitnast hérna hjá mönnum sem keyra ekki endilega um á jepplingum eða þaðan af minna
Vegur er lokaður hjá vegagerðinni þangað til hann er fær óbreyttum jeppum (sýnist mér).Það er sennilega best að orða þetta öðruvísi:
Er líklegt að það sé fært upp í Laugafell, helst einhverja stutta leið frá Ak, eftir u.þ.b mánuð? Án þess að skemma veg eða gróður, er vel reiðubúin að standa í hellings brasi að komast framhjá öðrum hindrunum m.a velta steinum, hleypa úr og moka 😉Kveðja
IzemanPs. annars hljóma opnunartímarnir á þessu svæði mjög vel fyrir mig, en samt ekkert til að treysta á… má helst ekki klikka.
Sæl öllsömul
Veit nokkuð einhver hér hvort hægt sé að komast upp í laugafell á þessum árstíma frá Akureyri?
Mig langar virkilega að fara þangað núna uppúr miðjum júní, en ég veit það að leiðin upp eyjafjörðin verður aldrei fær fyrr en að nálgast ágúst í fyrsta lagi…Ég er á 35″ cherokee með flestu nauðsynlegu þannig að snjór ætti ekki að vera neitt vesen ef ekki er um mikinn hliðarhalla að ræða.
Er bárðardalsleiðin hugsanlega fær núna fljótlega?
Bleyta verður væntanlega ekki svo mikil eftir mánuð, eða hvað?Kveðja
Izeman
Humm…
Dísel virðist nú fara að verða óæskilegur kostur ef bíllinn eyðir meira en ca 12 hundraðið…
Þar að auki þá vill það nú gerast ef að Patrol svona gamall eins og Sll gefur til kynna þá bilar eitthvað frekar stórt (ef eitthvað bilar) það er annað en fyrrnefnd súkka…Kveðja
Izeman
Sæll Kristmann
Þetta er nú allt athyglisvert. Ég er að mörgu leyti ósammála fyrri ræðumönnum. Verðið á Toyotum (hilux) er alveg svívirðilega hátt, sérstaklega ef þeir eru breyttir. Þar að auki eru þeir annaðhvort alveg kraftlausir (2,4 dísel) eða eyða mun meira en stór 8 cyl amerísk vél (3 lítra 6 cyl).
Hvort heldur sem er, þá ertu alltaf að spara pening með því að kaupa þér t.d. Suzuki Jimny á 33 – 35".
Jimny á 35" kemst meira en mjög margir bílar á 38" ef ekki flestir.
Þessir bílar eyða lítið sem ekki neitt og bila mjög lítið.
Nenni ekki að færa fleiri rök fyrir þessu núna því þetta segir sér eiginlega sjálft (þegar maður er í þinni stöðu), en mun gera það þegar svör berast inn…Kveðja
Izeman
Sælir
Gaman er að segja frá því að umboðin banna að öllu leyti að hleypt sé úr dekkjunum yfirleitt til að þau ábyrgist eitthvað (sem er að vísu byggt á því að þú geymir dekkinnn heima í bílskúr).
Ef ég lendi í þungu færi þá hleypi ég hiklaust niður í 2" pund að framan og 1 að aftan. Þannig hef ég djöflast tímunum saman og aldrei affelgað, samt engar ráðstafanir gerðar á felgum.
Svo ef færið er mjög erfitt fer ég í 1 pund að framan og cirka hálft að aftan. Þetta hefur oft þurft að gera og hef ég ennþá ekki affelgað…Til Lúther: Ég minnist þess ekki að hafa talað mikið um að hafa 33" á 14" breiðum felgum en 35" er annað mál.
Ég játa því að 14" er það breiðasta sem mögulega gæti gengið að hafa með 35" dekki og sennilega væri það ekki gott til lengdar og þetta fer líka eftir hvað bíllinn er notaður í. Þetta væri t.d ekki gott til að nota á vegum og grýttu landi en væri algott í snjó þar sem þarf mesta hugsanlegt flot. Átakið eykst að sjálfsögðu ef felgurnar eru mjög útvíðar en oft er hægt að hafa breiða felgu sem heldur þyngdarpunkti bílsins upprunalegum og hefur þá nánast engin áhrif. Ef menn eru alltaf að hugsa um eitthvað endingardæmi, hvernig væri þá að fá sér reiðhjól?Kveðja
IzemanP.s Á breiðum felgum vilja kantar dekksins slitna og getur einnig misslitið sólanum á því. Baninn vill vera í laginu eins og W, en hægt er að laga það með því að stilla loftþrýsing í dekkinu og jafnvel að skoða hvernig það snertir jörðina ss. með því að kríta á sólann og sjá hvar krítin fer af.
Sæll Freyz
Meira að segja 14" undir 35" dekk er í góðu lagi. Ég hef notað 12" felgur bæði undir 33" og er með þannig núna á Cherokeenum hjá mér, sem er á 35". Pottþétt!
Kveðja
Izeman
Jæja fífl getur maður nú verið.
Las ekki öll núllinn.
Mæli þá eiginlega með Jimny. Hann kemst alveg helling á 33" og allt á 35". Hann er léttur, ódýr og sterkur (miðað við þunga). Hægt að fá læsingar hlutföll og allann pakkann.Kveðja
Izeman
Sæll Kristmann
Ég er alveg sammála gislasv varðandi bílakaupin þín. Að vísu getur þú hugsanlega fengið þér vítöru/sidekick í þokkalegu ástandi en það er MUN erfiðara að finna…
Mæli með því ef þú getur, þó ólíklegt.Kveðja
Izeman
Sælir.
Takk fyrir svörin, þetta er athyglisvert alltsaman. Kanski maður haldi sig við venjulegt bensín.
En að vísu skiptir hvarfakúturinn engu máli hjá mér því þeir eru ekki nauðsynlegir í bílum árgerð 95 og yngri, og er þess vegna að fara að hverfa úr mínum bíl.
Hitt er svo annað mál að súrefnisskynjarann er víst betra að hafa í góðu lagi
Ég ætla allavega að bíða með þetta, hafði ekki hugmynd um að það væri blý í flugvélabensíninu.
Svona eftirá að hyggja þá eykur kveikjubanksvörnin fyrrnefnda að sjálfsögðu ekki þjöppuna eftir hentugsemi 😉
Hún er bara ef maður setur eitthvað minna en 95 oktana bensín væntanlega. Það er svona að hugsa ekki áður en maður skrifarKveðja
Izeman
