Forum Replies Created
-
Replies
-
Sælir
Ætli sé ekki best ég leiðrétti nafnið mitt. Ég heit Arnór ekki Arnþór….
Annars er þetta að verða ansi myndarlegur listi.
Gaman að sjá hve margir keyra um á þessum skemmtilegu bílum.Kveðja
Arnór
Sælir
Þetta er frábært framtak.
Ég ek um á Grand Cherokee Laredo 1993 módel á 38"með línu sexu.
Þyngd 1920 kg eftir breytingu með ca 60 l bensín og 60 auka kíló í bílnum.
Það væri reyndar gaman að heyra þyngdar tölur frá fleirum. En það þyrfti þá að vera með bílanna tóma því það er svo gríðarlega misjafnt hvað menn hafa með sér á fjöll.Kveðja
Arnór
Sæl öll
Er þetta ekki bara spurning um mun á felgubreidd. Þótt það sé ekki hægt að alhæfa neitt þá hefur mér sýnst að við austanmenn séum gjarnari á að nota breiðari felgur en aðrir.
Ég er með 15" breiðar felgur með 38" mudderum á og það var smá bras að koma þessu á felguna á dekkjaverkstæðinu á sínum tíma.
Það þurfti að nota báða ventla en samt voru þeir með mjög mikið loftflæði þarna.
Ég hef ekki lent í því að affelga ennþá en hugsa að það þurfi ansi gott loftmagn til að koma þessu á sinn stað við bjagalegar aðstæður.
Við félagarnir tókum með 300 bara köfunarkút í ferð um daginn og ég hugsa að það verði staðalbúnaður í bílnum hjá mér upp á þetta að gera.Annaðhvort það eða að hafa með sér 13-14" dekkjaslöngu sem maður dælir í til að þétta milli dekkjar og felgu, svo bara dælt í dekkið þangað til slangan hoppar af (hef reyndar aldrei prufað þetta sjálfur).
Ég hef aldrei sprengt dekk á felgu þannig að ég ætla ekki að dæma hvort þetta hafi verið rétt eða rangt sem gert var á myndbandinu.
Kveðja
Arnór
Sæll Bergur
Hér er það, sem ég man í augnablikinu, sem var gert við minn bíl.
Klossar undir gorma að framan 100mm.
Framgormar úr XJ bíl og 50mm klossar aftan.
Stífusíkkunarkítt að framan frá Birni í Vagnar og Þjónustu. Soðinn styrking aftan á það.
Afturhásing færð aftar um 6 cm og stífur síkkaðar.
Drifsköft lengd.
Stýrisendum snúið.
Togstöng síkkuð til samræmis á hallanum á stýrisstönginni.
Stýrismaskína styrkt.
Festingar fyrir jafnvægisstöng hækkaðar.
Demparafestingum breytt (tímabundin lausn en virkar fínt).
Minn er 93 módel með quadradrive millikassanum sem læsir sér ekki, þannig að ég skifti um millikassa.
Samsláttarpúðar síkkaðir.
Öflugri stýrisdempari settur.
Aukakælir á skiftingu.Þetta er að virka mjög vel og bíllinn eins og hugur manns í akstri.
Ég er án efa að gleyma einhverju og sjálfsagt eru til betri leiðir til að breyta þessum bílum, en þetta hjálpar kanski eitthvað.Kveðja
Arnór
Sæll Benni
Svona þegar þú minnist á þetta, þá var ég búin að tala við þá félaga fyrir svolitlu síðan og þetta átti að vera talsvert undir 400.000 hjá þeim. Man reyndar ekki töluna sem ég fékk uppgefna.
Þannig að þessi 400.000 kr tala leiðréttist hér með. Sennilega nær 300.000 kr, það er að segja hjá KT.
Kveðja
Arnór
Sælir
Ég er búin að vera að dunda mér í breytingum á mínum bíl (93 Grand) og hann er næstum klár. Það sem vantar eru hlutföll, læsingar og svo verða settir lengri demparar einhvern tímann.
Hann er reyndar býsna seigur eins og hann er núna og fær að vera þannig í vetur.
En kostnaðurinn hjá mér er undir 500.000 með því að gera ýmislegt sjálfur.
Það var farið með bílinn á renniverkstæði til að snúa stýrisendum o.fl. þar var allt gert sem þarf í kringum stýrisbúnaðinn ásamt því að breikka felgur. Þar er stór hluti af þessum kostnaði.
En ég þurfti líka að skipta um millikassa sem var 70.000 kr aukalega sem þarf ekki að gera nema á þeim bílum sem eru með gamla quadra trac, þar sem er bara tregðulæsing á milli fram og aftur drifa (ég held að þetta hafi breyst fljótlega eftir 93)
Svo var ég að forvitnast með hlutföll og læsingar og það er dæmi upp á 400.000 með vinnu.
Þannig að það getur borgað sig að kaupa tilbúin bíl allavega ef hann er með læsingar og hlutföll og þú getur þá sjálfur beturumbætt breytinguna sem slíka ef þess þarf.
En ég er bara búin að hafa gaman af því að breyta sjálfur og þá kynnist maður bílnum líka mjög vel, því það er ýmislegt sem maður þarf að lesa sig til áður en maður fer út í svona breytingu ef vel skal vera.En fyrst menn voru að minnast á GK hér að ofan þá tók ég þá ákvörðun að fara ekki með bílinn þangað til að græja stýrisbúnaðinn. Ég hringdi þangað og sagði hvernig málin stæðu að ég væri byrjaður að breyta bílnum. En ég fékk ekkert nema leiðindi um að ég ætti ekki að vera að breyta bíl fyrst ég gæti ekki klárað dæmið sjálfur.
Svo fékk ég ágiskað verð uppá "langleiðina í hálfa milljón" á því sem ég vildi láta gera. Það kostaði mig svo undir 200.000 í vélsmiðjunni á Hornafirði að gera það sem ég vildi og inni í því var felgubreikkun að auki.
Best að taka það fram að það er víst ekki alveg sama við hvern maður talar hjá GK og félagi minn benti mér á að hringja aftur og tala við Kjartan.
En verð á fullri breytingu hjá þeim er 960.000 var mér sagt af þessum manni sem ég talaði við. Sem er ekki dýrt miðað við það sem gengur og gerist.En þeir hjá Stál og Stönsum voru mjög þægilegir í viðskiptum og þar fékk ég bæði smá upplýsingar og verslaði það sem þurfti til að snúa stýrisendum.
Jæja þetta er orðið allt of langt svar við stuttri spurningu, en kemur kanski að gagni.
Kveðja
Arnór
Sælir
Ég er að fara að setja auka kælir á skiptinguna hjá mér. Ég kem til með að setja auka kælirinn á undan núverandi kælir.
Ástæðan fyrir því er að ég vil ekki láta kæla of mikið. Núverandi kælir er í vatnskassanum og hugsunin er sú að vökvin hiti sig aðeins upp aftur þegar hann rennur þar í gegn.En bæði þessi aðferð og sú sem Tryggvi minntist á hafa sjálfsagt báðar sína kosti og galla. Það að setja risastóran aukakælir á eftir núverandi tryggir sennilega frekar að skiptingin ofhitni aldrei sama hverjar aðstæður eru.
Það bara hentar mér ekki, því í augnablikinu nota ég bílinn það mikið bara í dags daglegum akstri og þá yrði hún sennilega alltaf of köld.Kveðja
Arnór
Sælir
Nú er allt að verða komið sem þarf til að klára bílinn og reikna ég með að verða farinn að keyra eftir 2 vikur.
En það er eitt sem ég er ekki alveg klár á. Ég er að fara að sitja tvöfaldan lið á drifskaftið að aftan.
Veit einhver hér hvernig maður útbýr þennan flangs aftan á millikassan?Breytingakveðja
Arnór
Sælir
Ég hef heyrt akkúrat öfugt miðað við þig Mikki. Láta bílinn hitna helling til að ná betri bruna áður en keyrt er inn í skoðun.
Ég veit að menn sem hafa hreinsað úr hvarfakútum, hafa sumir aftengt viftuna hjá sér til að láta bílinn hitna extra mikið svo stungið henni í samband aftur rétt áður en keyrt er inn.
En ég þekki bara til bensínbíla í þessu samhengi, en ég ímynda mér að dísel bílarnir hagi sér eins.
En svo er auðvitað umhverfisvæna lausnin. Kaupa sér einhvern universal hvarfakút og skella undir. Það var gert á vinnubílnum mínum (Nissan Doublecab) og þá komst hann í gegnum skoðun. Sá kútur kostaði um 30.000 kr.
(ég veit, ég veit, það eykur mótstöðu í pústi)Kveðja
Arnór
Sælir
Takk fyrir þetta innlegg Guðmundur. Ég ræði við þá á renniverkstæðinu varðandi þetta mál.
Varðandi felgurnar þá er ég með eitthvað nálægt 5-1/2" backspace hjá mér. En þær eru ekki nema ca 12" breiðar núna, en nú er dekkið líka ískyggilega nálægt því að rekast í gormin að aftan.
En þær verða líka breikkaðar út áður en ég byrja að nota bílinn. Stefnan var að fara í 15" breiðar felgur en spurning um "bara" 14" ef hitt er líklegt til að skemma hásinguna…Þakka þér fyrir Örn ég fylgist spenntur með mailinu
Kveðja
Arnór
Sælir
Já þetta er góður þráður og margt sniðugt komið fram.
Jú Örn það er kominn niðurstaða hjá mér.
Ég ætla að láta snúa stýrisendunum á renniverkstæði hér á svæðinu. Svo ætla ég að síkka turninn fyrir hliðarstífuna svo hún verði með sama halla og stýrisstöngin.
Síðan ætla ég að reyna að möndla einhverja styrkingu á stýrismaskínuna.
Þá man ég ekki eftir mörgu öðru sem þarf að gera til að geta byrjað að keyra.En ég hefði áhuga á svona festingum eins og þú minntist á hér að ofan. Ég var einmitt farin að hugleiða hvernig best væri að ganga frá þeim málum.
Kveðja
Arnór
Sælir
Takk fyrir góð svör!
Ég þarf greinilega aðeins að spá í þetta. Ég hugsa samt að fyrst þetta er svona með felgurnar að ég snúi hreinlega stýrisendum. Ég er mjög ánægður með hvað felgurnar eru innarlega núna. Þær eru reyndar aðeins of innarlega en þegar ég verð búin að láta breikka þær aðeins út þá eru dekkinn á akkúrat réttum stað.En í sambandi við að snúa kónunum. Er eitthvað flókið þar? Er ekki bara að gera eins og stendur á síðunni sem þú vísar í Gunnar Ingi að fara á næsta renniverkstæði og láta græja þetta þar?
Ég var alltaf með það í huga að senda allt ruslið í Stál og Stansa og biðja þá um að gera þetta. En það er kanski algjör óþarfi ef hægt er að gera þetta á næsta renniverkstæði.
Kveðja
Arnór
Sæll Ingaling
Þetta lítur vel út. Veistu nokkuð hvar ég gæti fengið eitthvað svipað og þú varst með?
Þetta sett sem þú vísar í hér að ofan virðist vera flott. Þeir reyndar gefa það ekki upp fyrir ZJ bílinn. Bara fyrir TJ og XJ bíla.
Ætli það passi samt ekki fyrir minn?
Kveðja
Arnór
Sæll Freyr
Ert þú með original hásinguna að framan hjá þér?
Ef svo er, er það þá ekki bara fínt.Ég á reyndar hásingu undan eldri bíl en ég ætla ekki að vera að svissa þeim út að óþörfu.
En mitt aðal vandamál í þessu öllu er varðandi stýrismaskínuna. Hún á það jú til að brotna úr ef ekki er rétt frá gengið.
Sumir segja að ég ætti að síkka sjálfa stýrismaskínuna niður.
Aðrir segja að snúa stýrissendum.
Enn aðrir segja að styrkja hreinlega í kringum stýrismaskínuna þvert undir vél í grindina hinum megin svo hún brotni síður úr.
Svo er annar möguleiki að panta sektorsarm sem er með síkkun.
Svo var ég nú búin að heyra einhverja aðra leið sem ég hreinlega man ekki.
Hvernig hafa menn helst verið að gera þetta?
Kveðja
Arnór
Sælir félagar
Ég er með spurningu varðandi stýrisbúnað í Grand Cherokee.
Ég er búin að hækka bílinn upp um 10 cm að framan og er nú að reyna að ákveða mig hvernig sé best og þægilegast að ganga frá öllu í kringum framhásinguna.
Er einhver með töfraformúluna fyrir þessu eða eru kanski nokkrar góðar leiðir færar?Best að taka það strax fram að ég bý lengst út á landi og vill helst ekki þurfa að ferðast langar leiðir með bílinn á verkstæði.
Eins var verið að benda mér á að setja hásingu undan eldri XJ bílunum að framan hjá mér. Er einhver sem veit hvað maður græðir á því?
Með von um sem flest svör og jafnvel smá umræðu.
Kveðja
Arnór
Sæll aftur
Jú þetta er vissulega meira álag á bæði skiptingu og vél.
Bílinn hjá mér gat notað overdrive´ið á beinum köflum og upp lítið brattar eða stuttar brekkur. Þá var hann á einhverjum ca 1300 rpm á 90.
Skiptingin hjá mér hefur aldrei hitnað þannig að vökvinn hafi brunnið neitt. Ég var að vísu ekki með mælir en skoðaði reglulega vökvan á skiptinguni og skipti ca einu sinni á ári.
Núna er bílinn minn kominn á 38" og ég verð með hann á original hlutföllum þangað til annað kemur í ljós. En þá set ég sennilega 4.56 hlutfall. Að vísu mun ég setja auka kælir og mælir á skiptinguna núna.
ARB læsingin kostar rúman 100 þús kall seinast þegar ég athugaði.
Kveðja
ArnórPS það væri gaman að fá fleiri skoðanir á þessu með hlutföllinn.
Sæll Davíð
Ég átti 89 módel af cherokee XJ (kassalaga). Hann var með original hlutfallinu 3.55. Það sama er reyndar að segja um 93 módel af ZJ (Grand) bílnum mínum.
Best að taka það fram að báðir þessir bílar eru sjálfskiptir.4.56 hlutfall er örugglega mjög fínt fyrir 35-36" dekk. Overdrive´ið er þannig í bílnum á original dekkjum að hann er á einhverjum rúmum 1500 rpm á 90km/h (man þetta ekki alveg upp á snúning). Þannig að þótt hlutfallið sé aðeins of lágt þá gerir það lítið til í dags daglegum akstri.
Ég var með Grandinn hjá mér á 35" dekkjum í nokkur ár, á original hlutföllum og hann sómaði sig bara vel þannig. Þannig að þú þarft allavega ekki að setja það í forgang að lækka hlutföllinn (að mínu mati). Lágadrifið er 2.72/1 þannig að það er meiri lækkun en í mörgum öðrum bílum.Svo er það þetta með eysluna. Hann eyðir frá 12 – 30 l/100. Þú getur stjórnað því að miklu leyti sjálfur.
Grandinn hjá mér stóð venjulega í rúmum 15 l/100km á 35" dekkjunum (blandaður akstur, þó mest innanbæjar).
Svo er hægt að keyra algjöran sparakstur og þá eyddi hann innan við 12 og svo var hægt að vera með allt í hvínandi botni hvað eftir annað og þá fer hann fljótt yfir 20.Kveðja
Arnór
Sæl öll.
Hefur einhver hér einhverjar reynslusögur af stóru (stærra en 38″) Ground Hawg dekkjunum? T.d. 44″ Ground Hawg II.
Það sem skiptir mestu máli fyrir mig er hvernig þau eru í snjó. Mega alveg vera svolítið „ferköntuð“ varðandi malbiksaksturinn.Kveðja
Arnór
Sælir
Ég er sammála því sem flestir hafa verið að segja hér á undan. Burt með þessa menn!
Svo vona ég innilega að þú Jón Snæland viljir halda áfram þessu frábæra starfi sem þú hefur unnið fyrir klúbbinn.
Kveðja
Arnór
Glæsileg síða hjá Suðurlandsdeildinni.
Kveðja
Arnór
