Forum Replies Created
-
Replies
-
Þetta er góður punktur með hestamenn og hesta, maður hefur séð þvílík flög þar sem hrossastóð hefur farið um of mjög viðkvæmt land, það mundi eitthvað heyrast ef þetta væri eftir einhvern á vélknúnu farartæki en af því að þetta eru hestar þá er þetta allt í lagi.
P.S. tek það fram að þetta er ekki illa meint til hestamanna á neinn hátt bara að benda á að það skemmir fleira landið en vélknúinn tæki. Það er að verða eitthvað svo mikið ofstæki í allri umfjöllun um þessi mál að maður bara skilur það ekki.Kv. BIO
Já gott og vel, bíllinn er tryggður en hvorki kranabíll eða sjúkrabíll fara inn á Kaldadal og sækja fólk í snarvitlausu veðri. Það sem ég er að reyna að sýna fram á er það að ef á að fara láta fólk borga fyrir björgunaraðgerðir sjálft hvort sem er í gegnum tryggingar eða á annan hátt þá getum við sé svipað gerast eins og ég settu upp í þessu dæmi mínu. Fólk einfaldlega biður ekki um aðstoð fyrr en of seint eða ekki. Þeir sem vinna sjálfboðaliðastörf á vegum björgunarsveita líta á þetta sem hugsjónastarf. Fólki er bjargað hvort sem það er á eigin vegum eða á vegum fyrirtækja. Hitt er svo annað mál að þeir sem lenda í hremmingum á vegum slíkra fyrirtækja geta væntanlega sótt slíka aðila til saka fyrir skakkaföll sem það kann að lenda í á þeirra vegum. Ég er bara að reyna að koma þeirri skoðun minni á framfæri að ég er algjörlega á móti því að rukkað sé fyrir björgunarstörf sama hvort fyrirtæki eða einstaklingar eiga í hlut.
Kv. BIO
[quote="Evert":2wmzoeme]VÁ hvað þetta er málefnaleg umræða hjá ykkur, tryggingar eða ekki þegar fyrirtæki er að fara með fólk á fjöll eða aðrar skipulegar ferðir eiga þeir að vera trygðir gangvart tjóni sem þeir geta valdið viðskipta vinum sínum og þriðja aðila. þannig er þetta í öllum atvinnugeiranum og á ekki að vera neittt öðruvísi í ferðamannabransanum.
hvað varðar einstaklinga, fólk sem ferðast á eigin vegum snýr málið öðruvísi þeir eru ekki að hafa tekjur af sínum ferðum, þeir eru ekki að taka við greiðslum frá þeim sem þeir fara á fjöll með.[/quote:2wmzoeme]
Þetta hefur akkúrat ekkert með tryggingar að gera. Auðvitað eiga svona fyrirtæki að vera tryggð og eru það ábyggilega, en sú trygging felur ekki í sér að það eigi að greiða fyrir björgun á fólki á þeirra vegum og ætti aldrei að gera það. Það einfaldlega á ekki að vera þannig að fólk þurfi að hafa áhyggjur af peningamálum þegar það þarf á aðstoð að halda og um leið og fólk fer að kaupa tryggingar sem borga eiga fyrir björgun er það akkúrat komið í þá stöðu. Setjum upp smá dæmi: [i:2wmzoeme][color=#0000BF:2wmzoeme] Nonni og Palli er báðir vanir að ferðast um fjöll og firnindi og ákveða einn daginn að fara bara smá rúnt, bara svona rétt að skreppa inn á Kaldadal. Þeir ákveða að vera ekkert að kaup sér tryggingu þó að það sé búið að setja það í lög að slíka tryggingu þurfir þú að hafa til að fara inn á hálendi landsins, hún er svo dýr og þeir ætla bara rétt að skreppa. Nú það er skemmst frá því að segja að þeir lenda í vitlausu veðri sem hafði svo sem verið spáð en var ekki útlit fyrir að það mundi versna fyrr en með kvöldinu. Í snarvitlausu veðrinu verða þeir fyrir því að velta öðrum bílnum og Palli slasast við það nokkuð. Nú voru góð ráð dýr, ekki þýddi að hafa samband við björgunarsveitirnar og láta þær koma sér til aðstoðar því þeir voru tryggingalausir og kostnaðurinn yrði sjálfsag þvílíkur að þeir stæðu ekki undir því. Þeir ákveða því að hafa samband við Stebba vin þeirra beggja og fá hann og Gunna félaga hans til að koma sér til aðstoðar. Þeir leggja af stað í kolvitlausu veðrinu með nýja GPS tækið hans Stebba (sem hann er ekki alveg klár á) en þetta hlýtur að reddast.[/color:2wmzoeme][/i:2wmzoeme] Nokkrum dögum seinna kemur þessi frétt í Morgunblaðinu. Fjórir ungir menn urðu úti í vikunni sem leið á Kaldadal en leit hófst að þeim er ekki hafði spurst til þeirra í sólahring og fór þá ríkislögreglustjóri fram á að leit yrði hafinn að mönnunum á kostnað ríkisins að beiðni aðstandenda. Hvað ætli bloggheimar segðu um þessa frétt ef sönn væri, ég bara spyr. Þetta er nú kannski svolítið ýkt hjá mér en einhvern veginn svona gæti og mundi gerast ef björgunaraðgerðir færu að snúast um peninga og það ætti aldrei að setja fólk í neyð í svona aðstöðu, ætli það sé ekki alveg nóg að heyra í fjölmiðlum og á bloggsíðum hverslags asnar fólk sé og þar frameftir götunum ef það lendir í því að leita eftir aðstoð. Veit að nú þegar er fólk farið að hugsa svona er það þarf að leita eftir aðstoð og er það mjög slæmt því slys verða jafnvel þó fólk geri allt rétt og sé vel undirbúið.
Kv. BIO
Alveg er það makalaust hvernig við Íslendingar (sumir hverjir) erum að verða, á ekki bara að banna allt sem við gerum, það getur verið alveg stórhættulegt að vakna og fara framúr á morgnana, maður gæti dottið um inniskóna og hálsbrotnað. Ætti þá ekki að banna inniskó eða kaupa sérstaka tryggingu gegn svoleiðis hættu. Þessi umræða er svo vitlaus að hún er varla svara verð en samt verður maður að svara svona vitleysu, þó ekki sé nema til að reyna að sýna fram á hversu vitlaus hún er. Þann dag sem við þurfum að fara að láta fólk borga fyrir björgun, þann dag mun ég sennilega hætta sem björgunarsveitarmaður, ég mundi skammast mín fyrir að þurfa að taka peninga af fólki í neyð. Það er búið að borga fyrir þetta hvort eð er með styrkjum og flugeldasölu, það er trygging okkar allra sem hugsanlega gætum þurft á aðstoð að halda. Ég held líka að starf björgunarsveitarmanna yrði ekki það sama ef við værum að taka fé fyrir það sem við gerum öðrum til hjálpar, þetta snýst um einhverja þörf okkar allra til að láta eitthvað gott af okkur leiða og sú tilfinning sem þeir þekkja sem aðstoðað hafa einhvern í neyð eða háska, henni er ekki hægt að lýsa en það er tilfinning sem peningar fá ekki keypt.
Ég held að án þess að vera að dæma hvorki einn eða neinn þá hafi verið farið að gæta ákveðins kæruleysis í samskiptum okkar við jökulinn og menn allmennt ekki leitt hugann að því í hversu mikilli hættu men eru þegar ekið er um jökul. Það er miður að það skuli þurfa slys til þessa að kippa mönnum niður á jörðina í þessum málum en því miður er það nú oft svo að eitthvað slíkt þarf til að vekja menn til umhugsunar um eigið öryggi og annarra. Heiðrum minningu þeirrar ágætu konu sem lést í slysinu á Langjökli með því að taka öryggismál þeirra sem um jökla fara föstum tökum. Lýst mér vel á þær hugmyndir sem hafa komið hér fram og tek undir þær.
Fann á þvælingi mínum á netinu heimasíðu framleiðanda af þessum stóru blöðrudekkjum sem maður sér oft á myndum af Rússneskum torfærutækjum. Þeir framleiða fullt af allskonar dekkjum upp í alveg risastór Terrudekk. Kannski við ættum að fara að líta þangað eftir dekkjum undir jeppana okkar og gaman væri að vita hvað þau kæmu til með að kosta hingað kominn.
Hér er slóð á Google þýðingu á síðunni http://translate.google.com/translate?hl=en&u=http://vezdehody.ru/wheels/1310.php&prev=/search%3Fq%3D%25D0%2590%25D1%2580%25D0%25BA%25D1%2582%25D0%25B8%25D0%25BA-%25D0%25A2%25D1%2580%25D0%25B0%25D0%25BD%25D1%2581%26hl%3Den%26lr%3Dlang_ru%26sa%3DG%26as_qdr%3Dall
Þessar þýðingar eru oft ansi kostulegar og þarf oft að geta í eyðurnar.
Held að helgi sé með ágætis hugmynd þarna, að bjóða mönnum upp á að skipta greiðslum í tvennt eða jafnvel þrennt ef þurfa þykir. Ég veit að vísu ekki hvort það hefði í för með sér einhvern aukinn kostnað fyrir klúbbinn, það verða aðrir að svara því. Ég á samt bágt með að trúa því að þessar 6000 krónur geri útslagið á því hvort menn eru í klúbbnum eða ekki því þetta eru einhver ódýrustu félagsgjöld sem maður þekkir til. Bara smá dæmi, hér í mínu heimahéraði var nýlega stofnaður vélhjólaklúbbur og þar eru félgasgjöldin að mig minnir 10.000 á ári og menn bara þokkalega sáttir við það enda verið að byggja upp aðstöðu og svoleiðis fyrir klúbbinn.
Takk fyrir, þá veit ég það og auðvitað er það tóm vitleysa að vera ekki með þetta allt á hreinu, gæti eins og þið bendið á komið í bakið á manni ef einhvern tíman kæmi eitthvað uppá. Það er nú ekki það að ég sé eitthvað hræddur við að láta skoða þetta, búinn að gera þetta eins vel og mér er unnt og sumum finnst ég nostra alltof mikið við þetta en mér líður betur með að vita að þetta sé sæmilega gert og þoli að vera skoðað.
Mig langar að bera fram smá spurningu ef einhver getur svarað mér. Ef búið er að breytingarskoða bíl og svo skiptir maður um hásingar undir honum og breytir fjöðrunarkerfi úr t.d. blaðfjöðrun í gorma en engu öðru breytt svo sem dekkjastærð, á þá nokkuð að þurfa að breytingarskoða aftur eða eru bara þessar breytingar teknar út, spyr sá sem ekki veit. Gott ef einhver gæti sagt manni þetta því ég hef fengið misvísandi upplýsingar á skoðunarstöðvum þar sem ég hef spurt.
Kv. Björn Ingi
Held ég verði að vera sammála Víði um það að þetta er ekki góð auglýsing fyrir klúbbinn og ég verð að segja að mér finnst oft alveg ótrúlegt hvernig men skrifa hér, maður veltir því fyrir sér hvað búi að baki þessum skrifum. En það er kannski ekki að marka við hér útálandiliðið þekkjum kannski ekki hvernig raunverulegt félagsstarf fer fram. Kannski er þessi óeining sem virðist ráða hér ríkjum stór þáttur í því að menn eru ekki að nenna að vera í þessum félagsskap og nota þennan vesæla 6000 kall sem afsökun, þeir sem t.d. reykja fá ekki nema rúma 6 pakka fyrir þetta og borga það glaðir. Til að það misskiljist ekki þá er ég ekki að setja út á þá sem reykja heldur að reyna að setja þetta í smá samhengi. Félagsgjöld F4x4 eru ekki há og ættu ekki að koma í veg fyrir að sem flestir geti verið félagar en til þess þá þarf þessi annars ágæti félagsskapur að taka sig saman í andlitinu og útrýma neikvæðni og leiðindum. Ég ætla að vera félagi áfram í þeirri von að batnandi mönnum sé best að lifa.
Kveðja BIO
Ég held að þetta sé rétt með gangráðinn því ef maður hugsar þetta í samhengi þá gerist þetta yfirleitt við hraðabreytingu (slegið af) eða stundum í mínu tilviki þegar tekið er af stað (gefið inn) og þetta með að drepa á sér í beygju þá er það vegna þess að það hefur áhrif á gangráðin, sérstaklega ef beygt er skart.
Ég hef þetta eftir manni sem hefur unnið við viðgerðir á þessum bílum og þegar ég nefndi þetta við hann þá sagði hann strax að þetta væri nær örugglega ástæðann. Hann sagði líka að olíuverkin í þessum bílum væru mjög viðkæm fyrir raka í olíunni og menn hefðu skemmt þau með því að passa ekki nógu vel upp á svoleiðis hluti, skipta reglulega um síur og nota rakaeyði (ísvara)
Já bíllinn hjá mér er sjálfskiptur, eitthvað hef ég heyrt um að það sé möguleiki á að bæta aðeins við
téðan gangráð en það sé frekar trikkí og auðvelt að gera of mikið að og þá fer allt í vitleysu og hverfur í reykjarmekki. Annað ráð er vist bara að fá skiptiverk en það er nú ábyggilega ekki gefið í dag.
Sjálfsagt væri best að tala við einhvern sem hefur vit á þessu og þá helst einhvern sem maður þekkir og er
ekki með neitt kjaftæði til að reyna að selja manni bara nýtt eins og maður hefur stundum á tilfinningunni.
Hjá mér þá gerist það stundum að hann bara deyr (drepur á sér) þegar hann er settur í R eða D sérstaklega kaldur. Mér var sagt að þetta væri gangráðurinn í olíuverkinu, það væri einhver gormur sem slappaðist með tímanum og þá gæti hann farið að láta svona, kannski er þetta eitthvað tengt því líka því ég verð líka var við að vélin sé að rokka upp og niður sérstaklega á mjög lágum snúningi.
BIO
Búinn að fara og kíkja á nýja spjallið og skráði mig. Vonandi verður þetta vettvangur fyrir alla jeppamenn
eins og segir í kynningu á hinum nýja spjallvef
Mikið er ég sammála Skúla hér, jeppar eru þarfaþing og ekki hvað síst í hinum dreifðu byggðum landsins þar sem þeir eru oft einu faratækin sem hægt er að nota. Ekki megum við heldur gleyma að björgunarsveitirnar okkar væru ekki svipur hjá sjón ef ekki væri fyrir jeppa og þeirra mikla notagildi við björgunarstörf. Ferðamennska um hálendi Ísland væri heldur ekki merkileg ef þeirra nyti ekki við og svo mætti lengi telja. Hitt er svo líka rétt að það er allt of mikið af svokölluðum „malbiksjeppum“ sem aldrei fara útaf malbikinu og eins og Skúli segir réttilega bara notaðir sem innkaupakerrur og snatttíkur og það er held ég rétt að það eru einmitt téðir „malbiksjeppar“ sem hafa ýtt undir neikvæðni í garð raunverulegra jeppamanna. Jeppar urðu á einhverjum tímapunkti að tískuvöru og það „þurftu“ allir að eiga jeppa hvort sem þeir höfðu not fyrir þá eða ekki.
Ég vil votta aðstandendum dýpstu samúð mína og óska drengnum góðs bata.
Kv. Björn Ingi
Þessu svolítið tengt, þá sá ég þetta á blogginu núna í kvöld. [url:2kqz9mfi]http://birgir-mar-gudmundsson.blog.is/blog/birgir-mar-gudmundsson/entry/1012597/[/url:2kqz9mfi]
Það er ekki bara UST sem hugsar svona því hún er víða forræðishyggjan.
Upplýsingar um sprungur og slíkt eru að sjálfsögðu af hinu góða en það sem ég set spurningamerki við er hvaða leið þær eiga að koma, allavega ekki úr björgunaraðgerð sem er enn í gangi, eftir á gegnir öðru máli. Að lokum vona ég heilshugar að þeim sem í þessu lentu farnist vel og nái sem fyrst aftur heilsu og hljóti ekki varanlega skaða af. Ég veit að sá sem setti þessi hnit á síðuna gekk gott eitt til en stundum gleymir maður sér í hita leiksins.
Kv. BIO
Eins og ég sagði áðan þá á sá sem aðgang hefur að upplýsingum um aðgerðir björgunarsveita sem í gangi eru ekki að birta hvorki eitt né neitt sem hann eða hún heyrir eða sér algjörlega burtséð frá því hvort upplýsingarnar gagnast hugsanlega öðrum, það er einfaldlega ekki þeirra að meta það. Í svona tilfellum er nánast örugglega fjölmiðlabann á þeim sem að aðgerðum koma og aðeins skipaður fjölmiðlafulltrúi sem leyfi hefur til að birta þær. Ég ætla ekki að verja þetta neitt meira þess er einfaldlega ekki þörf.
Þetta snýst nú kannski ekki aðallega um það, heldur að þeir sem hafa aðgang að þessum upplýsingum og eru þá væntanlega í björgunarsveitarstarfi eiga að gæta trúnaðar, trúnaður er eitt af því sem okkur er uppálagt að virða. Þess utan þá er betra að bíða með að gefa svona upplýsingar því það er ekki alveg að marka að taka upp hnit eftir sitewatch sérstaklega ef um handstöð er að ræða og því kannski betra að bíða og fá réttar upplýsingar. Ég vill taka það fram að ég er í svæðisstjórn á mínu svæði og þekki þetta því nokkuð vel. Vill ég bara óska þess að fólkið sem í þessu lenti bjargist heilt á húfi.
Kv. Björn Ingi
