Forum Replies Created
-
Replies
-
Ég mæti. Við hvern tala ég til að fá fána?
Kv
Hvati
Ég hef alltaf litið á Arnarfell hið mikla sem miðju landsins, en eflaust var það nú ekki reiknað svona nákvæmlega út eins og gert er hér að ofan.
Hvati
Sæll Elías
Ég lenti í vandræðum með tryggingafélagið mitt varðandi mál sem konan lenti í. Eftir mikið rifrildi og vesen fór ég inn á althingi.is og fletti upp í bæði umferðarlögum og vátryggingalögum, prentaði allt út sem mér hentaði og undirstrikaði. Fór svo niðureftir með þetta upp á vasann og þá heyrðist ekki múkk í þeim, borguðu allt þegjandi og hljóðalaust.
Þeir treysta bara á það að fólk nenni ekki að gera neitt í málunum, þannig að það er um að gera að láta þessa samráðspappakassa heyra það. Maður verður að passa upp á sitt sjálfur, því þeir gera það alveg örugglega ekki fyrir þig, né nokkur annar.
Kveðja
Hvati
Sæll
Ég á Garmin iQue 3200 handa þér. Ónotuð og ennþá í kassanum. Tækinu fylgir tölvutengi, bílafesting, bílhleðslutæki m. hátalara, kort af N. Ameríku, 512mb minniskort, hleðslutæki f. 220v og ýmislegt fleira. Selst á undir USA verði.
Hvati
8958907
Vélsmiðja Magnúsar Proppe krómar líka en svo er einnig hægt að rafhúða málma. Veit ssvosem ekki rétta heitið á þessu en það kemur mjög falleg króm áferð án þess að króm sé notað. Við þessa "rafhúðun" er notuð sýra og rafmagn. Þetta er ný til komið hér á landi og er gert í fyrirtæki sem heitir Micro og er í Kópavogi.
Þess má geta að það voru dísel bílar í þrem efstu sætunum í 35" flokknum og þar af 2 LandCruiserar. Frændi hans Gunna frænda (ég) lenti í 2. sæti eftir að hafa haft forystu mest alla keppnina. Tapaði mörgum stigum í tímabrautinni. Þetta var virkilega skemmtilegt að taka þátt og ég bíð bara eftir að þetta verði gert aftur.
Hvati
Takk fyrir þetta strákar
Hvar eru þessir Skælingar á landinu? Á milli hvaða staða eru þeir og hversu löng leið er þetta?
kv
Hvati
Hvernig er Snæfelljökull svona á sumrin? Er hann fær upp á topp, og er leyfilegt að aka á honum? Einnig væri ágætt að vita hvar á að komast á hann, ef einhver á einhverja punkta væri það mjög vel þegið.
kv
Hvati
Var að koma úr ferð um helgina þar sem annað afturdekkið á 2001 árg. af Patrol sprakk á malbikinu í Mosó (Trexus 38") og þar sem ég átti aukadekk á Toyota felgu í skúrnum sótti ég það og settum undir án nokkurra vandræða. Virtist smellpassa undir. Veit svosem ekki hvort það hefði passað að framan, en að aftan var ekkert mál.
Mér sýndist þetta nú vera tekið í hlíðum Úlfarsfells, hérna á milli Rvk og Mosó. Framtíðar byggingaland Reykvíkinga, þannig að skaðinn er varla mikill til lengri tíma litið. Held þeir ætli að fara úthluta/selja lóðir þarna í lok þessa árs.
kv.
Hvati
Mér finnst oft gleymast í þessari umræðu að díselvélar eru töluvert dýrari í viðhaldi og viðgerðum en bensínvélar. Þessi þáttur er hvergi reiknaður inn í þegar talað er um hagræðið við að eiga díselbíl. Í þokkabót er búið að taka alla þá hagræðingu sem hlíst af því að eiga dísel með dýrari olíu, hærra verði á bílunum og meiri kostnaði við viðhald. Þótt að dísillinn eyði minna er sú hagkvæmni löngu fokin út í veður og vind og rúmlega það. Það er nokkuð ljóst að það er enginn áhugi hjá ríkinu að hafa díselbílana ákjósanlegan kost hvað sem þessir pappakassar segja. Reyna eins og þeir geta að telja manni trú um hið gagnstæða sem hver maður sér að er bara bull. Mér er misboðið.
Sæll
Farðu á http://www.bmwkraftur.is/innflutningur Þar er besta reiknitaflan, margir gjaldmiðlar o.fl. Það munar ca. 240 þús. á 10 þús dollara bíl ef þú reiknar þarna og svo á shopusa því þeir síðarnefndu reikna sér þóknun fyrir innflutninginn sem leggst við verðið.
kv
Hvati
Sæll Elvar
Það sem mér finnst mæla gegn læstum skálum og þá t.d. talnalásum er
1. Það eru ekki allir með síma í bílunum sínum til að hringja og fá uppgefna talnaröðina.
2. Allir sem koma á eftir fyrsta manni þurfa ekki að fá þennan aðgangskóða sem gerir fyrsta mann að skálaverði. Það er hlutur sem margir eru ekki tilbúnir til, að vera ábyrgðarmaður skálans.
3. Sá sem fær talnarununa segist vera í 5 manna hóp þegar raunin er kannski 20 manns.
4. Það þarf að endurforrita talnalásinn helst um hverja helgi til að tryggja það að menn geti ekki notað sömu talnarununa helgi eftir helgi.
5. Bilanatíðni. Hvað ef lásinn þolir ekki veðrið eða bilar bara af einhverjum öðrum ástæðum.
6. Það að menn bruni svo beint í bæinn til að borga skálagjöldin er bara ekki raunhæf hugsun (í mörgum tilfellum, ekki þó öllum) Þetta þíðir örugglega annan mann í vinnu hjá klúbbnum til að sjá um innheimtu og þ.h. Það gæti þurft að rekja símtöl, senda í löginnheimtu o.s.frv.
tilvitnun í elvarna
"Ég gat þó lesið á milli línanna að nokkuð sterk rök til lokunar voru að "þá þarf ekki að greiða skálagjöld ef enginn veit að ég er að nota aðstöðuna". Þetta er skoðun sem einhverjir aðhyllast og augljóslega er ekki hljómgrunnur fyrir meðal félagsmanna"Það voru 7000 kr. í kassanum um síðustu helgi, þar af komu 6000 kr. þá sömu helgi. Kassinn var síðast tæmdur í ágúst og það þíðir ekkert að segja mér það að þarna hafi einungis verið utanfélagsmenn á ferð frá ágúst til desember, frekar öfugt ef eitthvað er. Þannig að mér sýnist bæði félags- og utanfélagsmenn aðhyllast þessari skoðun, margir hverjir allavega.
Að sjálfsögðu eru líka margar ástæður sem mæla með læsingu skálanna. Ég held allavega að það þurfi meiri umræðu um þessi mál hérna og að menn velti upp öllum mögulegum leiðum og aðferðum við þessi mál. Þetta sem ég taldi upp hér að ofan er ekki eitthvert neikvæðnisröfl heldur það sem ég tel að eigi eftir að verða til vandræða verði þessi leið farin.
kv
Hvati
Væri ekki bara hægt að fá álögð gjöld á alla jeppa sem eru skoðaðir fyrir t.d. 38"+ Þetta væri hægt að innheimta þegar bílarnir eru skoðaðir. Þessi peningur færi svo í rekstur skála víðsvegar um landið. Það er nokkuð öruggt að sá sem ekur um á 38"+ jeppa er að fara á fjöll og nýtir sér væntanlega skálana. Einnig væri hægt að leggja einhvern toll á dekkin sem rynni til skálaviðhalds. Með þessu móti væru allir jeppamenn að greiða fyrir reksturinn óháð því hvort þeir eru í félaginu eða ekki.
Persónulega lýst mér ekki á að læsa skálunum. Það er svo ótalmargt sem mælir gegn því að ég held að það verði að finna einhverjar aðrar leiðir. Þetta er svosem bara eitthvað sem mér datt í hug rétt áðan en er þetta svo fjarstæðukennt?
kv
Hvati
Mig minnir að 35" dekkin séu ekki ætluð fyrir stærri felgur en 10", sem er alveg nóg. Ef eitthvað kemur upp á getur þú verið í verri málum gagnvart ábyrgð á dekkjunum og tryggingum ef þú ferð í breiðara en gefið er upp á dekkjunum. Talaðu bara við þá í Bílabúð Benna og spurðu þá út í þetta.
kv
Hvati
Svona götubílatorfæra var haldin fyrir ca 3 árum upp í Jósefsdal og tókst vel í flesta staði held ég. Það voru tveir flokkar, 35" og uppúr og svo undir 35". Keppnisgjald var 5000 kr og stóð Jeppaklúbbur Reykjavíkur að þessu. Mig minnir að það hafi verið hátt í 40 keppendur. Það voru nokkrar brautir og gefin stig samkvæmt þágildandi reglum úr torfærunni og svo var tímabraut í restina. Engin slys eða skemmdir urðu fyrir utan að mig minnir 2 beyglaða stuðara.
Þetta var alveg meiriháttar gaman og vonandi verður þetta gert aftur sem fyrst, og að sjálfsögðu voru það þrjár japanskar díselhækjur sem röðuðu sér í toppsætin með yfirburðum. Rocky í 1. sæti, LC90 í 2. og LC70 gamall stuttur í 3.
Hvati
Hvað er svona vél aflmikil, og er hún með tölvustýrðu olíuverki eður ei? Er hún ekki örugglega 4 cyl?
Hvati
Kíktu á http://www.bmwkraftur.is/innflutningur þar eru ýmsar upplýsingar að finna um innflutning á bílum og einhversstaðar á síðunni eru auglýsingar frá mönnum sem taka að sér að skoða bíla fyrir þig og koma þeim í skip. Minnir að þeir séu að taka ca 80 – 100 þús. fyrir það.
Hvati
Þarna held ég að Rúnar hafi hitt naglann á höfuðið. Þetta vill nefnilega oft vera staðreyndin.
Hvati
