Forum Replies Created
-
Replies
-
Sælir félagar
Vitið þið hvort einhvers staðar leynist rússajeppi (Gaz 69) sem hugsanlega væri falur eða hægt að hirða. Bráðvantar svona bíl en þeir eru ekki á hverju strái núorðið. Vil helst bíl með heillegt boddí og grind en ástand vélar og krams skiptir minna máli. Ef þið vitið um svona bíl þá endilega látið mig vita. kv.
Hjalti
Ég var að spá í að fjárfesta í 4Runner dísel árg.´95. Hvernig hafa þessir bílar reynst?. Eru þeir með læstu afturdrifi? Er sama 3.0 l. vélin í þeim og LC 90? Allar upplýsingar vel þegnar um þessa bíla.
Sælir félagar
Var ekki einhver búinn að breyta Suzuki Jimny fyrir amk. 33″? Mig minnir að ég hafi einhvers staðar séð myndir af þannig bíl. Er að spá í hvað svoleiðis breyting sé mikið mál og hvort hægt sé að fá hlutföll og læsingar í þessa bíla. Allar upplýsingar vel þegnar
hp7
Sælir félagar
Ég var að spá í hvort eitthvert vit væri í að fá sér Range Rover ´97-´98 til að breyta fyrir 35″ dekk (ekki fyrir jöklaferðir). Sá auglýstan svona bíl með 2,5 dísel og leist vel á. Er mikið mál að breyta þessum bílum og er þá kannski gáfulegra að kaupa sér bara eldri Range Rover ef maður hyggur á breytingar? Líka spurning hvernig þessi vél hefur komið út. Allar upplýsingar um þessa bíla vel þegnar
hp7
Vitið þið hvernig Mazda/Ford Ranger pallbílarnir hafa reynst? Hafa menn verið að breyta þessum bílum eitthvað og hvernig hefur það komið út? Er að spá í að fá mér pallbíl og breyta fyrir amk. 35 tommur, leist ágætlega á þessa – haldið þið að aðrar tegundir séu betri kostur?
Kv. hp7
Nokkuð til í þessu hev…
Ég hef ímyndað mér dísel jeppa, helst amk 3ja dyra og 4ra manna, þarf ekki pall en hann má vera, helst ekki mjög stóran svo hann sé ekki klunnalegur innanbæjar, kraftur þarf helst að vera eitthvað meiri en óbreyttur 2,4 toy.dc (hef reynslu af þeim…)gott að fá tog nálægt 300 nm svona til að segja eitthvað, þarf líka helst að vera mýkri en toyota á flatjárnum. Vil helst ekki mjög gamlan eða mikið keyrðan, get sett 1,5-2,5 millur í dæmið
Hafði hugsað mér að í defender fengi ég sæmilega sterkan bíl, ekki of þungan, með góða fjöðrun.
Kannski þetta hjálpi til
Takk fyrir þær ábendingar sem þegar eru komnar
HP
Takk fyrir þessa ábendingu PalliP, mig langar nefnilega að fá ráðleggingar byggðar á reynslu en ekki bara meting…
Þannig að ef einhver þarna úti hefur skoðun á þessu eða getur miðlað af reynslu sinni þá væri það afskaplega vel þegiðHP
Ég ætla að fara að byrja í jeppamennskunni og mér datt í hug að fá ráð hjá reyndum mönnum um hvaða bíll hentaði mér best. Ég kem til með að nota hann talsvert mikið í alls kyns vinnu og slark, bæði innan bæjar og utan auk jeppamennskunnar og vil því helst bara dísil. Hann þarf ekki að vera mjög stór, betra að hann sé frekar léttur, en samt sterkur þannig að hægt sé að nota hann almennilega. Mér var búið að detta í hug að fá mér defender 90 og hafa hann á 35/36 tommu. Hvað ráðleggið þið mér? Ætti Defender 90 ekki að vera sæmilega duglegur á 36, eða eru aðrir kostir betri?
HP
Kærar þakkir fyrir greinargóð svör, þetta er kærkomið í gagnabankann hjá mér. Vonandi hef ég mig svo í að fjárfesta í trukk innan tíðar
Kveðja, HP
Er enginn þarna úti sem veit neitt um Land Rover? Eða vill enginn leggjast svo lágt að tala við nýliðann (smá grín).
En í alvöru talað þá þætti mér vænt um að fá einhver viðbrögð við spurningunum sem ég setti fram hér áður. Vonandi nennir einhver að miðla af reynslu sinni og þekkingu á þessum bílum.HP
Ég er nýr hérna á vefnum og á ekki jeppa eins og er, en langar að fá mér einn slíkan. Ég ætla fyrst og fremst að nota hann í sveitinni og við hestamennskuna, en þarf líka að komast eitthvað í snjó þar sem iðulega verður „ófært“ heim til mín. Og ef maður er kominn út í það, þá er freistandi að geta notað hann líka til að fara á fjöll. Ég var að spá í stuttan Land Rover Defender, breyttan á 35″/36″ (mér skilst að eini munurinn á þessum breytingum séu misbreiðir brettakantar), helst með loftlæsingum. Mín spurning til ykkar jeppagúrúanna er hvort þetta(36″ með læsingum) myndi ekki verða frambærilegt farartæki á fjöllum og líka hvort er betra að vera með gömlu 4 cyl. eða nýju 5 cyl vélina? Einnig væri gaman að vita hvernig þessir bílar hafa reynst, helstu kosti þeirra og galla o.s.frv.
Nýliðakveðja
HP
