Forum Replies Created
-
Replies
-
Sko Óskar – að sjálfsögðu þarf framsóknarflokkurinn svona stórt hús – þá geta allir sem kjósa hann mætt líka – og tekið gesti……
Benni
Þetta var fínn fundur, þó svo að mér hafi þótt svörin hjá Kjartani um Kjalveg heldur rýr og lítið á þeim að græða annað en sú vitneskja að þeir eru ekkert búnir að hugsa um þennan veg af neinu viti.
Erindið um Jökla var hins vegar mjög fróðlegt og það þarf endilega að fá framhald á því um sprungurnar.
Benni
Ég er nú sammála með þessi blessuðu hringtorg öll að þau eru mörg hver mjög klúðursleg.
Hins vegar þá verð ég að viðurkenna að þau eru oftast gáfulegri en ljós og eru í raun bara millistig á milli mislægra gatnamóta og hefðbundinna ljósastýrðra gatnamóta. Þó ég bölvi oft öllum hringtorgunum á leiðinni upp í Mosó þá hefði ég nú ekki viljað skipta á þeim og ljósum.
En það er líka alveg rétt að það er lenska hér á skerinu að byggja eins lítið og ódýrt og menn komast upp með – Það er erfitt fyrir blessaða pólitíkusana að svara fyrir það að hafa eytt öllum skattpeningunum í flott umferðarmannvirki sem eru mikklu stærri en umferð samtímans kallar á – þó svo að kollegar mínir sem eru í að hanna þessi mannvirki bendi oftar en ekki á þörfina á stærri mannvirkjum.
En hver ber svo ábyrgðina á klúðrinu – ja oftast er henni skellt á vegagerðina eða bæjarstarfsmenn, þegar að sökin liggur oftast hjá pólitíkusunum sem skera fjármagnið það mikið við nögl að ekki er hægt að gera betur…..
En enn og aftur varðandi gatnamótin við nýju hringbrautina (Snorrabraut/miklabraut) þá er ég sammála því að þau séu klúður – eins og ég sagði í fyrri pósti. Það eru einu mislægu gatnamótin í Reykjavík sem ég hef villst á.
Benni – Sem finnst bara fínt að aka um Reykjavík
Hvaða nöldur er nú þetta – Fórstu öfugt framúr Ofsi…..
Menn meiga ekki gleyma að hugsa aðeins út í það hversu mikið pláss þessi mannvirki þurfa. Það er ekkert grín að ætla sér að koma fyrir fullkomnum mislægum gatnamótum inni í gróinni byggð. Og í lang flestum tilvikum hefur þetta tekist nokkuð bærilega. Það er auðvelt að benda á gatnamótin Miklabraut/Breiðholtsbraut og segja að svona eigi þetta að vera – mikið rétt – en svona gatnamót komast hvergi annarstaðar fyrir með góðu móti.
Gatnamótin við Miklubraut / Snorrabraut eru að vísu hálfgert klúður – en öll önnur sem ég hef ekið hef ég ekkert fundið að.
Og útlitshönnunin á þessum mannvirkjum finnst mér undantekningarlítið vera til sóma – enda oftast hannað af einni bestu arkitektastofu landsins, Studio Granda.
Það er ansi víða pottur brotin í gatna og vegagerð á landinu – en mislægu gatnamótin í Reykjavík finnst mér nú vera mjög aftarlega á listanum yfir misheppnuð umferðarmannvirki – allavega flest þeirra.
Benni
Þú veist nú hvað við Trúðar erum miklir rólyndismenn.
Nú og svo eru Rotturnar allar orðnar svo gamlar að það er ekkert líf í þeim lengur.
Nú af utangarðsmönnum hef ég engar áhyggjur – þeir komast hvort sem er aldrei á leiðarenda – það bilar eitthvað eða þeir fá skítuga drykki…. Þannig að þeir kæmust aldrei á staðinn þar sem þessir hópar kæmu saman….
………….
Benni
Ég sé nú ekki neina ástæðu til að vera að agnúast hér út í þá sem kjósa að aka á bílum sem eru lengri en 6 metrar.
Ég held líka að það sé ekki rétt fyrir klúbbinn að beita sér sérstaklega til að fá afslátt fyrir ákveðin hóp – eins og Pétur sagði þá þarf einhverstaðar að draga mörkin og stundum lendir maður bara "röngu" megin við línuna.
Hitt er svo allt annað mál að klúbburinn gæti og ætti að athuga með að fá afslátt fyrir ALLA félagsmenn á veggjaldinu þarna um. T.d. mætti reyna að fá sama verð á stakri ferð og er ef þú kaupir 10 miða, gegn framvísun 4×4 skírteini.
Benni
Þetta var og er frábært framtak hjá Lellu og Þorgeiri – og allur undirbúnigur til sóma.
En ég held að tímasetningin á námskeiðinu hljóti að vera það sem skýri þátttökuleysið.
Það er erfitt að halda svona nokkuð í samkeppni við góða veðurspá á fjöllum, Tónleika í Laugardalshöll, Idol o.s.frv.
Ég var búinn að skrá mig á námskeiðið áður en ég vissi tímasetninguna – en varð að hætta við þegar hún lá fyrir þar sem að föstudagskvöldinu hafði verið ráðstafað í annað fyrir mörgum mánuðum.
En ég vona að öll undirbúningsvinnan verði ekki látin fara í súginn og það verði gerð önnur tilraun. Ef svo verður þá legg ég til að reynt verði að fá leiðbeinedurna til að halda þetta á kvöldin á virkum dögum ef þess er kostur – ég hef margoft rekið mig á það að fólk er alltaf búið að skipuleggja helgarnar langt fram í tímann…
En Lella og Þorgeir – takk fyrir frábært framtak.
Benni
Þórir minn – Það bjargar engu að fara í ökuskóla, þetta verður alltaf svona…..
Benni
Flott grein hjá þér Skúli.
Og ekki verra að fá hana birta í dag þegar Mogganum er dreift ókeyps inn á öll heimili í landinu.
Benni
Það er vissulega rétt að skrif sem þessi verður að taka alvarlega – ekki það að ég hafi svo miklar áhyggjur af því að margir lesi leiðara moggans – heldur hitt að þetta er viðhorf sem maður hefur allt of oft orðið var við hjá "andstæðingum" jeppamanna – Það eru nefnilega fjölmargir sem vildu gjarnan setja okkur mun meiri skorður en við búum við í dag og jafnvel setja okkur inn á afmörkuð svæði.
Það eru til tillögur sem meðal annars miða að því að svæðisskipta hálendinu og takmarka umferð jeppa og annara vélknúina ökutækja um viss svæði – eða banna þau alveg…..
Hitt er svo líka annað mál að það er rétt að í árferði sem því sem núna er geta víða verið auðir blettir sem eru viðkvæmir þegar hiti hefur verið yfir frostmarki í stuttan tíma. Það er því mjög mikilvægt að menn gæti sín og freistist ekki til að keyra yfir slíka bletti þegar þeir koma að þeim – maður hefur rekist á leiðinda för eftir slíkt – bæði eftir jeppa og ekki síður eftir vélsleða.
Það er því aldrei of varlega farið í þessum efnum…
Benni
Ég renndi mér yfir Eyjafjalla og Mýrdalsjökul í dag og fór Öldufellsleið niður á þjóðveg.
Rennifæri á báðum jöklum, nema kannski rétt um miðbik Mýrdalsjökuls þar sem þyngdist lítillega.
Sprungur á Eyjafjallajökli vel sýnilegar – bæði neðst Hamragarðamegin og eins uppi við Goðastein og Hámund – En auðvelt að varast þær og komast yfir jökulinn.
Norðan Mýrdalsjökuls er svo fínasti púðursnjór til að sprauta í og snjór alveg niður á þjóðveg um Mýrdalssand.
Benni
Ég var að heyra í Stebba Trúð – Kóara hjá Klakanum.
Ferðin gekk vel og fóru þeir hálfa leið inn að Þursaborg í mikilli blíðu – þeir voru að snúa við þar sem minnstu bílarnir voru ekki að hafa sig áfram þar sem færið var farið að þyngjast.
Eitthvað hefur verið um lítilsháttar gangtruflanir vegna kulda – en ekkert alvarlegt og allir voru á ferð.
Stefnan var tekin á Slunkaríki og Skjaldbreið.
Benni
Er ekki lang fljótlegast fyrir þig sð finna þetta á netinu og láta senda með hraðpósti – þú ættir að geta fengið púða á 2 – 3 dögum þannig, nokkurn vegin hvaðan sem er.
Ég pantaði dót frá Ástralíu í síðustu viku og það kemur hingað í byrjun næstu – þó bara sent með venjulegum pósti.
Benni
Frá Meyjarsæti og að neyðarskýli er allavega fólksbílafært (um síðustu helgi)
En um framhaldið, sjálfan Kaldadal, veit ég ekki annað en það að vegurinn er illa farinn eftir drulluakstur og því örugglega hundleiðinlegur
Benni
Ég hef það eftir mjög áræðanlegum innanbúðarupplýsingum að Halldór hafi ekki brosað …..
En þetta er allt í lagi – Alþingi mun aldrei blessa svona bráðabirgðalög því þar eru eintómir Trúðar fyrir utan tvo eða þrjá Gemlinga
Benni
Það er vissulega rétt Skúli að öll þekking á þessum málum sem og öðrum er af hinu góða – og ég myndi áræðanlega mæta á námskeið ef klúbburinn stæði fyrir slíku.
Hitt er svo allt annað mál og var punkturinn í mínum skrifum að menn sem hafa tekið eitt eða tvö námskeið og/eða eiga "réttu" græjurnar eru því miður allt of oft gjarnir á það að ofmetnast og fara út í verkefni sem eru umfram þeirra getu. Og skapa með því oftar en hitt meiri hættu og vanda heldur en var fyrir. Það er nefnilega þetta með skynsemina sem vantar allt of oft – Hún kemur þér oftast langa leið, og jafnvel á leiðarenda, ef hún er með í för.
Ég er að mínu mati (og annarra) mjög vel útbúin á mínum bíl – ég hef þar meðal annars um 70 m af teygjuspottum, 50 m spilvír og nokkra tugi metra af stroffum o.fl. Ég er líka með snjóakkeri, tvo álkarla, skóflur, gleðigand – sem er 3 m langur stálprófíll, tvö GPS, Tölvu, NMT, VHF, Iridium og mjög margt fleira – og kann á allt draslið. Ég tek því undir það að með þessum útbúnaði ásamt heilbrigðri skynsemi tækist mér, og hefur tekist, að koma mér og mörgum öðrum út úr ýmsum vandræðum.
Þannig að ef einhver kýs að bæta við fullkomnum sig og björgunarbúnaði í bílinn þá er það gott og blessað – en ég er, sama hvað þessi alpa gaur eða aðrir segja, fullviss að jeppamenn eru almennt mjög vel útbúnir og hafa kunnáttu til að takast á við flest þau óhöpp eða vandamál sem kunna að koma upp – Og hafa sem betur fer oftast skynsemi til að vita hvað er þeim ofviða.
Benni
Ja ég verð nú að viðurkenna að ég er nú bara svolítið sammála Þóri með þessi skrif hjá þessum gaur. Enda finnst mér greinin einkennast af hroka og fyrirlitningu gagnvart öðrum (sbr: "ef það er á færi Ísalp félaga að berja vit í jeppakallana þá mega þeir nýta sér þennan texta")
Eins og ég hef einhverstaðar áður sagt þá er ég enginn maður í að síga ofaní sprungur og bjarga þaðan fólki og ég verð það ekki þó svo að ég sæki eitt, tvö eða þrjú námskeið í "fjallamennsku" og hafi siglínu, hjálm og ísöxi í bílnum – og það verður það heldur engin annar – til þess að gera þetta af viti þarf mikla æfingu.
Enda ættu menn að taka mark á því sem sagt var eftir þetta hörmulega slys á Hofsjökli – Viðbrögð drengjana sem voru uppi voru hárrétt ! Að hringja í 112 og bíða eftir aðstoð sérhæfðra björgunaraðila.
Ef þarna hefðu verið einhverjir besservisserar sem hefðu kunnað réttu handtökin við að síga niður – hverju hefði það breytt – nema kannski því að þeir hefðu hugsanlega komið sér í vanda og jafnvel skapað meiri hættu. Þegar alvarleg slys verða þá á að láta sérþjálfaða björgunarmenn um að veita aðstoð – og það er alltaf alvarlegt þegar einhver fellur í jökulsprungu. Og menn verða ekki sérþjálfaðir við að sækja tvö eða þrjú námskeið.
Hitt er svo allt annað mál að ALLIR sem ferðast á fjöllum, sama hvernig það er ættu að kunna undirstöðuatriði í skyndihjálp, kunna fullkomlega á GPS tækið, Kunna á áttavita og kort, og hafa fjarskiptatæki sem hægt er að treysta á.
En sem betur fer gerist það afar sjaldan að menn fara ofan í sprungur og ég er algerlega sammála Ofsa að mér líður mun betur að keyra þekktar leiðir á jökli í blindu heldur en utan þeirra.
Benni
Hvenær fórst þú aftur á fjöll síðast ?
– Eigum við ekki að fara að stofna klafaklúbbinn ? Við getum boðið Birni Þorra aðild, enda er hann sá eini fyrir utan okkur sem er á Klöfum að framan og aftan OG almennilega stórum dekkjum…. En þeim fjölgar þó hratt….En þetta var smá útúrsnúningur frá mjög þarfri umræðu og ég er alveg sammála með það að það besta sem maður er með er skotheldur fjarskiptabúnaður til að geta kallað eftir aðstoð ef á þarf að halda – í því samhengi er ég að fara að setja Iridium síma í minn bíl þar sem ég treysti NMT kerfinu ekki lengur – eftir margítrekuð vandamál þar.
Ég er allavega ekki maður í að síga eitt né neitt og myndi aldrei láta mér detta slíkt í hug.
Benni
Karabína ?
Mig grunar að þetta sé eitthvað sigdót – en þarf maður ekki að kunna að nota dótið til að það sé eitthvað vit í að hafa það í bílnum ?
Notar maður ekki bara spilið ef maður þarf að láta eitthvað eða einhver síga ?
Ég er sammála Skúla með spottann við það að vaða – hann er bara fyrir – Mikið nær að vaða tveir saman og hald í hvorn annan. Svo er það þannig að þegar þú getur ekki vaðið lengur fyrir dýpi eða straumþunga hefurðu ekkert út í ánna að gera á bíl…..
Benni
Ég hef notað límkítti frá Wurth og borskrúfur frá Wurth.
Ekki ryðfrítt – skv. minni efnisfræði fer ekki neitt voðalega vel að skrúfa ryðfrítt í venjulegt járn.
Skrúfa skrúfuna í og svo aftur úr – sprauta ryðvarnarfeiti í gatið og skrúfa svo aftur fast.
Ryðverja svo allar klippur með epoxy grunni og smyrja svo bodýkítti yfir.
Inn í kantana setti ég frauðdýnur – ekki ólíkar tjalddýnum.
Benni
