Forum Replies Created
-
Replies
-
Það er rétt að Skeljungur er ekki allstaðar á landinu, ekki frekar en önnur olíufélög. En það eru skeljungsstöðvar á eftirtöldum stöðum á landsbyggðinni skv. heimasíðu þeirra:
Akranes
Borgarnes
Húsafell
Ólafsvík
Hvammstangi
Bíldudalur
Bolungarvík
Sauðárkrókur
Sleitustaðir v/Hofsós
Árskógasandur
Akureyri
Húsavík
Mývatn
Skjöldólfsstaðir
Egilsstaðir
Hallormsstaður
Reyðarfjörður
Seyðisfjörður
Eskifjörður
Fáskrúðsfjörður
Freysnes
Hvolsvöllur
Vestmannaeyjar
Úthlíð
Stokkseyri
Þorlákshöfn
Hveragerði
Grindavík
SandgerðiSíðan eru einhverjar sjálfsafgreiðsludælur sem hægt er að fá aðgang að ef menn eru með viðskiptakortið og óska eftir opnun hjá Shell – t.d við Búrfell og á Klaustri og víðar.
Á höfuðborgarsvæðinu eru svo 13 stöðvar.
Benni
Já rétt er það.
Klúbburinn og Shell hafa gert samning þess efnis að félagsmenn fái 10 kr afslátt frá listaverði.
Það þýðir um 5 – 5,5 kr frá sjálfsafgreiðsluverði.
Til að fá afsláttinn þurfa félagsmenn að hafa greitt félagsgjaldið og framvísa skýrteini við kaup á eldsneyti. Það er líka hægt að fá viðskiptakort hjá shell sem að tengist við kredit kort og þá verður það félagsskýrteini í 4×4 og um leið hægt að nota það beint til að greiða fyrir vörur á shell stöðvum.
Samningurinn veitir líka afslátt af smurþjónustu hjá shell í Skógarhlíð og við Laugaveg.
Annars er samningurinn kynntur í nýjasta Sertrinu og var einnig kynntur á félagsfundi í gær. Nánari kynning verður sett hér á netið á næstu dögum.
Benni
Sæll
Takk fyrir þessar hamingjuóskir – það var okkar markmið þegar viðlögðum í þessa samninga að þeir myndu bæði skila klúbbnum og félagsmönnum ávinningi.
En varðandi sjálfsalana þá mun þetta ekki virka í þeim nema menn séu með viðskiptakort. En þetta stendur þó til bóta hjá shell og fljótlega munu sjálfsalarnir geta tekið við félagsskírteininu fyrst og síðan debit/kredit korti.
Annar er held ég einfaldast fyrir þá sem geta slíkt – að fá sér viðskiptakort sem verður þá um leið félagsskírteini í 4×4 og er tengt við kreditkortið. Minnsta vesenið allavega.
En vonandi kemur þessi búbót félagsmönnum til góða og við vorum einnig að ljúka samningi við Landsbankann sem mun skila klúbbnum um 600 Þ.kr stuðningi og síðar mun verða reynt að bjóða þeim sem vilja sérstakan lánaflokk til breytinga á hagstæðum kjörum og einnig reyna að fá meira tillit tekið til verðgildis eldri breyttra jeppa við útreikning á bílaláni…
Benni
Sko..
Í fyrsta lagi þá var það að sjálfsögðu samsæri hjá okkur að færa fundina í bænum yfir á miðvikudaga…. Allt gert til að minnka líkurnar á því að suðurnesjamenn mæti hjá okkur…
Já og svo er það þetta með Þorrablótið… Ef þið ætlið að fara að draga með ykkur einn Trúð, þá verðið þið að taka annan með til að staðfesta frásagnir. … Annars trúum við engu af því sem þið reynið að herma upp á hann. Við erum nefnilega orðnir vanir að taka á okkur sök fyrir annarra kl…
En annars væri gaman að kíkja á ykkur í Janúar… Kannski við Lúther efnum bara til hópferðar…. Þ.e. ef við erum velkomnir.
Benni
Ég get svo sem ekki talað af mikilli eigin reynslu – enda bara búinn að vera á þessum hjólum í 3 mánuði og þar á undan á 46“ í 3 eða 4.
Ef við byrjum á aksturseiginleikum – 49“ dekkin bera af í samanburði við 44“ DC – og í raun finnst mér aksturseiginleikarnir á Ford á 49" vera svipaðir og voru á gamla Pajeró á 38". Ekkert hopp sem heitið getur nema svona rétt eftir að farið er af stað eftir langa stöðu, bíllinn rásar ekkert og hjólför í malbiki trufla ekki.
Á 46" voru aksturseiginleikarnir líka miklu betri en á 44" DC en samt ekki jafn góðir og á 49". Hann rásaði örlítið og hoppaði helling. En hoppið skýrðist svo síðar þegar dekkin voru tekin af felgunum, en þá hafði fínn salli losnað innan úr dekkjunum og var á fullri ferð inni í þeim og truflaði balanseringu.
Hvað hávaða varðar þá steinþegja negld 49" Irok í samanburði við Mikróskorin 46" MT – hávaðinn í 46" fannst mér gjörsamlega óþolandi. En hljóðið í 49" er ekki meira en í 38" GH eða Mudder.
Hvað drifgetuna varðar þá hefur nú ekki mikið reynt á það hjá mér. Þó hef ég farið aðeins í krapa á 46" og þá var ég enþá í afturdrifinu þegar 38" bílar voru komnir á kaf.
Á 49" þá hefur bíllinn virkað frábærlega – ég var kominn í krapa upp að stuðara um daginn (1 – 1,2 m) og fann ekki fyrir því. Síðan var ég í leiðinda færi á langjökli um daginn, skel og púður undir. Þar gekk mér ekki vel fyrr en ég hleypti úr niður fyrir 2 pund – en þá fór líka allt að gerast og ég bara keyrði. Með mér voru þar 44" og 38" bílar og þeir áttu í meira basli með þetta færi.
Síðan þekki ég eiginlega drifgetuna betur frá því í fyrra þegar ég var á 44" Pajeró og ferðaðist nokkuð með tveimur 49" Ford. Sú reynsla var einfaldlega þannig að ég varð að eignast svona bíl !!! Það var nokk sama hvaða færi var – þeir drifu alltaf meira heldur en 44" bílarnir – og oft þegar við vorum í basli þá bara keyrðu þeir eins og ekkert væri fyrir. Síðan lentum við í aðstæðum þar sem 44" bílarnir komust einfaldlega ekki – þar ruddust trukkarnir áfram á stærðinni og aflinu og drógu svo "smábílana" yfir…
Þannig að 49" dekkin eru að virka frábærlega undir 350 Ford, bæði hvað drifgetu og aksturseiginleika varðar. Hvort þau virki eins vel undir léttari eða aflminni bíl veit ég ekki.
Benni
Nei Lúther það er ekkert að frétta né gerast… Enda er þessi stjórn með afbrigðum róleg, bregst seint við og á sjaldan eða aldrei frumkvæðið að neinu eins og kom fram á öðrum þræði hér fyrir skömmu…
En annars erum ég og Jón farnir að skrifa á bloggið um þessi smáatriði sem við erum að sinna og þú getur lesið það ef þú nennir….
[url=http://www.f4x4.is/new/profile/default.aspx?file=546:1o7mfgo9][b:1o7mfgo9]Bloggið hjá Jóni[/b:1o7mfgo9][/url:1o7mfgo9]
[url=http://www.f4x4.is/new/profile/default.aspx?file=3665:1o7mfgo9][b:1o7mfgo9]Bloggið mitt[/b:1o7mfgo9][/url:1o7mfgo9]
Benni
Sælir,
Ég kannaði þessi mál aðeins eftir að þessi þráður kom upp en gleymdi svo að skrifa það hérna inn.
Í Reglugerð um gerð og búnað ökutækja, nr. 822/2004 er fjallað um þetta á einum stað. Það er í grein 16.10 – 5 en þar stendur:
"Við skipti á hjólbörðum undir bifreið sem ekki er breytt bifreið má mesta frávik á stærð ummáls þeirra vera + 10% miðað við stærstu hjólbarða sem ætlaðir eru fyrir viðkomandi bifreiðargerð skv. upplýsingum framleiðanda."
Í sama kafla er svo fjallað um hjólbarða breyttrar bifreiðar og þar segir:
"16.203 Breytt bifreið.
(1) Heimilt er að hafa það stóra hjólbarða að þvermál þeirra nái allt að 44% af hjólhafi. Stærri hjólbarðar en viðurkenndir eru við almenna skráningu skulu því aðeins heimilaðir að unnt sé að aka bifreiðinni á öruggan hátt, sbr. 5. gr., hemlar nái að stöðva bifreiðina á virkan hátt, sbr. 6. gr., og fylgt sé reglum um skermun hjóla, sbr. 17. gr.
(2) Breidd sóla á hjólbarða skal ekki vera meiri en 1/3 miðað við þvermál hans.
(3) Hámarksfjöldi nagla í hjólbarða breyttrar torfærubifreiðar má vera 1,5 × þ, þar sem þ jafngildir raunþvermáli hjólbarða í cm."Út úr þessu má lesa að þessi svokallaða 10% regla gildi EKKI um breytta bíla og því ber okkur að láta skoða bílana á stærstu hjólum sem fara undir þá.
Þeir fagaðilar sem ég ræddi við um þetta voru sammála þessum skilningi.
Þannig að nú er um að gera fyrir menn að láta skoða bílana á stærstu hjólunum. Það er hins vegar ekkert fjallað um minni dekk en skráð eru í skráningarskýrteini og því má draga þá ályktun að það sé heimilt að aka í minni hjólum en breytingaskoðun segir til um.
Benni
Það hafa nú þegar farið fram heilmiklar umræður um þessi mál hér á vefnum, á félagsfundum og eins var fjallað um þessi mál í síðasta landsfundi – en það er það apparat innan klúbbsins sem á að vera stefnumarkandi fyrir starf hans.
Þau sjónarmið sem hafa komið fram í þessum umræðum hafa flest öll verið tekin með í reikninginn og við reynt að koma þeim sem best á framfæri. Það er hins vegar ekki trúverðugt að koma fram með svo mörg sjónarmið og stefnur að engin viti í raun hver reunveruleg stefna okkar er. Því höfum við í okkar vinnu haldið á lofti þeirri hugmynd að best væri ef hægt væri að hverfa aftur til þess tíma er mönnum var treyst til að virða náttúruna. EN við gerum okkur hins vegar líka grein fyrir því að það eru mjög fáir sammála okkur og flestir sem að þessum málum koma telja að skilgreining slóða eftir notkun og veghaldi sé það sem koma skal og því viljum við vera skrefinu á undan og vera búin að vinna þessa vinnu þegar kemur að því að stjórnvöld fara af stað. Þannig tryggjum við að okkar sjónarmið komist sem best til skila.
En eins og Jón segir þá eru málin í vinnslu og á viðkvæmu stigi eins og er. Við munum hins vegar kynna það sem við erum að gera um leið og það er tímabært.
Benni
Já nafni er sko flottasti norðanmaðurinn….
En síðast þegar hann ætlaði að hitta trúða sem voru með nýliðaferð komst hann álíka nálægt áfangastað og hann er núna…..
Þá þurfti að senda björgunarleiðangur á móti honum, skipta um legu og senda kallinn heim…
Nokkrum árum áður komst hann aðeins nær og þá braut hann hásingu….
Þannig að ég skil eiginlega ekki af hverju hann þorir í nýliðaferðir…..
Benni
Núna ættu allir hópar að ver komnir af stað. Síðast þegar ég vissi gekk allt vel hjá Lúther og hans hópur nýbúinn að hleypa úr og kominn af stað inn Gljúfurleitaleið.
Litladeildin er komin á Geysi með 11 bíla. Þar er engan snjó að sjá og því gerði Kjartan ráð fyrir léttri ferð inn í Árbúðir.
Benni
Jæja nú eru Lúther og Gundur lagðir af stað með átta bíla. Ekki hefst nú ferðin vel því þeir byrjuðu á að týna einum strax í Reykjavík en sá kemst væntanlega með seinni hópnum.
Þeir voru komnir austur yfir Hellisheiði og eitthvað var nú sem gleymdist – en ég mátti alls ekki segja frá því…. En velviljaðir menn á Selfossi ætluðu að redda málunum.
Þannig að ferðin fer af stað eins við var að búast þegar Trúður er í fararstjórn….
Hvernig verður seinni hópurinn þar sem Báðir fararstjórar eru Trúðar…. Já og þannig er það líka í Litludeildinni…. Eru þessir trúðar allstaðar
Benni
P.S.
Er farinn út að gera bílinn kláran í björgunarleiðangurinn
Lúther…..
Hvernig ætlar þú að láta pajeró eyða 50 lítrum á dag ? Á bara að standann flatan alla leið uppeftir….
Það er víst draugagangur í Setrinu – það er einhver óværa í fjórða bæli vinstra megin á svefnloftinu, ég vaknaði allavega með rosalegan hausverk eftir að ég svaf þar…. Svo hef ég oft séð vofur á sveimi í Setrinu á morgnana.
Við Ofsi, betur þekktir sem Draugabanarnir, (Ghostbusters) komum svo og reddum ykkur ef þið lendið í útistöðum við púka og forynjur á leiðinni – bara að hringja. Ofsinn er þó reyndar að kljást við einhvern draugagang í Runner og því ekki víst að hann verði klár….
Benni
Bara til að upplýsa þá áttum við Jón góðan fund í morgun með ráðamönnum um þessi mál. Þar var meðal annars kynnt hugmynd um verklag og framhald vinnu í slóðamálum. Fundum verður síðan framhaldið á mánudag. Skoðunum um að hverfa aftur til eldri laga var einnig haldið á lofti.
Þessir fundir eru allir af frumkvæði 4×4 sem og það sem þar er rætt…. Bara til að það sé nú ekki að flækjast fyrir mönnum….
Benni
Ég held að menn verði að átta sig aðeins á raunveruleikanum eins og hann er. Í dag er akstur utan vega bannaður og hefur verið það frá síðustu breytingu á náttúruverndarlögum. Það að aka utan vega þrátt fyrir að engin ummerki sjáist er því bannað…. Það er eftir þessum lögum sem verið er að vinna í dag og ég held að það sé mikil bjartsýni að halda að þessu verði breytt til baka – jafnvel þó að skoðanir Snorra og fleiri séu farnar að óma á Alþingi. Við höfum einnig haldið þessum skoðunum á lofti, en talað fyrir daufum eyrum.
Það sem er framundan í þessum málaflokki er því að öllu líkindum kortagerð og skilgreining á veghaldi. Það er sú framtíð sem við erum og höfum verið að búa okkur undir með söfnun ferla og skilgreiningu leiða. Þannig erum við hvað best undir það búin að halda í þær leiðir sem okkur er annt um. Þetta er því miður raunveruleikinn og nú þegar er unnið hörðum höndum í þessari vinnu, þ.e. þessum kortum.
Auðvitað væri best ef við gætum bakkað aftur til fortíðar – en því miður þá er staðan sú að með gríðarlegri fjölgun ferðamanna og miklum átroðningi á hálendinu þá telja ráðamenn almennt ekki mögulegt að opna hálendið fyrir akstri hvar sem mönnum langar…. Þó svo að skynsamir menn skilji ekki eftir ummerki.
Hvað veghaldið varðar þá er ég nú ekki jafn svartsýnn og Björn og ég tel að þeir slóðar sem ekki lúta neinu veghaldi í dag verði settir undir umhverfisráðuneyti eða stofnanir þess. Það verður síðan okkar ferðamanna að gæta þess að þessar leiðir verði í lagi og opnar.
Þessi mál eru vissulega öll mjög mikilvæg fyrir ferðafrelsi okkar. En ég verð þó að viðurkenna að ég hef mun meiri áhyggjur af því að aftur verði reynt að hafa áhrif á heimild okkar til að aka á snjó og minni menn á í því samhengi að litlu munaði að það yrði tekið af okkur við síðustu lagabreytingu.
Eins tel ég að sú andstaða og í raun harka sem færst hefur í umræðu um breytingar á bílum og þær kröfur um árlega viktun og fleiri sem í bígerð eru verði að meira og alvarlegra máli fyrir okkur og því er það mitt mat að klúbburinn verði að beina sínum takmörkuðu kröftum meira í þá átt á næstu misserum.
Benni
Það er ágætt að fá gagnrýni á sig frá fyrverandi formanni klúbbsins sem varð þó ekki mjög ágengt í málaflokknum. Betra væri þó ef gagnrýnin væri málefnaleg og bæri jafnvel í sér tillögur til úrbóta á því sem mönnum finnst hafa miður farið, en ekki eingöngu upphrópanir og niðurrif.
Ég held að Björn viti greinilega lítið sem ekkert um alla þá fundi og þær viðræður sem við höfum átt í og eigum í (sá næsti í fyrramálið). Þær eru að vissu leit kveikjan að þeirri umræðu sem uppi hefur verið undanfarið. Það hafa bara ekki allir þann stíl að básúnast í fjölmiðlum þegar það að vinna málin í samstarfi við þá sem hafa með þau að gera skilar mun meiri og betri árangri.
Benni
Djöfull er Gundur skynsamur… Ætlar hann að hafa öll þrjú hjólin með til vara þegar Toyotan bilar ?
Og Gústi – ég get svo sem rennt inn í Landmannahelli með dót til þín ef vantar… Svona bara til að þakka fyrir farið hérna um daginn…
Nei en að öllu gamni slepptu þá er allt í lagi með þessar toyotur…. Ég vill bara ekki svoleiðis….
Og Barbara – Það vitkast sumir með árunum og ég virðist vera einn þeirra… En svo er ekki sama usa og USA …. Við vorum þarna að tala um svona ameríska tannstönglabíla en ekki alvöru……
Jæja nú hætti ég áður en ég kem mér í meiri vandræði….
Benni
Þessi fyrirspurn Dagnýjar á Alþingi er mjög góð, vel orðuð og framsett eins og Dagnýjar var von og vísa.
Það er að mínu mati mjög gott að fá þessa umræðu inn á alþingi núna, rétt í sama mund og við erum að ræða þessi mál við Umhverfisráðuneytið og um leið og umhverfisstofnun er farin að hreyfa við kortamálum aftur. Við höfum reynt að koma því sjónarmiði að að skynsemin verði að fá að ráða og að illa sé hægt að skilgreina alla slóða, en tölum nokkuð víða fyrir daufum eyrum.
En það breytir ekki þeirri staðreynd að ráðuneytið og embættismenn virðast allmennt telja að kort sé sú lausn sem þarf til að binda enda á þessa óvissu sem lögin bjóða uppá.
Við í stjórn erum að vinna á fullu í því að koma okkar sjónarmiðum á framfæri, jafnhliða því sem að við erum að vinna í að gera ferlasafn okkar tilbúið til kortaútgáfu. Hvort síðan verður af slíkri útgáfu skal ósagt látið. En ég tel hins vegar mjög líklegt að það verði reynt að fá botn í þessi mál fyrir kosningar í vor og í raun vona ég að það takist á meðan við erum með ráðherra sem er jafn hliðhollur okkur og raun ber vitni.
Benni
Ætli sé ekki rétt að bjóða sig strax fram í hóp C, D E og F….
Ég verð í startholunum á varahlutavaktinni – þið ættuð kannski að koma helstu patrol og pajeró varahlutum til mín svo ég verði fljótari til ykkar.
En enga toyotu varahluti, þið urðið þær bara þar sem þær bila….Benni
Hvaða árgerð af bíl er þetta ?
Það eru skynjarar ofnaá millikassanaum sem stýra þessum ljósum. Þessir skynjarar eru gjarnir á að bila í yngri bílunum (eftir 2000) og þá blikkar þetta ljós eða framhjólaljósin. Reyndar bilaði þetta líka í 1998 bílnum hjá mér.
Oftast var bíllinn samt í öllum drifum þrátt fyrir blikkið.
Benni
Svona er þetta Lúther minn… Það getur ýmislegt gerst ef menn fara á fjöll… Og meira að segja getur maður rifið 49" dekk.
En þú lendir víst ekki oft í þessu er það… Þín dekk slitna bara á malbikinu….
En svo er ég sammála þér með það að það var alger snilld og höfðinglegt af þeim Ása og félögum í Gúmívinnustofunni að bjóða okkur upp á að halda námskeið þarna uppfrá – Topp menn.
Benni
