Forum Replies Created
-
Replies
-
Glæsilegt Logi…
Ég veit að Sóðarnir eru klárir…
Heimsgir eru farnir að huxa…
Óþverrafélagið er varla til lengur.. en hver veit…Túttugengið er að sjálfsögðu klárt.. Og af því að þú nefnir hestöfl þá eru skráðir þar þrír Fordar (1700 hp og 3300 Nm ) … Og svo eitthvað af patrolum Toyotum og dóti sem telur lítið…
Benni
Auglýsing komin á vefinn…
Ef einhverjar fyrirspurninr eru þá er um að gera að setja þær hér og við reynum að svara fljótt og örugglega.
Benni
Hvenær opnar svo húsið fyrir okkur sem erum bundnir á öðrum viðburðum fram eftir kvöldi ?
Benni
Ég veit að ég á gamla samninginn einhverstaðar – líklega í gögnum á gamalli tölvu… En ég þarf að leita dálítið til að finna hann, var búinn að leita aðeins þegar núverandi stjórnarmaður óskaði eftir þessu fyrr á þessu ári, en án árangurs. Kannski ég fari að róta eftir þessari tölvu.
Ekki að það breyti neinu í þessu máli. En Bjarki, í minningunni var þetta ágætur samningur fyrir báða aðila – en þú skoðaðir þetta líka og manst kannski betur… En vissulega var ætlast til vinnuframlags af hálfu 4×4, en einnig átti að leggja það fram af hálfu FÍ.
Þetta fyrirkomulag, þ.e. að aðilar/félagasamtök séu með skála til afnota í ákveðinn tíma á ári og leggi í staðinn fram greiðslur í formi vinnuframlags og /eða með peningum er vel þekkt. Ég skil því ekki hvers vegna menn rjúka upp þegar ætlast er til að við greiðum fyrir "leigu" á skála með vinnuframlagi. Það er einfaldlega fullkomlega eðlilegt. Það sem þarf hins vegar að vera til staðar er nægjanlega langur tími, án uppsagnarmöguleika, til þess að vinnuframlagið og leigan jafnist út. Að ætlast til þess að fá á móti eignarhlut í skálanum er í besta falli kjánalegt að setja fram.
Nú leigir minn ferðahópur eigin skála yfir vetrartímann, þetta höfum við gert í þrjú ár núna og er sá leigusamningur upp á ákveðna fjárhæð á ári – sú fjárhæð hefur einnig verið greidd með efni/vinnu sem við lögðum til og var til endurbóta á skálanum sem nýtist eiganda hans lítið en okkur þeim mun meira.
Það sama má segja um skála FÍ í Nýjadal. FÍ hefur alla burði til að ráða einfaldlega góða hönnuði, sem þekkja vel til fjallaskála og hafa hannað fjölmarga. Einnig ráða verktaka til að reysa skálann og hugsa hann eingöngu til sumarreksturs líkt og verið hefur með flesta þeirra skála til þessa. Það að 4×4 komi að þessum endurbótum / uppbyggingu er fyrst og fremst til hagsbóta fyrir 4×4 – þannig getum við, með framlagðri þekkingu og vinnu, tryggt að skálarnir verða boðlegir yfir vetrartímann líka. FÍ hefur til þessa ekki haft mikinn hag eða tekjur af því að leigja sína skála að vetri og er mér til efs að vetrarleiga geri meira en að standa undir kostnaði, nema hugsanlega inni í Laugum.
Félagsmenn 4×4 ættu því að fagna því að fá þarna möguleika á því að bæta fleiri áfangastöðum með góðum skálum inn í flóruna. Það að það sé greitt með framlagðri vinnu og / eða þekkingu ætti einmitt að vera meira gleðiefni heldur en ef skálinn væri einfaldlega leigður.
Það eina sem ég set eftir sem áður fyrirvara við er að ef að í þessu samkomulagi er gagnkvæmur uppsagnarmöguleiki og ef samningstíminn er of stuttur – þá er þetta ónýtt samkomulag. En ef ekki þá er ég meira en tilbúinn til að leggja fram bæði vinnu og þekkingu til að af þessu geti orðið – skal meira að segja vera í skálanefnd um þetta ef menn vantar hendur
Benni
Er þetta ekki bara flott ?
Reyndar væri áhugavert að fá að sjá samninginn þar sem að sögusagnirnar af honum eru allt annað en góðar.
En það er þó rétt að segja frá því hér að þennan samning var búið að undirrita þegar ég var formaður 4×4 og fátt eftir annað en að byrja að skipuleggja vinnu. En næsta stjórn á eftir þeirri sem ég sat í ákvað að rifta þessum samning – hvers vegna veit ég ekki og tel að það hafi verið afar ógáfulegt. Það væri væntanlega nýr skáli í Nýjadal í dag ef staðið hefði verið við þann samning og 4×4 hefði af honum afnot í 25 ár ef ég man rétt, án uppsagnarmöguleika af hálfu FÍ.
En þegar sá samningur ver gerður fór ég með aðra sérfræðinga á sviði endurbygginga á staðinn og við gerðum mat á húsunum og okkar niðurstaða var þá að það svaraði ekki kostnaði að gera húsin upp í núverandi mynd. Ég á ekki von á að það hafi breyst á nokkurn hátt.
En ég fagna því heilshugar að það eigi að gera eitthvað þarna, ég tel að það sé mikill fengur í því fyrir okkur jeppamenn að hafa góðan skála þarna. Staðsetningin er frábær og margt spennandi í nágrenninu til að skoða.
Ég treysti hins vegar FÍ mönnum mátulega til að nýta ekki uppsagnarmöguleika þegar búið er að mjólka allt út úr 4×4 sem hægt er. Þess vegna vona ég að þeirr hafi ekki slíkan möguleika.
Ef samningurinn er ekki tóm vitleysa þá er ég tilbúinn til að leggja fram vinnu við þetta verkefni og ég er viss um að félagar mínir hér á Verkfræðistofunni Víðsjá hefðu einnig gaman að því að koma að þessu á einhvern hátt…
Benni
Sæll
Ef þessi dekk væru fyrir 17" felgu þá væri sjálfsagt hægt að reikna með 100 – 120 þ fyrir stykkið og ca 40 – 50 þ fyrir stykkið af felgu. Að því gefnu að þetta sé allt í toppstandi.
Hins vegar er 16,5" hálfgerður bastarður og fáir sem vilja þessa stærð… Það er því ekkert víst að þetta seljist á nema kannski hálfvirði frá því sem það kostar nýtt.
Benni
Ég tek undir það að með Freysa er farinn einn allra mesti snillingur sem við höfum átt, bæði á sviði jeppabreytinga og ferðamennsku, sem og svo mörgum öðrum sviðum.
Það var heiður að fá að kynnast honum.
Ég votta fjölskyldu, vinum og samferðamönnum öllum mína dýpstu samúð.
Benni
Sælir
Ef ég væri að fara af stað aftur í svona pælingar þá færi ég beint í 6,7 lítra bílinn ( að því gefnu að peningar væru ekki factor)
Annars væri það 6.0 árgerð 2006 / 2007.minn er 2006. Mér dytt ekki í hug í eina mínútu að skoða 6.4 – bæði er eyðslan fáránleg og það er ekkert minna af vandamálum í þeim heldur en 6.0. Það eina sem hún hefur umfram er að hún er hljóðlátari.
En það þarf að klappa 6.0 vélinni svolítið til að hún sé til friðs. Það er betra að skipta strax um heddpakningu og setja heddstudda í stað bolta og jafnvel láta fræsa út fyrir fire hringjum – þá geturðu tekið vel út úr vélinni án áhyggja.
Síðan er gott að setja bypass síu á smurolí og betrumbæta hráolíudælu – sérstaklega ef á að taka eitthvað útúr þessu.Með tímanum þarf svo að setja olíukæli á hann þar sem sá orginal tapar afkastagetu með aldrinum.
Svo má að sjálfsögðu leika sér með að tuna þetta hvernig sem þig langar – ég er sjálfur búinn að setja sverari loftrör að og frá vél, allt 4", annan intercooler, loftsíu og svo tunekit frá Banks power og er að taka þetta 450 – 550 hp út úr honum og allt að 1200 Nm í tog – allt eftir stillingum
En svo er búið að gera endalaust af öðrum betrumbótum sem ég nenni ekki að skrifa um – hringdu bara við tækifæri – 898 6561
Benni
P.S.
46" eru of lítil hjól undir þennan bíl ef hann á að drífa almennilega
Allir tækninefndarmenn gefa kost á sér áfram.
Benni
Þær prófanir og útreikningar sem að vísað er til voru unnir af tækninefnd þess tíma er stóð hvað mest í því að koma núgildandi reglugerð í gegn. ‘i henni sátu m.a. Snorri og Guðni Ingimarssynir.
Eins hefur Freysi unnið mikið í þessu á breytingaverkstæði toyota, síðar AT.
Þessi gögn eru vafalítið aðgengileg hjá þessum aðilum og hugsanlega einnig til hjá klúbbnum, það er rétt hjá þér Arnór að það væri gaman og gagnlegt að safna þessu öllu á einn stað.
Tækninefndin tekur það upp á sína arma fyrir næsta starfsár.
Benni
Fór þarna 2005 eða 6 og fór þá upp á milli mávabyggða og esjufjalla.
Man líka eftir einni ferð niður Hermannaskarð í átt að Esjufjöllum, ætluðum í skálann en komumst ekki vegna krapa.
Fór aftur niður Hermannaskarð, að esjufjöllum og svo niður Breiðamerkurjökul árið 2008 eða 9.
Á hugsanlega einhverjar myndir
Benni
P.s. Valur fór í skálann 2004 eða 5 með hópi jeppa.
Nokkrir félagar úr Túttugenginu voru þarna á ferð ásamt Gumma og Óla á Ljónstöðum, Tóta Útlaga og fleirum.
Ég skal benda þeim á þessa umræðu.
Benni
Það eru allavega 4 eða 5 Fordar komnir sem búið er að lengja. A.m.k. tveir þeirra voru lengdir í Ameríku en hinir hér heima. Þessir bílar eru ýmist á 46" , 47" eða 49". Eitthvað af þeim hefur verið fluttur beint til Rússlands án þess að þeir hafi verið notaðir hér.
Jeppaþjónustan Breytir hefur breytt flestum þessara bíla og lengt einn eða tvo þeirra.
Svo er það runnerinn hans Atla. –
Man ekki eftir fleirum
Benni
Sæll Freyr,
Ég negli ekki of mikið og persónulega finnst mér þessi negling sem þú talar um vera langt umfram það sem hefur tilgang.
Ég negli til að hafa grip á blautum klaka og til að ná fram sæmilegum stöðugleika í hálku á vegi.
Mín reynsla er að til þess að ná þessu er nóg að negla að meðaltali tvo nagla í kubb á óskornum dekkjum, t.d. Mudder, Ground hawg í 38", DC í 44", MT í 46" og Irok í 49"
Svo þessu til viðbótar nota ég eins litla nagla og ég get. Negldi 38" og 44" alltaf með fólksbílanöglum og litla jeppanagla í stærri hjólin.
Er í dag að prófa skrúfaða jeppanagla í 49" tveir í kubb (120 í dekk) og þeir koma vel út
Ég hef líka prófað svona svaka neglingu og negldi 44" einu sinni með hátt í 300 nöglum í dekk. Fann nákvæmlega engan mun á stöðugleika eða drifgetur umfram það sem áður var með 2 í kubb. Munaði miklu meira um að microskera miðju og passa upp á að tjöruþvo dekkin.
Benni
Skálinn í Lagum er kyntur með heitu vatni sem fæst frítt
Skálinn í Hrafntinnuskeri er líka kyntur með vatni sem fæst frítt.
Laugafell líka….
Við rekum okkar fjallaskála sjálf. Hann er ca 60 m2 (24 manna). Það fer einn gaskútur á helgi í að halda honum heitum. Kúturinn kostar ca 5000 kr…..
Það er ekkert sem réttlætir skálagjöld upp á 4.500 kr í fjallaskálaum…. enda dettur mér ekki í hug að nota þessa skála…. Ekki það að það skipti miklu mali fyrir eigendur þeirra, þeir hafa tugi milljóna í tekjur af þessum húsum á hverju sumri og því skipta skálagjöld af örfáum vetrarferðalöngum engu… Bara betra að vera laus við þá… (haft eftir stjórnarmanni í einu af þessum félögum sem á skála sem leigður er á þessum verðum)
BM
Allt að gerast…
Ég er reyndar, eins og sönnum framsóknarmanni sæmir, bæði sammála þeim sem vilja hafa 45 manns á blótinu og svo hinum sem vilja fylla út úr dyrum. Ég hef nefnilega verið á blótum þar sem 65 manns mættu og svo var ég í fyrra þar sem húsið var hálftómt og fór því vel um alla. Ég hélt líka einhverntíman landsfund þarna uppfrá (áður en menn hættu að þora alla leið á fjöll með landsfund) og þá voru rúmlega 60 sem sátu á fundi, átu, drukku og áttu góða helgi.
Þetta er bæði gott og ekki ætla ég að ræða það meira – Fastir og félagar ráða þessu og hafa haldið flott blót og með miklum sóma undanfarin ár….
Við í Túttugenginu höldum örugglega bara blót í okkar eigin skála (landmannahelli) þessa sömu helgi ef við fáum ekki að koma með í Setrið, aldrei að vita nema það verði laus nokkur pláss þar og við látum þá bara vita.
Jakob – ég set mætingu á blót hjá ykkur húnvetningum efst á óskalistann yfir ferðir í febrúar… Ég hringi ábyggilega óvart í þig fljótlega aftur og þá læt ég vita.
Benni
Nú átti Teddi brúsana sem ég týndi upp þegar ég var á rúntinum um daginn…. Æi þið dragið hann þá bara heim…
Helvíti að það skuli stefna í að maður missi af þessum heimsklassaviðburði – ég er svo aftarlega á biðlisatanum.
En með heimsklassaviðburði þá á ég ekki við blótið sjálft, þó að vafalítið verði það frábært að vanda. Heldur er ég að vitna í þann stórkostlega sjaldgæfa og stórmerkilega viðburð að Teddi skuli ætla á fjöll á eigin bíl og sjálfur undir stýri. Ég átti ekki von á því að þetta gerðist á þessum áratug, eða í það minnsta ekki fyrr en seint á honum. Enda gerðist þetta síðast á fyrstu árum þessarar aldar og mjög óvíst að þetta gerist aftur í bráð.
En svona er þetta – maður verður bara að bíta í það súra að fá ekki að fylgjast með þessu – og ætli maður bíti þá bara ekki í súrt í einhverjum öðrum vel völdum skála….
Benni
Þetta er magnað – fullt á þorrablót á tveimur dögum…. Ja hérna.
En ég verð þá bara að skrá mig á biðlista… og bíða svo og vona….
En ég myndi vilja skrá mig og eina fimm í viðbót – Sem sagt sex úr Túttugenginu á biðlista…
Benni
Virkilega flottur vefur…
Til hamingju með þetta vefnefnd og allir félagsmenn, þetta var löngu tímabært.
Kv.
Benni
Hmm…
Ætli Fordinn sé ekki metin á rúma hálfa
Benni
