Forum Replies Created
-
Replies
-
Eru nokkuð öxulþungatakmarkanir þarna í þessari Heiðmörk ?
Ef ekki þá fæ ég kannski að koma með – en ég er á glænýjum dekkjum og má helst ekki skíta þau mikið út, það er nefnilega verið að spara þau fram að næstu kvennaferð.
Annars á ég ekki CB, og ekki heldur gjallarhorn – ætli klúbburinn leigi ekki CB stöðvar ?
Benni
Jamm – ég verð að fara að koma þeim í sýningu – tók ábyggilega 200 myndir á sýningunni – ég nenni bara eiginlega ekki að setja þær hérna á vefinn. Ég er varla nógu þolinmóður í hraðann á honum.
Þarf að finna einhvern góðann vef fyrir þetta – eða kannski bara bjóða þér í kaffi að kíkja á þetta – þú gætir tekið Hlyn með þér – hann þarf að fá að skoða svona alvöru amerískt dót……
Benni
Nú fer að koma á markaðinn ein flottasta dæla sem ég hef séð. Hún dælir 20 rúmfetum á mínútu (566 lítrar) og er með smá kút áföstum.
Þessi dæla er frá Warn og ég skoðaði hana á SEMA um daginn og ætla að fá mér svona um leið og hún fæst. Sjá [url=http://warn.com/truck/aircompressors_vtc.shtml:1utgcdbb][b:1utgcdbb]HÉR[/b:1utgcdbb][/url:1utgcdbb]
Benni
Þetta eru flott dekk og myndu sóma sér vel undir t.d. F450.
Ég skoðaði þessi dekk úti núna um daginn og leist bara mjög vel á – hef þú efasemdir um hvernig það muni leggjast þegar hleypt er úr. En ég hef vitneskju fyrir því að það sé byrjað að breyta fyrir þetta.
En annars hélt ég að GVS væri með umboð fyrir Super Swamper – ekki K2
Benni
Björgvin – Ford getur aldrei verið Fjós…
En ég myndi nota 17 – 19" felgur fyrir 46". Var sjálfur með 17" en veit um menn sem eru með 19 og virkar flott. Ég er með 20" á 49" dekkjum.
Benni
Já þetta fer nú að verða ágætt hjá þeim… Það er þó varla að maður þori að opna munnin hér því þá rjúka smábílabesservissarnir upp á afturlappirnar og segja að maður eigi bara að selja trukkinn… Og væntanlega fá sér 4×4 Yaris ! En þeim hlítur að líka illa við hækkanirnar líka.
Frá áramótum hefur diselolían hækkað um 20,2 kr líterinn og bensínið lítið minna og í dag er olían 2,2 kr dýrari en bensín – sem er í raun fáránlegt þar sem olía er minna unnin vara og ætti þar af leiðandi að vera ódýrari í framleiðslu.
En hækkanirnar eru um allan heim, ég ræddi þetta aðeins við mann sem gerir út jeppaleigu í USA (Las Vegas) og hann talaði um nærri 15 % hækkun á einum mánuði hjá honum – en þó var líterinn af dísel "ekki nema" um 1 dollar (60 kr) hjá honum.
Mótmæla…. Auðvitað ætti að mótmæla þessu, en svo er það bara þannig að Íslendingar kunna ekki, eða nenna ekki að mótmæla – enda virðist sjaldan eða aldrei vera hlustað á slíkt. En ef slík mótmæli ættu að hafa einhverja vikt þá þarf að fá atvinnubílstjóra í mótmælin líka… Mæta með alla trukkana og rúturnar niður í bæ og flauta á þessa andsk. sem ákveða að halda þessari skattpíningu á bíleigendum.
Benni
Það er vissulega gott að velta þessum hlutum fyrir sér öðru hverju.
Mín framtíðarsýn á klúbbinn var algerlega skýr þegar ég settist í stól formanns og mér tókst, ásamt mínu samstarfsfólki að koma hluta af því til leiðar. Hluti af því var að bæta húsnæðisaðstöðu og ráða starfsmann í fullt starf.
Ég hef lengi stýrt hagsmunasamtökum í ýmsum greinum, bæði hérlendis og í Evrópu. Í öllum tilvikum sem að ég þekki þá er hagsmunabarátta fyrir stærri hópa alltaf auðveldari, sérstaklega ef um félagsskap um áhugamál er að ræða. Auðvitað geta fáir einstaklingar náð heilmiklu fram með lobbyisma og að maður tali ekki um ef maður þekkir mann sem ræður einhverju…
Það var því mín sýn á þennan klúbb að hann þyrfti að vaxa og dafna og félagafjöldinn að verða eins mikill og mögulegt er. Í því samhengi má nefna að ég og aðrir í stjórninni notuðum yfirleitt heildarfélagafjölda (með aukafélögum) þegar við vorum spurð opinberlega hversu margir væru í klúbbnum.
Það er nauðsynlegt að fá inn í félagsskapin nýtt fólk og úr sem flestum áttum. Þess vegna var litla nefndin, eins og hún var í það minnsta, ein mikilvægasta nefndin innan klúbbsins þar sem að mest nýliðun átti sér stað í gegnum hana. Mín von var alltaf sú að menn færu að auglýsa ferðir hennar í blöðum og gera þetta svolítið "grand" og fá með því miklu fleiri inn í félagsskapinn.
Eins hefði ég viljað ná að koma því í kring að senda öllum eigendum jeppa erindi um klúbbinn og fræðsu um náttúruvernd o.fl. Þetta hefði ég síðan vilja að yrði sent af umferðarstofu með skráningarskírteinum – þarna hefði gefist kostur á að ná til þúsunda aðila sem ekkert vita um klúbbinn og ferðamennsku á hálendinu, en eiga samt farartæki sem mætti nota til sumar- og léttari ferða.
Ég myndi vilja sjá þennan klúbb með a.m.k. 10.000 félagsmenn, sitt eigið húsnæði, tvo til þrjá starfsmenn í fullu starfi og nóg framboð af ferðum fyrir félagsmenn á öllum gerðum bíla.
Eins vill ég að klúbburinn hætti rekstri fjarskiptakerfa í náinni framtíð og eyði ferkar þeim tíma og peningum sem fer í að halda úti endurvarpakerfinu í umhverfisnefndina og hennar starf – enda ekki vanþörf á ef að við ætlum að fá að ferðast um landið áfram á okkar forsendum. Auk þess mun væntanlega verða til nóg af fjarskiptamöguleikum yfir lengri vegalengdir innan skamms, ef ekki nú þegar og við getum áfram notað VHF á milli bíla.
En þetta er bara svona smá innlegg í viðbót…
Og að lokum þá er klúbbnum eins og hann er í dag algerlega nauðsynlegt að geta boðið þeim einstakling sem tekur að sér formennsku upp á að vinna starfið sem fullt starf – Þar er ég viss um að Skúli er mér sammála. Enda er í raun fáránlegt að ætlast til þess að öll sú vinna sem á sér stað af formanni og reyndar flestum stjórnarmönnum sé unnin í sjálfboðavinnu – í raun er það ekkert annað en frekja ef menn ætlast til þess.
Benni
Mig minir að fullt verð á 49" sé rétt rúmur 80 þ. og með hefðbundnum 4×4 afslætti eru þau því á ca 73 þ.
Þetta er of lítill munur til þess að það borgi sig að standa í þessu – allavega í mínu tilviki.
Auk þess sem að það kom upp galli í einu dekki hjá mér sem GVS bætti…. Topp þjónusta þar á bæ.
Þannig að ég er allavega ekki með í þetta skiptið…
(auk þess var ég að kaupa nýjan gang hjá Ása um daginn….)
En engu að síður frábært framtak hjá þér Teddi…..
Benni
Teddi flottur….
Varstu búinn að finna einhver verð í 49" dekkin ?
Benni
Ég veit ekki með þessi 47" dekk – mig minnir að þau hafi verið sett undir einhvern túristabíl en verið tekin undan vegna einhverra galla – Hlynur veit kannski meira um það. Ég held líka að þau séu mjórri en 46". Annars var ég að spá dálítið í þau sem sumardekk í vor en hætti svo við – Ég veit að Þórir var að keyra þessi dekk sem sumardekk undir 49" Hummernum og var mjög sáttur.
En hvernig er það með 2500 Raminn – þarftu þá ekki að fara í að skipta um hásingu að framan ef þú ætlar í 46"+ ? Einhver var að hvísla því að mér að framhásingin væri í tómu tjóni undir þeim…. En ég hef svo sem ekki eigin reynslu af þeim…
Benni
Ég þekki svo sem ekki Raminn sérstaklega – en efa að það sé mikill munur á honum og Ford hvað þetta varðar.
En ég er sjálfur með styttri pallinn og félagi minn er með sambærilegan bíl (F350) með lengri pallinum. Ég hef ekki séð neinn kost við lengri pallinn annan en plássið. Ókostirnir eru hins vegar líka í stærðinni – í það minnsta er hann enþá stirðari við þröngar aðstæður og var þó nóg um slíkt með styttri pallinn. Svo er líka dýrara að kaupa aukahluti eins og hús, palllok og væntanlega camperinn líka ef hann á að passa almennilega á pallinn. Reyndar held ég að flestir þeir camperar sem boðið er uppá hér heima miði við styttri pallinn.
Þyngdin skiptir nánast engu máli ef þú ert kominn á þessi dekk – allavega skiptir það engu á 49" hvort ég er með 500 kg á pallinum eða ekki, ég dríf samt allt sem ég vil.
Benni
Ætlarðu að breyta þessum bíl eitthvað meira en 33 – 35" ?
Ef ekki þá myndi ég velja Toyotuna af þessum tveimur þar sem að hún er mun liprari og skemmtilegri í malbiksakstrinum og með skemmtilegri vél. Og svo hefur Toyota gott orð á sér varðandi Þjónustu.
Það eina sem Patrolinn hefur umfram er mjög gott pláss.
Pajeró finnst mér líka vera mjög álitlegur kostur í það sem þú ætlar þér og ég myndi hiklaust velja þann kost fram yfir hina tvo. Pajeróinn hefur gríðarlega skemmtilega fjöðrun, fína vél með nægu afli og er mjög rúmgóður.
Ef þú hins vegar ætlar að breyta þessum bíl eitthvað og nota hann í vetrarferðir þá er Patrolinn vafalítið best til þess fallinn – sérstaklega ef að stærri en 38" dekk verða fyrir valinu.
Tek það fram að sá eini af þessum tegundum sem ég hef sjálfur átt er Pajeró – hinir eru hins vegar til í fjölskyldunni og ég hef notað þá töluvert, einmitt í svona malbiksdráttarakstri.
Ef þú hins vegar villt alvöru fjallabíl færðu þér Ford
Benni
Ég skil vel að nafni sé að selja þetta… Ég átti svona bíl í tvær eða þrjár vikur og áttaði mig þá á sannleikanum um Toyotu og seldi….
Sumir eru bara lengur að fatta…. En batnandi mönnum er best að lifa…
Nafni – vertu bara í sambandi ef þig vantar einhverjar upplýsingar um það hvernig þú átt að breyta Fordinum .
Benni
[url=http://www.bankspower.com/:3mru95px][b:3mru95px]Banks Power[/b:3mru95px][/url:3mru95px] er af langflestum talinn vera með bestu "tölvukubbana" sem eru í boði í amerískar díselvélar. En þetta er miklu meira en bara tölvukubbur því að kerfinu fylgir nýr intercooler, sverari intercooler rör, opnari loftsía, 4" púst alla leið að túrbínu o.fl. Það er nefnilega ekki nóg að bæta bara túrbínuþrýsting og olíumagn eins og langflestir gera – það þarf líka að bæta loftflæði að og frá og auka loftmagnið.
[url=http://store.bankspower.com/Categories.aspx?Category=491be662-fe24-4062-891c-dce93c6861df:3mru95px][b:3mru95px]Þetta[/b:3mru95px][/url:3mru95px] er allavega það sem ég setti í minn bíl, sem er að vísu 6,0 lítra. En ég veit að Kjartan hjá GK viðgerðum í Moso er með Banks í sínum 7,3 Ford og virkar mjög vel.
IB selur tunekit frá Superchips – sá kubbur gefur einungis brot af því sem Banks gefur og honum fylgir einungis sverun á pústi frá Hvarfakút – Ég var með svoleiðis og var ekkert sérstaklega ánægður með hann..
Eins er til kit frá Edge sem hefur komið ágætlega út.
En ef þú villt fara alla leið þá velurðu Banks Power með öllu dótinu – en það kostar að vísu hátt í hálfa millu komið í bílinn
Patrol drífur ekkert….
Hefur hann sem sagt verið að ferðast með þér Hlynur minn ?
BM
Það er einmitt vandinn Skúli að það eru ferðirnar sem skipta máli. Nú er það þannig að það er til nóg af fræðsluefni um jeppaferðir á Íslandi – bæði á vefnum og í góðum bókum sem hafa verið gefnar út. Eins stendur Arctic Trucks fyrir myndarlegum námskeiðum fyrir afar lítið fé fyrir þá sem vilja….
Hinn almenni Jeppaeigandi á 33" eða 35" jeppanum sínum þarf ekki endilega á því að halda að vera mataður af visku á námskeiði (þó það sé gott með) þú þarft að læra hlutina með því að gera þá… Og þar kom litladeildin gríðarlega sterk inn.
Það verður því mikill missir fyrir starfið í klúbbnum ef að ekki verður boðið upp á dagsferðir fyrir minna breytta bíla líkt og gert var í fyrra – slíkar ferðir eiga að mínu mati að vera mánaðarlega, auglýstar í fjölmiðlum og fríjar fyrir félagsmenn.
Það er nefnilega þannig að allir þeir sem eiga 35" jeppa og eru ekki í klúbbnum þekkja ekki endilega einhvern í klúbbnum og/eða vanan fjallaferðum sem er tilbúinn að leiðbeina viðkomandi í fyrstu skiptin – – og það þurfa allir leiðbeiningar til að byrja með, mistökin í þessu sporti eru of dýr.
Sem dæmi um þetta þá hefur stór hópur vinnufélaga beðið mig um aðstoð við að skipuleggja svona ferð fyrir minna breytta bíla, þannig að það er að mínu mati heilmikil þörf fyrir svona ferðir… Kannski Jeppaklúbbur Útivistar gæti tekið á þessu…..
En það hefur því miður verði þannig ( að mínu mati) að litladeildin hefur frá stofnun mætt ótrúlega miklu mótlæti og andstöðu ákveðinna þekktra einstaklinga í klúbbnum. Kannski hefur sú andstaða einkum beinst að þeim er setið hafa við stjórnvölin í deildinni en líka hefur mér þótt skýna í gegn að sumir félagsmenn vilji ekki sjá skipulagningu ferða almennt og þá ekki fyrir minni en 38" dekk – þetta þykir mér og hefur alla tíð þótt miður og ekki vera hugsað klúbbnum til framdráttar.
Benni
Það eru tvær ansi áhugaverðar greinar í 24stundum í dag. Í annari þeirra rætt við Agnesi um fjallaferðir og er þar flott grein og Agnes svarað af miklum sóma… Enda orðin þaulvön blaðaviðtölum.
Hin greinin fannst mér öllu sérkennilegri – þar er rætt við einhvern Björn á VDO verkstæði, sem er titlað sem breytingaverkstæði í greininni. Þar lætur þessi Björn í það skína hvað eftir annað að breytingar umfram 34 – 35″ séu óskynsamlegar og ef að bílum sé breytt „skynsamlega“ eins og hann kallar það þá séu þeir stöðugri og betri fyrir íslenskar aðstæður. En að hald því fram að það sé ekki skynsamlegt að breyta upp fyrir 35″ finnst mér sérkennilegt að starfsmaður á breytingaverkstæði láti útúr sér og láti um leið í það skína að bílar á stærri dekkjum en 35″ (skynsamlegu stærðinni) séu óöruggir í umferð.
Eins er látið sterklega í það skína að þeir sem séu að breyta sjálfir séu ekki að skila góðri vinnu….
Ja ekki versla ég við VDO í framtíðinni ef að þetta lýsir þekkingu þeirra á jeppabreytingum.
Benni
Þetta er að sjálfsögðu rétta leiðin sem Óskar bendir á….
Enda eiga smábílar eins og Rav, Mussó, Patrol og aðrar dósir á 38" og minna ekkert erindi á fjöll eftir 1. nóv og ættu ekki að sjást fyrir ofan 250 metra fyrr en eftir 1. júní… Að maður tali nú ekki um ef að dollurnar væri svo á klöfum að auki – þvílikt brjálæði að ætla sér uppfyrir ártúnsbrekku á slíku..
Maður lifandi – veðrið gæti breyst fyrirvaralaust…..
En það vill til að það er hægt að hlæja að þessu…. Og þá er nú svolítið fengið…..
Benni
Ég verð nú að vera sammála Kristni að það gengur ekki að breyta frá lögum klúbbsins án þess að bera slíkt undir aðalfund og þar með almenna félagsmenn.
Hlutverk litlunefndar er algerlega skýrt í lögum og þarf ekkert að velkjast í neinum vafa þar :
6. Litla nefndin. Hlutverk nefndarinnar er að sinna ferðalögum og kynningarstarfi fyrir eigendur minna breyttra jeppa og skipuleggja ferðir sem henta þeim sem og öðrum félagsmönnum. Kjósa skal 5 menn í hana.
Hins vegar er hugmynd um nýliðafræðslu jákvæð og gagnleg – en spurning hvort starf slíkrar nefndar verður með tímanum nokkuð meira en núverandi nýliðaferðir sinna.
En það að ætla að leggja litlunefndina niður í núverandi mynd með þessu finnst mér ekki hægt – enda klárt brot á lögum klúbbsins.
Benni
Rétt er það hjá Gumma að það verður að skoða allar hliðar – enda skiptir máli hvernig þessu er mótmælt. Það að mótmæla skattlagninu á tíðnum er eitt, og ekki víst að það sem slíkt sé vænlegt til árangurs, enda þarf að vera eitthvað umsýslugjald og auk þess er fullkomlega eðlilegt að þeir sem hafi tekjur af þessum tíðnum greiði fyrir þær fullu verði.
Hins vegar er það að það þarf að berja það í gegn að litið sé að tíðnir 4×4 sem neyðarfjarskipti líkt og gert er með þær tíðnir sem björgunarsveitir hafa yfir að ráða. Þannig fæst 75 % afsláttur frá þessu gjaldi og þá er upphæðin orðin mjög ásættanleg.
Ég og Kjartan Gunnsteinsson áttum fund með Póst og Fjar síðastliðið vor um þetta mál og þá var því ekki illa tekið að skilgreina rásir 4×4 á þennan hátt – en þó þurfti til þess breytingu á þessum nýju lögum. Það væri því réttast að leita til þess ráðherra sem fer með þessi mál og fara þess á leit við hann að breyta þessum lögum, eða setja aðrar nauðsynlegar reglur til að þetta geti orðið.
Benni
