Forum Replies Created
-
Replies
-
Ég heyrði þetta skemmtilega nýyrði í talstöðinni nú um helgina. Þar voru nokkrir þorrablótsfarar frá Suðurnesjum að ræða saman og var talað um að í ferðinni innúr hefðu verið einhverjir faragagnrýnendur….
Hvaða reynslu þurfa menn að hafa til að geta orðið faragagnrýnendur ? Þurfa þeir þá að hafa verið faramenn í ákveðið marga kílómetra eða ??
Er þessi starfstétt kanski bara til á suðurnesjum ?
Benni
kom óvart tvisvar inn…..
Sandkassaleiknum í þessum klúbb ætlar seint að linna. Og sá sem getur ausið mestum skít og sandi í augun á félögunum vinnur… Vart má á milli sjá hver hefur vinninginn í dag en tveir eða þrír kandídatar eru þó fremstir meðal jafningja….
En þetta fer að verða ágætis farsi allt saman.
Það sem þó stendur uppúr er að Jón og Tryggvi eru hættir. Far vel og leitt að sjá ykkur fara – en svona er lífið víst, menn geta ýmist unnið saman eða ekki…. Og ef ég man rétt þá ætluðu allir stjórnarmenn nema einn eða tveir að segja af sér einhverntíman á síðasta kjörtímabili, sumir oftar en einu sinni – en það var þó allt dregið til baka – Nema einn varamaður Ella, sem má ekki lesa og skrifa núna, hún hætti. Þetta skýrist kannski af því að þeir sem að sitja við stjórnvölin hér eru almennt ausnir skít og svívirðingum – nokk sama hvað þeir gera í óeigingjörnu starfi sínu fyrir OKKUR félagsmenn. Meira að segja gátu menn kvartað yfir afsláttarsamningum sem stjórn hefur gert fyrir OKKUR.
Það skal því engan undra þó að menn gefist upp á því að vinna sjálfboðastarf fyrir svona "þakklátt" fólk.
Starfsemi þessa klúbbs á að sjálfsögðu að vera í stöðugri endurskoðun og alltaf má bæta ýmislegt. Menn hafa kvartað undan samskiptaleysi og skorti á upplýsingum frá nefndum og stjórn – vel má vera að þar megi bæta hlutina. En við skulum ekki gleyma því að fyrir klúbbinn starfar einn starfsmaður og svo fjórir stjórnarmenn sem allir sinna sinni vinnu í hjáverkum… Það er því oft á tíðum að hér eru settar fram MJÖG ósanngjarnar og hreint út sagt FREKAR kröfur á þá sem þessu sinna. Ég lagði til í fyrra að ráðnir væru a.m.k. tveir starfsmenn en á það var blásið – m.a. af þeim sem sitja hér á hliðarlínunni og heimta sem mest af stjórn og starfsmönnum….. skondið…
Hér hafa menn komið fram og blásið mikið – og vinur minn Klakinn meira að segja gengið svo langt að lýsa vantrausti á þá sem eftir sitja – ég held nú að félaga mínum sé farið að förlast…. Vantraust… Afsögn og hvað svo ??? Kjósa nýja stjórn ? Hver haldið þið að sé tilbúinn að vinna fyrir klúbbinn undir því skítkasti og óþverraskap sem hér virðist ráða ríkjum… Ekki ég alla vega !!! Mér var meira að segja búið að detta til hugar að fara að koma aftur til starfa fyrir klúbbinn – gefa jafnvel kost á mér til formennsku aftur eða stjórnarsetu á næsta aðalfundi… En eftir það sem gengið hefur á núna síðustu daga þá hef ég orðið afar takmarkaðan áhuga á að gefa því fók sem hér hefur sig mest í frami mína vinnu.
Það er nú sem betur fer svoleiðis að maður kemur í manns stað. Því taka þeir Eyþór og Óskar nú sæti Jóns og Tryggva og ég óska þeim velfarnaðar í starfi fram á vorið og ÉG BER FULLT TRAUST TIL ÞEIRRAR STJÓRNAR SEM NÚ ER STARFANDI og ég hvet félagsmenn til að hætta nú argaþrasinu og niðurrifsstarfseminni og flykkja sér frekar um réttkjörna stórn og leggja sitt af mörkum til að klúbburinn haldi áfram að dafna.
Benedikt Magnússon
Fyrverandi Formaður 4×4
Þetta eru hrikalega flott dekk, gaman verður að vita þyngd, veggþykkt og verð… Þetta ætti að gera sig jafnvel og 49" í snjónum …. Og hún svínvirkar í öllum færum.
Benni
P.S.
Þetta eru þó tæplega 47" því að 49" dekkin standa 49" og þetta virkar jafnhátt á myndinni
Ég er nú alveg sammála Skúla með að stórir hópar bara virka ekki. Enda er ég hættur að nenna að ferðast í svoleiðis nema í neyð.
Varðandi boðsferðir klúbbsins þá á að sjálfsögðu að handvelja menn í slíkar ferðir eftir því hvað þeir hafa fram að færa um starfsemi klúbbsins og svo verða þetta að vera vanir ferðamenn á þokkalega öflugum bílum og kunna að haga sér innan um annað fólk. Þegar við fórum í þessa boðsferð í fyrra með Umhverfisráðherra o.fl. þá var einmitt hafður sá háttur á að velja vana ferðamenn á góðum bílum sem gátu tjáð sig um málefni klúbbsins og ferðalaga á hálendinu. Sú ferð var ekkert auglýst og átti heldur ekkert erindi með að vera auglýst þar sem að þessar ferðir eru liður í starfi stjórnar við "lobbyisma" og að kynna okkar hagsmuni. Það að fá fullt af sófariddurum, fyllibyttum eða faramönnum í svoleiðis ferðir þjónar ekki tilgangi og hagsmunum 4×4 og félagsmanna.
Varðandi Miðjuna þá fannst mér þetta vera fín tilraun – en skil vel að hún hafi ekki tekist með þetta stóran hóp. Reyndar komustu þeir lengra en ég átti von á miðað við fréttir af færð o.fl.
Benni
Já þetta ætlar ekki að ganga þrautalaust að klára þetta miðjumoð…. Ég held að þetta verði ekki klárað nema við ferðafélagrnir gerum það… Enda drösluðum við þessu grjóti uppeftir í fyrra og reystum það og steyptum fast til bráðabyrgða núna… Skiliði bara plattanum til Vals og við rennum með þetta eftir helgi….
En að öllu gamni slepptu þá gekk okkar þáttur í þessu vel. Við fórum á föstudegi á fimm bílum og ætluðum í Gæsavötn – við Hreysiskvísl var veðrið orðið það slæmt að varla sá fram fyrir húdd á bílum og einn úr hópnum var farinn að slást við síuvanda. Þá ákváðum við að gefa Gæsavötnum frí og fara niður í Páfagarð og sofa þar – þangað vorum við komin um kl 23 og höfðum það gott þar.
Á laugardegi lögðum við af stað um hádegi inn að miðju og vorum komin um þrem tímum síðar á áfangastað í heldur leiðinegu veðri. Nokkra stund tók að finna undirstöðuna sem steypt hafði verið undir steinin þar sem að um 3" íslag var yfir öllu. En þegar "miðjan var loks fundin var steinninn reystur upp með hjálp tveggja spila og handafli fimm manna. Við límdum hann niður með sérstöku lími og steyptum að hliðum – síðar þarf að steypa meira að honum og hlaða grjóti að og verður það ekki gert nema í hita – en í gær var -11 °C og talsverður vindur.
Eftir að verkefninu var lokið héldum við í Gæsavatnaskála og vorum komin í hús um kl 22.
Í dag ókum við niður í Nýjadal og styttingin að Kvíslarveituvegi. Þoka var frá Gæsavötnum og í Nýjadal en eftir það birti og var hið fegursta veður en dálítið hvasst.
Snjóalög á þessum leiðum eru nokkuð bærileg og færi ágætt – við héldum víðast hvar 30 – 50 km hraða á 49" og 46" fordunum en hinir fóru örlítið hægar yfir. Alls voru eknir 750 km í ferðinni.
Þeir sem stóðu í þessu steinabasli voru ásamt undirrituðum og frú þau Valur og Dóra, Aron og fjölskylda, Helgi og Sæmi.
Takk fyrir okkur….
Benni
Það er endalaust hægt að ræða um þetta og í raun finnst mér það sem TNT nefnir vera merkilegast – af hverju er ekki búið að sækja gömlu vélina og skoða hana – hana þarf hvort sem er að fjarlægja – nóg er af vörubílunum í klúbbnum sem geta léttilega borið auka 500 kg án þess að það skipti nokkru.
En varðandi Webasto og allt það þá eru webasto miðstöðvarnar gerðar fyrir ökutæki – en það er nóg til af ketilkerfum og olíubrennurum fyrir hús sem eru hagkvæm í rekstri. Það eru væntanlega slík kerfi notuð í þeim húsum sem Einar er að vitna í.
Þessi kerfi eru vel þekkt hér á landi og ég hef hannað slík kerfi sem eru í notkun fyrir fjölda húsa í Flatey á Breiðafirði.
Hvort slík kerfi henta í Setrinu skal ég ekki segja að óathuguðu máli en hins vegar finnst mér að það hafi það margt komið fram í þessum umræðum hér um orkumál þarna uppfrá að Skálanefnd verði að taka þetta til gagngerar endurskoðunar.
Það er nefnilega þannig að það sem þarna er gert er ekki einkamál skálanefndar – þó svo að á stundum virðist manni að nefndarmenn álíti að svo sé.
Benni
Já þú segir nokkuð – ég er með einn eða tvo aukatanka sem þyldu vel að vera fullir af vænni grænni og notaðir utanvega.
En ég hef þessar tölur nokkuð skilmerkilegar hvað mig varðar og vetur inn í fyrra. Þá ferðaðist ég nokkuð mikið og var um 35 – 40 daga á fjöllum á tímabilinu frá september og fram í lok maí. Flestir mínir túrar voru a.m.k. í 2 daga í senn og því lítið um dagsferðir.
Á þessu tímabili ók ég bílnum mínum um 12.000 km og að meðaltali Þá er um 50 – 60 % þess aksturs utan þjóðvegakerfis. Ég hef mælt að í dagsferðum frá Reykjavík þá er að jafnaði um 60 – 70 % ekið innan þjóðvegakerfis en í lengri ferðum þá getur þetta hlutfall farið niður í 20 – 30 %, a.m.k í mínum tilfellum.
Mér reiknast til að ég hafi ekið u.þ.b 6500 km utan þjóðvegakerfis og þá nærri 5500 á þjóðvegum.
Á þessu tímabili keypti ég nálægt því 4500 lítra af olíu á bílinn. Í þjóðvegaakstri eyðir þessi sparibaukur um 26 l/100 og því hafa farið um 1500 l í þann akstur og því fer nærri að 3000 l hafi verið notaðir utan vegakerfis síðasta vetur.
Og fyrir áhugamenn um bíla og bilanir þá er þetta allt ekið á 2005 árgerð af Ford F350 á 49" dekkjum. Á þessu tímabili var skipt um Spindla og eina framhjólalegu. Framdrifið braut ég einu sinni og einn framöxul braut ég líka.
Í sumar ók ég síðan tæplega 8000 km á bílnum á 49" hjólum – nánast allt á malbiki og mikin hluta tímans með 10 m langt hjólhýsi á eftir mér – við slíkar aðstæður eyði ég um 33 l/100. Og í viðbót við fyrri bilanir fór ein framhjólalega í viðbót í sumar og svo önnur í haust – alltaf sömu meginn og nú síðast kom í ljós að vatn komst inn í leguna og það orsakaði bilanirnar – legan hinumeginn er sú sama allan tímann.
En þá er komin smá eyðslusaga og bilanasaga í kaupbæti…
Benni
Verð á dísel með 4×4 afslætti er í dag 129,90 kr.
Ég gat hvergi fundið sambærilegt verð nema á fyrirframgreiddum viðskiptum hjá ÓB – Frelsi.
Þar var líterinn 10 aurum ódýrari ef þú borgaðir fyrirfram.Með viðskiptakortinu ertu að fá þetta verð í lánsviðskiptum – þannig að skv. mínum kokkabókum er hvergi hægt að fá hagstæðari kjör fyrir almenna viðskiptavini olíufélaga.
Benni
GEIR ÓLAFS !!! ??
Ég sem hélt að ég væri að missa af einhverju skemmtilegu….
En svo er spurning hvort maður gerist ekki bara boðflenna – ég er hvort sem er búinn að versla Pajeró varahluti fyrir andvirði 5 – 6 ganga af 46" af Heklu í gegnum tíðina…..
Benni
Ég verð að vera sammála Val og Bjarna – það er sjálfsagt og eðlilegt að menn vilji mótmæla, enda verðið orðið fáránlegt. En eins og ég skrifaði hérna að ofan þá verða slík mótmæli að vera í samvinnu við þá sem nota eldsneyti í atvinnuskyni. Reyndar held ég að 4×4 klúbburinn gæti verið þátttakandi í slíkum mótmælum ef til þeirra kæmi en ætti ekki að vera í forsvari.
Það er ekki sérlega trúverðurgt að þeir sem nota eldsneyti mest í leikaraskap hafi hæst í að mótmæla.
Hvort að stjórn eigi að standa í þessu eða ekki – þá er ég algerlega sammála Bjarna – þetta er ekki hennar hlutverk. Það er hlutverk stjórnar að gæta hagsmuna okkar á því sviði sem að snýr að ferðafrelsi okkar á breyttum bílum. Eldsneytisverð er hagsmunamál allrar þjóðarinnar, ekki sérhagsmunir jeppamanna, og því ættu menn að beina spjótum sýnum að Neytendastofu eða þeim stjórnmálaflokkum/alþingismönnum sem menn tengjast og/eða kusu síðast.
Reyndar sá ég í Morgunblaðinu í morgun að það er í gangi einhver nefnd sem á að endurskoða olíugjald vs bensíngjald og eitthvað fleira þessu tengt – en þó var það meira inn á umhverfisþættinum og mengunarvörnum heldur en beint varðandi verðlag á eldsneyti. Niðurstöður eiga að liggja fyrir í febrúar.
Benni
Skruppum á Mýrdalsjökul í dag á fjórum bílum. Bjart og flott veður á láglendi en ekkert skygni á jökli.
Keyrðum upp hjá Sólheimajökli og upp í ca 1300 m hæð en nenntum ekki að paufast lengra í engu skygni og snérum því til baka og skruppum inn í Mörk í staðinn.
Færi upp var fínt en jökullinn flugháll og áttum við á köflum í stökustu vandræðum vegna þess – þó allir á vel negldu – allt að 250 naglar í dekki…
Inn í mörk var enginn snjór sem heitið gat og nokkuð vatn í bæði Krossá og Markarfljóti – ætluðum yfir í Fljótshlíð en hættum við þar sem við fundum ekkert gott vað fyrir myrkur.
Benni
Ég var að skoða gömul trökk og rútur af Mýrdalsjökli o.fl. sem ég hef einhverstaðar komist yfir og fann þar rútu niður Sandfellsjökul. Eru dæmi um að menn hafi farið þar um á jeppum og ætli þetta sé fært bílum í dag ?
Hvað með aðra staði á Mýrdalsjökli, t.d. Kötlujökul og Entujökul ? Er hægt að aka upp/niður þessa skriðjökla ? (ég á track upp í miðjan Entujökul og hef sjálfur keyrt aðeins niður hann og eins fram á brún Merkurjökuls og þar langar mig ekki niður)
Eða einhverjir aðrir staðir – ég þekki bara leiðir frá Fimmvörðuhálsi, Sólheimajökli og Sléttjökli.
Benni
Hefur einhver farið nýlega á Eyjafjalla- og/eða Mýrdalsjökul ?
Hvernig er færið yfir Hamragarðaheiðina ?
Hvernig er hálsinn á milli jöklana og hvernig er að fara upp hjá Sólheimajökli ?
Kv.
Benni
Ég skil ekki af hverju Lella vill fara að mótmæla – það er ekki eins og Pattinn hennar eyði miklu þessa dagana….
Annars er engin ástæða til að mótmæla – bara að fá sér svona sparibauka eins og Ford og þá finnur maður ekkert fyrir þessu olíuverði….
Benni
P.S.
En að öllu gamni slepptu þá er þetta orðið fáránlegt verð, en ég er hins vegar sammála því að ef að á að mótmæla þessu að einhverju viti þá þarf samstarf við aðila sem nota olíu í atvinnuskyni.
Verst að það er búið að leigja tankana í Hvalfirði – annars hefði verið ráð að slá saman í eitt skip eða svo…..
Snilld að gera eitthvað helgina 14 – 16. Síðan eru páskarnir þarna 20 – 24 þannig að menn geta komið heim úr afmælistúrnum og gert sig klára í páskatúrinn… Toyotamenn að skipta um framdrif, patrolmenn að skipta um vél og við á Fordunum að taka olíu og kaupa samloku……
Benni
Hér er ein mynd frá því að Ofsi eignaðist vagninn – eða svona þar um bil….
[img:24tewo2x]http://this.is/rotta/album/20-135-DSCF0055.JPG[/img:24tewo2x]
Kanarnir eru búnir að breyta þessu með sínum hætti – en þetta er og verður Toyota – alveg sama hvað er gert….
[img:1jvqazdy]http://www.f4x4.is/new/files/photoalbums/5745/46504.jpg[/img:1jvqazdy]
Þessir bílar (þ.e. bigfoot) virðast virka helling í þessum keppnum þarna úti – enda nokkuð massívar græjur þegar á að nota þetta í keppnir.
Vélarnar eru Ford 572 Big Block og ganga á Metanóli. Síðan er í þessu ágæt fjöðrun með 60 cm travel og skiptingarnar eru annað hvort sérsmíðaðar tveggja þrepa eða C6 skiptingar. Bílarnir eru um 5 tonn.
Dekkin eru 66" fyrir 25" felgu og eru 43" á breidd
Og
að sjálfsögðu eru þetta allt FORD – enda á þetta að virka…
Benni
P.S.
Ég held að þetta geti aldrei fengist götuskráð hér – enda væntanlega breiðara en 2.55 og eitthvað hærra en 1.35 upp í ljós
Ég verð nú að taka undir það með Agnesi og Ofsa að þessi gagnrýni hér hefur á tíðum verið allt annað en málefnaleg.
Þetta blað barst mér nokkuð seinna en mörgum öðrum – enda vandratað fyrir póstinn hér í 101 og stórhættulegt að vera á ferli nema í lögreglufylgd.
En loksins komst blessaður pósturinn með blaðið og ég fékk að líta þetta "skelfilega" rit sem menn hafa keppst um að lýsa hér….
Þetta er að mínu mati eitt allra FLOTTASTA Setur sem að ég hef séð – ég lifi alveg af nokkrar mál- og stafsetningarvillur (enda reglulegur lesandi hér á spjallinu). Stórskemmtilegar greinar og viðtöl ásamt fullt af fróðleik sem að gaman er að hafa við hendina – að ógleymdu félagatalinu sem er virkilega gaman að fá og núna hvet ég þá sem sáu villur í sinni skráningu að leiðrétta hana hjá skrifstofunni.
Mér finnst þetta frábært framtak hjá þeim sem að þessu unnu og ég vona að þetta verði árleg jólagjöf frá klúbbnum til félagsmanna.
TAKK FYRIR MIG
Benni
