Forum Replies Created
-
Replies
-
Ég gleymdi að bæta við að auðvita á að banna allar myndir af fisksalajeppum í myndaalbúminu. Það gæti verið að ég hafi slysast til að setja óvart inn myndir af svona tækjum í mitt ægi fagra myndaalbúm, en því verður reddað um leið og tími vinst til.
Hlynur
Ég vil taka það fram að ég á ekki neitt í þessari góðu vísu. Hún kom til mín í tölvupósti fyrir löngu, og ég vissi að hún er ættuð frá suðurnesjum eins og Heiðar bendir réttilega á.
Það er ekki til neins að bera saman einhverja fisksaladós og Patrol, heldur þarf að bera Patrol við jeppa sem eru í sama flokk td 100 cruser. Fisksalabíla má bera við jeppa sem eru í svipuðum flokk hvað varðar þægindi og getu og dettur mér strax í hug Lada Sport og Kia.
Hlynur
Voðaleg öfund er þetta í ykkur. Ég skil ykkur nú samt vel því ef þið hafið verið þess heiðurs aðnjótandi að fá að ferðast með Patrol, þá stingur hann ykkur af og þið sjáið bara í afturendan á honum og þurfið að fara til IH til að sjá restina af Pattanum. Svona til að hressa aðeins upp á fólk sem ekki á Patta læt ég Pattann fylgja með.
Pattinn.
(lag: Einbúinn, M. Eiríksson)Þeir segja mér, að flottur ég er
Á pattanum glansandi fínum.
Fyrstur ég fer, þeir koma eftir mér
Á Toyotu druslunum sínum.Lógírinn minn, er betri en þinn
Ég tifa svo létt þarna í snjónum.
Gaman það er, að ferðast með mér
Ég svíf eins og fugl, í trjákrónum.Loftpúðum á, ég keyra nú má
Svo dúnmjúkur, léttur og lipur.
Þeir horfa mig á og fara svo frá
Og á þeim er stór fílusvipur.Og olían er, ei vandamál hér
Að eilífu dugar á pattann.
Ég gæti sko, tekið þá tvo
Og haft þá í spotta að aftan.Mikil hún er, mæðan hjá mér
Að kristna þá félaga mína.
Þeir munu sjá, að pattanum á
Klára ég túrana mína.Og heima ég er, að dunda mér
Í skúrnum og bóna þar pattann.
Ég helli í klút svolitlum lút
Og strýk hann, að framan og aftan.Jaaá ég helli í klút, svolitlum lút
Og strýk hann, að framan og aftan.Núna ættu allir að sofa vel.
Hlynur
Þá er nú betra að setja bara 44" undir og þurfa ekki að stilla neitt og drífa mest…..:)
Hlynur
Það er hægt að fá þessar slöngur hjá flestum fyrirtækjum sem selja loftdælur, en í öllu falli færðu hana í Landvélum. Það borgar sig ekki að vera með neitt á endanum á slönguni heldur bara troða endanum uppá ventilinn. Ég var einu sinni með tengi fyrir ventla á slöngu hjá mér og það fraus stndum í honum svo ég skar hann af og er ekki frá því að afköstin hafi aukist við það.
Hlynur
Ég tek undir með Skúla og fleirum að bara félagar geti sett inn myndir. Spjallið og auglýsingar er ágætt að hafa opið fyrir alla en þó mætti setja þá reglu að menn skrifuðu undir nafni. Maður er nú að eyða 3900 kalli í eitthvað heimskara en félagsgjald í 4×4.
Hlynur
Ps ef þetta fer í taugarnar á þér arnitc, hættu þá bara að lesa spjallið.
Auðvita á Lúddi trúður svona kerru enda átti maðurinn Togíogítu af verstu gerð sem bilaði hér og þar öðrum jeppamönnum til ama og leiðinda. Trúlega hefur kallinn smíðað sér Dolly svo fljótar gengi að sækja hann, en hann er sóttur oft á hverjum vetri með eða án Dolly. Núna hefur hann loksins séð ljósið og hefur losað sig við fiskalabílinn og fjárfest í rörajeppa af betri gerð svo hann geti nú snúið sér að því að borga til baka alla greiðana sem menn eiga upp í bakið á honum.
Hlynur ……
Ég er enn að bíða eftir nýju pæjuni á 44" dekkjum, en í fyrravetur var allur þessi "þróaði" fjöðrunar og drifbúnaður svo góður að það var bara formsatriði að skrúfa dekkin undir. Hver veit nema jóli verði í góðu skapi og gefi pæju köllunum alvöru dekk í jólagjöf. Annars er mig farið að langa til að sjá VW Toureg fara í breytingu, enda er sá bíll með drifbúnað frá ZF sem ætti að duga vel fyrir íslenskar aðstæður.
Hlynur
ps. ég vona að Björn Þorri fari að finna skafl sem hann ræður við…….
Fyrst þið eruð svona klárir komið þá með hugmynd að betra nafni. Ekki það að önnur nöfn-orð hafi ekki verið prufuð en superjeep varð einfaldlega það sem varð ofaná og oft er "safari" bætt aftaná. Til gamans fyrir þá sem hafa svona miklar áhyggjur að "superjeep" orðinu væri fróðlegt fyrir ykkur að slá "superjeep" inn á t-d google eða öðrum erlendum leitarvélum og sjá hvað gerist.
Kveðja Hlynur (sem fer oft í "superjeep" ferðir)
Skoðaðu bara Pæjurnar sem Aron er búinn að vera að breyta. Þetta eru hásingalausir og grindarlausir jeppar sem eru á 38" dekkjum. Ég hef ekki skoðað alla þessa jepplinga en veit að það er ekki neitt meira mál að breyta VW Toureg en Pæjum. Ég persónulega myndi aldrei breyta svona jeppa, en það er vel hægt.
Það er búið að markaðsetja nafnið SUPERJEEP fyrir jeppaferðir á íslandi. Þeir erlendu aðilar sem eru að selja ferðir til íslands vita nákvæmlega hvað málið snýst um og vita hvað orðið superjeep stendur fyrir.
Ég sé ekki að það sé neitt mál að breytta þessum jepplingum frekar en öðrum grindarlausum jeppum.
Patrol fer sko víða, en svona langt…..Maður bætir kannski nokkrum myndum.
Ekki spurning að hringja í þá og lesa þeim pistilinn og nota kröftug örð. Það er skylda okkar jeppamanna að hrauna strax yfir svona kalla og hafa þá að háð og spotti hvar sem í þá næst. Ég er svo hneykslaður að ég get ekki borað í nefið á mér.
Hlynur
Það er enn pláss fyrir nokkra jeppa í Hveravallaferðina. Núna er bara að skella sér á fjöll með hressu fólki og biðja veðurguðina um snjó þegar nýliðaferðirnar verða farnar.
Ef einhverjir félagar vilja koma með er bara að hafa samband 894-1910 eða senda póst á hlynur@snaeland.is
Kveðja Hlynur
Reyndar eru hjálparsveitir farnar að rukka fyrir að sækja bíla og önnur faratæki sem eru skilin eftir á fjöllum eða eru í vandræðum og komast ekki til baka. Þetta er orðin spurning um verðmætabjörgun þegar fólk er ekki í hættu. Þetta fer að verða spurning um að nokkrir vaskir menn kaupi sér öflugan snjóbíl og stofni björgunarfyrirtæki til að sækja eftirlegukindur á fjöll. Hjálparsveitir er að vinna mjög gott starf á öllu landinu og menn eru ekki að hlífa sjálfum sér eða tækjunum þegar farið er í útköll og mikið liggur við.
Hlynur
Benz hætti að nota 2.9 vélina 1999. Aflmesti Sprinterin í dag er með 2.7 lítra 5 holu vél sem er að skila 160 hestum og er mjög hagstæð í eyðslu. Þessa vél er líka hægt að fá í Grand Cherokee, en ég skal hundur heita ef hún verður boðin í Musso á næstu árum.
Ég skil ekki hvað olíuflæði hefur með styrk öxla að gera. Olíflæðið er vissulega betra fyrir legur en þetta með styrkinn er mér hulin ráðgáta.
Ég átti 93 Patrol sem er trúlega einn besti bíll sem ég hef átt. Ég tók heddið 160þús og skipti um pakkningu, en heddið var í góðu lagi. Seinast þegar ég vissi var hann kominn vel yfir 200þús km og er ennþá á orginal kúplingu (hlutfallalaus á 38")sem segir margt um styrk hennar og aldrei hefur neitt verið átt við gírkassa. Það er ekki að marka bullið í BÞV enda er hann laumu Patrol aðdáandi sem á sér þann draum að aka um á Patta og spæla alla hina í snjónum eins og við Patrol menn gerum í dag….Amen
Hlynur
Ég held Musso sé með "þróaða fjöðrun" að framan. Ég held að ég fari með rétt mál þegar ég held því fram að það séu til 2 Musso á 44" og búið að setja rör og minna þróaðan fjöðrunarbúnað undir að framan. Einn félagi í 4×4 fékk sér Musso í fyrravetur og sá bíll er með "öræfaótta" og bilar venjulega við Vatnsfell.
Hafðu samband við mig Lúddi trúður. Ég á 13" breiðar orginal Patrol felgur sem er búið að kantsjóða. Við gætum kannski komist að samkomulagi þótt ég efi það stórlega.
Vindbelgjafélagið
