Forum Replies Created
-
Replies
-
Sá þáttinn og þetta var soldið eins og Icesave hræðsluáróður. Menn verða auðvitað að vita hvað þeir eruað gera þegar þeir fara á jökul, en það er algjör óþarfi að hætta að ferðast um hann.
Vertu nú ekki að gera lítið úr kvennaferðinni Atli, þótt þær hafi flutt sig í Hólaskóg. Þessir 1000 metrar frá malbikinu og að húsinu geta stundum verið svo krefjandi af fólksbílar eiga í vandræðum þar
Endurvarparás 44 á Bláfelli dekkar þetta svæði algjörlega. Eins næst endurvarparás 58 á Hlöðufelli eitthvað á þessu svæði. Þótt að það sé GSM sendir upp á Bláfelli, er mín reynsla að samband á GSM sé frekar stlitrótt fyrir sunnan Árbúðir og upp á Bláfelsháls.
Góðar stundir
Á hvaða síðu er þessi afsökun í Pæjero bókinni ?
Er nú bókin góða komin í leitirnar. Bók þessi sem ber nafnið "501 ástæða fyrir því að ég dríf ekki neitt" var og er staðalbúnaður í breyttum Pajero jeppum. Þar sem Benni byrjaði á Pajero, þá hefur hann líklega hirt bókina úr Pæjerónum þegar hann seldi hann. Svo er hún greinilega komin til Gísla núna, enda kemur sá guli aldrei heill heim og Gísli er hann út í eitt
Eitt sinn hlustaði ég á Odd Sigurðsson útskýra hvað væri jökull. Mig minnir að hann yrði að síga eða falla fyrir eigin þyngd til að geta talist jökull. Líklega er Okið alveg á mörkunum að geta talist jökull. Eru ekki einhverjar jökulfannir í norðurhlíð Oksins ?
Góðar stundir
Tek undir með Atla. Maður er að sjá auglýsingar þar sem alskonar bíla eru sagðir með öllu. Las auglýsingu um Patrol fyrir stuttu sem var sagður með öllu, en var reyndar bara búið að breyta honum fyrir 44" og lækka hlutföll. Prófiltengi, kastarapar og þverbogar á toppinn gera bíla ekki "einn með öllu".
Mér dettur helst í hug öflugir hjálparsveitabílar þegar talað er um "einn með öllu", og svo er auðvitað slatta af félagsmönnum sem eiga "einn með öllu"
Góðar stundir
ps: var næstum búinn að klikka á "vista" í staðin fyrir "senda" Hvar endar svarið ef klikkað er á "vista" ? Hjá sérstökum saksóknara eða hjá Svandísi Svavars ?
Það var jarðýta að laga veginn fyrir ofan Sandkluftarvatn milli jóla og nýárs. Þá var Kaldidalur svo til snjólaus, aðeins klaki í veginum. Ef jarðýtan hefur lagað þessi úrrensli þokkalega, þá ættu Uxahryggir að vera fólksbílafær.
Góðar stundir
Skoðaðu ljosin.net Ég á hleðsluvasaljós frá þeim sem lang lang langbesta ljós sem ég hef eignast. Þetta eru ekki ódýrustu græjurnar, en Wolf Eyes LED ljósið sem ég er búinn að eiga næstum í þrjú ár er fáránlega gott.
Góðar stundir
Ég heyrði að Atli myndi bjóða upp á sætaferðir á blótið. Hann er víst búinn að saga Toyotuna í sundur aftur og stefnir á eins margar hurðir og sæti og passar fyrir ferðina. Svo er Birkir (Fastur) víst kominn á jeppa sem hann hefur aldrei velt !!!
Það má ekki gleyma Skarphéðinstind í Kverkfjöllum. Hann er 1936 metrar.
Ég pantaði mín hjá TwistedThrottle.com Settið með öllu kostar 300USD og það var ca 42.000.- komið til landsins. Núna eru alveg eins ljós til hjá Bílasmiðnum.
Góðar stundir
LED er framtíðin. Ég keypti mér þessi og setti á sleðan minn. http://www.youtube.com/watch?v=z-IgdqRTAPM
Ekki er þetta neitt sérstaklega glæsilegt.
"Óbreytt er ákvæði um heimild ráðherra til að takmarka eða banna akstur á
jöklum og á snjó þar sem hætta er á náttúruspjöllum eða óþægindum fyrir aðra sem þar eru á ferð.""Útgáfu kortagrunnsins og þar með gildistöku hans skal auglýsa í B-deild
Stjórnartíðinda og á það einnig við um uppfærðar útgáfur hans. Grunnurinn verður réttarheimild
um heimilar akstursleiðir um landið og jafnframt verður ljóst að óheimilt er að aka vélknúnum
ökutækjum á slóðum sem ekki eru sýndir í grunninum.""Lagt er til að ráðherra verði heimilt að
takmarka umferð um vegslóða sem skráðir eru í kortagrunninn í samræmi við ástand þeirra."Það er að okkur sótt, vægt til orða tekið.
Besta lausnin á þessum fjarskiptum, er að fara út í bíl. Stilla á endurvarparás 58 og kalla á þá sem eru þarna á ferð. 58 næst mjög víða í Reykjavík og að sjálfsögðu er Skjaldbreiðarsvæðið mjög vel dekkað af honum.
Það þarf ekkert Tetra, gsm eða annað aðkeypt dót. Við eigum VHFið alveg skuldlaust og um að gera að nota það.
Góðar stundir
Í byrjun þessa mánaðar var komið ágætt færi á Grímsfjall frá Jöklaseli. Ég held að þeir sem voru á ferð þá hafi farið niður Tungnaárjökul í ca 1100-1200 metr, og töldu leiðina áfram niður í Jökulheima líklega ófæra, en þeir áttu svosem ekkert erindi þangað. Síðan hefur eitthvað snjóað, og eins og venjulega er bara ein leið til að vita hvort þetta er fært. Það er bara að drífa sig af stað og skoða aðstæður.
46" MT á 16" felgu er afburðadekk í þessari stærð. Tourisataökumenn eru búnir að prufa öll dekk á flestum felgustærðum , og reynslan hefur sýnt að 46" MT dekk á 16" felgu kemur lang best út.
Góðar stundir
Þetta er aldeilis flott hjá Páli Ásger. Ég held að ómerkilegri pennar séu vandfundnir.
Þetta mál er allt hið furðulegasta. Eins og ég skil það, þá lagði svæðisráðið á vestursvæði fram þá tillögu að akstur um Vonaskarð yrði takmarkaður yfir hásumarið, en á öðrum tíma ársins yrði hún opin. Stjórn Vatnajökulsþjóðgarðs ákvað að fara ekki eftir þeim tillögum, og hafa mér vitanlega ekki fært nein haldbær rök fyrir því.
Þetta fólk skipar stjórn Vatnajökulsþjóðgarðs.
Stjórn Vatnajökulsþjóðgarðs skipa:
Anna Kristín Ólafsdóttir, formaður.
Varamaður, Hilmar J. Malmquist.Ólöf Ýrr Atladóttir, varaformaður.
Varamaður, Hjalti J. Guðmundsson.Böðvar Pétursson, aðalmaður og Katrín Eymundsdóttir, varamaður.
Björn Ármann Ólafsson, aðalmaður og Ruth Magnúsdóttir, varamaður.
Hjalti Þór Vignisson, aðalmaður og Björn Ingi Jónsson, varamaður.
Elín Heiða Valsdóttir, aðalmaður og Eydís Indriðadóttir, varamaður.
Þórunn Pétursdóttir, aðalmaður og Ingólfur Á. Jóhannesson, varamaður, tilnefnd af umhverfisverndarsamtökum.
Magnús Hallgrímsson, aðaláheyrnarfulltrúi og Magnús Tumi Guðmundsson, varaáheyrnarfulltrúi, tilnefndir af Samtökum útivistarfélaga.
Það gæti verið tilraunarinnar virði, að senda þessu fólki tölvupóst og fara fram á frekari rökstuðning fyrir lokun á Vonaskarði, en skýringarnar sem koma fram í verndaráætlun segja mér ekki mikið, og eins hafa verið færð ágæt rök fyrir því að lokun geti haft neikvæð áhrif á svæðið.
Góðar stundir
Það getur verið fróðlegt að lesa fundargerðir stjórnar Vatnajökulsþjóðgarðs. http://www.vatnajokulsthjodgardur.is/me … gerd25.pdf
Þarna kemur meðal annars þetta fram.
"4. Rekstrarmál 2010
– Rekstraráætlun 2010 – samþykki
Framkvæmdastjóri lagði fram áætlun fyrir árið. Rekstrargjöld eru áætluð 270
milljónir, sértekjur um 100 milljónir og framlag úr Ríkissjóði um 170 milljónir.
Reiknað er með að alls um 55 manns vinni við landvörslu og önnur störf fyrir garðinn
næsta sumar.
Rekstraráætlunin 2010 samþykkt."Samkvæmt þessu á ríkið að borga 170 milljónir með garðinum í ár eg eins að 55 vinni þar í sumar.
Í þessu samheingi er vert að benda á, að ekki hefur verið landvörður við Gullfoss og Geysi undanfarin ár, þótt það svæði sé eitt vinsælasta og mest sótta svæði landsins.
Ég efa það ekki, að það má mjög auðveldlega hagræða og nýta þessa fjármuni mikið betur en nú er gert.
Góðar stundir
