Forum Replies Created
-
Replies
-
Þessi 3.0 vél er frá M-Benz, svo þetta eru alvöru hestöfl sem er verið að tala um. Ég er búinn að skoða einn 4 dyra, og þetta eru flottir bílar til breytinga. Þessi bíl er draumasending inn í minnkandi flóru jeppa sem eru hentugir til breytinga, og þessi vél er til að slefa yfir. Það liggur við að maður panti strax eitt kvikyndi og fari að spá í breytingar á honum.
Góðar stundir
Þetta lýst mér vel á, þótt ég sé ekki að fara á árshátíð. í dag snéru bílar við frá Kaldadal, sá sem baslaði mest hætti við neyðarskýlið, Rover á 44". Eins snéru menn frá á leið í Jaka, frá Húsafelli. Það er rigningarspá fyrir föstudaginn, en snjókoma fram að því. Nú ríður á að standa sig og halda haus hjá árshátíðarförum.
Góðar stundir
Langjökull er hættulegur núna og mjög blautur. Það er rétt að koma hismi yfir sprungur og vatnsrásir, og svo er mikill krapi í honum líka. Ég færi eitthvað annað
Núna er ágætur snjór á Kaldadal og því svæði, og fyrir nokkrum árum hefðu allir þust út og aðeins viðrað sig og spóla í snjónum.
Það ætti að stofna strax sófariddaradeild innan 4×4, fyrir þessa sófaferðariddara. Líklega er þetta ekki rétt hjá mér, best væri að stofna hálendisnefnd fyrir þessa fáu sem þora út í snjó, í þessu láglendisvædda félagsskap.
Góðar stundir
Ertu ekki til í að draga þetta aðeins saman, og byrta bara samantekt úr þessu ritmáli. Það nennir ekki nokkur kjaftur að lesa svona romsu.
Góðar stundir.
Með því að fara í 16" felgur, stækkar hópurinn all verulega. Allir Ford fjóshaugarnir þurfa þá stærð, og þá væri ég til í að vera með, og margir aðrir.
Góðar stundir
Það þarf að leyfisskoða jeppan, en það gefur þér ekki nokkurn rétt til að aka með ferðamenn, heldur er þetta bara eitt rukkunarkjaftæðið í viðbót. Sá sem selur jeppaferð, eða stendur fyrir henni, verður að hafa rekstrarleyfi frá vegagerðinni. Þau leyfi eru hinsvegar framseljanleg til bíla sem eru minni en 8 farþega, og er sérstakt eyðublað notað til þess. Síðan þarf að vera á þokkalegum bíl, og eru Patrolar lang mest í þessu.
Góðar stundir
Fór að íshellinum við Hrafntinnusker seinasta föstudag, með 7 óbreytta landróvera á eftir mér. Ekki hægt að segja að nokkur snjór hafi verið á veginum, þótt hann sé einn af örfáum slóðum á landinu, sem fyrir yfir 1000 metra.
Góðar stundir
Ég vil ekki að það sé verið að persónugera þetta mál, og vil als ekki að Agnes sé að líta á þetta sem persónulegar árásir, enda veit ég vel að Agnes vill bara vel fyrir 4×4.
Þar sem starfsmaður er líklega lang stærsti einstaki útgjaldaliður 4×4, er ekki óeðlilegt að menn séu að velta þessu fyrir sér, og þetta þarf að vera hægt að ræða án þess að fara í einhvern skotgrafarhernað. Ég mætti ekki á seinasta aðalfund, og hef ekki hugmynd um hvernig ársskýrsla 4×4 leit út það árið, fyrir utan að ársreikningur er eitt leiðinlegast fundarefni á aðalfundi. Núna er búið að eyða gríðarlegu púðri í að velta sér upp úr tíðnigjöldum póst og fjar, sem eru ca 400 þús, en það var kanski óþarfi, enda frekar lítil útgjöld, miðað við hvað félagar fá í staðin, og hvað þetta er lítil upphæð miðað við félagsgjöld. Án þess að ég viti það, myndi ég giska á að það kosti 4×4 aldrei undir 4 millum á ári að hafa starfsmann í 100% starfi, og það eru töluverðir peningar, og ekki nema von að félagar séu að spá í þetta. Þegar ég var varamaður í stjórn með Skúla, var starfsmaður í 25% starfi, sem við deildum með FÍ. Allir voru nokkuð sammála því að það fyrirkomulag var ekki að henta okkur og því var breytt þá, og nýr starfsmaður ráðin sem við deildum ekki með öðrum. Síðan hefur þetta undið mikið upp á sig, og núna er starfsmaður búin að vera í 100% starfi í rúmlega eitt ár, ef ég man rétt. Ársverk er alveg hellingur, og eiginlega ætti það að vera í verkahring stjórnar, að upplýsa okkur félaga í 4×4, hvernig þessi nýbreytni að hafa starfsmann í 100% hefur komið út.
Menn geta síðan stofnað annan þráð, ef þeir vilja fara í eitthvað skítkast, þessi umræða ætti að vera yfir það hafin, og reyna svo að vera málefnalegir.
Ferðakveðja
ps: var ekki búinn að sjá svarið frá Tryggva þegar ég páraði þetta.
Þetta eru ágætar pælingar hjá Ellu, og fleyri hafa verið að velta þessu fyrir sér, þar á meðal ég. Þessar spurningar eru nú þannig að ekki ætti að vera stór mál að svara þeim, og eins er ágætt að félagsmenn séu með á nótunum um þessa hluti. Ég get líka tekið undir það, að mér þykir 4×4 hafa færst nær láglendinu undanfarið, og starfsemin farin að líkjast hinum ferðafélögunum full mikið. Svo getur líka verið að maður sé fullur af ranghugmyndum, því maður veit ekki hvað starfsmaður 4×4 er að gera allan daginn.
Ferðakveðja
Leo M Jónsson er alltaf skemmtileg lesning, og nóg af gullkornum. Þetta las ég hjá honum.
Mitt álit á Nissan Patrol!
Spurt: Mig langar að fá álit þitt á Nissan Patrol 2004 og uppúr með 3ja lítra dísilvél.Svar: Breyttur Patrol 3ja lítra dísill er aðgangskort að vandamálum; mikil eyðsla, þungur bíll og ekki dugmikill í erfiðri færð: Skil ekki hvað menn sjá við þessa bíla nema það sé stærðin – Musso hentar t.d. mun betur til breytinga – hins vegar er Patrol mjög þægilegur og rúmgóður jeppi – óbreyttur.
Hinn alvitri jeppamaður hefur afgreitt málið. Patrol er drusla sem drífur ekki neitt og hentar ekki til breytinga. Musso er hinsvegar kjörin til breytinga.
Góðar stundir
Hérna er vitnað aðeins í lög 4×4.
1. grein.
Félagið heitir Ferðaklúbburinn 4×4 og hefur aðsetur í Reykjavík. Ferðaklúbburinn 4×4 er félag áhugamanna um ferðalög og búnað fjórhjóladrifsbifreiða.
2. grein.
Markmið félagsins eru:
. Að ná til sem flestra sem áhuga hafa á ferðalögum um landið á fjórhjóladrifsbifreiðum.
. Að gefa gott fordæmi um umgengni og verndun landsins með jákvæðri eftirbreytni og umræðu um náttúruvernd.
. Að gæta hagsmuna félagsmanna varðandi búnað fjórhjóladrifsbifreiða og annað er lýtur að fjórhjóladrifsbifreiðum og ferðalögum í samráði við viðkomandi yfirvöld.
. Að efla þekkingu félagsmanna á öllu því er við kemur útbúnaði fjórhjóladrifsbifreiða og ferðalögum um byggðir og óbyggðir landsins.
. Að efla tengsl og kynni félagsmanna.Lög um litlunefnd. Ég veit ekki betur en sú nefnd hafi starfað ágætlega eftir þessum lögum.
6. Litla nefndin. Hlutverk nefndarinnar er að sinna ferðalögum og kynningarstarfi fyrir eigendur minna breyttra jeppa og skipuleggja ferðir sem henta þeim sem og öðrum félagsmönnum. Kjósa skal 5 menn í hana.
Hér kemur fram hvað skal gera þegar nefndarmaður hættir í nefnd.
10. grein.
Stjórn félagsins er heimilt að stofna til annarra nefnda en taldar eru í 9.gr. og jafnframt að fela fastanefndum sérstök verkefni önnur en þar er tilgreint. Allar nefndir skulu kjósa sér formann. Hætti kosinn nefndarmaður störfum í nefnd þá tilnefni þeir sem eftir sitja í nefndinni varamann í hans stað.Smá innlegg í umræðuna.
Góðar stundir
Það kemur hvergi fram í lögum 4×4, að eitt að markmiðum 4×4 sé að skipuleggja ferðir fyrir félagsmenn. Ég hafa alltaf sagt að 4×4 sé ferðaklúbbur, en ekki ferðafélag, og það sé ekki aðal málið að standa fyrir skipulögðum ferðum, heldur hagsmunagæsla svo við getum ferðast áfram á fjöllum.
Eins sé ég ekki af hverju eigendur lítið breyttra bíla geti ekki ferðast lengur. Fyrir flestar helgar á vetrunar eru menn að rotta sig saman á vefnum, sumir mikið breyttir og aðrir minna breyttir. Ef menn eru virkilega svo ósjálfbjarga, að geta ekki gert neitt nema það sé eitthvað voðalegt skipulag í gangi, er mér mikið brugðið. Vefurinn er að koma mjög vel út fyrir þá sem eru að leita sér að ferðafélaga við hæfi, og auðvita eiga menn að nýta sér þann möguleika.
Svo ættu menn að ferðast meira og tuða minna.
Góðar stundir
Getur þessi aðili reddað hlutum í Patrol ?
Kveðja
Hlynur
Best að vekja upp eitt lík.
Vorum tveir félagar að þvælast aðeins um uppsveitir suðurlands, og höfðum smá tíma til að leita að Tangavaði. Eftir símtöl við heimamenn, sem farið hafa vaðið, þegar enn var vatn í því, teljum við okkur hafa fundið það. Þetta svæði er allt í drasli eftir virkjunarframkvæmdir, en ef menn nenna aðeins að spá í hlutina er hægt að finna vaðið. Eins komum við í fyrsta skipti í Sultartanga, sem margir telja að sé undir vatni, en það er hann ekki, og verður að teljast sem náttúruperla, sem kemur gríðarlega á óvart. Alltaf er það jafn magnað hvað svæði sem maður telur sig þekkja vel, getur komið manni á óvart.
Hlynur
Það er eins og mig minni að þessum slóða hafi verið lokað löglega af sveitarfélaginu, sem fer með skipulagsmál á þessu svæði. Það er svakalegur próses að loka vegi, þarf að auglýsa það og alskonar vesen. Skálaverðir og annað fólk, sem hlaða grjóti fyrir merkta slóða, hafa ekki nokkra heimild til þess, frekar en ég meigi loka Kaldadal.
Þeir sem vilja skoða þetta svæði af einhverju viti, ættu að fá sér snjósleða.Góðar stundir
Fundurinn í gær var mjög fróðlegur. Núna er komin metnaður í að byggja upp kerfið, annað en allir fyrrverandi rekstraraðilar Tetra, sem lofuðu öllu fögru, svo stóðst nákvæmlega ekki neitt sem þeir sögðu.
Það sem mér þykir hinsvegar stór galli við þetta kerfi, er að það er of dýrt. Eftir samtal við Kjartan frá Hátækni, taldi hann ekki ólíkleg að handstöð, komin í dokku fyrir bíl, með öllum útbúnaði, myndi kosta yfir 100.000 krónur. Þá á eftir að greiða mánaðargjald sem er 1450 krónur, eða tæpar 18.000.- krónur á ári. Það er sérstaklega tekið fram að menn noti tækið helst ekki sem síma, enda sögðu þeir Tetra menn, að þetta væri fyrst og fremst talstöðvarkerfi. Eins þykir mér drægni frá sendum frekar lítil, þótt hún geti verið 56 km í loftlínu, sögðu þeir Tetra menn, að miðað við íslenskt landslagt, væri drægni oft ekki nema 7 til 27 km frá sendum.
Núna er ég ekki að gera lítið úr Tetra, en það er byggt upp fyrst og fremst fyrir viðbragsaðila í landinu, og er víst að gera sig ágætlega sem slíkt, en við jeppafólk eru afgangsstærð í þessu máli.
Það má ekki gleyma því að 4×4 á mjög öflugt endurvarpakerfi, og má næstum sega að flestir staðir á hálendinu séu dekkaðir af endurvörpum 4×4, allavega eru önnur kerfi varla að ná sömu dekkun á hálendinu, nema þá helst endurvarpar Landsbjargar (sem er lokað kerfi) og svo gerfihnattasímar. Það sem helst vantar núna er að fá hlustun á þessa fjallaendurvarpa 4×4, en þau mál eru í stöðugri skoðun.
Það er allavega nóg að gerast í fjarskiptamálum og best að vera vel vakandi yfir þeim, en mér fer að lítast betur og betur á Irridium síma, en þeir kosta svipað og Tetra með dokku, en mánaðgjaldið er ca 3000 á mánuði og svo kostar örugglega 200 kall á mínútu að hringja úr þeim, en þeir ná alltaf sambandi.
Hættur þessum pælingum í bili
Hlynur
Ég skil bara ekki hvernig menn hafa komist af á fjöllum hingað til, án þessa að neitt félagatal sé á vefnum. Þetta félagatal yrði bara ein afþreying í viðbót fyrir sófariddarana, en gerir ekki mikið fyrir þá sem eru á fjöllum.
Ferðakveða
Baráttuhópur gegn láglendisvæðingu 4×4….
Ég var að þvælast aðeins í Þjórsárdalnum og þar fyrir ofan um helgin, og get ekki annað en dáðst að framtaki vörðuvinafélagsins. Gnúpverjar stofnuðu þetta félag og endurhlóðu allar vörður á gömlu sprengisandsleið vestan Þjórsar. Upprunalega voru þetta 425 vörður frá Skriðufelli inn að Sóleyjarhöfðavaði, en 23 vörður voru glataðar undir Sultartangalóni og týndar í Skriðufellsskógi, svo 402 vörður voru endurhlaðnar og GPS mældar. Lokið var við að endurhlaða vörðurnar 2006, 100 árum eftir að þær voru hlaðnar.
Góðar stundir
Bestu kaupin í dag eru hjá Bílasmiðnum. Parið af Britax kösturum kostar einhvern 12 til 14 þúsund kall. Er búinn að nota þau í ár, og þau gefa Hella ekkert eftir, en kosta bara helmingi minna.
Góðar stundir
