Forum Replies Created
-
Replies
-
Ágætis vangaveltur hér í gangi. Ella fékk svör við spurningum í morgun, þegar hún fékk mail frá vefnefnd þar sem henni var tjáð að búið væri að loka fyrir aðgang hennar að f4x4.is. Hún átti víst að hafa verið að grafa undan starfi stjórnar með póstum sínum á þræðinum um miðjuferðina, og það kallar á tafarlaust bann, án viðvörunar.
Það er rétt að rifja upp seinast félagsfund í Mörkinni þar sem Einar Kjartans kom í pontu og sagði okkur frá því, að formaður 4×4 hefði hringt í sig og hótað sér að hann yrði bannaður á vef f4x4 hef hann hætti ekki að tala ílla um Tetra.
Eins er búið að segja við Benna að hann megi ekki nota vefin til að panta meir af Xenon ljósum fyrir félaga á kostnaðarverði.
Teddi getur líka hætt að hóa mönnum saman til dekkjakaupa á vefnum, það gæti farið fyrir brjóstið á einhverjum.
Þetta er æðislegt alveg. Þeir sem standa fyrir þessari ritskoðun eiga sko þakkir skyldar.
Þar sem allt er orðið æðislegt á þessum þræði aftur vil ég benda á eitt.
Ella koma inn á þennan þráð og bar upp nokkrar spurningar. Svörin sem hún fékk voru misjöfn og því hefur ekki verið svarað hvaða fyrirfólk er að fara í þessa ferð.
Í morgun fékk Ella mail frá vefnefnd þar sem henni var tjáð að búið væri að LOKA á aðgang hennar að spjallsíðu f4x4.is, án viðvörunar
Núna hvet ég félaga í 4×4 til að lesa það sem hún skrifaði hér fyrir ofan og legga sitt mat á þau skrif og hvort Ella verðskuldi þetta.
Ég vona að vefnefnd hafi vit á því að skammast sín fyrir svona fáránlega gjörning.
Það hefur sjaldan verið eins gaman í vinnuni eins og í dag. Vorum að þvælast með nokkra Frakka á nokkrum jeppum og fórum Gjabakkaveg. Ég hef ekki séð svona mikin snjó þarna í mörg ár, og ánægju og gleðistöðullinn fór upp úr öllu valdi. 44″ og46″ bílar í púðri upp á húdd og allt að gerast. Ég gæti trúað að Bragabót væri fennt í kafi, og það er sleðafæri dauðans þarna. Núna er lag fyrir alla sófariddara að drífa sig út að leika, og sjá hvort ekki taki sig upp glott ….
Góðar stundir
Þetta virðist allavega vera hálfgert leyndó. Ella spurði saklausar spurningar um hvaða fólk væri að fara í þessa ferð, en fær bara hálfkveðnar vísur til baka, og er svo sagt að þetta komi henni ekki við. Þetta er klúbburinn okkar allra, en ekki bara sumra, svo það er ekki nema eðlilegt að félagar hafi áhuga á því að vita hvaða fyrirmönnum er verið að bjóða í þessa ferð. Ég var búinn að heyra að samgönguráðherra væri að fara, Árni Johnsen og svo hlítur Siv að fara með, eins og alltaf. Örugglega eru fleyri að fara í þessa ferð og við hljótum að fá að vita hverjir það eru. Síðan er bara að vona að þetta gangi allt vel og skil sér til baka í auknum skilning á okkar ferðamensku hjá ráðamönnum.
Góðar stundir
Þegar ég var að skoða Fréttablaðið í kvöld rak ég augun í þetta.
"Tafir á uppsetningu nýs kerfis
fjarskipti Einhverjar tafir hafa orðið á uppsetningu símkerfis sem ætlað er að verða arftaki NMT-kerfisins, en fyrirtækið sem byggir upp nýja kerfið, Nordisk mobiltelefon Island, telur að hægt sé að standa við áætlanir."Þeir telja sig vera eitthvað á eftir áætlun en að þeir séu í stöðu til að vinna þær tafir upp," segir Hrafnkell V. Gíslason, forstjóri Póst- og fjarskiptastofnunar. Stofnunin fær reglulegar stöðuskýrslur frá fyrirtækinu.
Áformað er að slökkva á NMT-kerfinu í byrjun árs 2009, og þá á nýja kerfið að vera tilbúið. Aðspurður segir Hrafnkell að ekki hafi verið rætt hvort NMT-kerfinu verði haldið gangandi lengur verði tafir á uppbyggingu nýs kerfis.
Síminn á helmings hlut í Nordisk mobiltelefon Island á móti Nordisk mobiltelefon AB. Linda Björk Waage, forstöðumaður almannatengsla á samskiptasviði Símans, segir að framkvæmdir við nýja kerfið séu á áætlun.
Samkvæmt tilboði Nordisk mobiltelefon Island í tíðniheimild fyrir farsímakerfið er ráðgert að fimmtíu sendar utan þéttbýlis verði komnir upp 1. júní næstkomandi og fullri útbreiðslu verði náð 1. október. Tíðnisviðið sjálft verði svo tekið í notkun 7. janúar 2009.
"Það eru einhverjir sendar komnir upp, og þetta lítur út fyrir að ætla að standast þær áætlanir sem við lögðum upp með," segir Linda. – bj"
Hérna er örugglega verið að tala um CDMA 450, en maður fer að verða svo ruglaður í öllum þessum fjarskiptalausnum, að maður veit ekki hvort maður er að koma eða fara. Allavega vitum við það núna að NMT verður út árið, og hvað gerist svo ? Erum við kanski að gera óraunhæfar kröfur á þau kerfi sem eiga að koma í staðin. Er ekki málið að efla bara VHF kerfið sem við félagar í 4×4 eigum alveg sjálf, og getum þróað eins og við viljum, enda eru endalausir möguleikar þar. Eða eigum við að fara með brefdúfu á fjöll. Þetta verður bara flóknara.
Góðar stundir
Þótt þetta komi 3G ekki beint við, ákvað ég að pósta þessu inn hér.
Ég stal þessu af sleðasíðuni norisknofun.is
"Og svo um Tetra kerfið. Nú er búið að prófa Motorola MTP 850 handstöðina á eftirtöldum leiðum: Kaldidalur, Langjökull, Skriðan, Þórsmörk, Mýrdalsjökull, Mælifellssandur, Strútsskáli og þar í kring. Og á fullt af vegaslóðum fyrir utan veg 1. Í stuttu máli sagt er útilokað að nota þetta tæki sem öryggisfjarskiptatæki á þessum stöðum. Það skal ósagt látið hvort þetta á eftir að batna eða ekki. En útbreiðslukortið sem Tetra Ísland hefur gefið út og er miðað við bílstöð og loftnet á toppi, hefur ekkert gildi hvað varðar handstöðina.
Gamla góða Globalstar (góða af því að maður slapp við mánaðargjöld) er alveg sambandslaust á Íslandi núna. Einhverjar líkur eru á að tungl sem nýtast okkur verði komin á loft eftir um það bil hálft ár. Því er eini raunhæfi möguleikinn í stöðunni að fjárfesta í Irridium gerfihnattasímum. Þeir eru rándýrir og bera mánaðargjöld óháð notkun en auðvitað þarf að greiða fyrir notkun líka. Að auki eru hljómgæði tiltölulega léleg. En það er samband svotil alls staðar. "
Ekki er Tetra alveg að gera sig hjá sleðamönnum.
Góðar stundir
Þetta er viðbót í frekar gloppótta flóruna. CDMA vinnur á 450 MHz, en þetta nýja 3G á að vera á 900 MHz svo hér er ekki verið að tala um sama kerfið. Mér er nokkuð sama um gagnaflutningsgetu, ég vil bara geta hringt á fjöllum sama hvar ég er.
Góðar stundir
Ég stal þessu af siminn.is
„14.01.2008 | 10:59
Síminn fær tilraunaleyfi fyrir langdrægt 3G farsímakerfi.
Síminn hefur fengið úthlutað tilraunaleyfi frá Póst og fjarskiptastofnun fyrir langdrægt 3G farsímakerfi. Kerfið er samkvæmt UMTS staðli og nýtir 900MHz tíðni sem er sama tíðni og hefðbundin GSM kerfi nota. UMTS staðallinn er viðurkenndur 3G staðall fyrir farsímaþjónustu og er sá sami og Síminn hefur notað við uppbyggingu á 3G kerfi Símans á höfuðborgarsvæðinu, á Akureyri og í Leifsstöð, en þar er 2100 MHz tíðni notuð.Helstu kostir þessa kerfis umfram hefðbundin langdræg GSM kerfi eru þeir að drægni þess er allt að 50% meiri auk þess sem mögulegur gagnahraði í þessu nýja 3G kerfi er allt að þúsundfaldur á við það sem býðst í langdrægum GSM kerfum.
Munurinn á þessum tveimur tíðnisviðum, þ.e. UMTS 2100 og UMTS 900, felst einna helst í því að útbreiðslueiginleikar lægri tíðna eru almennt betri og má því vænta umtalsverðs meiri gagnahraða í mikilli fjarlægð frá sendistöðvum.
Síminn er tæknilega í fremstu röð fjarskiptafyrirtækja sem bjóða upp á 3G þjónustu í heiminum í dag og er eitt eitt örfárra fjarskiptafyrirtækja sem hefur prófanir sem þessar. Tilraunakerfið er sett upp í samvinnu við Ericsson sem er leiðandi fyrirtæki í þróun og sölu á fjarskiptabúnaði í heiminum.Síminn vinnur þessa dagana að uppsetningu á búnaðinum á Suðurlandi og áætlar að hefja tilraunir í þessari viku.“
Hvað skyldi þetta nú þíða. Er búið að salta CDMA eða hvað? Ætli það sé ekki best að fara að panta sér gerfihnattasíma og áskrift frá USA, enda virðist stefna í að landið verði hálf fult af hálfköruðum símkerfum þegar verður drepið á NMT kerfinu.
Góðar stundir
Það gæti verið að ein eða tvær grobbsögur um ágæti 46" gætu heyrst. Skruppum nokkrir á fjöll í vikuni og þeir sem voru á 46" þóttust drífa alveg rosalega.
Góðar stundir
Það hafa komið út nokkrar bækur þar sem aðeins er fjallað um þessi mál. Áfram veginn, Brotin drif og bílamenn, eru fróðlegar bækur um þessi mál. Eins er Saga bílsins á Íslandi 1904-2004 mjög fróðleg. Þá bók skrifaði Sigurður H Hreiðarsson, en sá maður er vel að sér í þessum málum. Eins gæti eitthvað áhugavert verið að finna á Skógarsafni, og svo má ekki gleyma fornbílaklúbbnum.
Góðar stundir
Hvaða bjáni hefur keyrt upp miðja Entujökul, en ekki alla leið. Jökultungan í Sandfellsjökli nær niður fyrir 300 metra og er eflaust snjólaus og slæm yfirferðar, en á snjóavetri er þetta eflaust lítið mál, en ég hef ekki farið þarna sjálfur.
Góðar stundir
Það er búið að plana þessa ferð fyrir löngu. Sáuð þið ekki ekki þráðin um Skipholtsskrók ?
Góðar stundir
Þið ætlið að keyra malbikið frá Akureyri alla leið að Jaka til að máta ykkur á jökulinn ? Ef svo er gefur þetta orðinu malbiksriddari alveg glænýja merkingu. Á ekki að fara bara austurfyrir líka, það gæti verið hálka í Bakkaselsbrekkuni.
Góðar stundir
Patrol er einfaldlega búinn að sigra fyrir löngu. Núna halda Toyotu menn ekki vatni yfir einhverjum hálfjeppa sem er að koma því vélin er svo öflug. Æðislegt alveg, hvenar skyldi maður svo sjá svona ofur jeppa á fjöllum ? Ef mig langar til að fá mér bíl sem er fljótur af stað á ljósum, fæ ég mér bara sportbíl eða eitthvað svoleiðis apparat.
Góðar stundir
ps: Benni hefur fengið lyfjaskammtinn sinn í kvöld
Núna er gott að vera á listanum góða og hafa verslað sé dekk.
Bara sorry þið sem ekki versluðu YKKUR ER EKKI BOÐIÐ
Þetta er einn heitasti VIP gestalisti sem til hefur verið. Brúðkaupið hjá Bónus juniornum er bara hálfdrættingur miðað við þetta partý.
Góðar stundir
Það virðist vera eitthvað vandamál með Hlöðufellið, allavega er hann ekki að svara núna. Fjarskiptanefnd og Siggi Harðar ætla að kanna málið eins og hægt er, en það er vægast sagt mjög vont að komast að endurvarpanum, enda er fjallið tæpir 1200 metrar og eflaust svakalega ísing þar núna.
Hlynur
Núna er Kaleik krists vís að finna efst í Hrunamannaafrétt, einhversstaðar við Skipholtskrók. Núna væri lag fyrir félaga í 4×4 að skreppa þarna uppeftir og finna vínglasið sem er falið þarna og fela það upp á nýtt. Þá gætu spekingar komandi aldar dundað sér við að lesa úr förum jeppahjólbarða eitthvað munstur, og komast að því hvar íslenskir jeppamenn földu vínglasið. Þar sem jeppamenn eru ekki neitt sérlega frumlegir yrði eflaust farið beint í Setrið og haldið upp á fundin með bjórdrykkju, og kaleikurinn yrði eflaust falinn í gáminum eða á gömlu Zetuni. Fyrir þetta yrði Dan Brown okkur æfinlega þakklátur, enda hefur hann ekki skrifa neitt af viti síðan Da Vinci code kom út, en þarna fengi hann alvöru innblástur. Núna er setja af stað stórferð og spæla þessa ítala sem vilja grafa holu þarna, og finna dolluna.
Aðeins meira um málið. http://visir.is/article/20080102/FRETTIR01/101020190
Góðar stundir
Líklega gæti 2.8 Nissan verið skemmtileg í þetta léttum bíl. Það er hægt ná ásættanlegu afli úr þannig vélum, en líklega kosta þær sitt ef þær eru í lagi.
Góðar stundir
Ég er hræddur um að Jeep sé ekki að koma með Benz diesel vél. Var að lesa grein í þýsku bílablaði um Rubicon, en í þýskalandi heitir hann Jeep Unlimited 2.8 CDR. Hann er með 2.8 lítra 4 gata diesel frá VM sem skilar 177 hestum og togar 410 Nm. Aftan á þetta er síðan settur 6 gíra beinskiptur kassi og líklega gamli góði BW 1356, allavega er lágadrifið 2,72. Eins er hægt að fá hann sjálfskiptan. Þurravigt er 2090 kg og hann má bara bera 450 kg, svo það má taka eina samloku með í ferð. Grunnverð úti er 33.860 Euro svo það er ekki eins og þetti sé gefið. Væri samt til í einn svona, enda er lítið mál að græja alvöru fjallabíl úr þessu.
Góðar stundir
Ég skil ekki hvað menn eru að spá í þessum afsláttarmiðum. Í Fréttablaðinu í dag er Regatta að auglýsa 50-80% afslátt, og skiptir þá ekki máli hvort þú ert í 4×4 eða hjálpræðishernum.
Var aðeins að fletta Setrinu og þar er margt ágætt, og líka eitthvað sem alveg hefði mátt missa sig. Ég var líka sáttur við Villa afdalamann sem segist ekki mæta á landsfund nema hann sé haldin á fjöllum, og gefur þar með láglendisvæðinguni fingurinn.
Núna er rétt að halda upp á útgáfu Setursins með því að leggja útgáfuna á hilluna, og leifa ritnefnd að velja sér einhverja aðra nefnd til að ganga í, fyrir utan hjálparsveit, enda er örugglega búið að leggja hana niður.
Góðar stundir
