Forum Replies Created
-
Replies
-
Ég vil bara þakka Róbert fyrir fróðlega og góða innkomu á spjallið.
Góðar stundir
Ég er búinn að vera að googla Bjallavirkjun, en gengur ekki of vel að finna út hvernig hún á að vera. Eitthvað hafa blöðin verið að birta myndir og maður er að reyna að átta sig á þessu.
Mér sýnist að stíflan komi einhversstaðar fyrir neðan Tröllið, og þaðan komi göng eða skurður til austurs. Síðan verður önnur stífla við Bjalla með litlu lóni og þar verður inntakið fyrir virkjunina, en það lón mun líklega drekkja Bjallavaði, Maríufoss og Hófsvaði. Síðan virðist affallið eiga að fara beint út í Krókslón, en ekki um farvegin. Kýlingar og Svartikrókur munu verða vatnslausir að mestu leiti. Jökulkvísl mun þó áfram renna um Svartakrók, en þetta verður ekki svipur hjá sjón.
Haustið 2006 fórum við nokkur í 44″ ferð og vorum heilan dag á þessu svæði, og skoðuðum það nokkuð vel. Þarna er mjög fallegt og ef menn fara aðeins útfyrir helstu leiðir, eru þeir einir í heiminum.
Mér hryllir við þessum virkjanahugmyndum og vona að þeim verði snarlega hent í ruslið.
Hlynur
Núna þurfum við bara að fá sambærilegar upplýsingar um Þvottapoka. Hvernig þvottapoka á maður að kaupa ?
Góðar stundir
Þetta eru ágætis dekk, gott grip og gott á keyra á þeim. En ef þú þarft að fara í 16.5" felgur skaltu gleyma þessu strax. Þessi dekk rifna mjög gjarnan við felguna, eins og sum önnur dekk fyrir 16.5" felgur.
Góðar stundir
Líklega er dekkið vírslitið.
Góðar stundir
Þetta var Goðinn sem fórst í Vaðlavík í des 1993, þegar hann var þar við björgunarstörf. Óttar hefur skrifað eina Útakllsbók um þetta sorglega slys. Eins er þetta flestum holl lesning um þetta slys. http://hallgrimurg.blog.is/blog/hallgri … ry/484077/
Ég man eftir góðu myndbandi sem ber þetta nafn "SOS Setrið kallar" Þá fór hópur vaskra manna í Setrið með varahluti og bjargaði lífi tugi manna, að mig minnir
GSM á Snjóöldu er komin í gang, svo núna er hægt að kjafta í síman í lauginni í Landmannalaugum. Ef einhver er að fara á fjallabakið um helgina væri fróðlegt að menn myndu góna aðeins á síman til að kanna útbreiðslu, og eins ef menn eru með Tetra.
Góðar stundir
Er eitthvað orðið ákveðið hvernig þetta verður ? Eiga að vera fyrirlestra og myndasýningar ? Verður eitthvað fjallað um upphaf jeppaferða ? Verður Jón Ofsi geymdur í búri og hafður til sýnis ? Er búið að fá Geimstöðina á sýninguna ? Er ekki örugglega 44" lágmarks stærð fyrir sýningarbíla ? Verður ekki bara Patrol til sýnis ? Verður ekki örugglega keppni í einhverju ?
Góðar stundir
Núna er verið að koma í gang Tetra og GSM sendum á Snjóöldu, svo það er að koma mjög gott GSM og Tetra samband í Landmannalaugum og á svæðinu í kringum Snjóöldu. Það verður mjög fróðlegt að prufa útbreiðslu frá þessum sendi.
Hlynur
Ég var að skoða myndir frá Óskari Erlings, þar sem hann var meðal annars á ferðalagi um Kjöl. Þar sýnir hann þessa mynd https://old.f4x4.is/new/photoalbum/default.aspx?file=landslag/6211/52255
og segir að þarna sé Kjalvegur sem Reynistaðabræður fóru um forðum. Eitthvað er Óskar að flaska á þessu, því Reynistaðabræður fóru upp hjá Tungufelli og yfir Jökulfallið við suðurenda Innri Skúta. Þaðan í Gránunes og austurfyrir Kjalhraun, þar sem þeir urðu úti í nóvember 1780. Það hefur margt verið ritað um þetta ferðalag, og það upplýstist aldrei hvað varð af þeim fjármunum sem þeir voru með, en fundust ekki hjá líkum þeirra né í Tjaldinu. Sumir hafa talið að menn sem voru sendir suður Kjöl til að leita þeirra stuttu fyrir jól, hafi fundið líkin og rænt þau og jafnvel komið þeim fyrir í klettaskoruni sem þau fundust 65 árum seinna.Ef menn hyggja á ferðalag yfir Kjöl, er kjörið að rifja upp söguna um Reynistaðabræður.
Góðar stundir
Þessi guli var inni hjá Guttasonum í mosó í vor. Þeir sögðu mér hver á hann, en að sjálfsögðu er ég búinn að gleyma því. Ég reyni að gleyma flestu sem viðkemur Ford sem fyrst.
Góðar stundir
Við höfum ekki neitt að gera við sturtu í setrinu fyrr en búið er finna heitt vatn. Þá vill maður fá vatnaveröld með rennibraut og öllu.
Hvað skálagjaldi varðar, þá var orðið tímabært að hækka það, og sérstaklega á utanfélagsmenn. Hinnsvegar þykir mér rétt, að ákvörðun um hækkun sé tekin á aðalfundi 4×4, eins og oftast hefur verið gert.
Góðar stundir
Þetta voru útlendingur á breyttum bílaleigubíl. Gott að þeir náðust.
Góðar stundir
Handbremsa í Sprinter er ekki neitt stórvandamál orginal. Þetta er svipaður búnaður og er í Toyota LC 80. Það þarf að herða útí þær, og þá virkar dótið ágætlega. Handbremsa í Patrol er samt mikið betri, en ég tel ekki þörf á því að mixa svoleiðis búnað í Sprinter, enda er viðhaldið á þeim óverulegt og frekar ódýrt í þetta.
Góðar stundir
Ekki ómerkari maður en Mad Max var að ferðast í hvíta 46" hórukassanum. Hann var svo ánægður með bílinn og eigandan, að það hálfa hefði verið nóg.
Góðar stundir
Þarna kom svarið. Leiðangur Ahlmann 1936 skýrði Norðlingalægð. Reyndar kemur það fram í annari bók, sem heitir Jöklaveröld að þeir hafi skýrt Norðlingalægð, en ég man ekki hvort það kemur fram í bókinni hans, enda nokkur ár síðan ég lasa hana seinast, en hún er til hjá mér upp í hillu. Jöklaveröld er núna á náttborðinu og ég er kominn í mest spennandi kaflana í henni. Þar eru viðtöl við gamla jökla hunda sem voru í þessum fyrstu leiðangrum og kunna margar sögur, og þekkja til annara leiðangra sem farið hafa á Vatnajökul. Vonandi verður sem mest af þessum sögum skráð, svo sérvitringar og grúskarar geti lesið sér til um þetta efni.
Hlynur
Olgeir er nokkuð heitur, en þetta var leiðangur sem gaf þetta nafn. Sami leiðangur bjó líka til örnefnið Djöflaskarð. Ég er ekki kominn það langt í bókinni sem ég er að lesa til að vita hvot hægt sé að eigna þeim Jóni og Sigurði þessa nafngift, og eins er ég ekki alveg viss um að þeir hafi verið báðir í þessum leiðangri. Þetta skýrist fljótlega.
Hvað Hríshólma varðar, þá ætla ég að giska á hólman sem var í Tungnaá rétt við Tangavað. Sá hólmi hefur verið skógi vaxin, en er nú óðum að eyðast.
Búhúhú. Ekki fara að grenja.
Góðar stundir
Var það ekki Sniglabandið sem söng svo undurfallega "jéttu úldin hund kona, jéttu úldin hund"
Góðar stundir
