Forum Replies Created
-
Replies
-
Haffi
Voru hættir með þær í fyrravetur þegar ég fór til þeirra. Voru ekki að fá þær á sama góða verðinu áfram og hættu að panta þær. Eru hinsvegar með hörkudælur, tveggja stimpla nýþungar og rándýrar dælur. Kostar 60000 kr og dælir 220 líter/min á tólf voltum.
PS. Stebbi Trúður. Ertu búinn að fá póstinn sem ég sendi þér í síðustu viku?
Haffi
[url=http://bilasolur.is/Main.asp?show=CAR&BILASALA=13&BILAR_ID=204009&FRAMLEIDANDI=MITSUBISHI&GERD=PAJERO%20SPORT%20(%2036:4ap01nx3][b:4ap01nx3]hér er einn svoleiðis[/b:4ap01nx3][/url:4ap01nx3]
og líka á þess fína verði. Svo er hann með leðri.
Þetta virðist án nokkurs vafa hafa tekist hjá þér. Til hamingju, og ekki skemmir að fá Pajero eiganda í þokkabót.
HahahaHaffi.
… er ekki Terranoinn svo afskaplega lítill og einfaldur. Mér hefur sýnst það að hann hafi svo ofskaplega stutt á milli hjóla og sé afar einfaldur (jafnvel hrár) að innan; ekki nógu vel hlúð að manni og allt svo opið og asnalega langt frá manni.
og tilgangurinn er…?
Þakka fyrir mig. Þetta var skemmtileg helgi og allir ferðafélagarnir afbragðs mannverur og flestir nokkuð vel samræðuhæfir. Mest er að minnast á bilanir og smámál sem voru að hrjá suma bílana. Er það þó sérstaklega gert fyrir þá sem ekki voru með í ferðinni. Bremsudælunni í Patrol hjá Gisla varð einum bolta fátækari og var mér treyst fyrir varahlutum þar sem ég lagði miklu seinna af stað en hinir. Ekki skiluðu sér neinir samviskusamlegir
patrolvarahluta-þettaeralltafaðbila-eigendur til að friða áhyggjurnar í Gísla, þannig að bráðabyrgða reddingu var skotið á til að festa dæluna og hélt það út túrinn. Skilst mér að Gísli sé búinn að gera sér samning við þá sem mestu ráða í herbúðum Nissan og fái væna í fúlgu fjár í hvert sinn sem einhver grandalaus Patroleiogandinn þarf að nýta sér þessa tiltekknu aðferð, sem ekki verður ljóstrað hér, því mun hún vera bundin einkaleifi. Það næsta markverða sem gerðist var að ég gleymdi að taka með mér klaka til að kæla bjórinn, því sæmir ekki húnvetningi eins og mér að drekka volgann bjór, sérstaklega ekki þegar meður er staddur á köldum og vindasömum fjöllum. Þá hafði ég samband við Jóhannes (JÞJ) þar sem ég var ekki kominn alla leið suður ennþá og bað ég hann að vera svo góðann að versla fyrir mig ís í Select, en þó bara ef hann fengi til sín boltana sem að Gísla vantaði í bílinn hjá sér. Ekki fékk hann boltana góðu, en ómakaði sig samt við að skreppa á móti mér að Þingvallaafleggjaranunm og afhenda mér ísinn góða. Færi ég Jóhannesi miklar þakkir fyrir. Sértaklega fyrir pokann sem ísinn var afhentur í. Því sá poki var smá götóttur og ísinn fór að gráta og grét í aftursætið á bílnum, en það eru nú smámunir, því bjórinn var kaldur þegar á þurfti að halda og það er það sem máli skiftir.
En nóg um það. Snemma á Laugardaginn þegar við vorum að aka um hraunið og rétt ókomin að Gæsavötnum var mér litið undir bílinn hjá honum Tryggva en hann var að láta í ljós áhyggjur sínar á óhljóðum og erfiðleikum með að bremsa, og það við líka þessar erfiðu og stressaukandi aðstæður (svo ekki sé nú meira sagt). Klippa þurfti í sundur bremsuslönguna og blinda hana og við tók enn stressandi akstur hjá Tryggva því taka þurfti dekkið undan til að ná dælunni af því hún damlaði boltalaus og var að valda miklum skemmdum á Cruisernum. (dekkinu var aftur skellt undir eftir að búið var að taka dæluna). Ekki meira markvert gerðist þennan dag, nema bæta þurfti stöðugt á bremsu vökvann hjá tryggva og voru gömul fótbolta meiðsl að hrjá Terranoinn hjá Barböru. Eitthvað voru Turnarnir illa hjólastilltir að framan og var erfitt að stýra bílnum og einnig að ná honum úr framdrifinu þegar þess (framdrifrsins)var ekki þörf á.
Á sunnudaginn vorum við ansi góð á því og héldum okkar striki frá náttstað í Dreka og keyrðum til baka og inná Sprengisandsleið. var stefnan tekin á Laugarfell og sóttist ferðin vel. Ekki var um vesen í Tryggva að tala því hann hafði skilið við okkur og keyrt á handbremsunni niður í Eyjafjörð til að redda sér reddingu í reddingarbænum Akureyri. En þar býr einmitt reddingarmaðurinn Benidikt Sigurgeirsson (einnig betur þekktur sem Benni reddari). En þá er komið að næsta bíl sem bilaði. Var það bíllinn hjá mér. En það var þannig að þegar við pissustoppuðum þá varð mér fyrir algjöra rælni litið undir bílinn að framan til að tékka á öllu framslátrinu og rak þá augun í að vantaði ró á neðri boltann fyrir demparafestinguna. En hafði ég skift um framdempara fyrir nokkru síðan og skýrir það reisupassa róarinnar. Varð mér það til happs að Stefán nokkur Trúður var einmitt á nýbreyttum Pajero og hafði breytingin þróast þannig að stilliteininum fyrir vinstri flexitorinn varð að snúa niður og var Stefán með tein til vara ef rekast mundi niður hjá honum sá er undir bílnum var. Vildi svo til að rærnar af teininum voru einmitt af þeirrs stærð sem mig vantaði til að festa boltan og þar með halda demparanum á sínum stað. Þetta mundi sem sagt vera kallað pjúra heppni og ekkert annað. Eftir smá stundar akstur í viðbót var að því komið að kíkja á Terranoinn hjá þeim Hrafnhildi og Óla (Hjólbarðinn) því stuðarinn var ekki alveg í stuði til að hanga þarna (bókstafalega) og var hann því strappaður fastur og býst ég við því að Gísli hafi tekið þá festihugmynd á lofti og sé kominn með einkaleifi á hana líka. Ekki meira markvert hvað varðar bilanir ökutækja gerðist þennan daginn eða næsta. En þegar komið var í Laugarfell og menn að koma sér fyrir þá kom skálavörður og heimtað að hundur Klakans yrði tjóðraður og var það gert. Eftir þriggja stunda gelt og ýlfur í klakanum var honum leift að losa tíkina til að hleypa henni inn og var hún frelsinu fegin. Um kvöldið var svo sungið og dansað fram á nótt.
Eitt var að fanga athygli undirritðs daginni eftir. Rétt fyrir brottför voru flestir, ef ekki allir, að tanka bíla sína. En slapp ég með að nota olíugyrgðir mínar því Toppurinn var svo sparneytinn í túrnum að annað eins hefur ekki sést norðan Vatnajökulls.
Komum við svo niður í Austurdal í skagafirði og stuttu seinna var haldin keppni í hver yrði sneggstur í að dæla skagfirsku lofti á dekkin. Þá keppni vann Klakinn með sómanum en svindlaði þó. Hann hafði ekki hleypt úr að ráði því Patrolinn er svo vel fjaðrandi á vegleysum sem þessum.
Þegar þessu var lokið brunuðum við í átt að Varmahlíð og fengum okkur þar í svanginn innan um siðmenntaða verslunamannahelgarfara sem voru allir það sniðugir að leggja af stað á svipuðum tíma á sunnudaginn. Svo var haldið áfram við að halda skikkan á umferðinnni í Langadalnum þar sem jeppamenn ferðarinnar pössuðu sig á að fara ekki of hratt né of hægt og einnig að halda hæfilegu bili á milli bíla til að auðvelda framúr-rakstur og minnka líkur á slysum og leiðindum.
Kom ég svo heim í Húnaþing hið Vestra um klukkan 16:00 og tók til við að aflesta bílinn og fegra hann að innan sem og utan. Var Það hið mesta púl enda með hálft hálendi norður Vatnajökulls í felgum og álíka skúmaskotum.Færi ég þakkir til allra sem ferðaðist með um helgina og hlakka til næstu ferðar með álíka hressum hóp, ef þá ekki bara hressari.
Kv Haffi H-1811 og Toppurinn
að við förum að sjálfsögðu líka á toppinn.
Sjáumst um helgina félagar.Kv. Haffi.
mál Bjarki. Ertu ekki á klafabíl. Leggstu undir Subbann að framan og skoðaðu í sitthvorn endann á öxlonum því þar eiga að vera hosur. Skifti um svona í bílnum hjá mér í fyrra vor.
Haffi.
[img:22v355b2]http://www.f4x4.is/new/files/photo/?file=files/photoalbums/4172/33085.jpg[/img:22v355b2]
Þú hlýtur að vera að meina öxulhosuna, en hún kemur yfir liðinn -úr drifinu útí öxul- og verður að vera heil, annars kemst vatn og drulla í liðinn og hann skemmilegst. Þetta á að fást í Zusuki-umboðinu og kostar öruglega ekki mikið þar. Ekki mykið mál að gera þetta sjálfur, en ekki verra að fá smá hjálp við það.
hvarer myndin góða eiginlega?
Hellingur af rými fyrir slatta af krökkum hjá mér, þar sem ég ferðast yfirleitt einn í bíl. Gaman af svona ferðum. Hressandi fyrir börnin og að ekki sé nú talað um gott orð í vasa okkar jeppamanna og 4×4 klúbbsins.
Haffi og Toppurinn
Sæll Vals. Heyrðu. Værir þú ekki til í að kaupa fyrir mig svona um það bil 5000 lítra af þessari dönsku hráolíu, fyrst að hún er svona ódýr þarna úti? Sendu mér hana bara í póstkröfu.
Ég held að þú ættir að taka nokkrar ljósmyndir af dönsku dælunum til að sýna forystumönnum íslensku bensínstöðvanna, svo að þeir sjái nú hvernig þetta á að vera í raunveruleikanum.Haffi og Toppurinn
þú mátt ekki gleyma því að með því að aka um á bensínbíl þá hefurðu meiri kraft í húddinu, og þá er meiri hætta á að konan þín spóli sig niður og nái að affelga (bensín)beygluna… en bara ef þú leyfir henni að keyra.
Ertu viss um að þú sért að tala við réttan mann?
Haffi.
Ekki finnast mér (og er það bara mín skoðun) einn og hálfur mánuður slatti langur þó að langur tími sé og margt hægt að gera á þeim tímaramma. Ég gat bara ekki betur séð en að Ofsi væri að BENDA fólki á að sýningin væri að renna upp og vantaði fólk á hana. Svo kom einhver romsa um sjálfa sýninguna, romsa sem menn gátu lesið á "Bílar&sport" vefnum. Svo breyttist þráðurinn í umfjöllun um áðurgengnar sýningar og síðan beygði hún í að fjalla um ferð fyrir Langveik Börn.
Ég hefði glaður viljað taka þátt í sýningunni en bý fyrir norðan og nefni þess vegna að fyrr hefði átt að byrja að lýsa eftir starfsfólki. Fólk þarf bara að vera ágangsharðara og miklu, miklu sýnilegra með svona hluti. En við skulum vona að þetta verði árlegur viðburður hjá Bílar&sport mönnum og þá hljóta þeir að gera þetta betra og betra með hverju árinu. Og á það þá líka við um okkur.Haffi.
Það verður bara að byrja miklu fyrr að óska eftir fólki í svona undirbúningsvinnu eins og var í kringum þessa sýningu. Þá nær fólk að skipuleggja sig fram í tímann og allir eru hafa þá nógan tíma til að ná áttum í tæka tíð.
Haffi
Í Plankastrekkjara með þær. Það er það eina sem dugar!!!
HaHaHaHaffi
Það sem ég er að reyna að meina er að það var ekki nógu mikið líf yfir þessu, allavegana miðað við hvað þetta var mikið auglýst og hvaða tæki var talað um að yrðu þarna. Ekki var mikill viðburður eða tilstand um sænska ofurbílinn, engar léttklæddar konur að vafra í kringum hann að bjóða manni að taka þátt í getraun og vinna reynsluakstur. Ekki varð ég var við TomCat grindina á 44" dekkjunum fyrr en ég álpaðist á bak við alla básana, sem mér fannst vera á vitlausum stað og ekkert virtist vera að gerast í þessum básum, allavegan ekkert sem höfðaði til mín. Þarna var til að mynda heill formúlu bíll frá McClaren (og þeir bílar eru nú eitt verkfræðiundur) og ekki vissi ég af honum, fyrr en ég rambaði á hann. Léleg lýsing ásamt furðulega upp röðuðum sýningar gripum olli því sem sagt í mínum huga að þessi sýning stóð ekki alveg undir nafni, Þótt að flestir bílarnir og flest hitt hafi verið flott á að lýta.
Haffi
Ekki varð ég var við neina myndasýningu þarna í 4×4 básnum, en það hefði mátt vera betri lýsing þarna eins og margir hafa sagt því þetta myrkur gerði myndatöku erfiða. Einnig fannst mér ekki fara mikið fyrir því fókli sem var með eitthvað til sýnis eða sölu. Mér finnst að allir hefðu átt að ganga um svæðið og "garga" (eins og DV salarnir gerðu í gamla daga) til að fá smá athygli.
Annað varðandi básinn okkar er að þar hefði mátt vera kynning á stóru spjaldi, eða eitthvað álíka, sem gæfi lýsingu á deildum innan klúbbsins okkar. Þetta er nefninlega ekki bara stórir bílar.Haffi
