Forum Replies Created
-
Replies
-
Metan
Lífmetani má safna og hreinsa með mjög litlum tilkostnaði en það er ein af
aukaafurðum frá urðun og rotnun á lífrænum úrgangi4. Notkun metans á bifreiðar
gerðar fyrir bensín krefst breytinga á vélbúnaði. Næstum allar bílvélar í dag eru gerðar fyrir fljótandi eldsneyti og því þarf að breyta eldsneytiskerfi og jafnvel
ræsibúnaði vélarinnar ef notast á við metan sem orkugjafa þar sem það er í
gasformi.
Á síðustu árum hefur verið mikil aukning á framleiðslu bíla sem geta bæði notað
bensín og metan. Þetta er mikið fagnaðarefni og flýtir fyrir metanvæðingu
hérlendis. Helstu kostir metans er umhverfisvænn bruni og lítill kostnaður við
framleiðslu eldsneytisins. Ókostirnir eru að metangas hefur lágt orkumagn og að
breytingar þarf að gera á núverandi vélum til að unnt sé að nýta það. Í bílum hér á
landi er metan geymt í þrýstitönkum á gasformi við 200 bara þrýsting. Til
samanburðar má nefna að própan við stofuhita þarf einungis 6,4 bara þrýsting til
að vera fljótandi. Helsti galli við metan er hversu plássfrekt það er við geymslu í
tönkum farartækja. Orkumagn metans við 200 bar er lítið, einungis 7,2 MJ/lítri
miðað við bensín sem hefur 34,8 MJ/lítri.
Ef við tökum dæmi um venjulegan fólksbíl með 50 lítra bensíntank sem á að
breyta í metanbíl og bíllinn ætti að hafa sömu orku í formi metans geymda í
þrýstitönkum við 200 bar þá þyrftu tankarnir að vera 237 lítrar að rúmmáli. Það er
nokkuð ljóst að erfitt gæti reynst af koma þeim fyrir í bílnum.
Hægt er að komast hjá þessu vandamáli að hluta með því að kæla metanið niður
fyrir -162°C. Við þennan mikla kulda verður metanið fljótandi og eðlismassi þess
fer þá upp í 0,5 kg/l og orkuþéttleikinn verður 25,3 MJ/lítri. Í fljótandi formi er
orkuþéttleikinn orðinn viðunandi og möguleikar metans sem orkugjafa aukast
mikið. Að kæla metan niður fyrir -162°C er hins vegar orkufrekt ferli sem veldur
hækkun á framleiðslukostnaði.
Það er því ljóst að metan er að mörgu leyti ákjósanlegur orkugjafi, ódýr í
framleiðslu og gefur hreinni bruna en bensín og útstreymi koltvíoxíðs er helmingi
minna en hjá bensíni. En við nýtingu metans er við sömu vandamál að etja og
þegar vetnisgas á í hlut, þ.e. hversu orkuþéttleiki á rúmmálseiningu er lítill.
Metangas er þó í hraðri þróun sem orkugjafi hér á höfuðborgarsvæðinu. Til að
tryggja orkuöryggi með lífmetan mætti treysta á innflutt jarðgas til vara.
Alkóhól fyrir Bensínvélar.
Metanól
Efnametanól (tréspíri) er fljótandi alkóhól (við stofuhita) sem má nota á
bensínvélar í veikum blöndum með bensíni og efnið er baneitrað mönnum.
Hreint metanól (CH3OH) er ekki hægt að nota á óbreyttar bensínvélar vegna mikillar
tæringar sem það veldur á málmum eins og áli. Vandamálið er þá leyst með því að
nota veika íblöndun metanóls með tæringarverjandi efnum. Metanól inniheldur
helmingi minna orkumagn en bensín eða 17,0 á móti 34,8 MJ/lítra og því nýtast
brunaeiginleikar þess illa í bensínvélum. Metanól hefur þó háa oktantölu (123) og
þolir því mun meiri þjöppun en bensín. Til að nýta betur eiginleika metanóls hafa
verið hannaðar og smíðaðar vélar sem geta brennt hreinu metanóli. Þessar vélar
eru sérstaklega varðar gegn tæringu og hafa háa þjöppun eða allt að 14:1
samanborðið við 9:1 í bensínvélum. Hærri þjöppun gefur betri varmanýtni 1 .
Evrópusambandið heimilar nú mest 3% íblöndun af metanóli í bensín2.
Næstum allt metanól sem notað er í dag er efnasmíðað úr jarðgasi. Til stendur
hérlendis að framleiða metanól með því að nota vetni og jarð-CO2 frá
jarðvarmaorkuveri. Slíkt framleiðsluferli yrði hið fyrsta sinnar tegundar þar sem
þetta ferli yrði notað. Vetnið verður framleitt á staðnum með rafgreiningu vatns
en vetnið er látið bindast með hvötum CO2 frá útblæstri borholu samkvæmt
eftirfarandi efnahvarfi:
CO2 + 3 H2 → CH3OH + H2O
Það er að koltvíoxíð binst vetni og myndar orkuberann efnametanól og vatn.
Þegar kílói af vatni er sundrað í vetni og súrefni nemur heildar orkuþörfin 39,7
kWh 3 . Því þarf að minnsta kosti fimm sinnum meiri orku til að framleiða
rafgreiningarvetnið en orkumagnið verður í framleiddu efnametanóli samkvæmt
efnahvarfinu hér að ofan.Etanól
Lífetanól (C2H5OH, vínandi), er endurnýjanlegur orkugjafi sem hefur náð miklum
vinsældum í Brasilíu og Bandaríkjunum. Lífetanól er alkóhól eins og metanól en
hentar þó betur á núverandi bensínvélar en metanól. Blöndur yfir 15% eru samt
ekki ráðlagðar á óbreyttar vélar. Etanól hefur lægra orkumagn en bensín eða 23,5
MJ/lítri á móti 34,8 MJ/lítri, en bruni etanóls er hreinni. Etanól hefur mjög háa
oktantölu (129), hærri oktantala er þó ekki fullnýtt nema með hærri þjöppun líkt
og þegar notað er metanól.
Brasilía er fremst í heiminum í lífetanólvæðingu bílaflotans enda eru þar stærstu
framleiðendur sykurs í heiminum, en etanól er m.a. framleitt úr sykri með gerjun
og eimingu1 . Þar eru svokallaðir E85 bílar ráðandi en E85 stendur fyrir 85%
etanól 15% bensín. E85 bílar eru sérstaklega hannaðir til að ganga á etanóli og
hafa því flest vandamál við notkun þessa endurnýjanlega eldsneytis verið leyst í
þeim bílum. Þjöppunin er aukin, tæringarvörn notuð á alla fleti sem etanól snertir,
innspýtingu breytt til móts við minna orkumagn o.s.frv. Etanól gufar ekki eins
auðveldlega upp og bensín en þetta veldur miklum vandamálum á kaldari svæðum
því undir 13°C hættir etanól að gufa upp. Lausnin hér væri því að minnka
íblöndun etanóls í bensínið2.Bútanól
Lífbútanól verður til á svipaðan hátt og etanól eða við gerjun á lífrænum efnum
eins og maís og sykurrófum. Einnig eru til framleiðsluaðferðir þar sem efnið
verður til í grænþörungum eða kísilgúrþörungum þar sem lífmassinn er hreinsaður
meðal annars með að nýta sólarorku. Og við má bæta að unnt er að nota
vistvænan og grænan úrgang sem fellur til við þörungaolíuvinnslu til að framleiða
þennan orkugjafa.
Orkumagn bútanóls er einungis 10% minni en bensíns og töluvert meira en
etanóls eða metanóls (tréspíra). Unnt er að nota bútanól í flestum bensínvélum í
staðinn fyrir bensín án þess að breytinga sé þörf á vélunum. Allnokkrar tilraunir
hafa gefið til kynna að farartæki sem ekið er á bútanóli eyði svipað og ef sama
farartæki notaði bensín. Ef bútanól hefur verið notað sem íblöndun í bensín þá
hafa náðst betri afköst og betra tæringarþol en ef etanól eða E85 hefur verið notað.
Það sem mælir sérstaklega með notkun bútanóls á bensínvélar er að það hefur svo
til sömu eiginleika og bensínið og er einfalt í framleiðslu. Einnig að hægt er að
flytja bútanól eftir dreifikerfi bensíns vegna þess hve líkir þessir orkugjafar eru.
Það er til dæmis erfiðara hvað varðar etanól og metanól. Því má gera ráð fyrir að
bútanól verði í framtíðinni arftaki bensíns sem umhverfisvænt eldsneyti3.
Skoða ætti af alvöru möguleika á framleiðslu þessa efnis hérlendis og þá með
sjálfbærni eldsneytisgjafa í huga og sem aftaka bensíns.
Efnadísill (BtL)
Efnasmíðuð eldsneyti (synthetic fuel) eru oft kölluð hin lífrænu eldsneyti annarar
kynslóðar. Eldsneytið má framleiða úr öðrum orkugjöfum eins og til dæmis
kolum og lífmassa og oftast kallað BtL (Biomass to Liquids). Oft eru efnasmíðuð
eldsneyti kennd við svokallaða „Fischer-Tropsch“-aðferð þar sem vetni (H2) og
koloxíð (CO) úr kolum eða lífmassa verða að BtL-„hráolíu“. Efnadísil er hægt að
framleiða úr nánast hvaða kolefnisgjafa sem er hvort heldur um ræðir kol eða
lífmassa2. BtL-dísil er eimaður við 180 – 280°C úr BtL-„hráolíu“. Einnig er unnt
að eima metanól og DME úr BtL-„hráolíu“ og fleiri tegundir.
Ferli við framleiðslu á efnadísil má á margan hátt líkja við það hvernig venjulegt
jarðefnaeldsneyti myndast í jarðskorpunni en ferli efnasmíðaða eldsneytisins er
hraðað til muna með því að beita háum hita og þrýstingi við loftþurrð á þau efni
sem notuð eru í framleiðsluna. Þannig getur efnadísill orðið til á fáeinum
sólarhringum en jarðeldsneyti myndast á miljónum ára.
Orkan sem notuð er til að brjóta lífefnin, sem verða að „hrádísil“, er nokkuð mikil.
Hér er um flókið ferli að ræða þar sem efnið verður að gasi sem er brennt í vetni.
Önnur aðferð notar metanól (tréspíra) í staðinn fyrir kol eða lífmassa.
Jarðdísill / Diesel
Jarðeldsneyti er kolvetnissambönd en kolvetnissamböndum má skipta í gamalt
kolvetni og nýtt. Gamalt kolvetni myndaðist fyrir áhrif sólarljóss fyrir miljörðum
ára. Gróður lenti undir setlögum án undangengins niðurbrots og varðveittist þar.
Eftir margskonar efnaferli varð til olía sem í miklu magni sem myndaði olíulindir
djúpt í jarðlögum. Þegar við brennum þessari olíu erum við að nýta okkur
sólarorku frá löngu liðinni tíð og við það losnar gamalt kolefni út í andrúmsloftið2
og bætist við það sem þar er fyrir af náttúrulegum ástæðum.
Jarðeldsneyti og þá einnig sá hluti þess, jarðdísill, eru því leifar af lífmassa, sem
óx fyrir miljónum ára og hefur umbreyst í olíu í tímans rás. Til eru margar
tegundir jarðdísils eins og svartolía (heavy fuel oil), skipagasolía, bílaolía og
húshitunarolía. Allar eru þessar olíur einkenndar með því hitastigi sem þær eru
eimaðar við úr hráolíunni sem og seigju hennar.
Jarðdísill er mjög eitrað efni og þarf lítið til að hann mengi umhverfið (grunnvatn)
umtalsvert og vara áhrifin áratugum saman. Einnig er sót, sem til verður við bruna
jarðdísils, talið sérstaklega heilsuspillandi því að það er svo fíngert að það sest í
lungun, berst þaðan út í blóðið og sest í líffærin. Þá berast önnur eitruð
úrgangsefni frá bruna dísilolíu og einnig koma skaðlegar gufur (arómatísk efni)
frá jarðdísil áður en hann brennur. Þær olíugufur geta einnig verið skaðlegar
líkama mannsins1.
Mengunarslys þar sem jarðolía kemur við sögu eru afar erfið viðfangs og lítið þarf
til að menga strandir og úthafið. Ólíkt lífdísil (bíódísill) er jarðdísill lengi að
brotna niður í náttúrunni og því þarf varúðarráðstafanir þegar hann er fluttur milli
staða hvort sem er á láði eða legi2.
Megin uppistaðan í jarðdísil eru kolefni og vetni sem breytast í koltvíoxíð (CO2)
og vatn við bruna í lofti. Einnig losna við bruna jarðdísils brennisteins- og
nituroxíð, en þau efni ásamt koltvíoxíði (CO2) eru talin hafa afar slæm áhrif á
umhverfið og andrúmsloftið og ósonlagið. Dísilbílaumferð í þéttbýli er álitin
óæskileg vegna þessara efna sem koma frá afgasi vélanna en seinni tíma hreinsiog
hvarfabúnaður í dísilbifreiðum hefur dregið mikið úr þessari mengun.
Birgðir jarðeldsneytis þessa heims eru takmörkuð auðlind. Talið er að árlega sé
tekið úr jörðu miljón sinnum meira af hráolíu en til verður í jarðskorpunni úr
leifum af lífmassa dýra og jurta. Því er gert ráð fyrir að þessi auðlind muni ganga
til þurrðar í fyrirsjáanlegri framtíð. Áætlað er að þær olíulindir sem unnið er við í
dag verði gengnar til þurrðar eftir um hálfa öld. Þó er talið að á vissum svæðum
jarðar megi enn finna nýjar olíulindir en notkunin vex hraðar en vinnslan og er því
vart annars að vænta en olíuverð haldist hátt og þessi vinsæli orkugjafi muni
verða uppurinn áður en mjög langt um líður.
Einn aðalkostur jarðdísils umfram flesta umhverfisvæna orkugjafa er betri
brunanýtni í dísilvélum. Hvað varðar dreifingu og sölu eldsneytis þá hefur
jarðeldsneyti algera sérstöðu eins og nú er ástatt. Það sem dregið getur úr þessari
sérstöðu er vitræn umhverfisvernd þar sem áhersla er lögð á heilsufarsáhrif,
sjálfbærni og að draga úr losun efna sem valda gróðurhúsaáhrifum og skaða
umhverfið með ýmsum öðrum hætti.
Lífdísill / Bio Disel
Lífdísill er sá orkugjafi sem kemst næst jarðeldsneyti hvað
varðar eðliseiginleika og orkumagn. Raunar er lífdísill svo líkur jarðdísilolíu að
hann má nota á óbreyttar dísilvélar. Jurtaolía er það hráefni sem helst er breytt í
lífdísil en einnig má vinna hann úr dýra- og fiskifitu og ýmsum öðrum jurtaolíum.
Vinnsla í litlum mæli er þegar farin af stað hérlendis.
Lífdísill hefur mjög svipaða brunaeinleika og jarðdísilolía en þó er bruninn ögn
betri með lífdísil en það vegur upp á móti eilítið lægra orkugildi hans (um 5%).
Einnig hefur lífdísill betri smureiginleika sem stuðlar að minna sliti á vél.
Lífdísill er afar umhverfisvænn samanborið við jarðdísilolíu en allt koltvíoxíð
(CO2) sem losnar við brunann var tekið úr andrúmsloftinu af plöntunni svo að um
lokaða hringrás er að ræða eða 100% kolefnisjöfnun. Hratt niðurbrot lífdísils í
náttúrunni er einnig stór kostur. Lífdísill er ekki skilgreindur sem hættulegur
farmur í flutningi því að hann er óeitraður og brotnar niður í náttúrunni á tveimur
til þremur vikum. Þá er ekki sprengihætta af lífdísil vegna hás blossamarks eða
um 120°C á móti 52 – 95°C fyrir jarðdísil.
Lífdísill stendur því framar flestum öðrum endurnýjanlegum orkugjöfum í dag
sem eldsneyti á dísilvélar.
Jurtaolía
Jurtaolíur eiga sér langa sögu. Þessar olíur eru unnar úr olíuríkum fræjum vissra
plantna. Ein helsta orkujurtin sem til greina kemur að rækta hér á landi til
framleiðslu á lífrænt ræktuðu eldsneyti er repja (afbrigði hennar, sem einnig gæti
nýst, nefnist nepja). Frækorn repjunnar gefa mikið magn, yfir 40% af jurtaolíu,
við pressun og einnig gefur repjan töluvert magn af fóðurmjöli sem nýtist sem
próteinríkt dýrafóður. Það er einmitt þessi planta sem mest er notuð til framleiðslu
á eldsneyti úr jurtum um þessar mundir.
Seigjan í jurtaolíunni er yfir 35 „centistoke“ eða um tíu sinnum meiri en í jarðdísil.
Þetta eru því eru ein lægstu mörk skilgreiningar á svartolíu (heavy fuel oil), sem
gerir það að verkum að gera þarf breytingar á dísilvélum skipa og bifreiða til að
brenna jurtaolíuna beint. Breytingarnar eru að mestu nauðsynlegar hvað varðar
nýjar gerðir, úrfærslur á síum og þéttingum í vélunum.
Sem íblöndun í venjulegan jarðdísil hentar jurtaolían vel. Allt að þriðjungur af
jurtaolíu getur verið íblöndunarhlutfall án þess að til breytinga þurfi að gera á
dísilvélum1.
Mörgum finnst einkennilegt að notuð sé jurtaolía sem orkugjafi til að knýja
dísilvélar í skipum og bifreiðum. Þá skal haft í huga að þau svæði sem koma til
greina sem ræktunarland fyrir repju hérlendis, sem gefur jurtaolíuna, eru svæði
sem ekki eru í ræktun. Einnig ber að hafa í huga að jurtaolían er einungis sjötti
hluti uppskeru akursins og ef hunangsframleiðsla væri þar einnig yrði olían innan
við 10% af uppskeru repjuakursins. Helmingur uppskerunnar er hálmur, sem nota
má sem áburð eða eldsneyti og breyta í orkugjafa. Þriðjungur uppkerunnar er
fóðurmjöl sem nýtist sem kjarnfóður fyrir skepnur og í fiskeldisfóður. Margir
bændur erlendis eru með býflugnarækt inni í repjuakrinum þar sem býflugan
safnar hunangi úr gulu blómunum í bú sín. Einnig er vert að skoða nýtingu á
repjuolíunni sem matar- og steikingarolíu en olíu sem notuð hefur verið til
steikingar má eftir sem áður nýta sem beinan orkugjafa.
Hér á landi hafa ýmsir aðilar gert tilraunir með notaða steikingarolíu frá
veitingastöðum til íblöndunar í dísilolíu bifreiða. Þær tilraunir hafa tekist vel og
hefur íblöndunin ekki haft skaðleg áhrif á dísilvélarnar. Hér hefur bæði verið beitt
þeim aðferðum að sía úrgangsolíuna og nota hana beint á venjulega dísilvél sem
30% íblöndun eða framleiða lífdísil beint úr notuðu steikingarolíunni.
Lög um endurnýjanlegt eldsneyti í samgöngum á landi.
http://www.althingi.is/altext/stjt/2013.040.html
Orkuöryggi til húshitunar og rafmagnsframleiðslu á Íslandi er með því besta sem
gerist í heiminum. Með virkjun vatnsafls og jarðvarma fæst mikið af hreinni
raforku og heitu vatni. Á sama tíma er orkuöryggi fyrir farartæki hér á landi lítið
og einvörðungu er treyst á innflutta orkugjafa til að knýja farartæki á landi, sjó og
í lofti. Ísland er því mjög háð innflutningi á orkugjöfum úr jarðolíu. Án þeirra
myndi samfélagið lamast. Það er því einnig nauðsynlegt að skoða framleiðslu og
nýtingu endurnýjanlegra orkugjafa hér á landi út frá sjónarmiðum um orkuöryggi.
Jafnvel þó að innlend framleiðsla myndi einungis nema 5 – 10% af heildarnotkun
næstu árin munar mikið um það. Það þarf ekki að fara mörgum orðum um þær
upphæðir sem myndu sparast í erlendum gjaldeyri fyrir þjóðarbúið með
framleiðslu á innlendum orkugjöfum en það yrði talið í tugum miljarða. Auk þess
sem innflutt orka verður dýrari til lengri tíma litið vegna þverrandi hráolíu.
Annar áhrifaríkur hvati til framleiðslu á innlendum orkugjöfum á farartæki er sú
staðreynd að Ísland á raunhæfan möguleika á að verða fyrirmynd heimsins í
orkumálum samgangna. Ísland gæti líka hæglega orðið fyrsta landið í heimi sem
notar eingöngu græna orku og væri alveg sjálfbært í orkumálum. Með samstilltu
átaki þings og þjóðar er þetta vel mögulegt því Íslendingar eru fámenn þjóð sem
býr við þær ákjósanlegu aðstæður að geta nýtt endurnýjanlega orku í ríkum mæli.
Bíódísill yrði góð og hentug byrjun því hann má setja á dísilvélar bifreiða og
skipa án þess að breyta vélunum1
. Því er hægt að nýta þá farkosti og atvinnutæki
sem ganga fyrir dísilolíu nú án nokkurs tilkostnaðar við aðlögun að nýjum
orkugjafa.
Sæll Jón
Þetta er verkefni sem er í gangi og ég læt ykkur vita þegar meiri upplýsingar liggja fyrir.
Ég verð þó að segja að þessi vél hefur gengið í endurnýjun lífdaga. Þetta er allt önnur vél
en áður en þessi prófun hófs.
Ein af ástæðum geta verið að þetta er gömul IDI vél.IDI – Indirect Injection diesel engines: the fuel is injected into a pre-chamber or swirl-chamber before going on to the combustion chamber. Pre-chamber engines are more tolerant of SVO than swirl-chamber engines.
Kv. gundur
Tekið þátt í tilraunum Siglingastofnunar varðandi umhverfisvænt eldsneyti fyrir smábátaflotann.
Ford Econoline 1988 7,3L IDI V8 444 cub ince
keyrð á Bio Diesel B100, 100% repjuolíu og til samanburðar 100% Diesle.
75% skipagasolíu og 25% repju blöndu og til samanburðar 100% skipagasolíu.Búið er að keyra á Bio diesel í nokkurn tíma á þessum bíl og hefur það gengið vel. Í byrjun var skipt um olíusíu og er mikilvægt að gera það þar sem sót og agnir losna upp við snertingu við Bio dieselinn.
Einnig var skipt um alternator, rafgeymi og startara áður en tilraunin hófs þar sem um eldri bíl er að ræða 1988 módel en mikilvægt er að þessir hlutir séu í góðu lagi þegar ákveðið er að fara yfir í Bio diesel (B100) eða 100% repjuolíu. Í þessum bílum eru tveir eldsneytisgeymar og var annar notaður fyrir B100 en hinn fyrir repjuolíuna en repjuolían er mun þykkari. B100 er notaður í kaldstartið og síðan skipt yfir á repjuna í lengri ferðum og farið aftur yfir á B100 í lok ferðar en þannig hreynsast olíukerfið og næsta start verður léttara. Mjög gott er að keyra á repjunni, aflið er ekki minna en á B100. Engin munur er að starta á B100 eða 100% repju þegar bíllinn er oðinn heitur og fer hann strax í gang.
Hér að neðan má sjá töflu sem sýnir hversu oft þarf að starta bílnum áður en hann fer í gang, eftir mismunandi eldsneyti. Ekki í neinum tilfellum er notast við upphitun á olíu en aðeins svissað og glóðakerfti hituð áður en startað er. Mikill munur er á heitstarti, þeas þegar bíllin hefur verið í notkun yfir daginn eða kaldstarti en þá er hann kaldur eftir hafa staðið yfir nótt. Í töflunni má sjá fjölda starta áður en bíllinn fer í gang. Eitt sem var makvert við þessa tilraun var að áður en farið var í að nota 100% repjuolíu þá þurfti að starta tvisvar á hreinum díesel en eftir að keyrt hafði verið repjunni þá varð auðveldar að starta og fór hann þá strax í gang á dieselnum þó svo að um kaldstart væri um að ræða.
Þetta sýnir bara hvað repjuolína hreinsar olíuverkið vel.
Ljóst er að ef Repjuolína væri forhituð þá væri hún fín í kaldstartinu en spurning hvort það væri nauðsynlegt, væntanlega þarf þess á veturna.Skipagasolía og repjuolía
Eftir ofangreindar tilraunir var ákveðið að fara yfir í skipagasolíu og síðan blöndu af skipagasolíu og repjuolíu. Strax kom í ljós að skipagasolían var ekki eins hrein og aðrar olíur sem áður höfðum verið prófaðar. Voru óhreinindi í henni sem varð að sía út. Blanda var ákveðinn 25% repjuolía og 75% skipagasolía. Þessar prófanir voru gerðar við erfiðar aðstæður þar sem reyndi á mótor í langan tíma, ca. 14 klst. skipagasolían hefur ekki eins góða smureiginleika eins og repjan og má því segja að repjuolían hafi góð áhrif á gang vélarinnar, þýðari gangur og betur smurð vél. Gæði repjuolíunnar og hreinleiki var áberandi betri þegar hún var borin saman við skipagasolíuna.
Eknir voru 475 km. á hálendi Íslands og fóru í það um 80 lítrar af ofangreindri blöndu og gerir það um 17 lítra á hundrað km. í blönduðum akstri.Kaldstart Heitstart Gangur Afl
Bio Diesel B100 2 1 Góður Gott
Repjuolía 100% 4 1 Góður Gott
Diesel 100% 2 yfir í 1 1 Góður Gott
Skipgasolía 100% 1 1 Góður Gott
75% skipagasolía 25% repjuolía 1 1 Góður Gott
Flott framtak Suðurlandsdeild:
Krafan er Litlanefnd í alla landsfjórðunga.
kv. gundur einn af stofnendum Litludeildarinn inn 4×4 og er stolltur af því framtaki. 😉
Já og ekki má Slóðavinum. Verndum vonda vegi.
Hæ, Vatnadrekar jeppaklúbbur Samgöngustofu, fer í ferð á Laugardag. Katla verður hringuð.
Þemað er jökulhlaup úr Kötlu inn á fjallabak.Jökulhlaup í Markarfljóti
Eldgos undir Mýrdalsjökli hafa valdið a.m.k. 10 jökulhlaupum niður Markarfljót á síðustu 8000 árum, síðast fyrir um 1200 árum. Hlaupin komu undan og meðfram Entujökli. Hlaupin voru misstór en þau stærstu voru hamfarahlaup með hámarksrennsli allt að 250.000 rúmmetrum á sekúndu. Stærstu jökulhlaupin flæddu um allar Landeyjar vestur fyrir Y-Rangá og gætu hafa náð til sjávar á 5-7 klst þar sem styst er.Fyrstir til að benda á að slík hlaup hefðu farið niður Markarfljót voru jarðfræðingarnir Guttormur Sigbjarnarson og Haukur Tómasson. Síðar rannsökuðu Hreinn Haraldsson, Freysteinn Sigurðsson, Snorri P. Snorrason, Elsa Vilmundardóttir, Ingibjörg Kaldal og Kate Smith ummerki eftir jökulhlaupin og loks hópur sérfræðinga á vegum Almannavarna og ríkislögreglustjóra vegna hættumats sem skilaði skýrslu 2005. Upplýsingarnar hér á eftir eru byggðar á rannsókum þessara aðila.
Heimild: Guðrún LarsenEf einhver hefur áhuga á efni tengt þessu þema þá er bara að gefa upp e-mail.
kv. gundur
Sælir félagar
Ég reikna með að mæta með tvo til reiðar og kajak fyrir Langasjó.
kv. gundur
Nú verður farið í Þórsmörk á morgun með hústrukkum, lagt af stað frá Hellu kl. 19:00.
Ætlar þú að mæta?
kv. gundur
Sælir félagar
Núna er aðalfundur afstaðinn, Vilberg fór upp í pontu á fundinum og fór yfir málin frá sjónarhorni okkar hústrukka.
Var gerður góður rómur að hans fálflutningi og ber að þakka það. Ekki var annað að sjá en nýkjörin stjórn tæki
vel á móti þessari óformlegu nefnd.kveðja Gundur
Til hamingju með húsrtukkanefndina!
Gundur IV
Econoline 7,3 IDI BioDiesel V8, hústrukkur.https://old.f4x4.is/index.php?option=com_jfu … mId=329002
kv. gundur
Sælir félagar,
Varðandi snúningstengið: Aldrei að breyta því sem fullkomið er.
Gleðilega páska
ykkar gundur
Sælir félagar
Strákar bara tengja slöngurnar og málið er dautt.
kv. gundur
