Forum Replies Created
-
Replies
-
… Ja hérna Finnur – það er fast skotið!
Nei, Sigfús – ég hef aldrei lent í því, enda aldrei keyrt jeppa á nagladekkjum. Hætti alveg að nota nagla fyrir rúmum tíu árum. Meikar svo sem sens. Mundi halda að það borgi sig að kítta ekki út á barðann samt, allavega ekki ef þú ert að keyra í hálku.Kv.
Einar Elí
Nú spyr ég bara af því að ég er forvitinn: Til hvers settirðu kítti í götin? Hefur það einhvern óköst í för með sér að láta götin bara vera? Er það ekki bara eins og með míkróskurðinn – því fleiri brúnir því betra?
Og athugaðirðu sérstaklega hvernig kítti virkar t.d. í hálku? eða fylltir þú þau ekki alveg?
Spyr bara af því að ég hef ekki séð þetta gert og er að spá í ástæðuna.kv.
Einar Elí
Ég ætla að skjóta á Ingólfsfjall, í þeirri von að einhverstaðar finnist meri sem hefur verið skírð Ingólfur í misgripum…
EE.
Ef hægt er að fá uppgefið frá Vegagerðinni hvaða slóða megi aka – er þá ekki ráð að færa þá inn á kort? Ég get nú tekið að mér handverkið ef upplýsingarnar liggja fyrir. Allt fyrir jeppamenn og -konur!
EE.
Snæfellsjökull hefur alltaf vinninginn.
Þórsmörkin hefur líka alltaf heillað mig.
Reykjadalur við Ölkelduháls er líklega þar á eftir.EE.
Hérna… Andri. Þar sem ég hef nú líka keyrt klafabíla við hinar ýmsustu aðstæður – heldurðu að það væri ekki ráð fyrir hann félaga þinn að setja jeppadekk undir bílinn áður en hann fer í að setja hásingu undir hann? Ekkert endilega mikið til að byrja með, kannski 31 tommu? Það getur breytt töluverðu í snjóakstri.
Ég trúi því bara ekki að þú sért að tala um breyttan bíl, nema hann standi á búkkum í Hraunhellunni kannski?
EE.
Sko… þegar ég átti klafabíl og ferðaðist með mjög svipuðum hásingarbílum kom það fyrir einu sinni eða tvisvar á ári (sem er ca. 10. hverji túr) að ég var að gera verri hluti. Það er mjög erfitt að lýsa færinu en ég skal reyna eftir megni (og minni, þetta er nú aðeins orðið þokukennt – á krúsa gamla halda manni engin bönd né færi) að lýsa færinu sem mér fannst verst fyrir klafana.
–
Það er hálfþurr snjór sem er laus í sér en pakkast þó.
–
Ef þú ert í púðri breytir það ekki svo miklu, því það frussast bara frá hvort eð er.
.
Ef þú ert í blautum snjó (pakk-snjó) nærðu áfram gripi og getur kraflað þig í gegnum skaflana.
.
Ef snjórinn er hinsvegar þannig að efsta lagið pakkast en það neðsta er púður eða hveiti, þá gætir þú lent í veseni. Þ.e.a.s. ef dýptin á efsta laginu er næg til að það safnist undir mótorinn og fari að lyfta framendanum upp á meðan afturhjólin spóla bara.
–
Eða þetta er allavega mín reynsla. Þetta er samt ákveðin blanda sem er verst og bara þó efra lagið pakkist og það neðra sé mjöll er ekki endilega víst að klafabílarnir lendi í veseni – það þarf að vera í réttum hlutföllum.
.
Vá – þetta var nú ekki sérlega skilmerkilegt. Getur ekki einhver tekið að sér að rökstyðja þetta eða benda á villur?Kv.
Einar Elí
Jæja.
Gírkassinn í krúsa gamla er aðeins búinn að vera að stríða mér síðan um páska svo það fer líklega að verða kominn tími til að gera eitthvað í því.
–
Ég er semsagt á 60 krúser með 5 gíra kassa sem vill ekki fara úr þriðja gír. Það er eins og eitthvert hak vilji ekki færa sig eða eitthvað svoleiðs, sérstaklega ef vélin heldur við (bíllinn rennur í gír). Til að losna úr þriðja er yfirleitt hægt að gefa honum örlítið inn og vera snöggur að skipta.
–
Er þetta eitthvað sem einhver kannast við? Bíllinn hefur hvorki versnað né skánað síðan fyrst bar á þessu og ég var ekki í bílnum þegar þetta gerðist fyrst. Veit því ekki hvernig það lýsti sér.
–
Hvað á ég fyrst að skoða, þar sem ég hef ekkert vit á gírkassarifrildi?
–
Kv.
Einar Elí
–
Ps. Áfram stjórnin!
keyptu þér smá ræmu af frönskum rennilás (sem á ekkert skylt við franskar kartöflur) með lími.
Engar skrúfur og ef þú fílar ekki staðsetninguna færir þú hana bara til.
EE.
He he… Sá sem skrifaði þetta ágæta viðtal reyndi að ná í þig eftir að hann fattaði þetta en gafst svo upp. Honum hefur ekki lítið verið strítt á þessu síðan
Mér hefur nú alltaf fundist nóg að fólk haldi réttu kyni út greinina – allt annað er bara krem á kökuna.EE.
Vantar að komast í samband við einhvern (út af blaðaumfjöllun) sem er með mjög flott og spennandi verkefni í skúrnum. Hóaðu í mig í 694 7614 ef þú ert að gera eitthvað kúl.
kv.
Einar Elí
Maður hefur nú séð margt sniðugt í þessum efnum. VHF stöðin gæti til dæmis átt heima í hólfinu á milli sæta, ef það er til staðar. Ef hún er nett gæti hún farið í öskubakkaplássið.
Ég hef líka séð stöðina festa neðan á tölvuborð, en það er þá náttúrulega fast í bílnum.
Símtólið er alltaf aðeins flóknara, en ég hef í síðustu tvo bíla sett það á gírkassakryppuna. Í annð skiptið skrúfaði ég festinguna á kryppuna farþegamegin, en í rauða skrímslinu setti ég barara tvær riflásarendur á tólið, hlammaði því ofan á teppið og þar er það enn þann dag í dag.kv.
EE.
Hérna – það er þetta með 1000 hestöflin. Mér skilst að til þess að framleiða 1001 hestafl þurfi Bugatti Veyron að brenna 5 lítrum af bensíni á mínútu og til þess þarf 45.000 lítra af lofti á mínútu.
Að tjúna vél upp í 1000 hestöfl er eitt – að geta notað þau er annað. Ég held að eitt snorkel mundi ekki duga til þess allavega
Um leið og ég skil sjónarmið málshefjanda eru lagaákvæði um utanvegaakstur skýlaus.
Það má kannski segja sem svo að lög um hámarkshraða séu líka skýr og greinileg en hraðamælingar Vegagerðarinnar sýna þó hátt hlutfall vegfarenda á yfir 120 km/klst á mörgum af helstu vegköflum landsins.
Þannig má ætla að lögbrot í litlum mæli séu varla lögbrot.
Hvað varðar reynslu og þekkingu ætla ég alls ekki að fullyrða neitt um kunnáttu málshefjanda en eins og bent hefur verið á eru margir að ferðast á jeppum sem telja sig vita og kunna meira en raunin er. Það sem þeir telja sig því vera að gera af vitneskju gæti einfaldlega verið stórkostlega vitlaust.
Mér finnst aðdáunarvert af málshefjanda að viðurkenna að hann sé ekki barnanna bestur, en ég veit samt ekki hvort það innlegg kemur til með að bæta ástandið í utanvegaakstri innan klúbbsins eða almennt – sem ég tel að sé sameiginlegt markmið okkar.
Að endingu langar mig að vita hvernig árfarvegir eru túlkaðir í þessu samhengi? Eru þeir utanvega? Þá er ég ekki að tala um vöð eingöngu, heldur t.d. farveg sem er þurr á haustin. Helgast það af því hvort bannað sé að keyra í ám eða ekki? Og hlýtur það ekki að vera bannað þar sem ár eru hvorki snjór, ís, slóði né vegur?kv.
Einar Elí
Alltaf að reyna að vera löglegur.
Arni Pall a bifreidaverkstaedi Arna setti nyja afturfjodrun i kruserinn minn (ad visu loftpuda en ef thad er nu nanast sami skiturinn). Eg segi ekki endilega ad eg hafi verid feginn ad losna vid peningana sem eg borgadi honum fyrir thad, en eg efast hinsvegar ekki um ad thad hafi verid thess virdi.
EE.
Óskar og Thorsten eiga mikið af skemmtilegum myndum, nefni þá nú bara af því að ég þekki til þeirra.
Það sem Thorsten gæti hugsanlega haft framyfir Óskar er Phase1 vélin sem tekur myndir í sturlaðri upplausn.
netfangið hans er image@image.is en hjá óskari er oae@simnet.iskv.
EE.
Þetta snýst náttúrulega ekki beinlínis um mælda þyngd, heldur leifða heildarþyngd.
Fatta reyndar ekki hvernig Patrol á 44" dekkjum getur átt 476 kg (68 kg fyrir hvern farþega) eftir upp í 3500 kg en það er sjálfsagt til skýring á því.
Fullhlaðinn svoleiðis bíll er vitaskuld meira en það þýðir ekki að það þurfi meirapróf á hann, heldur er hann ólöglegur á götunni, burtséð frá því hvaða ökuréttindi bílstjórinn er með eða ekki. Um leið og bíllinn fer yfir skráða heildarþyngd er hann ólöglegur og það vita flestir hvað gerist ef maður lendir í óhappi á ólöglegum bíl – maður er F**ked.Kv.
Einar Elí
Vírskífur eru fínar til að ná því grófasta, passa bara að eiga eina til vara því um leið og vírarnir byrja að losna má líkja þeim við klasasprengjur.
Til að tryggja að allt náist hefur mér þótt best að nota sandblástur. Hægt er að fá litlar könnur sem hægt er að nota við venjulegar loftpressur og svo er nottaður fínn pússningasandur. Hér gildir reyndar það sama og með vírskífurnar – borgar sig að vera vel varinn. Ennfremur fer sandurinn bókstaflega út um allt og því mikilvægt að þekja vel allt sem ekki á að líkjast fjörunni í Þorlákshöfn næstu árin.
Sjálfsagt er það misjafnt milli manna og verkfæra, en mér hefur gefist betur að skjóta oft og stutt úr litlum sandblásturskönnum en að halda stöðugu flæði.Kv.
Einar Elí
Hjá Frumherja fékk ég þær upplýsingar að allir minnaprófsbílar væru leyfðir til æfingaaksturs.
kv.
EE.
Ég skil þig mjög vel Theódór. Ég fékk mér líka snattara á meðan ég var að græja Cruiserinn minn. Lét að vísu eftir mér ’83 módelið af corollu, en sé að þú hefur farið nægjusömu og ódýru leiðina. Vona bara að þér reynist jafn auðvelt og mér að losna við snattarann þegar bíllinn kemst á götuna, þó þú verðir kannski að sætta þig við lægra endursöluverð en 10.000 kallinn sem ég fékk.
Krúserkveðjur,
EE.
