Forum Replies Created
-
Replies
-
Mikil og fín lesning þar.
Ég fór víst vitlaust með nafn hraunsins.
Þetta fannst mér líka áhugavert innskot: "Ljóst er að aðstandendur Hellisheiðarvirkjunarinnar ætla sér að vanda sig og raska ekki meiru en nauðsynlegt er. "EE
– ekki alveg sjör með þessi 5%. Finnst það svolítið skrítið en hef svosem ekkert á móti því.
Hækkunin er bara fínt mál. Ef það dugar til að einhver einn "tími ekki" að keyra á 170 þá er þetta fyllilega réttlætanlegt.
Tek hinsvegar undir með þeim sem vilja leggja aukna áherslu á fræðslu. Ökunám hérna á klakanum er ósköp dauft miðað við hvað það er dýrt.EE.
…það hefur einhvernvegin loðað við Selfyssinga undanfarin ár að við fáum senda embættismenn sem hafa kúkað upp á bak annarsstaðar.
Þetta með ána er gömul saga og ný. Áður stóð í landslögum að hverjum væri frjálst að nota straumvötn til að komast leiðar sinnar en löggan á Selfossi hefur alltaf sett sín eigin lög varðandi ána.
Kannski ekki skrítið miðað við þann fjölda lífa sem hún hefur tekið, en engu að síður mjög á skjön við lög og reglur þessa lands. Mér skilst að það sé búið að breyta lögunum þannig að þetta ákvæði sé ekki eins rúmt en veit lítið um það mál.
Kayakmenn í Reykjavík hafa líka verið í stríði við Stangveiðifélag Reykjavíkur (sem nota bene sækist eftir umráðarétti yfir veiðisvæðum í Ölfusá) vegna siglinga í Elliðaám. Þeir halda því fram, og hafa beitt yfirvöldum í sína þágu – og án þess að geta fært neinar sönnur á mál sitt, að kayaksiglingar í ánum minnki göngur. Rannsóknir frá Bretlandi sína hinsvegar að kayaksiglingar hafi nákvæmlega engin áhrif á lífríki í ám.
Stangveiðimenn hafa semsagt lengi gert kayakmönnum lífið leitt undir því yfirskyni að þeir séu að vernda náttúruna… sem þeir svo veiða og myrða.
.
Skrítið fólk.
EE.
Ofsi góður!
Sem minnir mig á það – hér er einstaklega sögufrótt fólk á sveimi. -Þekkir einhver söguna bakvið örnefnið Orustuhraun (eða Orrustuhraun) á Hellisheiði?
Á svipuðum slóðum er Orustuhóll sem hefur væntanlega eitthvað með málið að gera líka?Kv.
EE.
…þið vitið að það er farið að snjóa á fjöllum? Er ekki kominn tími til að gera eitthvað annað við þetta spjall en að hrauna yfir hvorn annan?
EE.
Takk kærlega fyrir það. Hefurðu séð álfelgur sem hann hefur farið höndum um?
Sko, það er varla að ég þori að viðurkenna það, en það stefnir í að næsta bílskúrsverkefni verði fólksbíll. Þetta er því kannski ekki rétti vettvangurinn fyrir fyrirspurnir þar aðlútand en það er bara svo hrikalega mikil þekking og reynsla á þessu spjalli að ég ætla að misnota aðstöðuna:
.
Máiið er semsagt að það eru einhverskonar álfelgur undir bílkvikindinu og þær eru svakalega grjótbarðar og ljótar. Mig langaði fyrst að versla bara bling bling felgur en stykkið af svoleiðis kostar álíka og gangurinn af 49″ dekkjum… eða svona næstum því.
Ég er því að spá í hvað er hægt að gera við svona felgur til að þær líti skikkanlega út.
Hvernig er hægt að verka þær þannig að þær verði sléttar? Hvaða húð er einfaldast/best að setja yfir?
Ég mun sprauta bílinn svo það er séns að sprauta felgurnar í leiðinni… samt pínu korní.
.
Látið nú heyra í ykkur…
.
Kv.
Einar Elí
Getur líka prófað að taka hring á dekkjaverkstæðum. Stundum hægt að fá ódýr notuð dekk þar.
EE.
ha? að keyra bæði 12V og 24V kerfið á sömu geymunum? Má það?
Ég hélt að ef maður væri með tvo geyma raðtengda þyrfti að vera jöfn hleðsla og úttak af þeim til að rugla ekki minnisrýmdina?
Fór að minnsta kosti þá leið sjálfur, eftir góðum ráðum, að vera með tvö aðskilin kerfi, allt í allt þrjá geyma.
.
EE.
Hér er sniðugt:
https://old.f4x4.is/new/photoalbum/defau … dsite/3493
og hér líka:
https://old.f4x4.is/new/photoalbum/defau … 4189/28220
Báðir þessi bílar breyttust til muna við að færa hásinguna um 30 cm. Sá fyrri fór á gorma og Haffi smíðaði það sjálfur. Sá seinni, minn, fór á púða og ég bogaði mánaðarlaun kennara fyrir þá vinnu og sá um allt boddýdótið sjálfur.
Kv.
EE.
…er sá er rauði ekki nógu kraftmikill lengur
kv.
Einar Elí
Fatta reyndar ekki alveg hvað Kristmann er að fara, var einhver annar punktur þarna?
Flestir sem heimsækja þessa síðu hafa sennilega reynslu af misþungum bílum og enn fleiri hafa skoðanir á því hvaða bíll hentar þeim. Ég held að þetta fari hreinlega eftir því hverju fólk sækist eftir, því þó við höfum öll áhuga á jeppamennsku eru forsendurnar svolítið misjafnar á milli manna (og kvenna).
Sumir vilja bara geta sprautað út um allt, vera fyrstir á náttstað og geta farið hærra upp í brekkur en aðrir. Þeir eiga þá líklega létta bíla á sæmilega stórum dekkjum og með ágætis graðhestastóð í húddinu.
Sjálfur er ég meira fyrir ferðamennskuna sem slíka og vill fylla bílinn af fólki og leikföngum þegar ég fer út úr bænum. Þessvegna vildi ég stóran bíl sem er þá óhjákvæmilega þungur. Svo prófa ég mig bara áfram með dekkjastærðina þangað til ég er sáttur.
Ég reyndar lít ekkert endilega á það sem kost að komast upp með að vera á minni dekkjum, en það er kannski bara ég?
Það er varla til sá jeppaáhugamaður eða -kona sem hefur ekki pælt í þessu og komist að einhverskonar niðurstöðu þar sem tekið er tillit til allra þátta.
Rétt eins og við ökum sem betur fer ekki öll á Aygo eða Golf Tdi dagsdaglega, þó að það hljóti að hljóma skynsamlega.
EE.
Mikið hafa þær haft það gott í den! Minnir mig á hestinn sem við sáum baðaðan í heita vatninu við Mývatn um páska.
Annars kom ég að Hrunalaug á menntaskólaárum mínum og var þá sagt af stúlku úr sveitinni að hún gegndi lykilhlutverki í fólksfjölgun Hrunamanna (þ.e. laugin, ekki stúlkan).
Ekki veit ég nú til þess að þeim hafi eitthvað fjölgað við komu mína í laugina, enda hygg ég mun vænlegri ráðagerð að Hrunamenn fjölgi sér eftir sömu líffræðilegu leiðum og aðrir.EE.
Magnús, ef þú átt flugvél sem þú ert til í að nota í þetta – þá skal ég reyna að redda bíl
Kv.
Einar Elí.
…ég hljóp algjörlega yfir þetta "ekki" í fyrsta póstinum. Tek undir með Haffa og Birni – þú færð allt annan og miklu betri bíl ef þú færir hásinguna. 30 cm hefur verið vinsælt viðmið.
Þetta skilti er snilld!
Ætli það sé ekki nógu erfitt fyrir útlendingana sem heimsækja landið okkar að greina örnefnin frá hvoru öðru þó að þeim sé ekki gerður þessi óleikur líka, hehehe.
Við ættum öll að eiga okkar persónulega prófarkarlesaraEE.
…en án þess að meina neitt illt með því þá hefur mér sýnst í gegnum tíðina að annar hver maður hérna á spjallinu sé lesblindur og því soldið nastí af þér að slengja þessu fram
Að minnsta kosti reikna ég fastlega með því að þú sért að tala um Innri-EmSTRUá en ekki "emstur".
Fyrir fróðleiksfúsa þá eru Innri- og Fremri-Emstruár þar sem rauðu punktarnir eru á þessari mynd. [img:35hb8ac6]http://www.f4x4.is/new/files/photo/default.aspx?file=files/photoalbums/4814/34647.jpg[/img:35hb8ac6]
Ef þú ert að spá í að gera þetta sjálfur ættirðu að tékka á þeim frændum Reyni og Haffa (Hafliða Jónssyni). Þeir hafa báðir gert þetta við 60 cruisera.
Ég er nú ekki betur að mér en svo í þessum fræðum að Árni Páll smíðaði undir minn (er reyndar með loftpúða að aftan) og þó að það hafi tekið í pyngjuna veit ég allavega að þetta er vel og rétt gert. Og virkar.Kv.
Einar Elí
Ekki veit ég hvort það er vegna etanólsins eða einhvers annars en Bandarískt bensín mun vera með því allra lélegasta sem þekkist.
Í samtali sem ég átti við hönnuð Koenigsegg bílsins sagði hann mér að nýjasti bíllinn frá honum ætti að geta skilað milli 50 og 100 fleiri hestöflum í Evrópu en Bandaríkjunum, eingöngu vegna þess hvað bensínið þar er lélegt.
Veit einhver hver ástæðan er fyrir því?kv.
EE.
Eins og mér þóttu nú Radíusbræður fyndnir á sínum tíma hef ég skilið fæst af því sem Davíð hefur skrifað á síðustu árum. Kannski meira mín sök en hans.
Hvað sem því líður er þessi klausa hans um jeppamenn ekkert nema gömul tugga sem tuggin hefur verið meira en heill pakki af ópal.
Svo virðist sem til sé hópur fólks sem hefur algjörlega misst samband við landið sitt og sér ekkert nema kaffihús, bókabúðir og malbik.
Þröngsýnin og fáviskan sem skín úr þessum skrifum dæma þau nógsamlega til að hver sem til þekkir sér strax að Davíð er að tala beint út um ras**atið á sér, eins og við sögðum í sveitinni í gamla daga.
Það versta er náttúrulega að til er fólk sem tekur mark á Davíð og því sem hann segir, sem býður jafn mikilli hættu heim og að ég arkaði upp í háskóla og færi að kenna læknisfræði.
Á hinn bóginn má segja að þeir sem þurfi að vita, viti nú þegar. Og því er kannski allt í lagi að hinir lifi í villu og svima. Mér finnst samt alltaf leiðinlegt þegar fólk básúnar sína innistæðulausu og hrásoðnu útgáfu af sannleiknum, sannfært um að það sé að gera sjálfum sér eða öðrum greiða.
Orð eru nefnilega ansi áhrifamikil ef þeim er rétt raðað saman og þau birt á réttum stað. Þeim sem fara út í slíkar æfingar þar sem til sést ætti alltaf að vera umhugað að fara með rétt mál… en það sem ætti að vera og er – það er ekki alltaf það sama.EE.
