Forum Replies Created
-
Replies
-
…það þóttu mér góðar fréttir og ég er feginn að hafa haft rangt fyrir mér að þessu sinni – enda hlýtur það að þýða að hann sé góður
EE
Svo ég vitni nú í þráðinn hér að ofan:
"segir það ekki allt sem segja þarf að þessi bill sé hættur í framleiðslu???? "
–
he he… eigum við að byrja:
…
Ford GT
Fiat X 1/9
Mazda MX3
Mazda MX6
Lamborghini Diablo
Lamborghini Countach
Honda Prelude
MMC Gt3000
Pontiac Fiero
MGA Roadster
Porsche 944
Chevrolet Suburban
Nissan Skyliner
…Ég held ég fari rétt með að þessir bílar séu allir hættir í framleiðslu en komu alveg þokkalega út (ég mundi allavega vilja hafa þá á boðstólnum áfram), og auðvitað eru þeir miklu fleiri… En það má vel vera að það eigi ekki það sama við um Trooperinn
EE
-Alltaf að nöldra-
Tja… það var hálka á bílastæðinu hjá mér í Fellsmúlanum í morgun… ykkur er svosem óhætt að taka rúnt þar ef þið viljið…?
Örn, kíktu á Ebay og leitaðu að t.d. "flipdown monitor". Mæli frekar með því að versla við verslanir þar sem eru með hlutina á fixuðu verði. Hef pantað ódýrar en þokkalegar rafmagnsvörur frá Hong Kong á hlægilegu verði. Það virðist samt vera lenska hjá sumum fyrirtækjum þar að rukka tugi þúsunda fyrir sendingar. Ég hefi tvisvar sent svar þess efnis að það sé ekki viðsættanlegur kostnaður og að viðkomandi þurfi að finna ódýrari leið. Það hefur gengið eftir í bæði skiptin.
-Það er alltaf gaman að kaupa dót
Einar Elí
Fékk þetta sent frá félaga mínum í bjsv. Ársæli:
–
"Ég er ekki með aðgang að f4x4 síðunni, en ég skoðaði fjárlög íslenska ríkisins og þar kemur fram að Slysavarnafélagið landsbjörg fær 80,4 millj.Björgunarskólinn 13,8 m.
Og
Slysavarnaskóli Sjómanna 57,8 millj.
Þetta er hægt að skoða á http://www.althingi.is/altext/133/s/0550.html"
–
Bestu kveðjur,
Einar Elí
Óskar – það er auðvitað ekki nema sjálfsagt að þú ráðir sjálfur hvar þú verslar þína flugelda. Ég er sömu skoðunnar og formaður Slysavarnarfélagsins Landsbjargar að það eigi ekki að koma á einkaleyfi, en fólk eigi að eiga að sjá sóma sinn í að styrkja mannúðarsamtök með þessum hætti. Þykir samt leiðinlegt að álit þitt á björgunarsveitum sé ekki meira en þetta. Vonandi verður einhverntíma eitthvað til að breyta því.
–
En ég hjó líka eftir nokkrum punktum í skrifum þínum sem ég væri alveg til í að fara nánar út í.
–
Hvað varðar jólatrén þá eru reyndar ekki allar björgunarsveitir á þeim markaði. Sem fyrr velur fólk hvaða söluaðila þeir vilja styrkja. Sjálfur á ég sígrænt tré sem ég keypti af Bandalagi íslenskra skáta, enda nánast alinn upp í þeirri ágætu hreyfingu. Bendi þér á að skoða þann möguleika fyrir næstu jól ef þú verður enn trjálaus.
–
Ég veit ekki alveg hvort þessi 700 milljón króna tala þín er hárrétt eða ekki, frekar en þú sýnist mér, en það er ekki rétt að björgunarsveitirnar sjálfar fái úthlutað úr ríkissjóði. Það eru landssamtökin (Slysavarnarfélagið Landsbjörg) sem fá styrk. Rekstur félagsins er gríðarlega margþættur og víðfeðmur og lýtur meðal annars að fræðslu og forvörnum, námskeiðshaldi, rekstri björgunarmiðstöðvarinnar í Skógarhlíðinni, björgunarskólans, slysavarnarskóla sjómanna og svo framvegis. Á heimasíðu samtakanna segir meðal annars:
–
"Rekstur öflugra björgunarsveita er afar kostnaðarsamur þar sem framlag opinberra aðila nemur einungis broti af rekstarkostnaðinum. Slysavarnafélagið Landsbjörg þarf að eyða mikilli vinnu í að afla starfseminni rekstrarfjár. Félagseiningar Slysavarnafélagsins Landsbjargar eru fjárhagslega sjálfstæðar einingar og leggja ekki fjármuni til rekstrar heildarsamtakanna. Sveitirnar afla sér hins vegar fjár með ýmsu móti en hæst ber þó sölu jólatrjáa og flugelda fyrir jól og áramót. Þar ná sveitirnar sér í þorra þess rekstrarfjár sem þær hafa úr að spila allt árið um kring. Landssamtökin afla sér einnig fjár á ýmsan máta: Með happdrætti, innflutningi á sjúkragögnum og fleiru."
–
Sem svar við spurningu þinni "Ef að það er ykkur svona mikið hjartans mál að styrkja björgunarsveitirnar af hverju leggið þið ekki bara 1000 – 2000 kall á mánuði eða eitthvað álíka sem frjáls framlög til þeirra"…
Bendi á svar mitt hér að ofan, sérstaklega klausuna um einstaklingsbúnað. Ennfremur borga ég ársgjald í minni björgunarsveit til að fá að vera þeirra forréttinda aðnjótandi að mega vera kallaður út um miðja nótt til að draga þig upp úr krapapyti 😉 Tel mig því í raun vera að fara eftir þessari uppástungu þinni.
–
Varðandi þá þrjá af hverjum fjórum sem sitja inni um áramótin fyrir sölu á ólöglegum flugeldum og eru "einhverjir skátar" vil ég fyrst að það komi fram að skátar og björgunarsveitir eru ekki það sama. Annað er æskulýðshreyfing og hitt eru björgunarsveitir. Um er að ræða sitthvor landssamtök og sitthvorn starfsvettvang. Einu tengslin þar á milli eru annarsvegar söguleg og hinsvegar gagnkvæmur velvilji og samstarf í einstaka verkefnum, ekki síst þegar kemur að félögum á unglingsaldri. Báðar hreyfingarnar treysta nær 100% á starf sjálfboðaliða.
–
Hvað sem því líður langar mikið að biðja þig um að benda mér á hvaðan þú fékkst þessar upplýsingar því þar sem ég er áhuga-pappírsdýr hefi ég mikinn hug á að skoða þær nánar, ef nokkrar eru.
–
Áttirðu annars ekki bara góð áramót? Reikna með að þú hafir verið ánægður með flugeldana þína og svona?
–
Förum varlega í umferðinni.
Einar Elí Magnússon
Hér hefur verið útskýrt í hvað fjármunir björgunarsveitanna fara en mig langaði aðeins að ítreka tvo punkta.
–
Sá fyrri er að meðal björgunarsveitarmaður þarf að galla og græja sig upp sjálfur fyrir ca. 100-200 þúsund til að vera útkallsfær. Þeir peningar koma úr vösum meðlimanna sjálfra, ekki frá sveitinni eða landssamtökunum. Það er vissulega í anda sjálfboðaliðastarfsins, en þegar ég komst að því í minni nýliðaþjáflun hversu mikil útgerð þetta er varð ég hreinlega gáttaður á því hversu margt fólk um landið allt leggur þetta á sig til þess eins að vera til staðar ef náunginn þarf á hjálp að halda.
–
Sá seinni er að æfinga- og þjálfunarferli björunarmanna er tíma- og peningafrekt ferli. Þar fyrir utan þurfa björgunarsveitir að vera vel tækjum búnar (svolítið misjafnt eftir aðstæðum) og allur sjá tækjakostur þarf að vera í lagi. Alltaf.
Það kemur kannski einhverjum á óvart hvað er mikið umstang í kringum þessa starfsemi en sem útivistarmanni finnst mér það alltaf vera öryggislína að vita af björgunarsveitunum. Mér finnst því mjög gott að vita að björgunarmenn þjálfa líka fyrir aðstæður sem þeir lenda ekki í á hverjum degi, en gætu einhverntíma gert. Því á þeim degi skiptir það höfuðmáli.
Í hnotskurn: Starf sveitanna ætti að vera sem mest og best til þess að vera búnar undir "kannski" og "hvað ef" tilfellin.
–
Já, svei mér þá, ég held ég bæti því þriðja við: Við höfum þegar séð hversu fært ríkið er um að reka hjálparsveit. Hún heitir Landhelgisgæslan og er í stöðugu fjársvelti. Ef starfsmenn hennar væru ekki það sómafólk sem þeir eru væri hún örugglega álíka vinsæl og Tryggingastofnun.
Þrátt fyrir að gæslan sé algjört lykilatriði í neyðaraðstoð hérlendis tel ég að björgunarsveitunum sé best borgið í sjálfboðaliðaumhverfinu.
–
Ég er hættur í bili.
Einar Elí
Jæja, skriðinn heim úr flugeldasölu… löngu eftir að flestir landsmenn hafa lokið við kvöldsverð á gamlársdag.
Það er eiginlega pínulítið skrítið að flugeldasalan sjái björgunarsveitum fyrir 80-90% af rekstrarfé sínu. Væri ekki frábært ef þær hefðu fleiri leiðir til fjáröflunar sem skiluðu eins miklu?
Ég verð að viðurkenna að ég las ekki allan þráðinn (of þreyttur eftir ösina síðustu daga) en sýnist þó að flestir séu á sama máli.
Ég vil því bara þakka jeppamönnum og öðrum sem ákváðu að styrkja björgunarsveitir fyrir þessi áramót. Ég veit að það eru fleiri í klúbbnum eins og ég, bæði jeppamaður og björgunarsveitarmaður, og mér er alveg sama á hvorum endanum ég verð í næsta útkalli – ég veit að það er fyrir stuðning landsmanna sem það er gert mögulegt.
Ég vona að þið eigið öll gleðilegt og farsælt nýtt ár.Einar Elí Magnússon
Bjsv. Ársæll
…hvar þessi auglýsing er tekin? Ég hef reynt að rýna á skjáinn þegar ég sé hana og get ekki svarið fyrir að hún sé tekin á Íslandi… þó mig reyndar gruni það (þó að bílarnir séu klárlega á útlenskum númerum).
Ef hún er tekin úti er í raun ekki verið að sýna neitt sem er bannað, ef maður vill líta þannig á það.
Eða ætli það tíðkist í Indlandi að klippa úr bíómyndum öll atriði þar sem nautakjöt spilar eitthvað hlutverk?EE.
Gummij skrifaði:
"Einu tilfellin þar sem þú ert hugsanlega öruggari í þungum bíl en léttum er ef þú lendir í ástími við léttari bíl, þó er það svo að í svoleiðis ákeyrslum veltur stóri bílinn gjarnan með þeim afleiðingum að farþegar hans slasast eða deyja. "
(gæsalappir og fínt, Hannes gæti lært ýmislegt af mér).
Gummi – hefurðu tölur yfir þetta? Ertu að rugla saman breyttum og þungum bílum eða er þetta raunin? Þætti gaman að sjá tölfræðina – hljómar frekar ó-eðlisfræðilegt (án þess að ég kunni nokkuð í eðlisfræði, en það er annað mál…)
.
EE.
Sendi þetta á Frumherja:
> > Góðan daginn.
> >
> > Ég er jeppamaður og tek allt sem lítur að öryggismálum og þessháttar mjög
> alvarlega. Eftirfarandi athugasemd fann ég á spjallrás ferðaklúbbsins 4×4 og
> langaði að bera undir ykkur hvort rétt væri? Hvaða reglur ERU í gildi um
> dekkjastærð breyttra bíla?(og setti með fyrsta póstinn í þræðinum)
_________________________
Fékk þetta svar:
Þetta er ekki allskostar rétt. Það sem kemur fram í grein 16.10 (5) eru þær
> takmarkanir sem gilda á stærðarfráviki ef bifreiðin er óbreytt, sem þýðir að
> ef stærðarfrávik verður meira þá telst bíllinn breyttur.
>
> Það má því breyta meira út frá stærðinni en 10% og þá telst bíllinn
> breyttur, en hámark stærðar er svo skilgreint í grein 16.203 (þvermál dekkja
> má ná allt að 44% af hjólhafi). Sérhver breyting er svo skráð í ökutækjaskrá
> skr. reglugerð um skráningu ökutækja.
>
> Ekki má aka á annarri stærð en skráð er undir bifreiðina hverju sinni, hvort
> sem hún er breytt eða óbreytt, því bifreið skal vera í samræmi við það sem
> skráð er í skráningarskírteini hverju sinni, annars skal færa hana til
> breytingaskoðunar, sbr. 11. grein reglugerðar um skráningu. Sjá einnig
> ákvæði um nákvæmni hraðamælis í grein 12.01 (2) í reglugerð um gerð og
> búnað, þar eru hámarksfrávik sem ekki má víkja frá.
>
> jha.
____________________
Sendi þá þetta svar til baka:
> Sé bíll með t.d. skráningu fyrir 36" hjólbarða, má hann þá ekki vera á 38"
> hjólbörðum, sem þó eru innan við 10% stærri, heldur verður hann að vera á
> 36"?
>
> Ef svo er, eru þá allir 44" bílarnir sem keyra á 38" á sumrin væntanlega
> líka ólöglegir?
> __________________________
Og fékk loks þetta svar:Jú, 10% frávik hjólastærðar er leyft á alla bíla og því má 36" bíll fara á +/- 3,6". En úr skráðum 44" niður í 38" er utan marka (miðað við að hann sé skráður á 44" þá reiknast minnsta stærð 44-4,4 = 39,6").
jha.
Stóri – breytingaskoðun nær ekki bara yfir dekkjastærð, heldur allar breytingar á bílnum sem geta haft áhrif á aksturseiginleika (a.m.k. samkvæmt skilningi skoðunarmanns sem ég fór til fyrr á árinu). Því þarf í raun að breytingaskoða þó þú setjir t.d. bara gorma í staðin fyrir fjaðrir.
Miðað við sögurnar hér er samt allur gangur á hvort skoðunarmenn taka hart á þessum málum.EE.
…hvernig getur maður endað uppi með 7 stk. af bíl sem maður "mundi aldrei fá sér"
"Ferrari, þ.e. hrátt lo-tech og hávaðasamt"
.
… þú ert væntanlega ekki að tala um mótorana?
Annars er ég einn þeirra sem skil ekki alveg verðlagninguna á robbunum. Er ekki bara málið að kaupa einn 20 ára gamlan, ná sér í nýtt grill á partasölu og þykjast vera breskur uppi?
.
Kv.
EE.
Já, ég get nú eiginlega ekki samþykkt að nýi Navara bíllinn sé í sama flokki og Hilux. Það á að vísu eftir að koma á daginn hvernig hann endist (sem skiptir auðvitað ekki litlu máli) en við fyrstu kynni er Navarann bara svo miklu meiri bíll. Stærri, kraftmeiri (munurinn er gríðarlegur) og skemmtilegri í akstri, a.m.k óbreyttur.
EE.
1. Veit einhver hvernig færi er í kringum Kerlingafjöll þessa dagana?
2. Hvað vigtar 150 Econoline á t.d. 38″ dekkjum?Kv.
EE.
Mikkjall – þannig að NCAP prófanir eru líklega mesti óþarfi í þinum augum?
EE.
Vissulega eitthvað sem ætti að athuga. Skil heldur ekki fólk sem hreykir sér af því að hafa svindlað bíl í gegnum skoðun og keyrir svo um á dauðagildrum.
Nú þekki ég ekki málavöxtu í þessu tiltekna slysi sem þú bendir á – af hverju er tekið fram "gömlum eða breyttum" bílum?kv.
EE.
Jæja.
Einhver verið þar á ferðinni um helgina? Einhver snjór kominn? Hvernig var færi?Kv.
Einar Elí
Góður punktur Skúli.
Andri – það er auðvitað svolítið til í þessu hjá þér með muninn, en ég held að skriflega prófið sé afskaplega slappur mælikvarði á það hvort maður sé góður bílstjóri eða ekki (og Nota Bene, "góður" bílstjóri er ekki sá sem getur keyrt á 200 án þess að klessa á ljósastaur).
Einhverju sinni hlustaði ég á góða útskýringu á því hver munurinn væri á hinum norðurlöndunum og Islandi þegar kæmi að umferðarmenningunni. Var þá borið saman ökunámið, reglugerðir, viðurlög, afstöðu til stjórnvalda o.s.frv. og þannig leitast við að finna lausnina á þessum vanda. Sá sem hélt töluna vildi meina að glannaakstur væri mikið algengari hérlendis en í skandinavíu.
Nú man ég afskaplega lítið af því sem sagt var þetta kvöld og því kannski ráð að athuga hvort einhver hér hafi þekkingu til að hefja svona samanburð?
