Forum Replies Created
-
Replies
-
Þekki reyndar ekki hinar vélarnar, en persónulega hef ég góða reynslu af 4.0 línuvélinni. Keypti minn þegar hann stóð í 205 þús km og er núna í 262 þús km, 5 árum seinna og ekkert búinn að eiga við vélina sem getur ekki flokkast undir lífsnauðsynlegt viðhald. Þarf reyndar að fara að skipta um pakkdósina við sveifarásinn en að öðru leyti malar hann eins og stamandi kettlingur alla daga. Á örugglega eftir að endast betur en boddýið sem er orðið 16 ára og sér varla á því…
Mæli með henni.
GG – ekki félagi… ennþá…
Það er þetta með 35 tommuna versus 44 tommuna. Ég er ekki alveg frá því að ökumaðurinn skipti einhverju máli líka. Maður sér nú stundum fólk á nýjum og stórum bílum sem eru mikið breyttir en komast ekki neitt af því að ökumaðurinn er algjörlega óvanur.
Ég ætla ekki að segja að ég sé eitthvað betri þó ég sé bara á 33" en mig grunar að Flippi kunni eitthvað fyrir sér. Þessvegna kemst hann kannski lengra en sumir aðrir þó hann sé á toyotu 😉kv.
Einar
(Cherokee getur allt)
Fyrst ég dett hérna inn aftur verð ég að reyna að leggja eitthvað markvert í púkkið…
Ekki það að þetta sé rétti staðurinn til að stinga upp á þessu, (og þó…) en hvað þætti mönnum (og konum) um að hringja í björgunarsveit eftir aðstoð, þurfa að svara t.d. 3 spurningum og fá svo að vita, áður en sveitin leggur af stað, hvort reddingin kosti eitthvað?
Spurningarnar gætu t.d. verið:
-Telur þú að þér stafi hætta af því að bíða eftir hjálp annarra ferðalanga eða einhverra sem þú getur fengið til að koma til þín?
-Eru allir vel á sig komnir, sæmilega hlýtt og með nægan mat?
-Er bíllinn staddur á öruggu svæði, t.d. ekki í skriðu eða úti í miðri á?Svo svarar maður já eða nei og ef allt er í tómri steypu kemur liðið bara og reddar manni, en ef maður er bara í tímaþröng eða getur skilið bílinn eftir og sótt seinna, þá fær maður bara að vita að útkallið kosti, samkvæmt vegalengd og útlögðum kostnaði, t.d. 10.000.
En þá þarf assgoti gott kerfi til að meta hver á að borga og hver ekki.
Væri fólk tilbúið að beygja sig undir þetta?
Annars er þetta kannski bara innanfélagsmál hjá SL. Þar á bæ eru auðvitað ekki til ótakmarkaðir sjóðir frekar en annars staðar, en þeir sjóðir verða samt eingöngu til vegna velvilja sem sveitirnar njóta hjá landanum – velvilja sem tengist þeirri trú að þegar maður er í vanda, þá sé hægt að leita hjálpar.
Kveðja,
granigaml
Það vill nú þannig til að við félagarnir ræstum út Hjálparsveit skáta í Hveragerði um helgina… þeir minntust hvergi á borgun og fengu engar upplýsingar til að senda okkur reikning.
Ég hef heldur aldrei heyrt frá því björgunarsveitarfólki sem ég þekki að þetta tíðkist.
Það er reyndar rétt að taka það fram að Hvergerðingarnir, eins og aðrar hjálparsveitir, eiga hrós skilið fyrir að nenna að standa í því að aðstoða svona vitleysinga eins og okkur! Að ekki sé nú minnst á það þegar virkilega reynir á!
Er þetta ekki bara eins og með vatnið á veitingahúsunum? Túristarnir borga fyrir það þegjandi og hljóðalaust á meðan við fáum það frítt í tunnutali.
Kveðja,
granigaml
Jæja, það er svona svaka fínt færið
Er ekki eitthvað gott í bíó bara? Takk fyrir ábendinguna.granigaml
Eru ekki alltaf einhverjir inni í Laugum? Veit fólk eitthvað um færðina þangað núna? Einhver glóra að fara þangað á 2 cherokee-um á 31 og 33"?
kv.
granigaml
Langaði að athuga hvort einhver hér þekkti til Chevrolet Silverado pickup-bílanna? Mér reiknast sem svo að bíllinn með 350 vélinni sé tæp tvö tonn en ég finn engar eyðslutölur yfir gamla bíla, t.d. 89-91 módelið.
Ef einhver hefur reynslu af þessu væri gaman að heyra frá þeim.
Takk.
EE.
Var á bílasölurúnt áðan. Það er slatti af wranglernum til. Skoðaði hvorki ástand né verð.
EE.
Sæll Maskin – ég dett hér inn í umræðuna seint og um síðir.
Þó að Cherokee-inn minn sé nú ekki fullgildur vetrarbíll, aðeins á 33", þá mæli ég hiklaust með þeim. Þeir eru léttir, sæmilega gott í þeim og svo er miklu betra að keyra þá en marga aðra jeppa – andstæðan væri óbreyttur Landrover defender með 4runner stýri 😉
Ég er með ’87 módelið af bíl með 4.0 línuvélinni og sjálfskiptingu. Honum var troðið á 33" dekk fyrir 3 árum en ég hef ekki enn "fundið tíma" til að versla drifhlutföll í gripinn.
Hann hefur komið ágætlega út í snjó, flýtur sæmilega á 4 pundum, en mætti vera á stærri dekkjum og með lengra hjólhaf.
Eyðslan er frá 16 og upp í 22 eftir aðstæðum og bensínfótarþunga, sem verður að teljast viðsættanlegt því það er mjög ljúft að keyra bílinn. Hann er reyndar enginn kappakstursbíll á þjóðvegum landsins, en togar ágætlega.
Vélin í bílnum er keyrð rúma 260.000 km og þau fimm ár sem ég hef átt bílinn hefur hún aldrei verið opnuð. Alternator, háspennukefli og þess háttar hefur runnið út á tíma en vélin fer í gang, gengur og heldur svo áfram að ganga. Ég hef heyrt svipaðar sögur af samskonar bílum og þetta er nú ekki lítið atriði!
Stærsti gallinn við bílinn er innanmálið. Það er í það minnsta en ef tveir eða þrír eru að ferðast er alveg nóg pláss fyrir allt það drasl sem þeir geta borið.
Grandinn er töluvert þyngri, um 600 kg ef ég man rétt. Minn, með "gamla laginu" ’87 módelið og þriggja dyra, er undir 1500 kg.
Ég hef töluvert verið að spyrjast fyrir um hvað maður ætti að fá sér ef maður vildi fara í stærri bíl sem kæmist meira í snjó. Hvort sem það eru Hilux- eða Patrol eigendur eru svörin á einn veg: Fáðu þér bara stærri dekk undir þinn.
Að lokum er rétt að benda þér á að þessir bílar liggja hérlendis við hvert götuhorn, óbreyttir og með "til sölu" skilti í glugga (eigendurnir komnir á nýrra módel sko…).
Gangi þér vel í jeppakaupum.
EE.
Félagi minn er á Toyþotu með álfelgum – hann segist líma dekkin (38") á felgurnar og hleypa hiklaust úr þeim eins og honum dettur í hug.
Sjálfur er ég í stálinu – eftir að hafa tvisvar misst hjól undan fáknum á keyrslu (lærði þá hugtakið "of þykkar felgur úr of mjúku efni").
En ef álið er slík ónýta sem hér er lýst að ofan, af hverju er þá verið að selja það? Ekki eru felgurnar svo mikið léttari, þykktin er orðin slík. Þær eru að vísu til með smart munstri og pjatti – en er það það eina sem heillar?
Gaman væri að heyra hvort einhver á álfelgum ber þeim góða sögu.
kv.
Gráni gamli
Ég er nýbúinn að skrá mig sem notanda á síðuna en er ekki (ennþá) meðlimur í félaginu.
Ég ætla ekki að segja félagsmönnum hvernig þeir eigi að reka vefsíðuna sína en mér þætti miður að sjá á bak möguleikanum á að leita hér ráða og svara við spurningum mínum.
Ég þykist líka vita að einhverjir notendur sem eru utan félagsins hafi lagt hér inn góða punkta og ráð og stuðlað þannig að því að þekking og vitneskja um áhugamál okkar dreifist meðal þeirra sem vilja.
Málið er nefnilega að hér er nánast óþrjótandi hafsjór upplýsinga og reynslu og ég hefði haldið að það væri öllum til góða að sem flestir kæmust þar að með sín "tvö sent", eins og þeir segja handan hafsins
Langaði bara að koma minni skoðun á framfæri.
Vona að spjallið haldist opið.Kv. Gráni gamli
