Forum Replies Created
-
Replies
-
Takk fyrir það – ég á jökulinn!
Kv.
Einar
Sælir.
Sólin er hátt á lofti og bíllinn fullur af bensíni. Dauðlangar á Langjökul um helgina en langar að vita hversu öruggur maður er þar. Er jökullinn mikið sprunginn? Getur maður forðast sprungur með því að fara ákveðna leið?takk takk
Einar
…bara svo að einhver vari þig við (better safe than sorry): Súkkan er ansi viðkvæm fyrir hækkunum. Sækir dulítið í það að liggja á bakinu eftirá. Bara betra að hafa þetta í huga þegar þú stjórnar bílnum.
Kv.
Einar
Hey þetta er stórsniðugt nafni! Hafði ekki séð þetta áður. Takk!
Kv.
Einar Elí
Hafsteinn, ert þú að nota Oziexplorer? Er að velta því fyrir mér hvernig hann komi út í samanburði við t.d. Nobeltech. Er t.d. hægt að fá jafngóðan kortagrunn?
Kv.
Einar
Æ æ æ… er með 4runner ’91 með 3 lítra bensínvélinni. Í honum var air-condition loftdæla fyrir loftlæsingu og dekkjaloft en hún var komin á tíma og gafst upp stuttu eftir að ég fékk bílinn.
Ég fékk aðra dælu, úr hilux ’88, en hún passar ekki á festingarnar sem eru á vélinni hjá mér. Bæði eru götin fyrir boltana sem fara í gegnum dæluhúsið aðeins öðruvísi staðsett og eins er trissan öðrivísi byggð upp og passar ekki við reimadótið í bílnum.
Dælurnar eru þó keimlíkar í útliti og frá sama framleiðanda, Delton eða eitthvað álíka (er ekki með dælurnar heimavið).
Mig langaði að athuga hvort einhver kannast við að þetta séu orginal dælur úr þessum bílum og þá hvaða nöfnum þær kallast, hvor fyrir sig (ef ég reyndi að nálgast dælu eins og var í honum).
Eins langaði mig að vita hvort það sé einhver glóra að kaupa varahluti í svona dælur. Planið á öxlinum er misslitið og líklega þyrfti ég nýjar „snertur“ á ventlana líka. Á maður að leita til umboðsins eða leggja áherslu á að fá aðra dælu?
Að lokum: Ég vil helst losna við mix og maus og frekar fá dælu eins og þá sem var í honum. Er einhver varapartasala öðrum fremur með loftdælur?
Vona að einhver kunni svörin.
Kv.
Einar Elí
Eins og ég skil þetta er TFT ein útgáfa af LCD skjáum. Því hefði kannski verið nær að spyrja LCD vs. TFT LCD?
(Svipað og 2,4 d og 2,4 tdi???)
TFT-týpurnar eru talsvert dýrari og það sem ég er að spá í er hvort gæðatapið sé þvílíkt á milli týpa að þúsundkallarnir séu þess virði.
Ef ég hef skilið þetta allt kolvitlaust má gjarnan uppfræða mig – það er alltaf soldið gaman.
Kv.
Einar Elí
Sæl, bræður og systur.
Rakst á þennan þráð áðan:
http://www.spysupply007.com/LCD_Screens/Og fór að velta því fyrir mér hvort einhver hefði reynslu af þessum LCD skjáum í samanburði við TFT skjáina?
Er LCD brúklegt t.d. til að nota við fartölvu í bíl, bæði til að hlífa skjáfestingum og -tengjum á tölvunni sjálfri (sem mér skilst að sé veikasti hluti tölvunnar) og eins til að setja aftur í bílinn fyrir farþega.
Látið mig endilega vita ef þið hafið einhverja reynslu af þessu.
Kv.
Einar
Um að gera að vera með meðan maður bíður eftir reikningi fyrir félagsgjöldum:
Langaði bara að vita hvert þið farið í snjó þegar líða tekur á sumar? Hvar er maður í minnstri hættu á að lenda í sprungum og þ.h. veseni? Er það satt að Snæfellsjökull hopi bara en springi nánast ekkert á sumrin?
Kv.
Einar
Reikna með að eitthvert olíufélagið verði fyrst til að flytja inn þessi dekk þar sem mig grunar að þau geri lítið gagn annað en að auka eyðsluna – þó maður dúndri V8 vél í greyið. Minnir mig dulítið á tútturnar undir Unimog – getur það ekki verið?
Kv.
Einar
Maður veit nú varla fyrirfram hvort eitthvað fari úrskeðis?
Ég er nú enginn öldungur en búinn að læra tvennt um bílanotkun á þessum 9 árum sem ég hef haft bílpróf:-Það er alveg sama hvað maður þykist þekkja bílinn vel og hafa góða stjórn á honum og vera góður ökumaður, þegar maður lendir í því að missa gripið eða taka flugið – þá er bara við mann sjálfan að sakast.
-"Gamlingjarnir" hafa ansi oft rétt fyrir sér – því er nú helv… ver og miður. Það borgar sig oft að hlusta á þá – og jafnvel fara að góðum ráðum þeirra.
Ég ætla ekki að þykjast vita betur en að standa drusluna í góðu færi, en mikið held ég að maður verði súr þegar það kemur manni koll.
kv.
Einar
Er einhver reynsla af því hvort þjófavarnakerfi komi í veg fyrir stuld? Mér finnst fólk aldrei kippa sér upp þó svona kerfi fari í gang í næsta nágrenni.
Kv.
Einar
Takk fyrir góðar pælingar og umræðu.
Ég hugsa að ég haldi þrýstingnum í 26 pundum til að byrja með en prófi mig aðeins niður á við eftir smá tíma og sé til hvernig það smakkast.
En aftur: Takk.
Kv.
Einar
Sælt veri fólkið.
Mig vantar smá ráðleggingar. Þær sem ég hef fengið hér áður hafa verið þess eðlis að maður kemur alltaf aftur
Var að uppfæra bíla“flotann“ og er kominn á 4Runner á 38″ (ætli maður fari þá ekki að hugleiða að ganga í klúbbinn og leika með stóru strákunum (og stelpunum)…).
Dekkin eru nýleg micro-skorin Ground Hawk (með öllum sínum kostum og göllum) og mér var sagt að hafa 26-28 pund í þeim á malbiki til að slíta þeim minna.
Ég gerði út könnunarleiðangur á loftmælinn minn en hann náði bara upp í 20 pund, þar sem 33″ undir cherokee var ekki með nema 18 pund í daglegu amstri.
Ég í Bílanaust. Þar voru til allskonar digital mælar en enginn manúal… nema einhver sem var fyrir vörubíla og var eiginlega stærri en bíllinn minn. Mér leiðist að vera batteríslaus uppi á fjöllum og nenni ekki að dröslast um með kerru undir loftmælinn. Svo ég lagði leið mína til Benna og útskýrði að mig vantaði mæli sem næði upp í 30 pund, þyrfti ekki rafstöð og kæmist fyrir í meðalstóru hanskahólfi í það minnsta. „Já þú meinar fólksbílamæli, en ekki jeppamæli,“ var viðkvæðið.
… og þá fór ég að hugsa: Er ég að gera eitthvað rangt? Er alltof mikill þrýstingur í dekkjunum? Hvað á ég að hafa mikið í þeim til að minnka slitið eins og framast er unnt?
Bíllinn vigtar samkvæmt breytingaskoðun 1940 kg, en þá er hann á 35″ dekkjum. Hefur einhver reynslu af svipuðum bíl sem getur nýst mér?
Takk fyrirfram.
Kv.
Einar
…fyrir ábendinguna – á eftir að selja cherokeeinn og kannski eins gott að útbúa hann almennilega að framan áður en það er gert.
Kv.
Einar
… en fyrst "miklu léttari" er ekki efsta stigs lýsingarorð. "Léttari" er miðstig, "Léttastur" er efsta stig…
… ekkert illa meint – ég hef bara gaman af því að flagga því litla sem ég kann í málfræði
Ég hef svosem ekki neinn nýjan sannleik í þessum grindarefnum, en af því að ég er nýbúinn að skipta úr grindar"lasusum" bíl (cherokee) yfir í grindarbíl (4runner) get ég uppfrætt þá sem hafa ekki tekið slíkt stökk, í hvora áttina sem er, að það reynir töluvert meira á boddýið í grindarlausu bílunum við "alvöru" akstur (jeppjepp) og það skilar sér m.a. í hinu skemmtilega innréttingajuggi og braki sem a.m.k. flestir cherokee eigendur kannast við.
Þessi munur er mjög áberandi á milli þessara bíla, en fleiri þættir geta svosem spilað inn í, eins og t.d. að cherokeeinn var á fjöðrum að aftan en 4runnerinn er á gormum hringinn (grunar reyndar að klafahásingin taki nú aðeins ljómann af þeirri dýrð – einhver sem þorir að fullyrða um það?).
Annað vesen sem ég lenti í með cherokeeinn sem ég hef heyrt að þekkist í grindar"lausu" bílunum; þó hann færi aldrei nema á 33" dekk á 10" felgum þá dugði sú viðnámsaukning til að stýrismaskínan bryti prófílana (eða grindarstubbinn) sem hún er skrúfuð í. Átti ekki auðvelt með að komast fyrir það en held að það hafi tekist að lokum. Þess má reyndar geta að jeep stýrið er margfalt léttara en toyotu stýrið og högg í stýrinu (sem er eitt enkenni 4runnersins) þekkist ekki í cherokee þannig að munurinn á dælunum gæti líka haft eitthvað að segja.
Ég tek samt cheerios á þetta og segi "Bæði betra".
kv.
Einar
Flott – takk fyrir það.
Gráni gamli
Einar
Vantar smá upplýsingar.
Man/veit einhver hvað gamli pajero er þungur? t.d. ’88 módelið með 2.6 vélinni?Kv.
Granigaml
Einar
Af því að munsturhluti dekksins er alltaf jafnlangur (þó svo að barðinn krumpist) og dekki snýst ekki um felguna, þá virkar þetta eins og skriðdrekabelti. Ef við teiknum t.d. 12 punkta á munsturhlutann, mælum á milli þeirra og merkjum við á felgunni þar sem radíus frá miðju hjóls og út í hvern punkt sker felgubrúnina – þá getum við reynt eftirfarandi ef við hleypum úr dekkjunum:
1) Fjarlægðin milli punktanna ætti að vera sú sama – enda hvorki lengist né styttist lína við það að bogna eða réttast.
2) Þegar punktarnir eru beint fyrir neðan miðju hjólsins ætti radíusinn þar á milli ennþá að skera punktana á felgunni.
Ekki satt? Þessvegna ætti bíllinn að ferðast jafnlangt á linum eða hörðum dekkjum miðað við snúning öxla NEMA munsturflöturinn krumpist í fellingar undir bílnum… og ég mundi nú ekki vilja keyra lengi á þannig dekkjum.
kv.
GG
Þar sem lengd munstraða flatarins breytist ekki eftir því hvort lítið eða mikið loft er í dekkinu hlýtur bíllinn að fara nánast nákvæmlega jafn langt á linu og hörðu dekki (nema þið keyrið á dekkjum sem krumpast undir bílnum eða spólið eins og óðir). Bæði málbands-tilraunin og skriðbelta-samlíkingin styðja þetta.
Þó hæðin frá felgu og niður í jörð breytist þá þýðir það bara að stærri hluti af munstraða fletinum er á jörðinni í hvert sinn (en þetta vita nú allir jeppamenn og -konur). Það þýðir ekki að hjólið snúist fleiri hringi til að komast hverja 10 metra t.d.
Ímyndið ykkur tvo skriðdreka af sömu gerð og stærð. Annar keyrir láréttur, eins og skriðdreka er von og vísa, en hinn er búið að reisa upp á afturendan með einhverjum tilfæringum og hann keyrir bara á aftasta hluta belta-búnaðarins. Haldið þið að hann fari hraðar yfir á sama snúningi bara vegna þess að fjarlægðin frá miðpunkti beltabúnaðarins er meiri en í hinum? Niii… ætli þeir fari ekki bara jafnhratt?… hinn er bara betri í torfærum.
Skemmtileg pæling samt – hafði aldrei velt þessu fyrir mér.
Kv.
Gráni gamli
