Forum Replies Created
-
Replies
-
Enn og aftur er ég fórnarlamb fingralanga.
Brotist var inn í bílinn og þaðan rifinn hluti af sérsmíðari innréttingu, kraftmagnarar og eitthvað fleira.
Eitthvað hefur verið átt við útvarpið en sennilega ekki nást út.
Ég fer alveg að fara að þreytast á þessum vanvitum.
Ef einhver rekur augun í auglýsingu þar sem notaðir kraftmagnarar eru auglýstir má viðkomandi gjarnan láta mig vita á ee@mbl.istakk.
Jæja, Snæfellsjökull er lítið annað en ísmoli orðinn og því langar mig að vita hvort einhver hefur komið á Mýrdalsjökul nýlega?
.
Gæti langað þangað um helgina með jeppa og/eða sleða en nenni því ekki ef maður finnur ekkert nema klaka og grjót.
.
Veit einhver eitthvað um málið?
.
kv.
EE
Var að koma úr Mörkinni í dag. Tókum framúr mörgum vagnadrögurum á leiðinni inneftir og til baka, en aðeins fáir viku að fyrra bragði þegar við nálguðumst.
Einn vildi alls ekki gefa sig, þó ég blikkaði ljósunum á hann í gríð og erg, og það var ekki fyrr en á breiðu vaði sem ég komst loksins framúr.
Þetta þykir mér mikill dónaskapur, og ég er feginn að sem betur fer er enn til fólk með attanítossa sem kann kurteisi.
kv.
EE
Takk fyrir þetta félagar.
Gott að hafa þetta á hreinu.kv.
EE
Það er gott og blessað að vilja hita upp t.d. fortjaldið meðan setið er við skraf og veigateigun á kvöldin, en ég vil meina að kuldavandamál á nóttunni séu jafnvel auðlestari á annan hátt en með hitunartækjum.
Ég ferðast sjálfur mikið, en er yfirleitt í tjaldi (fer reyndar oft í skála á veturna, en hef líka tjaldað á jöklum og á hálendinu á veturna) og ég man ekki eftir því síðustu ár að mér hafi orðið kalt á nóttunni.
Lykillinn er að undirbúa svefnaðstöðuna.
.
Ég ætla að vera svo frekur að þröngva reynslu minni upp á ykkur, svo ykkur þurfi ekki að vera kalt í fínu vögnunum ykkar.
.
Það er lykilatriði að einangra sig vel frá þeim fleti sem sofið er á, sama hvort það er jörð, ís, eða botninn á tjaldvagni.
Sé það ekki gert er alveg sama hvað þú ert með fínan poka, í hlýjum náttfötum o.s.frv… þér verður ekki eins hlýtt og þér gæti verið.
Í tjaldmennskunni notum við yfirleitt frauðplastdýnur eða þunnar uppblásnar dýnur. Vindsængur gera ekkert gagn, þar sem þær eru bara fullar af lofti (án einangrunar sem heldur loftinu kyrru virkar loft sem kuldaleiðari).
Góð dýna kostar ca. 10.000 kr., en þá erum við líka að tala um jöklahæfar dýnur. Dýnur sem gætu hentað í vagna eru t.d. frá 3-5.000 kr. (Ég mundi ekki treysta dýnu sem væri mikið ódýrari en það).
Dýnurnar getið þið sett undir dýnurnar í tjaldvagninum, og myndað þannig einangrun. Ég lofa ykkur því að þið finnið mun. Ef ekki vinnst tími til að kaupa dýnur gætu ullar- eða flísteppi gert svipað gagn. Setjið þau undir dýnurnar í vagninum.
.
Næst er svo sængin eða svefnpokinn.
Svefnpoka er auðvelt að kaupa, maður fer eftir uppgefnu þægindahitastigi. Sem dæmi var konan á heimilinu að fá sér svefnpoka sem er þægilegur niður í 18 gráðu frost, en hann kostar þá yfir 30.000 kr.
Pokar sem eru keyptir á klink í verslunum sem sérhæfa sig ekki í útivistarbúnaði eru sumir álíka gagnlegir og svartir ruslapokar.
Ef þið viljið frekar nota sæng væri toppurinn að vera með góða dúnsæng, en a.m.k. að velja sæng sem er vel hlý, og nógu stór. Ef þess er nokkur kostur mundi ég mæla með að notuð séu sængurver sem eru ekki úr bómull.
Sé sængin köld er óbrigðult ráð að hafa yfir sér teppi, undir sænginni, en það verður þá að vera sæmilegt flís- eða ullarteppi.
.
Sumir gera þau mistök að fara kappklæddir að sofa. Þá erum við að koma í veg fyrir að t.d. sængin eða svefnpokinn geti sinnt hlutverki sínu. Svefnpokar virka t.d. þannig að líkaminn hitar upp loftið í honum og þegar það er komið í sama hitastig og við sjálf hættir líkaminn að eyða orku í að hita upp. Þá kemur að einangruninni, sem sér til þess að loftið haldist heitt. Loft á hreyfingu þýðir að líkaminn þarf stöðugt að vera að hita upp nýtt loft. Okkur verður þá aldrei hlýtt og orka líkamans nýtist mjög illa.
.
Best er auðvitað að geta sofið því sem næst klæðalaus, en meðan er verið að hita pokann/sængina getur verið gott að vera í ullarnærfötum. Þegar manni finnst sængin/pokinn nægilega hlýr fer maður svo úr þeim. Ég sef reyndar stundum í ullarsokkum ef útifrost er mikið, en það er lykilatriði að þeir séu þurrir, og alls ekki sokkarnir sem maður var í um daginn (það á reyndar við um allt svefndótið – maður þarf að koma í veg fyrir raka eins og hægt er).
.
Eins og ég útskýrði hér að ofan er það líkami okkar sem sér til þess að svefnaðstaða okkar hitnar. Það er því vonlaust að ætla að fara að sofa kaldur og halda að manni hitni. Til eru tvö ráð til að hita sig upp, annað er að hlaupa þrjá hringi í kringum tjaldvagninn og berja sér til hita með því að sveifla höndunum í sitt eigið bak. Vitaskuld þarf að gæta þess að svitna ekki, því öll bleyta dregur úr líkunum á að okkur verði hlýtt.
Hin leiðin er að hita líkamann innan frá, t.d. með því að borða heitan mat eða drekka heita drykki.
Hér er þó rétt að minnast á ranghugmyndina um hitunarmöguleika áfengis. Þótt manni finnist manni hlýna við að drekka áfengi er það fjarri sanni. Áfengi slævir hitastjórnunarkerfi líkamans svo að tilfinning okkar fyrir kulda minnkar. Líkaminn getur því verið mjög kaldur, án þess að við áttum okkur á því. Sé það tilfellið erum við illa til þess fallin að hita upp svefnaðstöðu okkar.
.
Loks er svo ágætt ráð, fyrir köldustu næturnar, að sofa með litla húfu. 70-85% af hita líkamans getur nefnilega sloppið út um hvirfilinn.
.
.
.
Nú kannt þú að hugsa sem svo: Þetta er alltof mikið vesen, miðað við að kaupa bara hitara.
.
Ég get svosem fallist á að þetta lítur út fyrir að vera mikið átak, en er það í raun ekki. Og kosturinn er að þegar þú hefur gert þessar ráðstafanir geturðu sofið í tjaldi, tjaldvagni, fellihýsi, hjólhýsi, fjallaskála, húsbíl og þar frameftir götunum, án þess að þurfa að stóla á rafmagn eða eldsneyti til að halda á þér hita.
.
Ég sleppi meira að segja stundum tjaldinu á fallegum sumarnóttum. Set þá stundum sérstakan hlífðarpoka utan um svefnpokann og leggst á dýnu einhverstaðar við fallegan læk eða laut.
Og ef ég get haldið hita á mér þannig … þá hlýtur þú að geta það í tjaldvagni.
.
Vona að þetta komi allavega einhverjum að gagni.
kv.
EE
Hvernig var það aftur, ef maður flytur bíl til landsins… hvaða gjöld og tolla þarf að borga?
Mig minnir að þetta sé eitthvað á þessa leið:
Flutningsgjöld
+Vörugjald (30% < =2 l og 45% >2 l)
+24,5% VSk af kaupverði og flutningsgjöldumDæmi:
Kaupverð: 1.000.000 kr.
Vörugjald (t.d. 1800 mótor): 300.000 kr.
Flutningsjöld: 40.000 kr. (Norræna, slumpað á upphæð út frá verðlista)
VSK af kauvpverði: 245.000 kr.
VSK af flutningsgjöldum: 9800 kr.Heildarverð: 1.594.800 kr.
Er þetta rétt?
Veit svo einhver hvað skráning kostar?
kv.
EE
Æi, grínlaust krakkar.
Er ekki komið mál að loka þessari vefsíðu, eða bara klúbbnum í heild? Mér virðist að þetta gangi bara orðið út á það eitt að kvarta?
Er enginn 4×4 afsláttur hjá sálfræðingum?EE.
…en er ekki samt pínu kúl að bjúrókratarnir sjái líka að sportið krefst kunnáttu og skynsemi en snýst ekki bara um að sprauta upp á næsta hól?
Ég hef farið með óvant fólk í ferðir í allskonar veðri og mín reynsla er sú að í bongóblíðu er það landið og veðurguðirnir sem fá stig en í vondu veðri eru það bílstjórarnir og bílarnir sem fá stig.
Sem hliðarspor væri nú gaman að vita hvort aðrir hafa svipaða sögu að segja
Ég verð nú að láta í ljós eina litla skoðun sem ég hefi á þessu máli:
.
Eins og ég skil málið var þingmanna-/miðjuferðin afmarkað verkefni sem afmarkaður hópur tók að sér. Mín reynsla segir að þegar um PR-starf er að ræða (eins og þetta klárlega var) er best að hafa hópinn frekar fámennan en þess í stað skipaðan fólki sem hefur undirbúið viðburðinn í sameiningu og er samstíga og með fyrirfram ákveðið markmið í huga.
Að bjóða til opinnar ferðar hefði ekki endilega þjónað PR-hagsmunum klúbbsins þar sem stærri ferðahópar fara hægar yfir, meira er um vesen, stemningin öðruvís og … án þess að ég sé að hugsa um einhverja ákveðna einstaklinga … er alltaf sú hætta fyrir hendi að einhver slæðist með sem meðvitað eða ómeðvitað, með hegðun sinni, framkomu eða ræðu, vinnur gegn markmiðum ferðarinnar. (Hér þarf ekki meira en eitt rangt orð á röngum stað).
.
Mér finnst því skiljanlegt að ekki hafi farið af stað landssöfnun í ferðina sjálfa, upplifun þátttakenda hefði orðið önnur og erfiðara að "stýra" henni. Ég veit að mörgum finnst þetta kjánaleg rök, en kynningarstarf er vandmeðfarið. Hægt er að ná fram nánast hverjum þeim árangri sem óskað er, að því gefnu að hægt sé að stýra umhverfi og atburði án þess að óvissu- og utanaðkomandi þættir hafi þar áhrif á.
.
Hugmyndin um að hittast við miðjuna finnst mér hinsvegar góð. Jeppamenn- og konur sem ekki geta haldið á eigin spýtur í ferðalag, hvort heldur er með félögum og vinum eða með því að auglýsa eftir ferðafélögum hér á síðunni, þurfa ef til vill aðeins að skerpa á frumkvæðinu? Hér var á ferðinni ljómandi tækifæri til að taka vel á því í ferðamennskunni og sýna öflugt grasrótarstarf í leiðinni. Auk þess sem félagar á landsbyggðinni sátu loks við sama borð og sérfræðingarnir hér fyrir sunnan. Fyrir utan að áfangastaðurinn var landfræðileg miðja landsins (og þar af leiðandi væntanlega jafn langt að fara frá öllum landshornum) þurftu Austfirðingar t.d. ekki að mæta á Select við Vesturlandsveg ti lað taka þátt. Sem ég er viss um að þeim finnst bara gott.
.
Kannski er of mikið að ætlast til að fólk sjái þetta allt í hendi sér – kannski átti að auglýsa þetta vel og vendilega áður? En er þá ekki málið að hvetja fólk til að leggja klúbbnum lið svo að þessum málum verði betur háttað næst? Ef þú ert óánægð/-ur með þess framkvæmd, af hverju hefurðu þá ekki samband við klúbbinn og bíður fram krafta þína? Næst þegar sambærilegt verkefni dúkkar upp er þá hægt að hóa í þig og þú getur lagt þitt af mörkum til að framkvæmdin lukkist betur?
.
Nöldur dagsins var í boði Coka Cola.
Einar Elí
"Safe mode"!
… hjá t.d. Umferðarstofu er skráningarskyldum ökutækjum skipt í eftirfarandi flokka: Fólksbifreiðir, sendibifreiðir, hópbifreiðir, vörubifreiðir, eftirvagnar, bifhjól og önnur ökutæki.
Sé ekki betur en jeppi, jafnvel þó á honu standi Jeep, sé samkvæmt þessari skilgreiningu fólksbifreið.
Hinsvegar er spurning hvort ekki hefði dugað að segja "bíll" fyrst þetta orðalag varð fyrir valinu.
Hjá Guðmundi Tyrfingssyni starfa bifreiðasmiðir sem sumir hafa marga fjöruna sopið. Gæti líka trúað því að Guðmundur sjálfur gæti orðið þér að liði, enda gamall í bransanum.
http://gtyrfingsson.is/Default.asp?Page=345
Ég hef aðeins verið að þvælast um suðurland og sunnanvert hálendið í vetur á björgunarsveitarbíl með Cleartone Tetra stöð. Hún dettur inn og út, en mér sýnist að ástandið sé nú ekki verra en það var á NMT þegar það kerfi var upp á sitt besta.
Mér skilst að meginástæðan fyrir því að við völdum Cleartone sé möguleikinn á að "gátta" með henni á milli kerfa (láta stöðina og VHF stöð virka sem einskonar endurvarpa á milli kerfa).
Í stuttu máli sagt finnst mér svoleiðis búnaður ekki eiga heima í bíl, heldur í stökum kassa með rafhlöðu, þar sem bíllinn er fjarskiptalaus á meðan stöðvarnar eru í þessu (maður heyrir ekki samskiptin).
http://kliptrom.is/low_gear_vorur.htm
Hér er talað um 2,82 og 3,05 lækkun í millikassa, sem og að hægt sé að sérsmíða aukamillikassa.
Mér sýnist að ég hefði áhuga á millikassalækkun, enda væntanlega ódýrt og einfalt miðað við annað, eða hvað?
Jæja. Tvær spurningar um rafgeyma:
1) Er það rétt að þurrgeymar þoli betur en sýrugeymar að halla aðeins (ca. 15°), til lengri tíma litið?
2) Veit einhver hvar maður fær ódýrustu þurrgeymana?kv.
EE.
Ég nota jöfnum höndum Belging.is og spáritið hjá veðurstofunni: http://vedur.is/vedur/spar/sparit
Svo ef leiðin liggur um þjóðvegi er oft gott að sjá stöðu mála, nánast í rauntíma, hér: http://www.vegagerdin.is/umferd-og-faer … -og-vedur/
Nú er stefnan til dæmis tekin á Snæfellsnes um helgina. Belgingur segir að versta veðrið gangi niður eftir kvöldmat en þar fari nú yfir 30 metra, Vegagerðin segir að þar sé skaplegt veður núna, en svosem engin blíða, og veðurstofuspáritið er með lægstu vindatölurnar, niður í 13 metra. Slumpað meðaltal af þessu segir mér að gera ráð fyrir 17-22 metrum, en meiru í kviðum.
Svo er bara að sjá hvort það breitist þegar líður á daginn.
Ég veit ekki alveg af hverju, en mér fannst þetta svolítið fyndið:
"f) notuð er til að flytja búnað fyrir fjölleikahús og tívolí"
Ertu að spá í Freelander eða Freelander 2, sem kom nýr á þessu ári? Það er að vísu ekki komin mikil reynsla á hann, en ég get lofað þér því að upplifunin við að keyra þá er gjörólík.
kv.EE
Það skal nú viðurkennast að þetta með hælúxinn var meira til að krydda lýsinguna, þó ég hafi nú séð þá nokkra vel spræka.
En þeir amerísku jeppar sem ég varð fyrir mestum vonbrigðum með þegar kemur að hestöflum vs. "áfram" voru Ford Explorer og Ford Edge. Sá fyrri er 292 hö en sá seinni 265. Það þarf nú samt smá þolinmæði þangað til maður finnur fyrir því.
Það er reyndar satt – og þegar þú nefnir það þá er allsherjar lítramálið kannski ekkert svo svakalega mikið meira í Defender. Framrúðan er náttúrulega í nefinu á manni. – Jú jú, það má vel vera að þeir séu áþekkir ef maður setur stokkinn á þá – það er best að fullyrða bara sem minnst. Joke’s on me í þetta skiptið.
.
En þyrfti ég að velja annan bílinn til að flytja fólk og farangur, nú eða búslóð… þá tæki ég nú samt Defenderinn. Svona er maður ruglaður…
