Forum Replies Created
-
Replies
-
Það lítur allt út fyrir skemmtilega ferð í Kerlingarfjöll á laugardaginn kemur.
Samkvæmt norsku veðurstofunni spáir vel á laugardag á Bláfellshálsi og snjókomu dagana á undan, sjá link á langtímaveðurspá:[url:2n4z1fsi]http://www.yr.no/place/Iceland/Su%C3%B0urland/Bl%C3%A1fellsh%C3%A1ls~2632777/long.html[/url:2n4z1fsi]
Undirbúningsfundur fyrir ferðina verður haldinn í húsnæði Ferðakúbbsins 4×4 næstkomandi miðvikudagskvöld.
Sjáumst hress, Litlanefndin
Á fundi litlunefndar fyrr í kvöld var tekin sú skemmtilega ákvörðun að næsta ferð Litlunefndar verði í Kerlingarfjöll. Hún verður farinn laugardaginn 18. febrúar klukkan 9:00 frá Stöðinni. Ætlunin er að eiga stórskemmtilega snjóferð í anda síðustu ferðar Litlunefndar þar sem allir fengu skemmtilegan dag í góðum snjó og frábæru veðri.
Byrjað verður að skrá í ferðina laugardaginn 11. febrúar og bendum við áhugasömum að hafa vakandi augu fyrir því hér á heimasíðunni.Bestu kveðjur að sinni,
Litlanefndin
Ákveðið hefur verið að í næstu ferð Litlunefndar verði farið Kaldadal upp að Jaka og gægst aðeins upp á Langjökull. Ferðinni verður svo slitið í Húsafelli. Opnað verður fyrir skráningu í ferðina sunnudaginn 6. nóvember og verður það nánar auglýst á heimasíðunni.
Spánefnd Litlunefndar spáir skemmtilegri ferð með hæfilegum skammti að snjó og hvetjum við alla byrjendur í jeppamennsku og aðra áhugasama til að skrá sig.
Sjáumst hress, Litlanefndin
Búið er að ákveða að næsta ferð litlunefndar verði farin í Hrafntinnusker laugardaginn 15. október næstkomandi.
Opnað verður fyrir skráningu í ferðina á sunnudaginn 9. október og verður hún virk fram á miðvikudag 12. október klukkan 23:00Það má reikna með að ferðin verði í lengri kantinum og getur komutími í bæinn teygst fram á kvöldið.
Í ljósi vel heppnaðrar ferðar í Þórsmörk í september má reikna með góðri þáttöku og því hvetjum við áhugasamt jeppafólk að vera vakandi fyrir skráningu.Ef að þátttaka verður mikil munu minna breyttir bílar njóta forgangs, en engu að síður hvetjum við alla til að skrá sig.
Takk fyrir frábæra ferð í gær. Við vorum eins heppin með veður og hægt var að hugsa sér.
Ég setti saman smá mynd úr ferðinni og henti á Youtube.
[youtube:d4pvuvoi]http://www.youtube.com/watch?v=jVXdaMrtReU[/youtube:d4pvuvoi]Við sjáumst hress þann 15. október
Bestu kveðjur, Gnýr
Nú er búið að opna fyrir skráningu í haustlitaferðina. Hægt verður að skrá sig fram á miðvikudag þann 21. og því hvetjum við alla áhugasama til að skrá sig sem fyrst.
Skráningarsíðuna má nálgast hér: [url:2n4pn7eb]http://f4x4.is/index.php?option=com_seminar&Itemid=246[/url:2n4pn7eb]
Nú styttist í haustlitaferð Litlunefndar í Þórsmörk. Opnað verður fyrir skráningu hér á vefnum um helgina og hvetjum við alla áhugasama til að skrá sig. Bestu kveðjur og sjáumst hress.
Væri ekki ráð að senda FÍ bréf og fá það á hreint hvað er eiginlega í gangi þarna. Það hlýtur að liggja ljóst fyrir hvort að þetta er bannað eða leyfilegt, og ef það er leyfilegt, þá er alveg ömurlegt að þurfa að upplifa svona hegðun.
Fyrsta ferð litlunefndar á nýju starfsári verður farin þann 24. september næstkomandi. Um er að ræða haustlitaferð í Þórsmörk. Opnað verður fyrir skráningu þegar nær dregur ferð, en áhugasamir eru hvattir til að taka daginn frá.
Gnýr Guðmundsson
Litlunefnd
Sæll. Þú getur keypt þriggja arma "bolla" fyrir 1/2" skrall í verkfæralagernum fyrir þrjúþúsund karl. Mjög sterk og góð græja og svínvirkar á 3 lítra land cruiserinn minn
