Forum Replies Created
-
Replies
-
Góðar viðtökur hafa verið við millibílaferðinni.
Fullt er í ferðina og búið er að loka fyrir skráningu. Þeir sem hafa skráð sig fá sendan tölvupóst fljótlega með frekari upplýsingum.
Bestu kveðjur
Ertu með einhverja reynslu af þessum bíl í snjó Atli?
Laugardaginn 14. febrúar verður farið í svokallaða „Millibílaferð“ á Langjökul.
Ferðin er tilraun á vegum Ferðaklúbbsins 4×4 og er skipulag ferðarinnar í höndum meðlima Litlunefndar. Tilgangurinn er að kanna áhugann á því að koma upp ferðum fyrir jeppa sem eru meðalmikið og mikið breyttir og er miðað við dekkjastærð 35″. Sú stærð miðast þó við þyngdarhlutfall og er ekki sjálfgefið að stærri og þyngri bílar fái að fara með þrátt fyrir að vera á 35″ dekkjum. Einnig er mögulegt að gera undanþágu fyrir mjög létta bíla á minni dekkjum en 35″. Til leiðbeiningar þá er miðað við að Patrol 35″ sé í lagi, en þyngri bílar en það ekki.
Ferðin verður farin laugardaginn 14. febrúar og er stefnan tekin á Langjökul. Ekki er búið að ákveða hvar verður farið upp og niður af jöklínum, en það verður auglýst síðar.
Þar sem um tilraun er að ræða verður fjödli bíla í ferðinni takmarkaður.</div>
Skráningarskylda er í ferðina og skráningarformið má finna hér
Nú er búið að loka fyrir skráningu í janúarferð Litlunefndar. Um metþátttöku er að ræða, en 70 bílar eru skráðir í ferðina. Nú bíður það hlutverk Litlunefndarmanna að raða öllum þessum bílum niður í hæfilega hópa. Mjög líklega förum við þá leið að þessu sinni að raða bílum niður eftir dekkjastærð, þannig að allir fái sem mest út úr ferðinni.
Þar sem um mjög stóra ferð verður að ræða er mjög mikilvægt að allir leggist á eitt um að gera þetta að góðri ferð. Við biðjum alla að virða fyrirmæli hópstjóra sinna og leggja sig fram um að hjálpa hver öðrum í hópunum.
Við minnum á kynningarfund vegna ferðarinnar sem haldin verður á morgun klukkan 20:00 í húsnæði félagsins að Eirhöfða 11 í Reykjavík.Bestu kveðjur og takk fyrir góðar undirtektir.
Litlanefndin
Komið þið sæl öll
Nú hafa 60 manns skráð sig í ferðina á laugardaginn. Veðurspáin lofar góðu og allt útlit er fyrir góða ferð. Lokað verður fyrir skráningu í kvöld, þriðjudag klukkan 22 og því er um að gera að drífa sig ef maður er að hugsa málið.
Við mætum að vanda við Skeljungsstöðina við Vesturlandsveg klukkan 8:30 á laugardagsmorgunin.
Kynningarfundur vegna ferðarinnar verður haldinn í félagsheimilinu okkar, að Eirhöfða 11 á morgun, miðvikudag klukkan 20:00.
Við hvetjum alla til að mæta, en fyrir þá sem ekki komast, þá sjáumst við á laugardagsmorguninn.
Bestu kveðjur
Litlanefndin
Skráning í Ferðina er hafin.
Vinsamlegast notið skráningarformið frá Google sem vísað er i hér að neðan.
Sjáumst hress
Sælir.
Næsta ferð verður þann 17. janúar á Skjaldbreið og nágrenni hans. Skráning hefst vonandi mjög fljótlega.
bestu kveðjur
Ferðadagskrá vetrarins:
Hefðbundnar Litlunefndarferðir þann 25. Október, 22. nóvember, 17. Janúar (Veiðvötn-Jökulheimar), 21. Mars (Ok)
Millibílaferð: 14. Febrúar (Takmörk á dekkjastærð og þyngd)
Apríl: Skoða þegar nær dregur. Fer eftir færð og veðri.Næsta ferð:
25. Október. Eyfirðingaleið-Rótarsandur-Mosaskarð.
Skráning hefst hér á vefnum á laugardaginn 11. október
Litlanefnd
Gnýr Guðmundsson – eitt ár eftir
Þórarinn Guðjónsson – eitt ár eftir
Baldur Steingrímsson – eitt ár eftir
Pétur Hans Pétursson – búinn, gefur ekki kost á sér
Sigurður Pálmason – búinn, gefur ekki kost á sérSigurður G Magnússon – gefur kost á sér
Árni Braga – gefur kost á sér
Sælir allir.
Mig vantar upplýsingar um 3 aðila sem eru skráðir í ferðina.
Það sem mig vantar eru símanúmer og/eða netföng. Ef viðkomandi lesa þennan póst eða einhver sem þekkir þá, viljið þið vinsamlegast senda mér skilaboð á t.d. litlanefnd@f4x4.isEftirtaldir aðilar eru:
Unnar Ragnarsson
Ragnar Magnússon
Sturla ÞengilssonFyrirfram þakkir og kveðja
Gnýr
Komið þið sæl.
Við vilju minna á myndakvöld úr Litlunefndarferðinni á Skjaldbreið í kvöld, fimmtudag 23. janúar klukkan 20:00 í félagsheimili klúbbsins að Eirhöfða 11.
Endilega takið með ykkur myndir á kubb.
Kv. Gnýr
Sæll Árni og takk fyrir síðast.
Það er rétt það sem hefur komið fram hér að framan varðandi stöðuskynjarann. Ef ljósið blikkar þó að læsingin sé kominn á, þá er ekki að koma merki frá skynjaranum. Lang líklegast er farinn sundur vír í tenginu við skynjarann sjálfan og auðvelt fyrir þig að sjá það. Ef það er í lagi þar, þá geturðu mælt skynjarann með Ohm mæli. Í annari stöðunni ættirðu að fá 0 ohm en í hinni óendanlegt viðnám. Ef þú mælir það sama hvort sem drifið er læst eða ekki, þá er skynjarinn farinn.Kv. Gnýr
Sælir.
Ég tók þá ákvörðun að hafa þetta með rafmagni þó að það væri töluvert dýrara. Það var aðallega til að losna við að taka allar loftslöngurnar inn í bílinn þar sem að mér finnst vera frekar lítið pláss þar.
Mér tókst að koma lokakistunni fyrir í húddinu með því að stinga henni upp á endann fyrir aftan lofthreinsarann. Bíllinn hjá mér er ekki boddíhækkaður þannig að það er frekar þröngt í vélarrúminu. Fyrir í bílnum var loftkerfi sem ég setti í fyrir tveimur árum, en það samanstendur af AC dælu, smurskammtara og skilju, gömlu slökkvitæki sem kút og kistu þar sem í tengist slanga frá smurskiljunni, slanga í kútinn, slanga að úrtaki og ein að mæli. Í eitt portið er svo þrýstipungur sem slekkur á dælunni við 10 bar (140 psi) og kveikir á henni við 7,5 bar (105 psi) og öryggisventill í því síðasta sem opnar við 11 bar ef pungurinn klikkar. Inntakið í kistuna fékk ég með því að setja Té á slönguna frá skiljunni og inn á gömlu kistuna. Þar á milli ákvað ég svo að bæta við þrýstijafnara (ekki á myndinni) sem takmarkar þrýstinginn inn á kistuna við 40 til 50 pund. Það er gert bæði til að tryggja hámarksþrýsting í dekk ef maður skyldi gleyma sér þegar maður er að pumpa í og eins til að hlífa mælinum þegar ég opna inn á loftkútinn og lokað er inn á öll dekkin.
Hvað varðar slöngurnar þá ákvað ég að taka þær út úr brettaköntunum, aðallega til að krakkarnir séu ekki að flækjast í þeim ef þær væru í stigbrettunum eins og maður hefur stundum séð.
Hvað varðar límbandið á föstu hnjánum þá setti ég það á til að tryggja að hnéið snérist ekki á rörinu á meðan legurnar væru enn nýjar og nokkuð stífar. Núna eru þeir í Landvélum búnir að breyta þessu þannig að það er ekkert stálrör heldur nota þeir hné með legg öðru megin sem stingst beint inn í legurnar. Legurnar er ekki hægt að smyrja, þær eru lokaðar en lítið mál er að skipta um þær enda af staðlaðri stærð og kosta mjög lítið.
Hvað varðar efniskostnað þá sýnist mér eftirfarandi vera nokkuð nærri lagi:
Landvélar: Lokakista með 6 segullokum, Snúningshné, þrýstiminnkari, 25 m. 8 mm slanga og 5 m. 4 mm slanga. 4 gegnum tök (í brettakantana) og slatti af 8 mm loft fittings. Samtals verð um 110 þúsund krónur.
Íhlutir: 6 rofar með díóðu, 5 metrar af 10 leiðarakapli, Einleiðarar fyrir plús og mínus, herpihólkar og dragbönd. Samtals verð um 8000 krónur.
Smíðajárn, beygð álplata og poltar og ýmislegt smálegt um 7000 krónur.Hvað varðar mælinn þá er ég ekki enn búinn að kaupa digital mæli heldur nota bara hefðbundna loftmæla. Stefnan er hins vegar að kaupa nákvæman digital mæli frá Samrás og er hann á um 30 þúsund. Eitthvað hef ég heyrt af mæli sem hægt er að fá frá USA sem er á um 70 $ en þekki það ekki nánar.
Þetta gerir því samtals um 125 þúsund án mælis en um 150 með nákvæmum digital mæli.
Uppsetninginn er ekki svo flókinn og flesti jeppamenn ættu að fara létt með hana með því að fá góðar leiðbeiningar.
Eftir að hafa farið með fyrrverandi Litlunefndarmönnum í Strútsskála í byrjun mars, þar sem ég þurfti að hafa mig allan við á mínum Litlunefndar trukk að komast það sama og þeir, þá eyddi ég helginni í þennan ágæta svokallaða „á hnjánumliggjandi“ úrhleypibúnað minn. Fljótlega eftir það ákvað ég að við svo búið mætti ekki una lengur og fór því í smá rannsóknarvinnu til að kanna hvað ég þyrfti að gera til að bæta þetta ferli. Eftir smá lestur og nokkur símtöl var ég kominn með efnislista og verð í fullbúinn utanáliggjandi úrhleypibúnað. Ég fékk kistuna með 8mm segullokum hjá Landvélum og þar fékk ég einnig fyrstu eintökin af nýrri gerð snúningshnjáa til prufu. Rafmagnsdótið keypti ég svo í Íhlutum i Skipholti. Snúningshnéin eru þannig uppbyggð að þau eru úr renndum gegnumtökum, þar sem í koma tvær kúlulegur, pakkdós og splitti. Inn í legurnar kemur svo 8 mm stálrörsbútur og upp á það fast 8 mm plasthné. Þessu skellti ég svo í krúserinn á 4 kvöldum eða svo og fór svo beint með hópstjóra Litlunefndar í hópstjóraferð í Setrið, þar sem við komum við á Langjökli á heimleiðinni. Ég setti slöngurnar á þegar malbiki sleppti í Tungufellsdal og þær voru á þangað til við komum aftur á malbikið um 300 km. síðar. Til að prófa dótið almennilega þá keyrði ég bæði hratt, yfir nokkrar ár og lenti einnig í talsverðu frosti. Einnig lentum við í þungri færð og vondu veðri upp á Langjökli þar sem allt snúningsdæmið var á kafi í snjó. Allt virkaði sem skyldi og engin vandræði komu upp á. Hnéin virkuðu mjög vel og er ég sannfærður um að þetta er mun betri og varanlegri lausn en þessi plasthné sem menn hafa verið að nota hingað til. Verðið á þessum hnjám er eitthvað aðeins hærra en á hinum en ég er nokkuð viss um að það er fljótt að borga sig upp með betri endingu.
Viðhengi:
Fjórðungssjúkrahúsið á Akureyri og N1 á Patreksfirði
Takk fyrir upplýsingarnar Bergur.
Ég heyrði í þeim hjá vegagerðinni varðandi þetta og það er eins og þú segir, þetta er ólæst keðja sem sett er til höfuðs útlendingum og alls ekki hugsuð til að hefta för skynsamra jeppamanna.
Það er gott að heyra að það er kominn einhver snjór á þessu svæði. Þá fá vonandi allir einhverja skemmtun út úr þessu á laugardaginn.
Kveðja, Gnýr
Hehe.
Fyndið maður. Þetta er einmitt leiðin sem við ætlum að fara í Litlunefndarferð á laugardaginn. Það er eins gott að taka með sér járnsögina 😀
Hópstjóraskráning í Haustlitaferð Litlunefndar í Þórsmörk Laugardaginn 22. september er hafin.
Við hvetjum hópstjóra sem hafa áhuga á að koma með okkur til að fara á vefinn og skrá sig sem fyrst.
Bestu kveðjur,
Litlanefndin
Það verður stoppað í Básum í góðan tíma þar sem verður hægt að fara í göngutúra
Takk fyrir skemmtilega ferð í dag.
Sjáumst hress, kveðja, Spotti
