Forum Replies Created
-
Replies
-
Hæ, ég mæti
Keypti svona græju á B og L útsölunni og búinn að eiga hann í nokkra mánuði. Bíllinn er 2006, V6, 1,770 kg, 4×4, ca 180 ha. Langakstur; eyðsla 10,5 l, snattið er allt skapi manns, 12-16 l. Huyndai bílar eru bilanaminni en Toyota skv nýjustu neyslukönnunum enda Toyota hætt að sýna þau vísindi, sem þeir notuðu þó áður.
Þetta er auðvitað hin besta umræða og tímabær. Ég hef verið mjög efins um ágæti þess að starfsmaður og formaður sé sama persónan. Agnesi þekki ég ekki og er ekkert að draga hana inn í umræðuna. Starfsmaðurinn er ráðinn til langs tíma ef vel heppnast með ráðningu hans. Formanninn, aftur á móti, þarf að kjósa sérstaklega á hverjum aðalfundi.
Þetta ætti að vera svipað og á hinu háa Alþingi. Þar eru allir starfsmenn til staðar, óháð því hvaða þingmenn ná kjöri.
Við skulum heldur ekki gleyma því að stjórnin er forustuaflið sem á að leiða starfið. Nefnd sem ekki virkar á auðvitað að fá tiltal frá stjórn. Taki hún ekki til starfa þá á stjórnin að gera viðeigandi ráðstafanir. Stjórn sem lætur líðast að starfsnefndir sinni ekki sínum störfum þyrfti að hugsa sinn gang.
Svo finnst mér nauðsynlegt að koma inn á annað. Mér skilst að á síðasta aðalfundi hafi reikningsári klúbbsins verið breytt þannig að ekki fari saman starfsár stjórnar og uppgjörstímabil. Þetta er alveg út í hött að mínu mati.
Sjálfur hef ég atvinnu af bókhaldi og ársreikningagerð og get ekki ímyndað mér hvaða rök hafa legið að baki þessari ákvörðum. Ég geri ársreikninga fyrir fjölda félaga þ.ám. Björgunarsveitir, sem nota ekki almanaksárið sem uppgjörsár.
Ef farið er að krukka í lögin á annað borð, finnst mér koma til greina að nýkjörin stjórn verði skylt að leggja fyrir næsta félagsfund eftir aðalfund, sæmilega nákvæma starfsáætlum sína fyrir næsta ár.
Hjá Suðurlandsdeild gerist þetta að nokkru leyti með svokölluðu viðburðadagatali. Þar eru helstu klúbbferðir dagsettar ásamt Byggðabröltinu og opnu húsunum. Viðburðardagatali er dreift til þeirra sem hafa greitt félagsgjaldið.
Upphaflega var spurt um ágæti AT 405 dekkja. Gaman væri að fá fleiri reynslu-og samanburðarsögur af þessum dekkjum.
Þá get ég upplýst að svona skrúfunaglar voru kynntir hjá Suðurlandsdeild í fyrra að mig minnir. Þeir fást væntanlega líka hjá Jötunn-vélum á Selfossi.
Í fyrra fórum við nokkrir félagar inn í Laugafell. Vitlaust veður brast á og snjórinn skófst í dyngjur. Glímt var við bilanir og á endanum keyrðu 3 bílar fullir af fólki. Þar af voru 2 Pajero-bílar. Annar var á mudder og hinn á AT. Okkur fannst bera á því í þessu færi að mudderinn væri gjarnari á að grafa sig miðað við AT-dekkið. Að vísu var AT-bíllinn á 14" felgum en mudder-bíllinn á 12,5"
Jón G Bergsson og frú , Suðurlandsdeild mæta
Sammála Ofsa, maður ársins er auðvitað Gunnar Egilsson pólfari. Drífið ykkur í að hringja í Rás 2 í síma 568-6090 fyrir kl:18:00 næstu daga og kjósa Gunnar. Kosningin er í gangi til kl:16:00 á Gamlársdag en þá verða úrslitin tilkynnt.
Getur verið að hinir séu með fleiri rásir en þú ?
Félagar í Suðurlandsdeild.
Þorrablótið er næstu helgi. Munið að skrá ykkur sem allra fyrst í síma 482-3755 og 892-4559. Einnig má skrá sig á kjarna@centrum.is. Þegar eru komnir um 20 bílar og um 40 manns. Við stefnum að því að troðfylla húsið. Gaman væri að heyra af ferðalögum þarna síðustu helgi. Er krapinn enn að angra menn ?? Skv Mogga-spánni er hiti við frostmark næstu tvö daga en fer síðar að frjósa. Og það gengur á með éljum.
Tek undir með Heiðari. Er ákrifandi að DV og fæ því Fréttablaðið á morgnana. Setrið fylgdi ekki.
Sæl Sirrý !
Var einmitt að bíða eftir því að póstur kæmi til að minna á ferðina. Hvar eru þessir Hellishólar ca í Fljótshlíðinni ? Hvernig er ca útlit með þátttöku ? Var að hugsa um að kíkja við, alla vega með steik síðdegis.
Hún er í smíðum og kemur vonandi eftir fáar vikur. Ef þig vantar upplýsingar þá læturðu heyra frá þér. Nei 13" er ekki í dæminu, menn ætla að eiga margar notalegar stundir í Sultarfitinni í vetur. Mér skilst að enn ein vinnuferðin sé fyrirhuguð um næstu helgi og er það þá 4ja vinnuhelgin í röð.
Eftir síðustu vinnuferð var ákveðið að loka Sultarfitinni. Í athugun er að koma skálanum í Masters-lyklakerfi Ferðaklúbbsins. Hengilás er kominn á rafstöðina. Nú er búið að birgja húsið upp fyrir veturinn með gasi og olíu. Vatnsdælan sem komið var með í síðustu vinnuferð reyndist gölluð og verður það vafalaust lagað um næstu helgi.
Gæti ekki verið meira sammála ykkur Emil og Skúli H. Hávaðinn í vélunum er hvimleiður. Fengi ég að ráða væru fjallaskálar með olíufýringu með hitaspíral og cellum og hugsalega með lítilli rafstöð til að tryggja hægt 12v rafmagn í lýsingu
Um síðustu helgi var borin út ástkær sóló-vél okkar eftir dygga þjónustu og margar eftirlátnar sótagnir sem ekki rötuðu í reykháfinn. Nú viljum við athuga með kaup á alvöru rafstöð 12-15 kw og sleppa að kaupa nýja olíufýringu. Ungur maður benti á það í síðustu vinnuferð, að nú væri komið árið 2003 og þá ætti að nota rafmagn. Veit einhver um slíka vél til sölu á viðunandi verði ???!!! Allar upplýsingar og ábendingar þegnar. Núverandi rafstöð er 6 kw af Lister gerð og er hún til sölu ef önnur vél finnst.
Við vorum sum sé í vinnuferð um síðustu helgi. Forstofan nýja var dúklögð og borin á hana fúavörn og byrjað að setja upp nýja eldhúsaðstöðu. Drullu var dælt upp úr brunninum og sýndist mönnum komið þar ca 80 cm vatnslag. Um næstu helgi stendur til að reyna á virkja vatnsbrunninn, þannig að kannski hyllir undir vatnssalerni inni í húsi.
Suðurlandsdeildin var í afmælisferð um síðustu helgi. Allt gekk vel. Minnst dekkjaði bíllin var 350 Econoline á 33" og átti hann ekki í nokkrum vandræðum með árnar. Varð að vísu að fá aðstoð upp brekkuna hjá Kisuánni þegar stefnt var inn á Klakksleið. Vegirnir voru með ágætasta móti og gekk ferðin eins og best verður á kosið. 11 bílar voru í ferðinni. Á baka leiðinni var ekin nýstikaða leiðin í Sultarfit hjá Grænavatni. Þar eru að vísu grófir kaflar innan um en allt gekk vel.
Hvernig var þetta með afmælislagið. Þarf ekki að koma því á heimasíðuna með texta og gítargripum svo hægt verði að raula það í Þórsmörk næstu helgi ??!!!
Mér finnst álitamál hvort ekki eigi að fella myndir niður t.d. þegar þær eru orðnar ársgamlar. Reyndar finnst mér að svipað ætti að gilda um auglýsingar. Eftir t.d mánuð ætti að fella niður auglýsingu sjálfvirkt, sem eigandinn hefur ekki tekið út sjálfur.
Jón G Berggson heiti ég og er formaður Suðurlandsdeildar. Vefsíðan er í smíðum og bún að vera það all lengi. Þú skráir þig inn á aðalsíðunni og óskar eftir því að vera í Suðurlandsdeild og við fáum skráninguna senda til okkar. Næsti fundur er á morgun í húsnæði Björgunarfélags Árborgar kl. 20:30. Þangað ert þú velkominn og getur líka reyndar skráð þig inn þar
Kom einbíla á laugardag eftir samtal upp eftir. Ferðin sóttist vel, tók um 4 klst frá Selfossi. Þá höfðu Hveravallafarar komið í heimsókn og þeir sem voru fyrir í Setrinu flestir búnir að skreppa í Kerlingarfjöll og gátu yfirlitt ekki hamið sig í blíðunni þarna og keyrðu þarna um allt nágrennið. Eitthvað fengu bílarnir að kenna á því, eitt afturdrif brotið, milli kassi og kúppling fór hjá einum og vatnskassi var fylltur af kaffikorg eftir tjón. Með þessa bíla bilaða ræddi ekki um annað en að fara sömu leið til baka þ.e. Sóleyjarhöfðann. Sóttist ferðin vel eftir að búið var að binda 4-5 bíla saman upp bröttustu brekkuna við Páfagarð. Sjálfur kom ég heim um hálf sex, en keyrði þá aðeins á undan þeim.
Ferðin gekk vel inn eftir á föstudag, smá krapar voru sem oftast var hægt að sneiða hjá. Mig minnir að þeir hafi komið inn í hús um hálf tvö um nóttina.
Segiði einhverjar meiri fréttir af Björgunarfélagi Árborgar ?? Einhverjir töluðu um það í Setrinu að þeir hefðu líka misst Patrolinn hjá sér á svartakaf !!!!!
Sæll Heiðar!!
Stjórnarfundur verður fljótlega hjá Suðurlandsdeild og verður þetta rætt
