Forum Replies Created
-
Replies
-
Ótrúlegt….
Framboðsfrestur rennur ekki út fyrr en komið er að kosningu. Þannig geta komið fram framboð í nefndir og stjórn á aðalfundi og eru mörg fordæmi fyrir því. Framboð þarf því í raun ekki að tilkynna fyrr en á aðalfundi og þarf ekki að tilkynna sitjandi stjórn eða öðrum um fyrirhuguð framboð fyrr en kemur að kosningu.
Hvernig er það, verður ekki boðið upp á bjór eftir fundinn? Þetta eru nú ekki það skemmtilegir fundir að það verður að finna einhverja ástæðu til að mæta 😉
Hvernig er það, verður ekki boðið upp á bjór eftir fundinn? Þetta eru nú ekki það skemmtilegir fundir að það verður að finna einhverja ástæðu til að mæta 😉
Er virkilega búið að malbika frá Þingvöllum og yfir á Laugarvatn um Gjábakkaveg???
Leitt að heyra af þessu tjóni Gundur vonandi verður þú kominn fljótt á fjöll aftur. En hvernig felgur ert þú með? Er soðinn kantur á þeim? Ertu með 44" dekkin með "rúma" innanmálinu?
Önd, um Önd, frá Önd, til Önds….
Ég er ekki liðhlaupi og stend klárlega með mínum mönnum 😉
kv.
Ella
U-313 he he he….
Alltaf gaman af því þegar sófariddararnir koma fram…..allt of mikið sprey notað???….þó maðurinn hafi verið lengi með brúsann við dekkið hafið þið þá hugmynd um það hvort hann var að spreyja allan tímann????? Ef það hefði verið of mikið sprey og allt í fári….hefði þetta þá gengið svona smurt?? væl væl væl….. Kommon…. treysti þeim austfirðingum betur en flestum til að meta aðstæður og gera það sem réttast er í stöðunni á hverjum tíma..
Held ég sé farin að skilja þetta amatöra viðurnefni….
Ríkið greiðir ekki eftir því sem ég best veit fyrir þessar björgunaraðgerðir nema í þeim tilfellum sem þyrlur, flugvélar eða slíkt sem ekki er rekið af björgunarsveitunum er kallað út.
En er það réttlætanlegt að taka út eina tegund útkalla björgunarsveitanna þ.e. þegar leitað er að fólki á jeppum eða vélsleðum, og láta þá aðila greiða fyrir hluta kostnaðarins eða tryggja sig fyrir þeim kostnaði.
Nú er stór hluti útkalla björgunarsveita vegna atvika sem eru á láglendi t.d. vegna lausra muna sem fara á flakk í roki og má þá ekki segja að fólk eigi að greiða fyrir slíkt alveg eins? Er það ekki gáleysi að ganga ekki sómasamlega frá eigum sínum? Nokkur slys á björgunarsveitamönnum hafa orðið í slíkum útköllum.
Eða þegar fólk lætur sig vísvitandi hverfa af einhverjum orsökum og björgunarsveitir þurfa að leita þeirra, á þá ekki viðkomandi alveg eins að greiða fyrir slíkt? Í þessum tilfellum er um að ræða klárt hugsunarleysi.
Hins vegar er ég hlynnt því að fólk afli sér þekkingar áður en það fer á fjöll og reynslu smám saman. En ég veit líka að það er til fullt af fólki sem hefur hæfni til að takast á við verulega erfiðar aðstæður og hefur ánægju af því.
Ég er andvíg því að það verði sett einhver höft á ferðafrelsi þess, þó svo að veðurspá sé ekki góð. Held að engir sófariddarar séu þess umkomnir að meta fyrir aðra hvaða aðstæður þeir ráða við. Enda þurfum við hæft fólk sem ræður við erfiðar aðstæður m.a. í björgunarsveitir til að björgunaraðgerðir skili árangri þegar á reynir.
Ég veit ekkert um ferðamennsku eða veður á jöklum, hvað þá um það hvernig er að ferðast um þá enda er vera mín á jöklum vart mælanleg 😉 En ég hef nú samt þá skoðun að ef bíllin er í lagi, ég kunni á leiðsögutækin og veit hvar ég þá komist ég til byggða þó svo að hægt gangi. Eða geti í það minnsta beðið af mér veður ef svo ber undir. Eins ætti ég með réttum fjarskiptabúnaði að geta látið vita af mér. En ef ég tæki alltaf mark á veðurspá þá væru þær sárafáar helgarnar sem maður færi á fjöll….já og svo er líka stórhættulegt að fara út úr húsi….eru ekki flest útköll björgunarsveita einmitt vegna veðurs í þéttbýli?
Er þessi klúbbur að fyllast af vælandi köllum??? Get ekki verið meira sammála Jóhanni. Hluti af sportinu er að takast á við sjálfan sig og náttúruöflin. Hvað björgunarsveitir varðar og kostnað/ekki kostnað þeirra hef ég ákveðnar skoðanir sem er efni í laaaangan pistil enda þekki ég ágætlega til þeirra sem félagi, maki og móðir hjálparsveitarmaura….
Væri ekki nær að bjóða blaðamönnum með í ferð? Alveg hugsanlegt að þeir hefðu jákvæðari sýn á jeppa, breytingar og ferðalög ef þeir hefðu bara þekkingu á málefnunum sem þeir eru að skrifa um. Sýnist stundum vanta talsvert uppá það í þeirra skrifum…..Þessir þingmenn eru hvort sem er að hætta eftir örfáa daga 😉
Komið þið sæl.
Ég hef sagt mig úr stjórn 4×4 og mun því ekki starfa frekar að málefnum klúbbsins.
Þakka öllum sem ég hef unnið með undanfarin ár fyrir samstarfið.Kveðja
Ella
"Niðurstaða okkar er í megindráttum sú að við erum hlynntir vegabótum á hálendinu til að auka aðgegni, ef þetta er gert í sátt við landið með tiltölulega lágum vegum og hæfilegum umferðarhraða. Við erum alfarið á móti því að fórna miðhálendinu undir hábyggðar hraðbrautir sem hafa þann tilgang einan að flyta fólk og vörur milli landshluta án viðkomu.
Ef ákveðið verður samt að ryðjast yfir okkur með hálendishraðbraut, til dæmis yfir Kjalveg, þá viljum við mælast til þess að settar verði upp hamborgarasjoppur þar sem minnst truflun er af, til dæmis beint suður af Dúfunefsfelli frekar en á Hveravöllum."
Um hverja ert þú að tala þegar þú segir "við" og "okkar"
Kveðja
Ella
Það verður fróðlegt að fylgjast með málinu á Alþingi. Því miður er aðeins ræða Jónínu Bjartmarz umhverfisráðherra komin inn en í hennar ræðu kemur m.a. þetta fram:
"Magnús Tumi Guðmundsson jarðfræðingur telur svæðið einstakt í heiminum í jarðfræði og jarðsögulegu tilliti, þar sem samspil elds og ísa hafa ráðið landmótun að miklu leyti. Þessi sérstaða þjóðgarðsins mun í framtíðinni draga að aukinn fjölda ferðamanna, bæði innlendra og erlendra. Alþjóðleg umhverfisverndarsamtök hafa lýst þessum hugmyndum um stofnun Vatnajökulsþjóðgarðs sem afar metnaðarfullum og líklegum til að vekja heimsathygli.
Mat Rögnvaldar Guðmundssonar ferðamálafræðings á áhrif Vatnajökulsþjóðgarðs á íslenska ferðaþjónustu er að þjóðgarðurinn muni á árinu 2012, verði farið að tillögum ráðgjafarnefndarinnar um uppbyggingu þjóðgarðsins, hafa aukið gjaldeyristekjur þjóðarinnar um 3-4 milljarða kr. á ári. Þar af telur hann að 1,5 milljarðar kr. muni koma fram árlega sem auknar atvinnu- og þjónustutekjur á nærsvæði þjóðgarðsins.
Þannig má gróflega ætla að þjóðgarðurinn hafi skapað nálega 400 til 500 ný störf í landinu þegar á árinu 2012."
Það hlýtur eiginlega að vera markmiðið að túristavæða þetta svæði með tilheyrandi láglendisvæðingu ef þessar væntingar eiga að ná fram að ganga.
Kv.
Ella
Ég var á ferðinni gegnum Hvolsvöll í dag og þurfti að taka eldsneyti. Ég hugsaði mér gott til glóðarinnar að nýta mér margrómaðan afslátt á Shell Hvolsvelli, en þegar ég rétti fram félagsskírteinið var mér tjáð að þessi afsláttur virkaði ekki hér. Getur verið að afslátturinn virki eingöngu á höfuðborgarsvæðinu og þar með geti klúbbfélagar á landsbyggðinni ekki nýtt sér hann?
Ertu ekki örugglega að tala um ferð fyrir börn 6 ára og uppúr og dagsferð? Eða ertu að tala um skemmtiferð fyrir sjálfan þig? Hvað ætlar þú að sýna þessum krökkum? Eða á kannski ekki að stoppa neitt til að sýna þeim landið? Held að enginn vanur ferðaskipuleggjandi myndi bjóða svo ungum viðskiptavinum upp á jafn langa ferð.
Gangi ykkur annars bara vel og góða ferð.
