Forum Replies Created
-
Replies
-
Svo það sé alveg á hreinu þá er það ekki meining mín að gera lítið úr störfum Agnesar. Hún er eðal manneskja, hefur unnið mjög gott og vanþakklátt starf fyrir klúbbinn og á heiður skilin fyrir það.
Hins vegar er öllum hollt að velta því fyrir sér hvar má mögulega spara í rekstri klúbbsins, það er t.d. langur vegur frá því að hafa starfsmann í 25% starfi eða 100% starfi og væntanlega um talsvert hærri kostnað að ræða.
Starfsmaðurinn er störfum hlaðin er ég nokkuð viss um, en það má engu að síður velta því fyrir sér hvort mögulegt væri að lækka kostnað með því að kaupa ódýrari vinnu í einhver afmörkuð verkefni. (s.s. að pakka og póstleggja félagsskírteini og slíkt) Það eru takmörk fyrir því hvað hægt er að hækka félagsgjöld mikið til að standa straum af kostnaði klúbbsins og á einhverjum verðpunkti fer félögum fækkandi.
Síðan finnst mér einkennilegt að ekki sé hægt að ræða málin á vitrænum nótum og án þess að fara út í skítkast. Vissulega er samt betra að slíkt fari fram á lokuðum þræði.
Að gera eitthvað að öðrum "forspurðum" (eða fornspurðum, báðar orðmyndirnar eru gefnar upp) merkir skv. Orðabók Menningarsjóðs að gera eitthvað án vitundar hans.
Stefanía, það er engin mission í gangi ef þú heldur það.
Málið snýst einfaldlega um grundvallaratriði, tjáningarfrelsi einstaklingsins. Ég kaus að hafa mínar hugleiðingar í opnum þræði og ef einhver vill fremur svara vangaveltum mínum á lokuðu svæði þá er þeim hinum sama það fullkomnlega frjálst.
Ég tel að ekkert í mínum skrifum hafi verið þess eðlis að það hafi þurft að vera á lokuðum þræði þó vissulega gætu einhver svör við hugleiðingunum átt þar heima.
Hafi Skúli gert þau mistök að tjá sig um málefni sem hann taldi fremur eiga heima á lokuðu svæði þá ætti ekki að vera mikið vandamál fyrir hann að laga það.
Flokkunin á vefnum býður hins vegar ekki upp á innanfélagsmál í opnum málaflokki. Það eru jú til innanfélagsmál sem eiga fullt erindi til þeirra sem lesa þennan vef og eru jafnvel að hugleiða að ganga í klúbbinn.
Fyrr í dag setti ég inn almennar hugleiðingar varðandi klúbbinn
og fjármál hansÞað var mín ákvörðun að hafa þetta í flokki með óheftum aðgangi þar sem ég
veit til þess að fáir skrá sig inn á síðuna í hvert sinn sem þeir líta inn
og ég tel að þetta eigi erindi við alla félagsmenn, líka þeirra sem skrá sig
ekki inn.Nú er komin upp sú staða að vefnefnd hefur ritskoðað þennan þráð minn,
breytt honum að mér forspurðri og sett hann undir flokk með heftum aðgangi.
Sú spurning hlýtur að vakna hvort að það sé hlutverk vefnefndar að standa í
ritskoðunum og breytingum á póstum félagsmanna? Ef einhverjum finnst
óþægilegt að svara og ræða þessi mál á opnum þræði þá er viðkomandi velkomið
að gera það undir lokuðum innanfélagsmálaþræði, grundvallaratriðið er það að
viðkomandi stjórni því sjálfur. Ég sat sjálf í stjórn þegar ákveðið var að
gera lokaðan flokk fyrir innanfélagsmál, en þá var jafnframt ákveðið
að það yrði opinn innanfélagsmálaflokkur ásamt þeim lokaða en einhverra hluta
vegna hefur sá flokkur aldrei litið dagsins ljós.Það er nú ekki eins og þetta séu nein stórkostleg hernaðarleyndarmál, eða
var kannski Bjarni Ármannsson að skrá sig í klúbbinn?Vefnefnd, vinsamlegast breytið ekki aftur skrifum mínum hér á síðunni.
Þessi þráður, á hann ekki heima undir innanfélagsmál eða vefmál?
Á þessi þráður heima undir umhverfismál?
Á þessi þráður ekki að vera undir innanfélagsmál?
Vinsamlega gætið þess að setja þræði í rétta flokka.
Nú virðist vera uppi hugmyndir um hækkun félagsgjalda og hlýtur ástæðan að vera sú að klúbbinn vanti aukið fé til að standa undir rekstri sínum. Ég velti því hins vegar fyrir mér í því samhengi hvort ekki sé mögulegt fyrir klúbbinn að endurskoða útgjöld sín. Þá vakna nokkrar spurningar hjá mér, m.a.
Er þörf á því að klúbburinn hafi starfsmann í fullu starfi?
Hvað kostar það klúbbinn á ársgrundvelli að vera með fastann starfsmann í fullu starfi?
Hve margir greiða félagsgjöld til klúbbsins og hve stór hluti félagsgjalda fer í launagreiðslur?
Hvaða störfum sinnir starfsmaður klúbbsins, eru þau störf kostnaðarins virði?
Að hvaða hagsmunamálum félagsmanna er starfsmaðurinn að vinna núna?
Er stjórnin að vinna að sömu málum í sjálfboðastarfi?
Hvar liggja mörkin á milli sjálfboðastarfs formannsins og starfa starfsmannsins?
Er eðlilegt að formaður sé jafnframt starfsmaður?
Velti því einnig fyrir mér hvort klúbburinn sé ekki að fjarlægjast uppruna sinn sem áhugamannafélag sjálfboðaliða sem gæta hagsmuna þeirra sem breyta vilja bílum og fá að ferðast á þeim. Virðist vera færast í átt að Ferðafélaginu og Útivist þar sem aðal áherslan er á skipulagðar ferðir, uppákomur og láglendisvæðingu þar sem enginn getur farið á fjöll nema í fylgd þjálfaðra 4×4 félaga.
Það hefur varla farið fram hjá neinum sem skoðar þessa síðu að ferlasöfnun klúbbsins virðist vera að bera góðan árangur. Jón Snæland virðist halda myndarlega utan um þetta og alltaf tilbúinn að bjarga fólki um ferla sem það biður um. En það er eitt sem ég skil ekki, þar sem þetta eru nú m.a. samansafn ferla fá mörgum félagsmönnum klúbbsins, af hverju er þetta bara sett á netið? Mætti vera lokað og aðeins fyrir félagsmenn. Það væri hægt að hugsa sér marga kosti sem fylgdu því.
Jón myndi sleppa við þá vinnu að vera senda einstaka ferla á fólkÞað myndi verða vatn á baráttumyllu klúbbsins við að halda slóðum opnum ef þeir yrðu gerðir opinberari.
Fólk gæti skoðað ferla og komið með athugasemdir.
Já takk fyrir símtalið Lella mín, slæmt að geta ekki aðstoðað þig. Geri samt ráð fyrir að þú sért komin heim þokkalega heil, ég allavega leit eftir þér á leiðinni heim í gær og sá þig ekki 😉
Skil tilganginn en ekki nauðsyn þess að birta nafnalistann. Væri í sjálfu sér nóg að stjórn hefði aðgang að honum. Hefði verið hægt að koma skilaboðunum áleiðis með einföldum texta í fáum línum. Þú sérð það strax að á listanum yfir "ekki skráða félagsmenn" eru fyrirtæki í eigu félagsmanna, jafnvel er fyrirtækið eingöngu um jeppann. Eins er mögulegt að maki einstaklings sé skráður félagi þó sá sami einstaklingur sé ekki skráður eigandi bíls/talstöðvar. Ekki erfitt að sjá það fyrir sér að það kalli á umtal félagsmanna um ákveðin fyrirtæki/einstaklinga að ósekju.
Skil ekki alveg tilganginn með þessari nafnabirtingu, tölurnar einar og sér hefðu nægt ef tilgangurinn væri að sýna fram á vöggugjöf Póst og fjar.
49 tommu dekk…. hmmmmmm….. taktu míkrómálið
Hvaða skoðun hafa félagsmenn a nýlagningu vegar frá Tröllhálsi að Litla Brunnavatni?
Ég mæti, plús einn.
Kveðja
Ella
Það er alveg ljóst að til þess að norðurvegur verði að veruleika þarf fyrir það fyrsta að byggja upp veg sem ber þungaflutninga frá Reykjavík og að fyrirhuguðum norðurvegi. Það hefur enginn lýst því yfir að hann sé tilbúinn til að greiða fyrir þann veg. Einnig held ég að það geti orðið erfitt að komast að samkomulagi um þennan Norðurveg og jafnvel ómögulegt að af honum verði nema með samningi við landeigendur. Yfirleitt er það þannig að land fyrir vegsvæði er tekið eignarnámi og til að það sé heimilt þarf veglagningin að uppfylla ákveðin skilyrði samkv. 72.gr stjórnarskrár ella getur ekki til þess komið. Þessi skilyrði eru lagaheimild, almennir hagsmunir og að fullt verð komi fyrir eign. Nú er einkaaðilum heimilt að komast yfir land til vegagerðar samkv. nýjum vegalögum að gefnum meðmælum vegamálastjóra og samþykki ráðherra. En ef fyrirtæki hefur fengið land undir veg með eignarnámi og tekur gjald fyrir umferð um þann veg þá er sá aðili að hagnast af vegagerð og veghaldi. Er því ljóst að það er ekki mögulegt að fullt verð hafi verið greitt fyrir jörðina, því ef fullt verð er greitt er ómögulegt að hagnast af eigninni. Í nútíma viðskiptaumhverfi eru fáir að gefa fjármuni sína til að þjónusta almenning. Fyrirtæki starfa með því sjónarmiði að ávaxta fjármuni sína og er því alveg sama hvaða verð er greitt fyrir vegsvæðið, veggjald verður ávallt hærra til að svara ávöxtunarkröfu fyrirtækisins. Þess vegna er óvíst að forsendur fyrir eignarnámi séu til staðar. Það er því eins víst að það eigi eftir að vera deilur um þessi mál næstu ár og ólíklegt að norðurvegur verði að veruleika alveg á næstunni.
Umferðarlög nr. 50/1987
[107. gr. a. Þegar um stórfelldan eða ítrekaðan ölvunarakstur er að ræða, sem ekki fellur undir 2. mgr. þessarar greinar, stórfelldan eða ítrekaðan akstur manns sem sviptur hefur verið ökurétti eða manns sem ekki hefur öðlast ökuréttindi, stórfelldan eða ítrekaðan hraðakstur eða akstur sem telst sérlega vítaverður að öðru leyti má gera upptækt vélknúið ökutæki sem ökuskírteini þarf til að stjórna og notað er við brotið nema það sé eign manns sem ekkert er við brotið riðinn. Við sömu aðstæður og með sömu skilyrðum má gera upptækt vélknúið ökutæki sem ökuskírteini þarf til að stjórna og er eign þess sem hefur framið brotið, enda þótt ökutækið hafi ekki verið notað þegar brotið var framið.
Gera skal ökutæki upptækt þegar eigandi þess hefur verið dæmdur sekur eða gengist undir refsingu vegna aksturs undir áhrifum fíkniefna eða undir áhrifum áfengis sem hefur í för með sér sviptingu ökuréttar og vínandamagn í blóði er 1,20? eða meira eða vínandamagn í lítra lofts sem hann andar frá sér nemur 0,60 milligrömmum eða meira, og viðkomandi hefur tvisvar síðustu þrjú árin fyrir brotið verið dæmdur sekur eða gengist undir refsingu fyrir akstur undir áhrifum fíkniefna eða áfengis þar sem vínandamagn í blóði hefur mælst 1,20? eða meira eða vínandamagn í lítra lofts sem hann andar frá sér hefur numið 0,60 milligrömmum eða meira og sem hefur haft í för með sér sviptingu ökuréttar. Gera skal ökutæki upptækt enda þótt það hafi ekki verið notað þegar brotið var framið.
Víkja má frá ákvæði 2. mgr. í undantekningartilvikum þegar sérstakar ástæður mæla með því.
Ökutæki sem gert er upptækt skal vera eign ríkissjóðs. Hafi einhver beðið tjón við brotið skal hann þó eiga forgang til andvirðisins ef bætur fást ekki á annan hátt.]1)
Þetta er rétt Atli, afslátturinn virkar ekki alls staðar á landinu m.a. á Hvolsvelli. Skýringin sem ég fékk frá Skeljungi er að á einhverjum stöðum á landsbyggðinni eru menn með eldra kassakerfi sem getur ekki tekið við afsláttarkortunum. Þetta á þó að standa til bóta á þessu ári.
Hvenær í sumar á að fara í þessa vinnu?
Tryggvi minn er þetta ekki misritað hjá þér hér að ofan? Á ekki að standa Lella þarna en ekki Ella? Endilega ekki rugla okkur saman…..
Að öðru leiti tek ég fullkomnlega undir orð Páls hér að ofan. Og eins og ég segi…..Þetta er ótrúlegt!
