Forum Replies Created
-
Replies
-
Ekki alveg….það er lítill flipi neðst á síðunni, skráning í ferðir….þar er hægt að skrá einn bíl í einu, en engan hóp. En ekki er tekið á móti skráningum nema í hópum, svk. upplýsingum.
Common strákar….eruð þið ekkert að læra?
Í upplýsingunum stóð…. Skráning mun hefjast þriðjudaginn 5 feb kl 21:00 á vef 4×4
Á vef 4×4 er þetta eini þráðurinn sem fjallar um Stórferð.
Á þessum þræði eru örfáir búnir að skrá sig.
Engu að síður er sagt að það sé orðið fullt í ferðina….
Hvar skráðu aðrir sig? Var einhver önnur skráningarleið? Og hvenær opnaðist fyrir þá skráningu?
Fyrir löngu síðan var farið að telja upp einhverja sem væru að fara….var einhver forskráning? Og þá hvar?Væri ágætt að fá svör við þessu.
kv.
Ella
Hæ.
Skrái 4 bíla og 8 manns hér á vefinn…..eins og stóð í tilkynningunni átti að skrá sig hér er það ekki?
kv.
Ella
Sérvitur húsfreyja á Skagaströnd,missti bónda sinn hann Gísla. Kella hringdi í Fréttablaðið og vildi setja dánartilkynningu í blaðið. Þegar hún hafði náð sambandi var hún spurð hvaða texta mætti bjóða henni :GÍSLI ER DAUÐUR. Maðurinn varð vandræðalegur en sagði svo, þú borgar nú hvort eð er fyrir sex orð svo má ekki bjóða þér að notfæra þér það? Kella hugsaði sig um og sagði svo:jú,GÍSLI ER DAUÐUR, TOYOTA TIL SÖLU!
he he he he….ég var bara að tékka á því hvort fílupúkarnir væru ekki ennþá þarna….og júbb…ekki spurning 😉
Ok, ný vefsíða….en sama helvítis vælið….hefði ekki verið nær að skipta um félaga í stað vefsíðu???
Mér finnst með ólíkindum að klúbbur sem vill kalla sig hagsmunafélag og vill hafa það í markmiðum sínum að berjast fyrir að viðhalda ferðafrelsinu, ef ekki bæta það, hafi ekki fleira til málanna að leggja en það hvernig einhver orð eru stafsett.
.
Er t.d. einhver nefnd í klúbbnum sem fylgist með þessum málum og kemur með tillögur um það sem betur má fara í löggjöfinni? Er ekki málið fyrir klúbb sem vill gera sig gildandi að vera skrefi á undan og koma með tillögur um það hvernig við viljum sjá regluverkið í stað þess að bíða eftir því að reglunum verði skellt á og fara þá að móast í því að ná skerðingunum til baka?
.
Hver er stefna klúbbsins í þessum málum?
.
Kv.
Ella.
.
P.S ég læddi inn stafsetningavillum til þess að halda þræðinum þó í það minnsta lifandi…..
Ég veit ekki annað en það sem stendur í stjórnarfréttum hér á forsíðunni.
.
"Breyting mun verða gerð á laganefnd"
Sæll Kalli og aðrir.
Nú get ég ekki svarað fyrir það hvað muni rata inn í næstu lagabreytingatillögur enda alls óvíst að ég komi nálægt þeirri vinnu.
.
Hins vegar er það mín persónulega skoðun að báðar þessar tillögur þínar eigi fullkomlega rétt á sér og yrðu til bóta, rétt orðaðar og skýrt fram settar.
.
Kveðja
Ella, verðandi atvinnuþrasari.
Kalli minn, ekki ætla ég að kalla þig aumingja, ég læt þig um það. Við þessir "lagabreytarar" skiluðum þessum tillögum okkar bara til stjórnar. Þar með var málið úr okkar höndum. Hvernig þetta var kynnt og hvernig þessir "völdu hópar" voru kom okkur lagabreyturunum ekki við, það var í höndum stjórnar, en ég var að benda á að önnur aðferð við kynningu á lögunum til "almúgans" eins og þú kallar það, væri kannski heppilegri.
.
Rökin fyrir þessum breytingum eru síður en svo veik og ekkert pukur er með eitt eða neitt. Greinargerð var skilað til stjórnar og síðast þegar ég vissi var hún aðgengileg hér á vefnum ásamt lagabreytingatillögunum, sem sagt ekkert pukur menn verða bara að lesa og kynna sér sjálfir í hverju breytingarnar eru fólgnar. "lagabreytararnir" mata það ekki ofaní einn eða neinn með teskeið.
.
Þetta er meira að segja ekkert svo flókið mál að "aumur almúginn" eigi ekki að geta skilið það ef hann reynir. Og ef eitthvað er þá eiga lögin að vera einfaldari eftir breytingar en fyrir og því enn auðveldara að skilja þau.
.
Að einhverjir "litlir menn" belgji sig er síður en svo pirrandi, enda hef ég "lagabreytirinn" talað um það hér á vefnum að ég fagni þeirri umræðu og tók undir margar af þeim athugasemdum sem fram komu.
.
Ef eitthvað er pirrandi þá er það það, að menn taki bara hrátt það sem þeim er sagt án þess að kynna sér málin af eigin raun og láta aðra um að taka ákvarðanir og mynda skoðanir fyrir sig. Þó það séu fyrrum formenn eða "hærra" sett fólk sem matar…..þá er samt óhætt að taka sjálfstæðar ákvarðanir og mynda sér sjálfstæðar skoðanir…
.
Með kveðju
Ella "lagabreytir" og hryðjuverkakona
Ég veit ekki hvað þú ert að tala um Ofsi að tillaga þín hafi ekki fengið brautargengi, ég hélt að við hefðum flest tekið undir þetta sjónarmið þitt.
.
Hinsvegar lögðum við lögin fram á ákveðin hátt, og þau voru kynnt eins og við lögðum þau fram til stjórnar. Lögin voru síðan send í tölvupósti til valdra hópa, þar með var orðin ógerningur fyrir laganefnd að fylgjast með athugasemdum þar sem athugasemdirnar voru ekki endilega sendar á laganefnd. Hinsvegar eru margar þær athugasemdir sem ég hef heyrt réttmætar og til þess gerðar að gera lögin betri, en því miður eru líka margar út í hött.
Mér hefði fundist réttara að kynna félagsmönnum lögin á annan hátt til að sú hugsun og rökstuðningur sem að baki lá kæmist til skila. Þetta fyrsta innlegg hér að ofan segir sitt um þekkingu manna á lögunum og skilninginn á þeim.
.
Hvað varðar endurskoðun á umferðarlögum þá þarf vissulega að vera vakandi yfir því sem þar er að gerast. Einnig er ekki ólíklegt að náttúruverndarlögin verði endurskoðuð fljótlega, ef sú vinna er ekki hafin nú þegar. Reglugerðir laumast líka stundum inn svo lítið beri á. En klúbburinn er nú fullur af frambærilegu fólki sem hefur skilning á lögum og lagaumhverfi. Getur það fólk örugglega auðveldlega komið rödd okkar til skila, rökstutt okkar sjónarmið og staðið vörð um rétt okkar til að ferðast um landið. Eða vitum við ekki öll hver réttur okkar er?
Álit eru nú ekki alltaf skrifleg. En það að lögin taki gildi um leið og um þau hafi verið kosið má alveg rökstyðja lagalega sé litið til bæði eðli máls og fordæma í sögu klúbbsins.
–
En ef menn skoða tillögurnar betur þá er ekki endilega verið að fækka í nefndum, má líka fjölga. Að minnsta kosti 3 menn þýðir að þeir geta verið, ef vilji aðalfundar stendur til þess og nógu margir bjóða sig fram, verið fleiri. Þeir geta líka allir boðið sig fram til eins árs. Hugsanlega mætti setja fram breytingatillögu á þessari grein og setja þak þannig að það verði t.d. ekki fleiri en 7 í nefnd. Þ.e. lágmark 3, hámark 7 og eins setja hámark á það hve lengi menn sitji í nefnd. Það hafa komið upp tilvik í þannig árferði hjá klúbbnum að ekki hafi tekist að manna nefndir 5 mönnum. Eins er hægt að hugsa sér að þegar öflugt starf er í gangi og stór verkefni framundan sé það kostur að geta haft fleiri í nefndinni, t.d. skálanefnd. Var þessi breytingatillaga því allt eins hugsuð til að efla nefndir ef menn vilja horfa opið og jákvætt á málin.
–
Eins má ekki gleyma því að það má alveg koma með þá breytingatillögu að nefndum verði ekki fækkað.
–
Það hefur verið spurt af hverju þurfi svona miklar breytingar á lögunum. Ég held ég hafi útskýrt það dálítið í fyrri pósti mínum. Það var einfaldlega búið að breyta lögunum fram og aftur ár eftir ár og afleiðingin var að margra mati sú að þau voru orðin óskýr og mótsagnir í þeim, voru ekki eins skýr og hnitmiðuð og lög þurfa að vera. Það var því álit stjórnar og laganefndar að betra væri að fara yfir lögin í heild sinni og skrifa ný í stað þess að breyta og bæta hverja grein fyrir sig og leggja það fyrir aðalfund. Hættan var ennfremur talin sú að einhverjar greinar yrðu þá samþykktar og aðrar felldar og við sætum uppi með enn meiri mótsagnir í lögunum þar sem greinar hanga oft saman og hafa stuðning hvor af annarri. Hvort fleiri eða færri eru í nefndum, hvort nefndirnar eru fleiri eða færri er svo aðalfundar að ákveða. Það eru þá bara gerðar athugasemdir og breytingatillögur á þær greinar sem lúta að kjöri nefndarmanna og fjölda nefnda.
–
Eins hefur það verið nefnt sem hætta að "klíkur" leggi undir sig klúbbinn ef nefndir verða of margar stjórnskipaðar. Við skulum ekki gleyma því að stjórn er kjörin á aðalfundi og starfar í umboði félagsmanna sem mæta á aðalfund. Ef aðalfundur kýs eina "klíku" eins og hún leggur sig í stjórn má þá ekki allt eins gera ráð fyrir því að "klíkan" hafi það fylgi á aðalfundinum að þeir geti fengið fundinn til að kjósa þá sem þeim hugnast í nefndir? ?
–
Við skulum reyna að tapa okkur ekki í samsæriskenningum og of miklum vangaveltum um hver mögulega tapi sæti sínu í nefnd ef lögin verða samþykkt eða hvort ein klíka geti lagt undir sig klúbbinn. Það er vissulega hægt hvort heldur sem er í núgildandi lögum eða þeim tillögum sem nú liggja fyrir. Í núgildandi lögum væri meira að segja auðvelt að leggja klúbbinn niður með litlum tilkostnaði og ánafna sjálfum sér allar eigur hans, fyrir þetta er girt í lagabreytingatillögunum. –
–
Reynum nú að sameinast í því að horfa á tillögurnar í heild sinni og hugleiðum hvað klúbbnum er til heilla til framtíðar litið. Einfaldasta mál er að leiðrétta fjölda nefnda, fjölda nefndarmanna og slíkt á aðalfundi þannig að sem flestir séu sáttir.
–
Eðli málsins samkvæmt þá er illmögulegt að leggja fram lagabreytingatillögur sem fullkomin sátt ríkir um en með heilbrigðum skoðanaskiptum, breytingatillögum og umræðum má örugglega lenda málum svo flestum líki.
–
Kveðja
Ella
Laganefnd
Ég vil benda fólki á að kynna sér greinargerð með breytingatillögunum að lögunum, greinargerðina er að finna á fundarboðinu á forsíðunni. Það ætti að skýra a.m.k. þá hugsun sem liggur að baki einstökum breytingum.
–
Það hefur verið reglan fram að þessu að lagabreytingar hafi tekið gildi á þeim aðalfundi sem þær eru samþykktar á. Höfum við a.m.k. tvö fordæmi nú í seinni tíð um það að kosið hafi verið eftir nýjum lögum strax eftir að lagabreyting hefur náð fram að ganga. Var það gert bæði þegar litla nefndin var lögfest og eins þegar vefnefnd var lögfest, þá var kosið í þær nefndir strax á þeim aðalfundi sem lagabreyting var samþykkt.
–
Það var fengið álit lögfræðings á því hvort lagabreytingin tæki gildi á aðalfundinum og því kosið eftir nýjum lögum ef þau yrðu samþykkt. Var það niðurstaðan að ekki þyrfti að boða til annars aðalfundar til að kjósa eftir nýjum lögum. Lagabreytingartillagan fylgir auk þess fundarboði og félagsmönnum ætti því að vera ljóst að breytingar gætu orðið á fundinum.
–
Ég vil jafnframt benda á að þetta eru vissulega aðeins tillögur að breytingum á lögum, koma má með breytingatillögu við þær á aðalfundinum og félagsmenn kjósa að sjálfsögðu um þá tillögu sem þeim hugnast best eða vísa breytingum frá. Það kallast víst lýðræði.
–
Lög eru í eðli sínu þannig að þau eiga að vera nokkuð stöðug og eiga ekki að breytast bara breytinganna vegna. Hefur mér sýnst, og nú er það bara mín skoðun, að þar sem liðurinn lagabreytingar hafi verið á fundarboðinu hafi margir álitið að það þurfi að gera breytingar á lögum á hverjum aðalfundi. Man ég varla eftir aðalfundi í þessu félagi þar sem lagabreytingar hafi ekki legið fyrir. Afleiðingin er sú að við erum nú með lög sem eru að margra mati óljós þar sem lagaákvæði stangast á og orðalag loðið. En þessi tillaga laganefndar er til þess gerð að skýra orðalag og innihald laganna. Vil ég benda félagsmönnum á það að horfa ekki framhjá lagabreytingartillögunum í heild sinni þó svo að tillaga um breytingar á nefndum sé vissulega rótæk. En vissulega er hægt að halda þeirri grein óbreyttri komi fram tillaga um það á aðalfundi. Lögin þarf engu að síður að gera skýrari.
–
Ég fagna þeirri umræðu sem komin er fram um lagabreytingarnar, ekki síst þeirri naflaskoðun um tilgang og hlutverk ýmissa nefnda sem nú stendur yfir. Með málefnalegri umræðu og skoðanaskiptum stöndum við örugglega uppi með sterkari klúbb og betri lög en nú gilda.Kveðja
Ella
Laganefnd
Jæja, þá er farið að styttast í Miðjuferðina, Kreppa hvað?
*****Það eru nokkur atriði sem (út)farastjórn vil koma á framfæri við væntanlega ferðalanga….
*****Fararstjórnin vill biðja hvern hóp um að tilnefna hópstjóra sem heldur utanum sinn hóp. Endilega komið upplýsingum um það hver er hópstjóri á netföngin elinr@bifrost.is , rotta01@gmail.com og thorgeire@mila.is
*****Við minnum á að hver hópur á að vera sjálfbjarga og ber ábyrgð á sínu ferðalagi.
*****Ferlar af leiðinni eru væntanlegir á vefin innan skamms og auk þess mun farastjórn útdeila VHF rásum fyrir hvern hóp, þannig að hóparnir séu ekki að kjafta hver ofaní annan.
*****Síðan vantar fleiri gítarleikara!!! Ef einhver slíkur er búinn að skrá sig í ferðina og er tilbúinn til að slá á strengina undir fjöldasöng þá má sá hinn sami hafa samband við fararstjórn.
*****Sjáumst öll hress og kát……og nú verður Miðjan sigruð og ekkert kjaftæði!
Kveðja
(út)fararstjórarnir
ef ég verð ekki að vera sammála Þorgeiri núna…..þó það sé helvíti erfitt…..
Hættum þessu pexi og reynum að byggja upp og vinna að hagsmunamálum okkar allra…
Eftir því sem ég kemst næst þá er talið að Norðlingalægðin hafi fengið nafn um aldamótin 1900 eða jafnvel síðar, hver gaf lægðinni þetta nafn veit ég ekki. Líklega er nafnið þó tengt þessum ferðum vermanna ofl. um hugsanlegt skarð í Klofajökli fyrr á öldum.
Þegar nöfn kennileita eru skoðuð þá má sjá að þau breytast í tímanna rás og eru heimildir um að Öræfajökull hafi t.d. borið nafnið Knappafellsjökull, Jökulsá á Breiðamerkursandi hafi áður heitið Breiðá og Breiðamerkursandur hafi heitið Breiðársandur.
Klúbburinn hefur heldur ekki leyfi til að selja bjór, hvert svo sem gjaldið er fyrir hann.
…………………………………
Bjór seldur á kosnaðar verði
11. apríl 2008 – 20:11 | Ferðaklúbburinn 4×4, 29 póstar
………………………………..
4. júní 2008 | Stjórn F4x4Bjórkvöld
Á laugardaginn eftir Stefnumótunarfund verður haldið Bjórkvöld.Húsið opnar um kl 20.30.
Bjór og gos selt á kosnaðarverði.
Bjórkvöldið verður hér í Húsnæði 4×4
kv
Stjórn 4×4
Gott að sjá að menn eru ekki alveg búnir að gleyma skítkastinu og muna enn hvernig á að persónugera skítinn. Alltaf gaman að sjá fólk koma grímulaust fram, opinbera þroska sinn og missa sig í skítkast þegar það hefur engin rök. Svo er fróðlegt að sjá að félagsfræðingurinn telur enn að allt sé eitt stórt samsæri.
.
En eins og vinur vinar míns sagði: Það er borin von að það fari eitthvað vitrænt fram á vef 4×4.
Það hafa verið birtir listar um hverjir eru að fara í nánast allar ferðir klúbbsins frá því 2005-2006, af hverju er það ekki hægt nú?
Það hefur komið fram að það er ekkert leyndarmál hverjir séu að fara, en samt má ekki gefa það upp.
Getur verið að ástæðan sé sú að það eru engir raunverulegir þungavigtarmenn að fara í ferðina? Enginn ráðherra kannski? Er kannski hræðsla við að þeir örfáu þingmenn/ráðamenn sem enn eru skráðir í ferðina hætti við þegar þeir sjá að þeir verði hálf einmanna innan um hóp af misgáfulegum jeppamönnum og tíma þeirra kannski betur varið við önnur málefni sem fá meiri athygli?
Er kannski hætta á því að þetta endi sem skemmtiferð útvaldra á kostnað almennra félagsmanna?
Og Magnum, þetta snýst ekkert um það hvað mér persónulega kemur við, frekar um það hvort almennir félagsmenn fái upplýsingar um það hvað er að gerast í klúbbnum og hvernig fjármunum hans er t.d. varið.
Tryggvi, áhuginn mun klárlega endast fram yfir aðalfund. En Tryggvi er það ekki líka í ferðareglum að allar ferðir eigi að standa undir sér?
Nú er ekki langt síðan almenningi var hleypt í gögn Stazi leynilögreglunnar, eftir ca 50 ára leynd. Hvenær hefur stjórnin hugsað sér að hleypa almennum félagsmönnum í gögn um þessa ferð?
