Forum Replies Created
-
Replies
-
[quote="stebbi":19fgpk4k]Varðandi notendaupplýsingarnar, getur verið að það séu 2 prófílar á hvern notanda? Það er eins og stillingarnar sem maður stillir út frá forsíðu með mynd og herlegheitum sé ekki tengdar við stillingar á spjallinu.[/quote:19fgpk4k]
Það er verið að nota tvö mismunandi kerfi hérna. Vefurinn sjálfur er kerfi sem kallast Joomla (http://www.joomla.org) en spjallið er kerfi sem heitir phpBB (http://www.phpbb.com), þess vegna eru tveir prófílar. Síðan er notuð brú á milli kerfa þannig að þegar þið loggið inn loggið þið inn á bæði kerfin. Síðan kemur þriðja kerfið með myndaalbúmið þegar það verður tilbúið og þar skilst mér að eigi að nota Gallery2 (http://gallery.menalto.com). Þetta eru allt þrautreynd kerfi sem eru notuð á þúsundum vefja út um allan heim. Trixið er síðan að vefa þetta allt þannig saman að úr verði ein heild sem virkar vandræðalaust og helst án þess að notendur verði varir við að fleiri en eitt kerfi sé í gangi.
Þetta með kerrurnar og 750kg burðargetu er ekki rétt hjá þér, heldur er það er heildarþyngd, þ.e. eignin þyngd + farmur má vera 750kg.
Ég er nú ekki alveg sammála því að Austurríkismenn sé mjög sér á báti hvað reglugerðir varðar, Svisslendingar kannski já, en hér eru reglur mikið til á svipuðum nótum og hjá frændum þeirra í Þýskalandi.
Svona smá fróðleikur um hvernig þetta gengur fyrir sig annarstaðar en á Íslandi.
Ég flutti til Austurríkis 2006 og eitt af því sem ég stakk í gáminn var kerran mín. Hún er svona klassísk Íslensk heimasmíðuð kerra sem fellur undir reglurnar um kerrur undir 750kg í heildarþyngd og var ekki skráningar né skoðunarskyld.
Hérna úti var annað uppi á teningnum, hér þurfti ekki bara að skoða hana heldur týpuskoða og skrá hana líka og hún er skoðunarskyld á þriggja ára fresti.
Það voru smá breytingar sem þurfti að gera til að fá hana skráða en ekki stórvægilegar:
[i:gymivv32]Glitaugu með ákveðnu millibili á hliðunum og á framhorn og að aftan máttu þau ekki vera á hleranum.
Breiddarljós sem snúa fram.
Þurfti að færa afturljós aftar (var spurning um að ljósin sæjust undir ákveðnu horni).
Skipta um dekk vegna þess að þau voru ekki DOT stimpluð.
Festingar fyrir númer og númeraljós.
Ganga öðruvísi frá hornum og brúnum á brettum til að minnka líkur á meiðslum ef þau rekast í fólk.
Stimpla týpunúmer sem mér var úthlutað í stellið.
Skila inn vottorði um þyngd.[/i:gymivv32]
Kerran fékkst síðan ekki skráð nema fyrir 400kg í heildarþyngd vegna þess að öxullinn var ekki vottaður (hægt að fá því breitt í 750kg með því að láta skoða og votta hann).
Þegar verið er að nota kerruna þarf skráningarskýrteini kerrunnar að vera í bílnum.
Svona virkar þetta sem sagt í Austurríki og mig grunar að það sé svipað í flestum Evrópulöndum.
Eins og ég sagði þá er augljóst hvernig þetta raðast, sem sagt eftir aldri (útgáfudagsetningu eða beitingu), landgræðsluferðar tilkynningunni hefur verið breitt og þar með færist hún aftur upp listann en víkur síðan aftur fyrir nýrri. Tilkynningin sem þú bendir á að sé (næstum því) neðst á síðunni er ekki sú sama og sú sem er efst, þetta eru tvær tilkynningar sendar út um sama efni með 11 daga millibili sú fyrri af einstaklingi en sú síðari af nefnd. Joomla kerfið raðar tilkynningum sjálfgefið í þá tímaröð sem þær eru birtar í og ég er ekki frá því að þetta hafi virkað svipað á gamla vefnum þó að ég ætli ekki að fullyrða það.
Ég veit svosem ekki hvernig vefnefnd stendur að málum með þennan vef en ég hef aðeins komið að því að uppfæra vefi í nýtt kerfi og það er ekkert til sem heitir að láta nýjan vef spretta fullskapaðan upp á einum degi jafnvel þó að það sé fólk í fullri vinnu við að láta hlutina ganga hvað þá þegar verið er að vinna hlutina í sjálboðaliðsvinnu. Þannig að ég legg til að vefnefnd verði gefnar nokkrar vikur áður en farið er að drulla yfir þeirra störf.
Stefanía, svarið við spurningu þinni um röðun á fréttum ætti að vera nokkuð augljóst ef þú skoðar dagsetningarnar á fréttunum.
Svona til fróðleiks þá framleiddi Ford þrjár mismunandi vélar sem voru 351 cid
351 Windsor
351 Cleveland
351 M
Þær tvær síðari eru af sömu "vélarfjöskyldu (335 series) en eru mismunandi uppbyggðar. Þeim er oft ruglað saman enda seldi markaðsdeildin hjá Ford 351M lengi sem Cleveland en M vélin tók við af Cleveland um 1975. 351M er í grundvallaratriðum 400 blokk með sveifarás úr Winstor.
Tæknilega séð er ekkert til sem heitir Small eða Big Block hvorki hjá Ford né Mopar, einungis GM hefur notað þessi heiti á vélarnar sínar en eigendur Ford og Mopar "stela" stundum hugtökunum og yfirfæra yfir á sínar vélar.
Fullt af upplýsingum um 351 Ford á þessum síðum:
[url:1a53d1sf]http://en.wikipedia.org/wiki/Ford_Windsor_engine#351W[/url:1a53d1sf]
[url:1a53d1sf]http://en.wikipedia.org/wiki/Ford_335_engine#351_M[/url:1a53d1sf]
Mér skilst að það sé verið að vinna í því að flytja gamla myndasafnið á milli og myndasíðan verði ekki opnað fyrr en því er lokið.
Þegar komið er inn á forsíðu spjallsins eru þrír linkar fyrir ofan spjallþráðarflokkana:
[b:26fps8j2]Sýna pósta sem ekki hefur verið svarað • Sýna nýja pósta • Sýna virkar umræður[/b:26fps8j2]
Þetta er gott og blessað og mjög gagnlegt, gallinn við þetta er hins vegar sá að þetta les líka upp úr auglýsingunum og spjallþræðir og auglýsingar koma í belg og biðu undir þessum linkum. Þetta þyrfti að laga ef hægt er.
Sem einn af "útlendingunum" tek ég undir alla liði í athugasemdum "addakr"
Hvað varðar breytingar á auglýsingaflokkum þá hef ég efasemdir um að fækka þeim svona mikið eins og verið er að tala um en örugglega má fækka þeim eitthvað. Legg til eftirfarandi:
-Allt annað
-Auka og varahlutir
-Jeppar
-Fyrirtæki og þjónusta
-Vagnar og viðhengi
-Önnur ökutæki
-Óskast keypt
Óska okkur öllum til hamingju með nýju síðuna. Ég þekki Joomla kerfið ágætlega þar sem ég er með mína eigin síðu í þessu kerfi og ég hef ekkert nema gott um það að segja. Þetta er eitt mest notaða vefkerfi í heiminum og gefur mikla möguleika á því að þróa vefinn í það form sem hentar okkur best, það er endalaust hægt að endurraða, breita útliti og stilla vefin án þess að þurfa að hreifa við því sem undir liggur og annar kostur er að vegna mikillar útbreiðslu eru menn snöggir að bregðast við vandamálum og öryggisholum og ólíkt því sem er um sérhannaða vefi eins og gamla vefinn eru menn ekki eins bundnir við ákveðna einstaklinga með viðhald og breitingar, ef núverandi vefnefnd myndi til dæmis hætta á morgun er til fullt af fólki sem kann á þetta kerfi ólíkt því sem var um gamla vefinn.
Spjallið er síðan annað vinsælt kerfi (algjörlega óháð en væntanlega tengt við Joomla með "brú"), þ.e. phpBB. Þetta kerfi er eitt vinsælasta spjallþráðakerfið í heiminum í dag og það gildir meira og minna það sama um það og ég sagði um vefinn sjálfan.
Síðan skilst mér að myndasafnið fari inn í Gallery2 sem er þriðja toppklassa kerfið.
Þegar ég fór inn á síðuna fyrst hugsaði ég með mér "allt of grátt og litlaust" en sjáum til hvernig það venst. Það sem við verðum líka að hafa í huga er að í svona kerfi er eitt af því einfaldasta sem gert er að breita útliti, útlitið er einskonar yfirhöfn og hefur lítið að gera með innihaldið að gera, öll boxin hérna vinstra megin eru sjálstæðar einingar, það eru líka "Menu" sláinn fyrir ofan og auglýsingaborðarnir. Öllu þessu er hægt að raða á síðunni eins og fólki líkar best og bæta inn í og taka út eftir þörfum. Ég held að yfirhöfuð hafi verið farin mjög skynsamleg og "örugg" leið í vali á kerfum fyrir þennan vef.
Að sjálfsögðu lendum við í smá vandræðum með að finna hluti hérna fyrst til að byrja með, það er ekkert óeðlilegt með nýjan vef og eitthvað er ekki komið í loftið ennþá, ég legg til að fólk byrji á því að setjast niður í rólegheitum og skoða vefinn þá kemur það að rata að sjálfu sér.
Myndin sem Aðalsteinn Valsson vísar í [url=http://4.bp.blogspot.com/_hhQB_cQf-wY/R4h7dPlhi3I/AAAAAAAAAAU/tDFrnZgnEEI/s1600/road-train-quarry.jpg:3m5cgngp][b:3m5cgngp]hérna að ofan[/b:3m5cgngp][/url:3m5cgngp] er allavega ekki frá Evrópu því fleiri en einn vagn er hvergi leyfður í Evrópu (ennþá, allaveg, það hefur samt verið umræða í gangi að leyfa tvo vagna).
Í Ástalíu og sumum löndum og fylkjum í Suður og Norður Ameríku eru sumstaðar hins vegar leyfðir 2-5 vagnar en yfirleitt er það leyfi bundið við aðalvegi og dreifbýlari svæði og þessum lestum er undantekningarlítið bannað að koma inn í borgir.
Að bakka tveimur kerrum er líklegast svipað og að bakka beislisvagni nema að hreyfingarnar verða væntalega aðeins ýktari af því að liðurinn er langt fyrir aftan fremri öxul en ekki beint yfir honum eins og á beislisvagninum.
Aðferðin við flutningana á rörunum hér að ofan er eiginlega ekki "tvær kerrur" heldur er þetta svipuð tækni og oft er notuð er við flutninga á óunnum trjábolum og byggist á því að farmurinn verður hluti af vagninum og verður þar með að einskonar beislisvagni.
Hér er smá lesning á Wikipedia um [url=http://en.wikipedia.org/wiki/Volvo_C202:652sjukf][b:652sjukf]C202 Lappan[/b:652sjukf][/url:652sjukf] og önnur svipuð um [url=http://en.wikipedia.org/wiki/Volvo_C303:652sjukf][b:652sjukf]C303[/b:652sjukf][/url:652sjukf].
Þess má geta að almenningsútgáfan C202 var ekki framleidd í Svíþjóð heldur í Ungverjalandi en herútgáfan og C303 voru hinsvegar Sænskir.
Þessar hásingar eru væntanlega ekki sterkasti búnaður í heimi en ég veit um bíla þar sem þær hafa verið notaðar með góðum árangri, þetta fer væntanlega allt eftir bílstjóranum.
Sex silendra línuvélin í Jeep var einhvertíman valin besta jeppavél allra tíma af einhverju af stóru jeppatímaritunum í ameríkuhreppi. Það er engin spurning að hún er sterk og endingargóð og á allan hátt alvöru jeppavél enda hönnuð fyrir jeppa og ekki notuð í öðru. Síðan er bara spurning hvort mönnum nægir vélaraflið.
Athugaðu að ef bíllin er með Quadra-Track millikassa (algengari í V8 bílunum en samt til í sumum 4L líka) þá er hann illa nothæfur í jeppa nema úr árgerð 1996 og yngri. Eldri kassarnir (93-96) læsa nefnilega aldrei alveg milli fram og afturhjóla jafnvel ekki í lágadrifinu.
Það hefur aldrei angrað mig þó menn skrifi ekki alveg kórrétta stafsetningu eða málfræði enda eins gott fyrir mig að vera ekki að röfla mikið, mín stafsetning stenst oftar en ekki illa nánari skoðun. Mér finnst mikilvægara að fólk þori að tjá sig heldur en að allt sé 100% réttritun.
Ég dáist að sumum sem skrifa hérna og á aðrar svipaðar síður sem eiga greinilega í talsverðu basli með að koma orðunum rétt á blað en láta sig hafa það frekar en að þegja. Og oft er síðan ráðist á þennan veikleika þegar menn fara að rökræða og það finnst mér yfirleitt merki um rökþrot þegar menn fara að ráðast hvernig menn skrifa frekar en hvað menn skrifa.
En eins og nafni minn Eik bendir á eru til hjálpartól til að létta sér skriftirnar, bæði er hægt að nota aðferðina sem hann bendir á og síðan eru líka til viðbætur við bæði Internet Explorer og Firefox sem les yfir textann jafnóðum og skrifað er og undirstrika og leggur til breitingar þar sem rangt er skrifað. Og þessar viðbætur eru í báðum tilfellum algjörlega fríar.
Ég á einhverstaðar leiðbeiningar um hvernig þetta er sett upp sem ég skrifaði einhvertíman fyrir vinnufélaga mína ef einhver hefur áhuga, þetta er mjög einfallt að setja upp.
Gleðileg Jól
Ég geri ráð fyrir að KP sem á þetta myndasafn standi fyrir Kolbeinn Pálsson
Menn eru stöðugt að lenda í vandræðum með að setja inn myndir, hér eru smá leiðbeiningar:
1. Það er bara hægt að setja inn mynd sem er einhverstaðar á vefsíðu. Ef þið eruð með mynd á tölvunni ykkar verðið þið að setja hana fyrst inn á einhverja vefsíðu (t.d. myndasafnið á f4x4.is) og nota síðan hjálpartólið hægra megin til að setja inn vísun á hana.
2. Þegar sett er inn slóð í hjálpartólið hægra megin VERÐUR að taka í burtu "[b:2o7e4yw2]http://[/b:2o7e4yw2]" hlutann úr slóðinni þannig að eftir standi aðeins t.d.: [b:2o7e4yw2]old.f4x4.is/einhver/slod/nafn_a_mynd.jpg[/b:2o7e4yw2]
3. Menn eru oft að nota ranga slóð t.d. slóðina á síðuna sem myndin er á en það gengur ekki. Það VERÐUR að nota slóðina á myndina sjálfa. Það er hægt að sjá slóðina með því að smella með hægri músartakkanum á myndina og velja síðan "Properties", þá kemur slóðin í ljós merkt sem "Address" (það er meira að segja hægt að sverta og afrita (copy) slóðina þarna).
Smá praktísk atriði í bullinu:
Menn eru stöðugt að lenda í vandræðum með að setja inn myndir, ég held að það séu tvær meginástæður fyrir því:
1. Þegar sett er inn slóð í hjálpartólið hægra megin VERÐUR að taka í burtu "[b:3qmcpy0a]http://[/b:3qmcpy0a]" hlutann úr slóðinni þannig að eftir standi aðeins t.d.: [b:3qmcpy0a]www.len.is/einhver_slod/nafn_a_mynd.jpg[/b:3qmcpy0a]
2. Menn eru að nota ranga slóð t.d. slóðina á síðuna sem myndin er á en það gengur ekki. Það VERÐUR að nota slóðina á myndina sjálfa. Það er hægt að sjá slóðina með því að smella með hægri músartakkanum á myndina og velja síðan "Properties", þá kemur slóðin í ljós merkt sem "Address" (það er meira að segja hægt að sverta og afrita (copy) slóðina þarna).
Í þessu tilfelli sem um er að ræða hérna er það sem á að setja inn í hjálpartólið:
[b:3qmcpy0a]www.veroldin.is/ros/Images/NewsImages/belti.jpg[/b:3qmcpy0a]
og þá lítur þetta svona út:
[img:3qmcpy0a]http://www.veroldin.is/ros/Images/NewsImages/belti.jpg[/img:3qmcpy0a]
Betra að vera á alvöru bílum í svona sulli.
[img:2am0csy3]http://f4x4.is/new/files/photoalbums/3985/26732.jpg[/img:2am0csy3]
