Forum Replies Created
-
Replies
-
Bara ef einhver skildi ekki átta sig á af hverju þorramaturinn kostar svona "mikið", þá meina ég af annari ástæðu en hvað hann er góður, auðvitað er þetta sama tengingin og með eðalvínið, því eldra því betra.
Og menn bara þurfa að borga fyrir gæði, eðlilega.Súrsaðar bringukollakveðjur.
Jón Ebbi.
"Henda lyklinum" Já Glanni það var nákvæmlega það sem ég átti við. Henda honum í einhvern ábyrgan aðila, væntanlega í skálanefnd, sem síðan afhenti hann þeim sem teldu það þess virði að borga fyrir gistingu í Setrinu.
Núverandi kerfi, sem byggir á því að fjöldi manns gengur með lykla að skálunum, sem það borgar fyrir, og finnst hugsanlega þess vegna að það þurfi ekki að greiða þar sem sé búið að borga í formi "skilagjalds", er mér ráðgáta hvernig á að ganga upp.
Ég sé þetta þannig fyrir mér að á síðunni sé aðgengilegt og áberandi form fyrir skráningar í skálana. Auðleyst tæknilega. Þar komi auðvitað einnig fram allar upplýsingar um skálana og að sjálfsögðu númer hjá lyklavörslumanni.
Enda allir aðrir lyklar innkallaðir.Talnalás og myndavélar? Auðvitað framkvæmanlegt tæknilega, en ómerkilegustu tæknigræjur vilja nú bila í 20 stiga hita inni á heimilum, hvað þá í -20 stiga gaddi í næðingi uppi á fjöllum, og auk þess háð símasambandi við menninguna. Og ekki vildi ég vera ábyrgur fyrir því þegar það gerðist við verstu aðstæður!
Enda með vaxandi fjölda skála sem verða lokaðir á fjöllum tel ég að veruleikinn verði einfaldlega sá að fólk fer að skipuleggja sín ferðalög betur með næturstað í huga.
Þó það sé hart að segja það þá verður trúlega minna um "óvissuferðir" nema skiplagðar!Mín Skoðun.
Jón Ebbi.
Gaman að fylgjast með hvernig menn snúa hlutunum stundum á hvolf.
Eða eins og Óli sagði" það hvað kemur lítið í kassann í Setrinu segir mér það að félagar 4 x 4 hafa ekki áhuga á að borga skálagjöld"
Eflaust segir þetta eitthvað um það að stór hluti þeirra sem gistir Setrið hafi ekki þennan "áhuga" En það segir harla lítið um áhuga hinna, sem er sennilega langfjölmennasti hópurinn, og aldrei gistir í Setrinu eða borgar þegar þeir gista þar, að þeir séu meira en reiðubúnir til að félagsgjöldin sem þeir borga fari í að greiða niður ferðalög þessara "kappa".
Að ég tali nú ekki um að hækka þau enn frekar til að frí gisting verði auðveldari.Og lesa eftir menn eins og Glanna, stórhneykslaðan á að einhver skuli efast um að títtnefndur hópur upp í Setri geri skil á skálagjöldum, þrátt fyrir að það sé margbúið að koma fram að hér á síðunni að einungis um 5 hver maður sem var í Setrinu umrædda helgi hafi greitt.
Maður bara spyr hvað er að ?Nei auðvitað er eina rétta leiðin að þeir sem nota þessa glæsilegu aðstöðu greiði fyrir hana, og er þeim það síður en svo nokkur vorkunn.
Hinsvegar er ég á því að verðlagningu skálagjalda eigi að stilla mjög í hóf. Tel að það auðveldi innheimtu.
En eftir því sem fleiri óskapast út í þennan sjálfsagða þátt í ferðalögum, og skapa þá um leið öðrum réttlætingu fyrir því að greiða ekki, þá styttist í að skálunum verði endanlega læst.
Sem ég reyndar tel að verði talið sjálfsagt innan fárra ára.Bestu kveðjur Jón Ebbi.
Á slóðinni This.is/Rotta má sjá hvað getur gerst ef veður er váglind.
Með kveðju.
Jón Ebbi.
Skúli þú mátt ekki misskilja mig auðvitað erum við langflottastir, vildi bara láta þig stafa það ofan í þessa kalla.
En ef, eða þegar þú færð þér hlutföll farðu bara alla leið.
Þú er á 90 í 3000 snúningum og hann þolir vel meiri snúning ef liggur á.
Eins megum við ekki gleyma okkur þótt liturinn sé góður, þetta er nú ekki alveg Ferrari ? þó óneitanlega sé hann á svipuðum stað í jeppaflórunni…meir en nóg bestu kveðjur.
Jón Ebbi.
Sæll Skúli þú spurðir um hvað væri inn í þeim breytingarpakka sem Snorri gaf comment á hjá mér.
mínar hugleiðingar voru hvað kostar að breyta nýjum bíl á svipaðan hátt og þeim sem ég ek á.
Þar sem ég var nú ekki að biðja um eitthvað tilboð heldur sirka tölur, sem hann reyndar byggði á bíl sem hann breytti nýlega, þá kann ég ekki við að birta þær nákvæmlega, en get þó sagt að talan er nær 2 en 1 millu.
Land-Roverinn minn er á 38" dekkjum með hlutföllum og loftlæsingum. Loftdælu, auka rafkerfi með öllu sem því fylgjir. Svo eru auðvitað ljós og fleira og fleira sem ég man ekki í svipinn.
Hvað mikið af þessu var nákvæmlega inn í kostnaðinum veit ég ekki en breytingarnar innandyra voru allaveg ekki með.
En annað sem ég verð að vera þér algjörleg ósammála um, það eru hlutföllin. Ég er nú afskaplega lítill fræðimaður hvað varðar vélbúnað en hef ágæta tilfinningu fyrir akstri þessara bíla held ég. Á undan Rovernum átti ég Susuki með lítilli vél á 33" og að því mér var sagt með orginal lágum drifum og engin þörf á hlutföllum, enda ekki til.
Það verð ég þó að segja að eins og sukkinn var nú skemmtilegur á margan hátt þá var þetta stóri gallinn.
Í þeim ferðum sem ég hef þegar farið á Rover þá er það alveg á tæru að hlutföllin eru það sem mestu skiptir.Það er sú breyting sem á að koma um leið og 38" dekkin og hygg ég að svo sé um alla bíla hvað sem hver segir.
Allavega er alveg öruggt að ég ek aldrei aftur um á breyttum bíl án hlutfalla.Bestu kveðjur
Jón Ebbi.
ma ma bara skilur þetta ekki, hættur ekki hættur, sár og svekktur, samt ekkert svekktur bara allt mjög gott mál?
Nei það bara gengur ekki að hafa svona menn með í ferðir sem vaða úr einu í annað og vita ekki hvort þeir eru að koma eða fara.
Enda hvenær læra menn að synda sem standa alltaf á bakkanum, voðaleg seint held ég.
Farðu nú í sundskýluna og hættu að væla þetta.
Bestu kveðjur
Jón Ebbi.
Sælir spekingar. Það er varla að maður þori að blanda sér í þessa umræðu jafn lítill tæknigúró og ég nú er, en þekkingin og ritsnilldin er slík að í fyrsta sinn í langan tíma nenni ég að lesa pistil með hvílíkt nafn og skemmti mér með eindæmum vel, auk þess að vera svo miklu fróðari og veit ég að svo er um fleiri.
En svo við komum nú aftur að umræðunni um hvort er betra rör eða klavar þá held ég að punktarnir séu tveir til þrír.
1. Hvor búnaðurinn er sterkari.
2. Hvor búnaðurinn er mýkri í akstri.
3. Síðast en ekki síst á hvorum ferðu lengra í snjó.Nú ætla ég að reyna að nálgast málið út frá þessum punktum.
1. Fer eflaust mikið eftir upphaflegri hönnun bílsins, því mjög er mismunandi hver hönnun bílanna er með tilliti til styrkleika. Þó segir lógíkin að klafabúnaður hafi fleiri veika punkta en rör. Til dæmis hvað varðar öxla er kominn viðbótar hjöruliður miðað við rör. mín reynsla, af hvorutveggja, er einnig sú að oftar þurfi að hjólastilla, án þess þó að um stórtjón sé að ræða.
2. Rökhyggjan segir tvímælalaust að sjálfstæð fjöðrun sé lanktum betri, sérstaklega ef ekið er greitt á ójöfnum.
Þó held ég að gleymist svolítið hvað gormar og demparar spila stórt hlutverk í fjöðrun bíls, það hefur maður oft séð og reynt, ekki síst í akstursíþróttum þar sem fjöðrun skiptir öllu máli. Sjálfur ek ég um á Land Rover með rörum út um allt og virðist fjöðrunin ekki vera neitt síðri en hjá öðrum, þannig að fleira hlítur að koma til.3. Þá er það stóra spurningin hvor drífur meira. Ég hef aldrei skilið til fulls af hverju klavabíll á að drífa minna en rörabíllinn. Almennt er hærra undir lægsta punkt á klafabíl en hásingu, auk þess sem botninn er miklu sléttar og þar af leiðandi minni mótstaða. Hvort um trúarbrögð er að ræða eingöngu veit ég ekki en veit þó hitt að margir klavakallar telja bílinn ekki fullbreyttann fyrr en þeir hafa komist yfir hásingar til að setja undir.
Rétt í lokin, verið var að koma með hinar ýmsu tölur um kostnað við breytingar á bílum, meðal annars á Land Rover Það vill svo til að ég var nýlega að kanna lítillega hjá Snorra Gísla "Roversérfræðing" Hvað breyting eins og er búið að framkvæma á mínum bíl kostaði Þ,E.A.S. Hækkun, dekk og felgur, hlutföll, loftlæsingar og alvöru loftdæla, er ekki á Bónus verðunum sem voru nefnd hér að framan
megi alli drífa sem lengst. Bestu kveðjur.
Jón Ebbi.
Ósköp er skemmtilegt að eftir fræðilegar umræður um drossíur og dósir, rör og klafa, millumenn og krónumenn,
öfund eða nægjusemi, skuli umræðan enda á Defender, eða misskildi ég eitthvað ?
Alltaf best í sveitinni.Bestu kveðjur.
Jón Ebbi.
Ég vil benda þér á þráðinn Nýliðaferð Rottugengisins. Slóðin er This.is/Rotta Þar koma fram flestar upplýsingar um ferðina.
með kveðju Jón Ebbi.
Komin er ný ferðasaga frá Slóðriki rithöfundi, um túrinn með olíu á skúrinn, sem farin var nýverið.
This.is/Rotta er staðurinn.
Sæll Skúli ég var til skamms tíma með CB stöð og leigði gjarnan VHF handstöð af klúbbnum. Mín reynsla er sú að CB stöðina notaði ég nánast ekkert vegna þess hvað margir eru með VHF og líka hvað hún dregur stutt og er óskýr. Hinsvegar dregur handstöðin ágætlega innan hóps en er ekki til stórræðanna ef holt ber á milli. Því held ég að langfarsælast sé að fara beint í fullorðins VHF því handstöðvarnar eru dýrar líka. CB dæmið kostar svo lítið að frekar er að bæta því við seinna ef mönnum finnst ástæða til. Í dag er ég eingöngu með fasta VHF stöð og kemst ágætlega af. Með kveðju Jón Ebbi.
Loksins fattaði einhver hvað kom fyrir allt myndaplássið.
Og það er ég viss um að bið verður á að því verði skilað samanber aðra muni sem fyrrverandi skálanefnd "Rottugengið" hefur haldlagt. Einnig hef ég heyrt að þetta ósvífna gengi sé að undirbúa yfirtökutilboð í síðuna meðan gengi hennar er svona lágt. Ekkert myndapláss mánuðum saman, spjallið með ómerkilegasta móti, vonlausir bílar til sölu og þannig mætti lengi telja.
Kveðja Ebbi
Ég þakka góða svörun og ótal góðar ábendingar.
Niðurstaðan er álíka afgerandi og vænta mátti, þó kom fram þetta með aukið álag á flesta slitfleti sem tengjast hjólunum, við aukna felgubreidd út á við.
Það mundi flokkast sem fórnarkostnaður ef annar ávinningur lægi fyrir, sem ekki er víst að sé. Einnig hljóta dekkin að vera viðkvæmari fyrir affelgun hvað sem hver segir þó að aksturslagið skipti eflaust mestu í því.
Hinsvegar verð ég að viðurkenna að ég er dálitið veikur fyrir kenningum þeirra austanmanna nær og fjær.
Kvað um það ætli ég melti ekki misjafnar skoðanir til haustsins.Bestu kveðjur.
Jón Ebbi.
Þakka viðbrögðin. Pælingin var aðalega þessi, er ég að þyngja bílinn með því að pumpa í. Sé rétt sem þú segir Eik að massi loftsins í einu dekki sé um 1 kg. Þá hallast ég að skoðun flestra að hæðin skipti mestu til að straumurinn rífi sem minnst í. Því rúmmál dekksins breytist ekki svo mikið hvort þú hefur 10 eða 20 pund í, þannig að flotið eykst tiltölulega lítið hvort sem er samkvæmt þessu.
Sullukveðjur
Jón Ebbi.
Hef mikið verið að velta fyrir mér hvort loftið sé létt eða þungt. Þá er ég með í huga þegar farið er yfir straumharðar ár, að lógískt sé að hafa frekar lítið loft í börðunum.
Minna flot, meira grip. Þó heyrist sú skoðun að loftið sé svo þungt að best sé að hafa sem mest loft í dekkjunum. Trúlegt er að einhverjir hafi skoðun á þessu og kannski að einhver viti hvað pundið er þungt.
Upplýsið mig.Kveðja Jón Ebbi.
Nú vantar mig ráð hjá spekingum síðunnar. Þannig er að ég er nýlega búinn að festa kaup á jeppa sem er 2.2 tonn í breytingarskoðun. Þar sem snjór var víða af skornum skammti með vorinu hef ég ekki reynt hann við allar aðstæður enn, en mín tilfinning er að hann mætti fljóta betur. Hann er á 38? og samkvæmt mælingu á dekkjaverkstæði eru felgurnar 13og1/2? á breidd. Nú er bíllinn kominn á sumardekk og fyrir liggur að smíða nýjar felgur fyrir vetrardekkin. Spurningin er á ég að hafa þær breiðari og þá hvað mikið. Hvað græði ég og hverju tapa ég ? Erfitt að segja eða hvað ?
Kveðja Jón Ebbi.
Þar sem ég las Faraldarsögu rifjaðist upp fyrir mér að maðurinn vann hjá mér um 2 ára skeið, en eins og um önnur áföll sem maður verður fyrir í lífinu þá reynir maður að gleyma þeim sem fyrst. Nei þetta síðast var ósmekklegt og alls ekki satt.
Hvað um það þar sem Faraldarsaga var skrifuð undir ferðir verð ég að koma einni stuttri ferðasöga að af Faraldri. Hún var svo stutt að hún var bara á milli húsa og er gott dæmi um annálaða hjálpsemi mannsins og hreysti, ásamt notkunarmöguleikum hinna endalausu lífa sem Faraldurinn lumar á.
Vettvangur sögunnar voru tvö einbýlishús í byggingu, annað uppsteypt með pöllum utan á og verið var að steypa upp seinni hæðina á hinu húsinu á næstu lóð.
Til verksins voru notuð flekamót og byggingarkrani með fjarstýringu.
Faraldur var að rífa mótin frá ásamt fleirum. Eitthvað þurftu smiðirnir að bregða sér frá, og snöggur að vanda breytti Faraldur sér í kranamann, enda oft beðið um að fá að hýfa, taldi það lítið mál.
Hann húkkaði á næsta fleka, prílaði uppá hann, strekkti vel á kranavírnum og losaði flekann með kúbeini.
Það næsta sem gerist er að þar sem maður kemur akandi í næstu götu, gott ef það var ekki Djonný Snæ, þá sér hann mann bera við himinn á hraðri niðurleið.
Þar sem Faraldur hafði strekkt meir og meir á vírnum og enn á flekanum hafði honum láðst að fylgjast með því að kranann hafði rekið undan vindi yfir næsta hús.
Það var þegar flekinn losnaði sem Jóni var litið í átt til húsanna. Þegar Jón kom nær skelfingu lostinn yfir því sem hann hlaut að sjá, Þá sér hann mann standa upp úr spítnahrúgu á pallinum yfir annari hæð og hrista sig.
Það lýsir best ummhyggjusemi Faraldrar fyrir öðrum að þegar Snæland komst í kallfæri þá hrópaði Faraldur. Heldurðu að Jón verði nokkuð fúll þó ég hafi skemmt pallinn, ég bara missti takið á flekanum.P.S. Þar sem það eru nú aðalega lögfræðingar sem gáfu komment á Faraldarsögu hina fyrstu þá vil ég geta þess að ég nefni Harald alltaf Farald svo enginn viti við hvern er átt.
Kveðja. Ebbi.
Sem áhugamanni um rall verð ég að segja það að bera saman rallkeppni og utanvegaakstur jeppa er í besta falli dæmi um ótrúlega fávisku.
Því ætla ég ekki að fjölyrða um muninn á því.
Hinsvegar líst mér mjög vel á nýustu upplýsingar um hvernig klúbburinn er að taka á málunum varðandi títt nefndan utanvegarakstur. Aftur á móti hef ég meiri efasemdir um fordæminguna. Því eins og segir bibilíusögunum ?sá yðar sem saklaus er kasti fyrsta steininum?.
Ekki má heldur gleyma að stór hluti af ferðamennsku jeppamanna er utanvegaakstur, málið er að ekki er sama hvar eða hvenær með tilliti til gróðurskemmda.
Þá held ég að rétta leið klúbbsins til að rétta hlut jeppamanna gagnvart almenningsáliti sé meiri auglýsingamennska kringum góð mál samanber landgræðsluferðir og fleira, frekar en ná athygli í gegnum svona mál. Gæti virkað eins og búmmerang.Góðar stundir.
Ebbi.
Ég gleymdi að geta þess að startköplum sem áður hefur borið á góma hér á síðunum var skilað í vitna viðurvist og kann ég Dr. Agli bestu þakkir fyrir lánið.
P.s. Aldrei að vita hvenær þarf að gefa raflost næst.
Kveðja Jón Ebbi.
