Forum Replies Created
-
Replies
-
Því miður er komið í ljós að ég kemst ekki með.
Vona að ég sé ekki að hafa skálapláss af eihverjum vegna þess hvað ég afboða seint, En ég réri að því öllum árum að komast með, en það er orðið ljóst að ég verð að vera í bænum ámorgun.
Kv.
Jón E.
Ég mæti / 2 í bíl.
Kv.
Jón E.
Dagur samkvæmt 12 ára reglunni erum við barnlaus. (6 fullorðnir)
Kv.
Jón E.
Ég sé Dagur að þú notar orðið "söfnuður" um okkar heillum horfna gengi.
En þér til fróðleiks, ertu ekki fyrstur til þess. Því fyrir mart löngu, á gullaldarárum gengisins, kallaði vert í niðurnýddum héraðsskóla vestur á fjörðum, okkur sértrúarsöfnuð.
Rökstuðningur hans, fyrir þeirri nafngift, var helst sú árátta okkar að matast í hóp.
Mætti því með sömu rökum halda því fram að landgræðsluhópurinn sé hálfgerður sértrúarsöfnuður.
En talandi um dapra mætinu, trúi ég ekki öðru en félagarnir skili sér í einhverjum mæli, enda ekki gengnir af trúnni það ég best veit.
Kv.
Jón Ebbi.
Við Sólveig mætum með 4 unga sveina okkur til halds og trausts.
Kv.
Jón Ebbi.
Ég verð að segja, svona fyrir mig, þá hefur þetta nú verið frekar útþynnt síðan Gleðibankinn var og hét.
Hann var langflottastur og stendur uppúr þessari útrásarbankaflóru.Kv..
Jón E.
Nú erum við að tala Skúli. Ég get þá gengið út frá því að frátekna lóðin verði með útsýni í friðsömu hverfi….já og svo auðvitað með bílastæði fyrir alvöru jeppa – sem menn öfundast endalaust yfir – en þú þekkir það náttúrulega.
En hvað tal var þetta með innborgun? Er ekki frekar að vonast til að ég stilli skaðabótakröfunum, á hendur Umhverfisnefnd, í hóf.Jú sagan segir okkur að vissuleg gætu orðið talsverð ónot af rottugangi, í hverfinu, en enginn hefur hvartað enn yfir þeim ágangi.
Ábyggilega gæti brúnn vökvi í fallegum flöskum, sem oftar en ekki á borðum þar sem Rottur koma saman, spilað eitthvað inní það mál.
Góð tilraun hjá þér Magnús, þetta bakkaklór, með loforðum upp um allar ermar á Skúla.
En auðvitað skoðum við öll nýbyggingarsvæði með opnum huga.
Bestu kveðjur.
Jón E.
Takk fyrir upplýsingarnar Agnes.
Já það var þetta með lóðina. Ég hef víst eitthvað misskilið þetta.
Taldi mig hafa erft hana, þegar þú og þitt föruneyti yfirgáfu svæðið.
En svona til vara, þá var hún illa byggileg. Óslétt með afbrigðum, aðgengi erfitt og sólarlaus að mestu þar sem stöðugur skuggi trjánna grúfði yfir.
Svo við tölum nú ekki um hverfið sem hún var í. Því þér láðist alveg að geta þess að allt um kring voru opnir barir allan sólarhringinn, með tilheyrandi hávaða og ófriði. (Dálítið stór galli!)Spurning hver á kröfur á hvern?
Sjáumst í Þórsmörk.
Kv.
Jón E.
Er vitað hvort klúbburinn fer í sína árlegu landgræðsluferð í Þórsmörk í ár?
Ég var að fletta dagatalinu og gat ekki fundið neitt um þetta, né sumarhátíðina.
Ef einhver hefði þessar upplýsingar, væru þær vel þegnar.
Kv.
Jón E.
Jú vel að titlinum kominn, þó ekki væri fyrir annað en að vera maðurinn Ómar Ragnarsson.
Fjölhæfari og áhugasamari einstakling er leitun að og mættu margir taka áhugann og atorkuna sem hann leggur í verk sín, sér til eftirbreytni.Snemma beygist krókurinn; Þegar hann sem barn, var á leið norður í land í rútu í fyrsta sinn, var honum réttur hljóðneminn, þar sem fólk tók eftir að hann lét eins og hann þekkti hvern stein á leiðinni, þótt hann færi þar um í fyrsta sinn.
Það fór svo að hann lýsti hæð og nöfnum allra fjalla sem var ekið hjá, ásamt öðrum örnefnum. Hafði lesið sér til af sínum alþekkta áhuga.Þá má ekki gleyma að maðurinn er margfaldur íslandsmeistar í rallakstri, var íþróttafréttamaður hjá sjónvarpinu með stæl. Fremstur meðal frétta og þáttagerðamanna í áraraðir.
Sem dæmi um atorkun; þá skemmti hann með sumargleðinni á Hvammstanga, keppti til sigurs í ralli á Suðurnesjunum og myndaði og lýsti Heklugosi, allt á rúmum sólarhring fyrir allmörgum árum.
Þannig að ég hallast að því að segja að maðurinn sé allavega sjaldgæfur.
Annað sem kom fram hér að framan er sá algengi misskilningur fólks, að séu náttúauðlindir virkjaðar, sé það á kostnað virkjunar hugans, sem er auðvitað víðs fjarri, nema síður sé.
Áramótakveðjur,
Jón Ebbi.
Jú það er rétt að þeir félagar gistu í Höllinni í nótt, ásamt Rúnari skilst mér.
Heyrði aðeins í Ofsanum áðan, en sambandið var mjög slitrótt. Þeir sögðust ætla að skutlast yfir þennan læk við Sóleyjarhöfðann og skreppa inní Setur. Danni var að koma til móts við þá úr bænum rétt í þessu.
Ekki getur færið nú verið erfitt úr því að þeir eru ennþá að mestu vandræðalausir. Þó berast af því fréttir að skóflan hafi verið hreyfð á Slóðríki.
Veðrið eins og á sumardegi og krapi að aukast.Kannski rétt sé að renna til þeirra seinna í dag, þar sem engir alvöru bílar eru með í förinni.
Kv. Jón Ebbi.
Ég ætla að gefa Sandkluftavatni atkvæði mitt.
Að myndin sé tekin Skömmu eftir að komið er yfir skarðið, eftir að malbikinu sleppir, á leið á Kaldadal, austan við vatnið og Tröllháls sé fjallið fjærst á myndinni.Kv.
Jón Ebbi.
Við drengirnir mætum.
p.s.
Var þokan þegar fólkið mætti á staðinn, eða eftir að baukarnir voru opnaðir?????
Kv.
Jón Ebbi.
Heimsækja þeir þursinn hann Þórir
sem Grettir tók hús á í hellinum forðum.
Ekki er vitað hvort ennþá hann tórir,
né dæturnar, sem þekkt ´ann af öðru en orðum.Stakan vísar í ferðalag sem Ofsinn stendur fyrir í dag, Þórishelli sem getið er í Grettissögu.
Kv. Jón Ebbi.
Held ég mæli fyrir munn allra heimasitjandi rottna, sem komast ekki í ferðina af ýmsum ástæðum. að okkur þykir ákaflega ósmekklegt af okkur að senda manninn svona einann út í óvissuna.
En á móti kemur að hann fer væntanlega mun hraðar yfir, og verður okkur til sóma, svona uppréttur án allra þessara bakpoka.
Svo þarf svo sem ekkert að vorkenna honum, strax kominn með ótal tilboð frá hópum með eintómum valinmennum í (sem hann tekur ugglaust fagnandi)
Auk þess höfum við þessir heimasitjandi farið í ótal óvissuferðir með félaganum…….ja bara nánast alltaf þegar við höfum farið á fjöll.
En svo ég afsaki mig nú sérstaklega, þar sem mér þykir alltaf slæmt að missa af fyrirséðum vandræðum, þá lét ég pílagrímsferð á Anfield ganga fyrir að þessu sinni.
Þar með hef ég gert grein fyrir fjarveru minni.Lifið heil.
Jón Ebbi.
Var að frétta af Ofsanum og Litludeild. En hópurinn er á línuveginum að fylgja Jóni Bergmann áleiðis en áætlar síðan að koma niður frá Kaldadal. Ekki var annað að heyra en allt væri í sómanum.
Ekki komust allir í Fremstaver þar sem grjótakvísl var svo erfið að aðeins 3 komust yfir.Kv. Jón E.
Það er leiðilegt að heyra, ef rétt er, að þessir hlutir séu það oft vandamál að ástæða sé til umræðu yfirleitt.
Ég verð að taka undir með þeim sem eru á móti svona plaggi, en til vara allavega að hver taki ábyrgð á sínu faratæki þar sem það er ómögulegt fyrir þann sem dregur að vita um ástand festinga á því sem í er hnýtt, enda oftast á kafi.
Hitt er annað að hver þekkir sitt farartæki best og metur þar af leiðandi hvort hann treysti því í smá átök. Ef ekki þá sleppir hann því. En fyrir þann sem er dreginn er, ekki nokkur leið að taka ábyrgð á bílum annara sem eru í öllu mögulegu ástandi.
Ef svona plagg væri í almennri umferð á fjöllum myndi jeppamennskan setja mikið niður í mínum huga og örugglega annara.
Því samkennd fjallamanna og hjálpsemi er stór partur af því hvað þetta er skemmtilegt allt saman.
Ég held að í flestum tilfellum geri menn sér grein fyrir því að jeppi er enginn sparibaukur og áföll nánast örugg öðru hverju, því legg ég til að menn beri harm sinn í hljóði og geri við sinn bíl út í eigin reikning hvernig sem hann svo sem skemmist.Bestu kveðjur.
Jón Ebbi.
Ég tel það á misskilningi byggt að einhverjir séu að ásælast þennan auma veg til að eignast peningamaskínu fyrir lítið…….því það er augljóst að þetta er dæmi sem getur ekki með nokkru móti borið sig miðað við núverandi forsendur nema að ríkið taki verulegan þátt í skjóli byggðastefnu.
Enda er þetta ekki þannig, heldur eru norðanmenn að leita allra leiða til að gera traffik til og frá svæðinu léttari kost, fyrir fyrirtæki og ferðalanga og það ber að virða.
Hinsvegar ef af verður, fengjum við kannski aðra hálendismiðstöð í anda Hrauneyja, sem margir tækju opnum örmum.Kveðja.
Jón Ebbi.
Félagar 4 x 4 kjósa sér stjórn til að taka ákvarðanir í þágu klúbbsins……þetta er ein af þeim, og gott að sjá hana gera það sem þarf að gera, óháð fyrirséðu svekkelsi einhverra.
tveir þumlar upp.lifið heil.
Jón Ebbi.
Skemmtilegt klipp, og ekki skemmdi nú undirspilið þó gaman hefði verið að heyra í rokkunum að rembast, svona með.
Kv. Jón E.
