Forum Replies Created
-
Replies
-
Ég átti náttúrulega að vera búin að sækja spilið fyrir helgina, reyni að nálgast það í vikunni. En ég hafði nú áhyggjur af þér lengur en í fimm mínútur. Alveg þar til einhver úr leikfangagenginu sagði mér að þú hefðir asnast í öfuga átt þegar hinir lögðu af stað að miðjunni. Og það meðvitað. En allt í lagi, þú misstir bara af heljar fjöri í staðinn. Svaka stuð hjá okkur hinum. Takk fyrir mig. Frábært að Helgi skyldi vera til í það svona á elleftu stundu að taka mig með. Ég þurfti sko nauðsynlega að komast í þessa ferð.
Þarna ertu, spjallandi eins og ekkert hafi í skorist. Sko, ég á eitthvað inni hjá þér fyrir áhyggjurnar, rassærið af setunni og kalið á fingrunum þar sem ég sat úti í bíl hálfa nóttina í fyrrinótt og kallaði mig hása í talstöðina í leit að þér. Og ég sem hélt að eitthvað voðalegt hefði komið fyrir þig. Stakkst okkur svo bara af. Ég var orðlaus. Alveg allavega í fimm mínútur. Uss.
Getur einhver sagt mér hvernig vegurinn er um Kjöl? Eru miklir skurðir í honum og þá hvar helst?
Ég held að þú getir verið þakklátur fyrir það að hafa þó fengið einhverjar bíltegundir yfir höfuð hengdar við nafnið þitt. Ég er ekki viss um það enn hvernig á að taka því að vera á "óþekktri tegund". Ekki fékkst Ofsinn til að breyta því þó ég reyndi.
Getur einhver frætt mig um það hvernig Kjalvegurinn er núna? Er vegurinn mikið skorinn og hvar þá helst?
Það væri gaman að fá að vita hvenær menn ætla að leggja af stað, þ.e. þeir sem ætla Kjalveginn norður.
Ef þig vantar far þá væri mér sönn ánægja að bjóða þér með mér. Ofsi verður þá bara að svara því hvort það er skálapláss fyrir þig því við Hugrún erum báðar með.
Og vel á minnst, Ofsi, ég er á MUSSO.
Fáum við lista yfir þá sem eru búnir að skrá sig?
Það er svo mikið af forritum sem hirða upp netföng af vefsíðum sem menn nota svo til að senda manni ruslpóst. Þetta er mikið betra að mínu áliti
Ég er með allar mínar tryggingar á einum stað og hef verið í mörg ár. Mér hefur nú hins vegar sýnst að tryggingar séu mikið til eins og á sama verði milli tryggingafélaga. Þessvegna væri ég fljót að stökkva á að skipta öllum mínum tryggingum yfir á annað félag ef ég gæti fengið einu eignina sem ekki er nógu vel tryggð (Mikka ref) tryggða þannig að ég væri örugg um að fá tjón greidd. Ég hef tröllatrú á þrýstingsmætti klúbbsins. Ég held að mörg af okkar hagsmunamálum gætu leyst farssællega ef við notum þennan mátt vel.
Ég er með ef þannig samningur næst.
Eftir að hafa lesið þráðinn um Grímsfjallsferðina (vonandi ganga viðgerðir vel og þið verðið fljótt komnir aftur á fjöll strákar) þá langar mig að velta upp tryggingamálum jeppamanna. Margir hafa ekki tekið svokallað utanvegakaskó þar sem þeirri tryggingu virðist vera verulega áfátt, samanber það að ekki er hægt að fá vatnstjón bætt nema bíllinn sé í stöppu. Eitthvað fleira virðist vera loðið við þessa tryggingu. Nú eru jeppamenn sem ferðast á fjöllum og utan alfaraleiða í stöðugri fjölgun og ferðaklúbburinn ætti að vera orðið talsvert þrýstiafl.
Er ekki smuga að koma í nefnd hópi sem myndi taka það að sér að herja á tryggingafélög að tryggja bílana almennilega? Hefur það verið reynt? Ég fyrir mína parta er alveg til í að borga extra til að vera örugg um bílinn þar sem ég hef engan veginn efni á að tapa honum eða lenda í tjóni sem kostar formúur og er ekki bætt. Ég myndi halda að þrýstingur á tryggingafélög gæti vel skilað árangri.
Bíddu, kveikja og slökkva á talstöðinni, einn takki. Skipta um rás, einn til tveir takkar.
Einn mícrafónn, einn takki, halda inni og tala, sleppa og hlusta.Hver þarf 15 klukkustunda námskeið í þetta?
Að Sóleyjarhöfðinn sé vel fær. Geta þá Gljúfurleitin ekki verið fær líka? Hvað er með þá fóstbræður, hvaða leið komu þeir í bæinn í dag?
Ofsi eða Hlynur, getið þið kommentað á færi þarna uppeftir?
Nei, það er eitthvað lítið af snjó, en það er þó að kólna þarna uppfrá og spáð flottu áramótaveðri. Mér var að detta í hug að það gæti verið gaman að fara Gljúfurleitaleiðina í björtu þarna uppeftir. Er engin stemning fyrir því?
Eru einhverjir á leið í áramótaferð á fjöll? Hvað með Setrið, er einhver stemning fyrir áramótum þar? Dreplangar að fara eitthvað á gamlársdagsmorgun og koma heim á nýársdag.
Á ekki að skutla dagskránni eftir áramótin inn á vefinn svona ef ske kynni að það snjóaði eitthvað meira þennan vetur?
Ég var búin að stefna á að fara í einhvern snjó á laugardag en eins og staðan er núna lítur það ekkert of vel út. Veit einhver um möguleika á stuttri ferð frá Reykjavík þar sem hægt væri að komast í snjó?
Þetta er svo fáránlegt að það tekur engu tali. Það er bara eitt að gera, senda reikninginn aftur til baka og óska þeim gleðilegra jóla þarna á fjarskiptastofnun.
Þetta er náttúrulega alltaf spurning um þarfir og þá sjálfsagt peninga líka. Legg ekki dóm á þetta. Hins vegar, þá er síðan í vandræðum líka, er það þessum diskaskemmdum að kenna? Voru afritin ekki í lagi?
