Forum Replies Created
-
Replies
-
Seljarvallalaug að fá sér bað?
Sæll,
Vandinn liggur í því ef kappinn/suðan gefur sig á 90km hraða eftir að búið er að þjösnast á honum á 30-50 með 3psi.. 😀Kv
Dóri
Miðað við hvað maður hefur séð í dag þá hafa vinnubrögðin hjá þessum skrauthúfum verið fumlaus, algjörlega til fyrirmyndar.
Í samhæfingarstöðinni koma saman aðilar alla viðbragðsaðila sem eiga hlut í máli, þar vinna almannavarnir, lögregla, flugstoðir, slökkvilið, neyðarlína, landhelgisgæsla, björgunarsveitir og fleiri hlið við hlið þannig að boðleiðir séu stuttar og ákvarðanatökur markvissar og komast örugglega réttar til skila.
kv
Dóri
Úfff hvað ég get varla orða bundist við að lesa þessa blessuðu ‘Heilbrigðu skynsemi’ sem eitthvað séní (Jakob) kastar fram hérna í orði nýja Íslands en veit ekkert um hvað hann er að tala.
Daginn sem það kostar einstaklinga að byðja um hjálp verður dagurinn sem fleiri deyja á þjóðvegunum því þeir ákváðu að hringja ekki á hjálp.
Hvað á svo að gera við einstaklinga sem þarnast leitar að, dæmi Alzheimer, sjálfsmorðs, krakka sem tínast o.s.frv. Á fólk að veigra sér að hringja á hjálp vegna kostnaðar sem lendir á fjölskyldunni?
Sjálfsagt getur Jakob sett sig í dómarasæti um hvað telst ‘eðlilegt magn bjarga’ í aðgerð, og að það þurfi þá væntalega að fá upp tryggingagetu einstaklings áður en hann er sóttur (minnir þetta á heilbrigðisþjónustu usa?). Myndi hann treysta sér til að segja um að aðeins 50 manns ættu að leita í stað 300? Hvernig væri að spyrja einhvern af þessum 300 hvort tíma þeirra hafi verið ílla varið?
Meiri hluti aðgerða á Íslandi er auðleysanlegur vegna þess að fólk veigrar sér ekki við að kalla á hjálp.
Og já, ég er meðlimur í björgunarsveit.kv
Dóri
Sælir,
Vil benda á að svipuð umræða kom upp eftir Hofsjökulsslysið sem varð fyrir fáum árum. Það mætti skoða hvað var gert eftir það og hver niðurstaðan varð, lærðu menn eitthvað af því?
Ég vorkenni engum að þurfa að kunna á grunnatriði línuvinnu enda finnst mér að enginn ætti að fara á jökul án þess að hafa línu, belti meðferðis. Samtala þessa búnaðar á góðu verði er í kringum 30-50 þúsund, eða einsog 150 lítrar af bensíni. Hvað varðar svo kunnáttu til að nýta dótið þá er lítið mál að fá námskeið hjá Ísalp eða Landsbjörgu. Svo er ekki einsog þetta séu einhver ógurleg vísindi.
Það að keyra bara eftir ‘öruggum slóðum’ á jökli þýðir að fara ekki á jökul.
kv
Dóri
Sæl
Hefur einhver upplýsingar um hvernig snjóarlög eru á Kili þessa stundina, milli Áfanga og Bláfellsháls?
kv
Dóri
Lella, ætli það fari ekki eftir sjónarmiði…
Ég á allavega ekki von á því að Gullborg, ódýrir flugeldar, bomba.is eða fleiri sæki þig í sprungu ef þú ert óheppin. Sem dæmi voru það 2 björgunarsveitarmenn sem sigu niður á Hofsjökli.
Hvort þú fáir verðgildi 10% minna af flugeldum held ég að skipti ekki öllu máli, rámar meira að segja í auglýsingu þar sem menn auglýstu rakettu með 40% afslætti þannig að hún kostaði 1990 en kostaði hjá björgunarsveitunum 2090.
kv
Dóri
Takk kærlega fyrir þetta
kv
Dóri
Til stendur að fara yfir Vatnajökul frá austri til vesturs (á plönkum). Veit einhver hvort/hvað er fært að jöklinum vestanmegin?
Hugmyndin er að koma niður í Jökulheima eða Hágöngulón eftir því hvort bílar komist.
Stefnt er að því að koma niður helgina 7-8 jún.
kv
Dóri
Jám, ég telst nú vera meðlimur í leikfélagi. Ástæðan fyrir því að ég er í björgunarsveit liggur í að þar er ég með góða félaga til að ferðast til fjalla, bæði að vetri og sumri til, lengri og styttri ferðir á 2, 4 og á plönkum.
Flest útköll sem ég fer í eru leitir að öldruðum, ungu fólki fólki í andlegu erfiðu og svo leitir utanbæjar. Engin ofurtæki notuð þar nema 2 jafnfljótir.
Hafið góð áramót.
kv
Dóri
Ætla ekki að tjá mig um dekkjategundir en ef þú ert að spá í hvort þú eigir að láta negla þau eða ekki þá langar mig að láta gamminn aðeins geysa.
Þú segist nota bílinn á vegum útá landi. Þar er ekki saltað og myndast því aðstæður, blautur ís, þar sem það eina sem getur bjargað þér eru naglar. Einnig hjálpa þeir að sjálfsögðu í þurrum ís.
Hér innanbæjar er stundum ekki búið að salta nema helstu samgönguæðar á morgnanna. Sjálfur bý ég í Kjarrhólma, botn Fossvogs, og væri það brjálæði að vera ekki á nelgdu þar, þrenging sem er í Grænuhlíðinni ber þess reglulega merki.
Hvað varðar almennan áróður gagnvart nagladekkjum þá skal ég byrja að hlusta á hann þegar sjúkra, lögreglu og slökkulið fer af nöglum
kv
Dóri
Ég hef farið þarna inn, oftar en einu sinni og oftar en tvisvar. Hrun geta alltaf átt sér stað og algjörum tilviljunum háð.
kv
Dóri
Mér finnst vægt til orða sagt furðulegt að Ólafur skuli hafa sett þetta út úr sér. En samt svolítið í anda hvernig fjölmiðlar nota orðið þar sem mótmælendur Kárahnjúkastíflu virðast vera hryðjuverkamenn upp til hópa.
Hryðjuverkamaður, á ensku terrorist’, er einstaklingur sem notar ofbeldi, eða hótun á ofbeldi til að skapa hræðslu, valda skaða, til að ná fram skoðunum sínum, oftast stjórnmála, trúa, hugmyndafræði eða einstaklingshyggju.
Það að taka hóp og setja hann undir þennan hatt ber merki um hugsunaleysi. Hvað eigum við þá að kalla strætisvagnabílstjóra sem keyra yfir á rauðu?
Ég ætla að vona að hann dragi þessi orð sín til baka
kv
Dóri
Til að bæta sömu rökum og gert var í búnaðarpælingunni þá ferðast ég bara með fólki sem slasar sig ekki. Það gæti að sjálfsögðu orðið til undantekning á því en þá hringjum við bara í 112 og bíðum eftir sjúkrabílnum/björgunarsveitinni
kv
Dóri
Hugsaði að vísu eftir að ég barði þetta inn að það þyrfti einnig sigtól(áttu/túbu), 1 prússík og svo 1-2 karabínur til þess að komast að einstakling og svo er alltaf gott að vera með hjálm (jafvel reiðhjólahjálmur fer langt). En það er kannski 6þ í viðbót.
Slingar/ísskrúfur/öxi og broddar gætu verið overkill fyrir meðalljónið á jeppa (þó ég sé ekki svo viss um ísexina og broddana) þar sem verið er að tala um að komast að þeim slasaða en ekki endilega framkvæma heildar björgun. Oftast mætti sennilega tryggja í jeppann eða ef fólk er á gangi þá búa til einfalda snjótryggingu með dóti sem er við höndina, svo sem skóflum, álkalli o.s.frv. (hugarflugið kemur manni helvíti langt)
Sjálfur er ég alltaf með listann sem þú taldir upp, enda stunda ég fjalla/jöklamennsku á fótum meira en á jeppa, þar sem útbúnaðurinn sem þú taldir upp telst grunnbúnaður í ferð.
kv
Dóri
Lína 15-20þ
Sigstóll 5-6þHeld að menn ættu ekki að gráta þann pening (er þetta eitt ódýrt dekk? )
kv
Dóri
Ég vil benda á að það er enginn að tala um að vera með búnað til að koma stóslösuðum einstaklingi upp úr sprungu Frekar að það er nauðsynlegt að komast að slösuðum einstakling, m.a. til að binda að verstu sárum ef honum skildi blæða eða til að setja hann í teppi/svefnpoka til að halda á honum hita til að forðast ofkælingu. Síðan maður minnist nú ekki á andlega stuðninginn.
kv
Dóri
Leitaði að orðinu í greininni og fann það hvergi.
Aftur á móti fann ég orðið vankunnátta í henni og tel ég að það orð eigi fyllilega rétt á sér.
Grunnatriði fyrstu hjálpar er að geta veitt hana. Þá er ekki bara verið að segja að einstaklingur hafi farið á skyndihjálparnámskeið heldur þarf hann líka að komast að þeim slasaða. Ef hin slasaði hefur fallið niður sprungu (sem er eitt af fáum slysum sem getur gerst í jeppa á jökli) þá þarf að vera hægt að komast að þeim. Það getur skipt öllu máli hvort einstaklingur þurfi að bíða eftir þyrlu (1-X tímar) til að fá hjálp eða hvort hann fái hana eftir 10 mínútur (sem tekur einstakling að setja upp línu og síga niður).
Mér finnst þetta virkilega þörf umræða og tel að ef menn á annað borð fari á jökla landsins að þá eigi þeir að hafa kunnáttu, og búnað, til að komast að ferðafélögum sem eru í vanda.
Það er ekki lausn að forðast sprungusvæði, því sprungur geta verið á svæðum sem hafa áður verið talin þekkt.
kv
Dóri
1000 kall kominn inn á reikning
kv
Dóri
Hann á við Laugarfell norðan Hofsjökuls, rétt hjá upptökum Jökulsár Austari.
kv
Dóri
