Forum Replies Created
-
Replies
-
Sæll Einar,
Ég er með hnitin á tjaldstæðinu GPS N64 06.215 W19 57.108. Landgræðslusvæðið er örlítið austar og fyrir neðan veg GPS N64 06.384 W19 56.556, síðast þegar ég fór þarna um var leiðin stikuð með gulum tréstikum frá Ferðaklúbbnum 4×4.
Ég ætla að mæta í kvöld – eru fleiri á ferðinni?
Kveðja
Didda
Viðhengi:
Alltaf skemmtilegar ferðirnar í Þjórsárdalinn. Ég ætla að fá að bæta mér á listann yfir þá sem koma með.
Kveðja
Didda
Landvernd, Náttúruverndarsamtök Íslands, Ferðafélag Íslands, Ferðafélagið Útivist, Ferðaklúbburinn 4×4, Framtíðarlandið og SAMÚT (Samtök útivistarfélag) bjóða til hálendishátíðar í Háskólabíói.
Með stuttum ræðum í bland við tónlist, myndbönd og skemmtiatriði mun athygli verða vakin á fyrirhuguðum framkvæmdum á hálendi Íslands og mikilvægi þess að vernda hálendið.
Tónlistaratriði:
AmabA DamA
Mammút
1860
Una Stef
Valdimar Guðmundsson
Jónas Sigurðsson
Ómar Ragnarsson …FRÍTT INN!
Haldið í stóra sal Háskólabíós 16.apríl kl 20:00
Kveðja Didda
Alltaf gaman í stikuferðum. Þessi leið er einstaklega skemmtileg. Óska því eftir skráningu
Didda + 1
Sæll Magnús, Undanfarin ár hefur landgræðsluferðin verið farin fyrstu eða aðra helgina í júní. Þetta hefur verið gert í samráði við Hrein hjá Hekluskógum, þar sem þessi tími hentar betur til sáningar og uppgræðslu á svæðinu en seinnipartur júní. Fyrir einhverjum árum bauð Umhverfisnefnd uppá tvær ferðir í júní þ.e. eina landgræðsluferð í Þjórsárdalinn í upphafi júni og aðra um Jónsmessuna í Þórsmörk, þar sem skoðaðar voru afleiðingar gosins frá Eyjafjallajökli á uppgræðslusvæði í Merkurrana. En síðast þegar farið var um Jónsmessu í Þjórsárdalinn minnir mig að einhverjir hafi verið illa flugnabitnir eftir helgina
Laila og José
Didda og Óli – mæta
Þó má leiða að því líkum að ákvörðunin verði hin mesta blessun.
Kveðja
Didda
Sæl,
Reikna með að mæta í stikumálun laugardaginn 24.08.2013, kl.14.00.
Hvert á að mæta ?
Kveðja Didda
Nú er verið að bruna úr bænum – til þess að njóta lífsins í Þjórsárdalnum við leik og störf. Búið að pakka í Dúlluna og hún klár í slaginn. Logi við komum til með að sakna þín
Kveðja
Didda
Hæ
Til að sjá hverjir eru skráðir í ferðina er hægt að fara inn á skráningarsíðuna og "klikka" á hringin með fjöldatölunni. Þá sérðu hverjir eru skráiðr í ferðina og hversu margir far með hverjum og einum.
Kveðja Didda
Sæl,
Eftir framsögu Róberts Marshal í gær vil ég ítreka að ekki var farð þess á leit við klúbbinn að gera athugasemdir við breytingu á 76. grein laga um náttúruvernd(refsingar). Það var því beinlínis rangt sem fram kom á fundinum 03.09.2012 að fulltrúar klúbbsins hafi verið kallaðir fyrir Umhverfis og samgöngunefnd alþingis, til að tjá sig um refsivöndinn
Skv. fundarboði frá alþingi, var einungis verið að fjalla um breytingar á 17. og 37 . grein laganna.
Formleg beinðni stjórnvalda um athugasemdir frá Ferðaklúbbnum 4×4 vegna 76.gr. hefur því aldrei borist,hvorki skriflega né í fundarboði.
Þessi klausa kom fram í fundarboði frá alþingi
[u:8xmgcz2x]"Fulltrúi Ferðaklúbbsins 4×4 er beðinn að mæta á fund umhverfis- og samgöngunefndar Alþingis, á morgun miðvikudaginn 7. des. kl. 9.00.
Umræðuefnið er frv. til laga um náttúruvernd, 225. mál.
http://www.althingi.is/altext/140/s/0231.html" [/u:8xmgcz2x]Hinsvegar er rétt að komið var inn á 76. greinina . Þar sem þáverandi formaður Umhverfisnefndar í Ferðaklúbbnum 4×4 var ekki fyllilega sátt við lagabreytinguna.
Sú umræða og athugasemd skilaði sér inn í skýrslu til stjórnar.
kveðja
Didda alltaf jafn böggandi
Djísess Arnþór, stundum held ég að við séum bara ekki í sama klúbbi við höfum svo ólíkar skoðanir en það er líka bara dásamlegt að fá svona blúndubeibí í stjórn!!
Já ég er ekki sammála þeirri hugmynd þinni og samþykki stjórnar á því að fá Róbert Marshal inn á fund í Ferðaklúbbnum 4×4 til að fjalla um gönguferðina sína.
Já ég skrifa um þá óánægju mína á vef Ferðaklúbbsins 4×4
Já ég sé að það eru ekki margir sem tjá sig um málið en ég er búin að koma mínum skoðunum á framfæri. (Það eru yfir höfuð ekki margir að tjá skoðanir sínar hér á vefnum. Hann er soldið dauður hvað það varðar).
Já það má vera að skoðun mín vekji viðbrögð á vefnum…þó fá séu, en að hún sé sett fram til að efna til æsinga – þeirri skoðun er ég ekki sammála. Ég fer ekki framá að allir séu í „já“ flokki með mér, en tek fagnandi því fólki sem sýnir skoðun minni áhuga.
Já ég veit að það er oft erfitt að fá hugmynd að góðum fyrirlestrum. En í þessu tilviki er í mínum huga ljóst að ekki eru allir með fingurna á púlsinum.
Nei ég get ekki verið sammála um að það sé ljótur leikur að hafa aðra skoðun en stjórn og tjá hana í spjallþræði. Frekar er það skoðun mín að slíkt veiti aðhald til stjórnar og gefi stjórn tækifæri til umhugsunar í áframhaldandi ákvarðanatökum.
Þar sem lítilega er komið inn á athugasemdina mína, sem að miklu leyti fjallar um breytingar á 76 gr. laga um náttúruvernd 44/1999 (refsingar fyrir náttúruspjöll). Vil ég gera athugasemdir við athugasemdirnar
• Róbert Marshal var framsögumaður frumvarpsins – og þannig er það skráð á vef þingsins. Umhverfis og samgöngunefnd alþingis samþykkti einnig að svo skyldi vera. Að flutningsmenn væru fleiri er óáhugavert. Enda er framsögumaðurinn jeppakarlinn á 38“
• Róbert Marshal og félagar leituðu eftir athugasemdum frá 67 aðilum. En ekki leitaði hann eftir athugasemdum frá [u:ev5cnkd1]vinum sínum í Ferðaklúbbnum 4×4[/u:ev5cnkd1] . Aðgerðarleysi getur líka verið ástæða viðbragða annara [u:ev5cnkd1]vina hans[/u:ev5cnkd1].
• 29 þingmenn samþykktu frumvarpið en 34 þingmenn sátu hjá eða greiddu ekki atkvæði – Er ég með ýkjur þegar ég segi mjög umdeilanlegt – ég hef allavega ekki hitt margt jeppafólk sem er fyllilega ánægt með þessa viðbót inn í náttúruverndarlög og setja spurningarmerki við væntanlega framkvæmd þeirra og hugsanlegt óréttlæti sem þau skapa. Athugasemdir hafa bæði verið gerðar í mín eyru og á alþingi um að best væri ef breytingar á náttúruverndarlögum væru heildstæðar og ekki væri gott að að sauma bætur á lögin rétt áður en þau væru skoðuð í heild sinni.
• Ekki gerði ég athugasemd, í pistli mínum hér að framan, um auknar sektir vegna náttúruspjalla heldur við ákvæði um eignaupptöku við „vítaverðar aðstæður“. Þar kom ég með dæmi, þar sem brot er framið af þekkingarleysi á því hvaða slóðir eru opnar og hverjar lokaðar. Einnig bendi ég á þá staðreynd að lögin bera í sér mikla mismunun. Það er leikur einn að smíða léleg lög og lagaviðbætur sem eru götótt og ná ekki að uppfylla það markmið sem farið var af stað með í upphafi. Áhyggjuefnið er óréttlæti og mismunun en ekki „ljótir“ lögbrjótar.
• Þá vil ég benda á að þann 07.12.2011 sat ég fund hjá Umhverfis og samgöngunefnd alþingis vegna breytinga á 17. grein laga, 44/1999. Var það að eigin frumkvæði að á þessum fundi fjallaði ég lítilega um refsivönd Róberts. Athugasemd um óánægjuna með refsivöndinn má lesa í skýrslu sem send var stjórnar Ferðaklúbbsins 4×4 14.12.2011. Ekki um formlegar athugasemdir að ræða til handa Umhverfis og samgöngunefnd, end var refsivöndurinn ekki umræðuefni fundarins. Í framhaldinu var ekki kallað eftir frekari viðbrögðum af hendi alþingis frá Ferðaklúbbnum 4×4 vegna refsivandarins. Að stjórn skyldi dusta málið út af borðinu í stað þess að sýna viðbrögð er eitthvað sem stjórn verður að lifa með. Ég held að í núverandi stjórn séu margir flottir aðilar sem geta vel gert greinarmun á því að mótmæla lagabreytingu, með tilheyrandi álitshnekki á klúbbnum og því að koma með vel valdar rökstuddar athugasemdir til Umhverfis og samgöngunefnar alþingis. En öllu tali um að athugasemdir hafi ekki verið gerðar er vísað til föðurhúsa, enda var ég á þessum tíma formaður Umhverfisnefndar klúbbsins og leyfi mér að líta svo á að með skýrsluskilum hafi verið um formlega athugasemd Umhverfisnefndar til stjórnar að ræða.
• Við erum heppin að margir aðilar hafa í gegnum tíðina tekið þátt í allskyns starfi með Ferðaklúbbnum 4×4. Að Róbert Marshal hafi kíkt í stikuferð á síðasta ári er vel gert hjá honum. Eflaust greinir okkur Róbert ekki á um markmið varðandi utanvegaakstur, en ágreiningur er um leiðir að þeim markmiðum – refsing vs. fræðsla.
• Því miður tel ég að barátta Ferðaklúbbsins 4×4 gegn utanvegaakstri vegi sífellt léttar á vogarskálar ferðafrelsisins. En það er rétt að sú barátta er í gangi og bíð ég spennt eftir nýjum hugmyndum frá stjórn til að þyngja okkar hlut í þeirri vegferð.
• Að stjórn velji sér að auka virðingu Ferðaklúbbsins 4×4 með því að vinna verkin í stillingu og hófsemd er gott mál sem ég styð af heilum hug. En aðgerðarleysi styð ég ekki og ekki þá óvirðingu sem bæði Róbert Marshal og öðrum félagsmönnum í Ferðaklúbbnum 4×4 er sýnd með óviðeigandi vali á umræðuefni félagsfundarins.
Með ljúfri kveðju
Didda
R-3756
Handritshöfundur og aðstoðarleikstjóri.
Það er margt annað sem ég óska mér að heyra um á fyrsta félagsfundi Ferðaklúbbsins 4×4- lesist jeppaklúbbur – haustið 2012 – já annað en umfjöllun um gönguferð um Vonarskarðið, þó svo fjallað verði um ferðina í máli og myndum.
Mér finnst líka erfitt að hugsa til þess að sá aðili, sem fengin er til að fjalla um gönguferðina sé sá hinn sami og stóð fyrir nýrri, mjög umdeildri breytingu á náttúruvernda löggjöf um auknar refsingar, en hluti þeirra voru settar til höfuðs jeppafólks. Jafnframt á að gefa okkur tóninn um hvernig hann vill upplifa „sambúð“ jeppa og göngufólks.
Eflaust hefur hann eitthvað til síns máls en í mínum huga er hér verið að boða til óvinafagnaðar.Mér finnst gott og blessað að viðurlög séu við því að aka utanvegar með tilheyrandi landsspjöllum. En náttúruverndar lög 44/1999 veittu þessa heimild í eins og sjá má í 17. greininni, en þar stendur:
„Ólögmætur akstur utan vega varðar refsingu, sbr. 76. gr.“
og 76. greinin tiltekur refsinguna og segir:
„Hver sá sem brýtur gegn ákvæðum laga þessara eða reglna settra samkvæmt þeim skal sæta sektum eða fangelsi allt að tveimur árum. Sektir renna í ríkissjóð“
Ég spyr hinsvegar hvar er sanngirnin með refsingum um upptöku ökutækis?
Í nýjum ákvæðum í náttúruverndarlögum, sem fyrirlesari um Vonarskarðið var flutningsmaður fyrir, stendur;Upptaka ökutækis.
„Þegar alvarleg spjöll verða á náttúru landsins við akstur eða hann telst sérlega vítaverður að öðru leyti má gera upptækt með dómi vélknúið ökutæki sem notað hefur verið við framningu brots gegn ákvæðum laga þessara, nema ökutækið sé eign manns sem ekkert er við brotið riðinn." (tekið upp úr þingskjali 865 en samþ. lög eru samhljóða því skjali og tóku skv. því gildi 01.05.2012)
Já sæll beinast þessi lög gegn miðaldra Íslenskum körlum sem eiga góða breytta jeppa. Karla sem ferðast um á gömlum þekktum slóðum sem hafa verið eknir í tugi ára. Ef þeir slysast til að keyra lokaðan slóða geta þeir lent í basli (þó svo þeir hafi keyrt slóðan í fjölda skipta). Ekki verða alvarleg spjöll við verknaðinn, en verknaðurinn gæti í meðförum dómara, sem ekki veit betur, talist sérlega vítaverður.
Bíllinn sem eigandinn hefur eytt góðum tíma í að breyta fyrir fjallaferðir sínar er tekinn eignarnámi af ríkinu.Máli mínu til stuðnings skal athuga, að skv. sömu ákvæðum í nýju viðbótinni;
Þá má ekki hirða bíla útlendinga á bílaleigubílum sem framkvæma sama brot!! Þeir eiga jú ekki bílinn
Og ekki má gera upptæka bíla útlendra fyrirtækja sem framkvæma sama verknað því ökumaðurinn sem skutlaði bílnum um sömu slóð er ekki tengdur fyrirtækinu og er ekki að aka leiðina skv beiðni eiganda bílsins.
Sko skv. þessu hefði ekki verið hægt að hirða bílinn sem fór í Blautulón hér um árið.Ég spyr mig hvort ákvæðið um upptöku ökutækja komi til af því að þingmenn telja að fælingamátturinn sé mestur ef fólk er lamið þar sem það er sárast fyrir? Verðum við jeppafólk ekki aum ef akstur eftir lokuðum slóða kosti okkur jeppadósina.
Ef öll önnur refsilöggjöf á Íslandi myndi byggjast upp á sömu hugmyndafræði (að refsa Íslendingum þar sem vöndurinn hittir hinn aumasta stað) – þá værum við ekki góðum málum.Ég hefði viljað sjá þá aðila sem telja sig talsmenn útivistarfólks/jeppafólks á alþingi berjast fyrir því að auka fræðslu til þeirra sem nýta sér fallegt og skemmtilegt slóðakerfi í óbyggðum. Gott væri að leggja mikla áherslu á fræðslu til þeirra sem hugsanlega verða framtíðar ferðalangar – þ.e afkomendurnir. Markmið fræðslunnar væri að akstur utan slóða myndi leggjast af, eða heyra til algerra undantekninga. Slík fræðsla myndi gera það að verkum að ferðalangar verða meðvitaðir um umhverfið og tilbúnir til að taka aukaskrefið til að vera ábyrgt ferðafólk. Ég held að með slíkan fjársjóð í farteskinu gætum við líka skapað réttlátari löggjöf sem fólk væri sátt við og bæri fulla virðingu fyrir.
Í mínum huga taka talsmenn sem vilja auka fræðslu ekki strax upp refsivöndinn og slá honum til félaga sinna.
Er það ekki líka oftast þannig að þeir sem stunda landspjöll á vélknúnum ökutækjum, eru sjaldnast gómaðir og þurfa því ekki að svara til saka. Þá spyr ég mig oft – hefði ekki verið betra að fræða og landið hefði áfram verið fagurt og fríttHeld líka að mér sé slétt sama um hvort framsögumaður telji að það eigi eingöngu að labba eða keyra um Vonarskarðið.
Þegar ég kynni mér góðar gönguleiðir fer ég til þeirra sem hafa eitthvað um þær að segja, en ekki til prófessjónal atkvæðaveiðara sem mæta á fjöldafundi korter í kosningar.Kveðja
Didda sem hugsar alltaf í lausnum – líka íferðafrelsismálum
R-3756
Við Óli sendum okkar innilegustu samúðarkveðjur til fjölskyldu og vina Freysa. Um leið og sorg og söknuður býr í huga okkar má einnig finna ómælt þakklæti fyrir að hafa kynnst skemmtilegum og snjöllum manni sem gaf af gleði sinni, upplifun og visku.
Takk fyrirDidda og Óli
Þeir Brynjólfur Eyjólfsson, Björn Jóhannson, Björn Pálsson, Elías Þorsteinsson og Jóhann Björgvinsson, buðu uppá skemmtilega og fræðandi frásögn, Í þættinum „Liðast um landið“ á RUV rás 1 í dag, 05.07.2012. Þeir félagar eru í Ferðaklúbbnum 4×4, Eyjafjarðardeild.
„Liðast um landið“er í umsjón Svavars Jónatanssonar. En Svavar fer í þættinum til Akureyrar og skutlast í framhaldinu í ferð með Magnúsi Jóhannssyni svæðisstjóra vegagerðarinnar á norðausturlandi um hálendisslóða – í lok þáttarins heldur hann til byggða á austurlandi.
Hægt er að hlusta á þáttinn hér.
Kveðja
Didda
Vegagerðin nice að opna inn á Fjallabak syðra frá Keldum – Dúllan ætlar að mæta í sumarskapi nýkomin úr Veiðivötnum – held hún stefni á að leyfa mér að koma með.
Kveðja
Didda
Þá eru skráningarnar sirka svona:
Ólafur Magnússon +2
Hjörtur og Jakinn+1
Logi Már +1
Guðmundur G. Kristinsson +1
Guðmundur Geir Sigurðsson
Laila Margrét Arnþórsdóttir
Elísabet Þorvaldsdóttir
Sigurður Bjartmar Sigurjónsson
Þórarinn Guðjónsson
Dagur Bragason (kemst vonandi)Hlakka mikið til að rúlla úr bænum og njóta tjaldlífsins
Didda
Hæ, Við Óli erum að fara í eitthvað kerrumál – þ.e. kerra klúbbsins verður bjútifúl viðhengi við Dúlluna.
Svo er um að gera að upplýsa fólk um að það verður mikið um að vera í Þjórsárdalnum á laugardeginum. Ekki bara það að Ferðaklúbburinn 4×4 verður við landgræðslustörf, heldur er "Landnámsdagur" í Skeiða og Gnúpverjahreppi.
Skv auglýsingu frá umsjónaraðilum þá dagskráin eftirfarandi:
[b:2nq8ykl9]Dagskrá[/b:2nq8ykl9]
[b:2nq8ykl9]Áshildarmýri kl. 11:00[/b:2nq8ykl9]
Ávarp um Ólaf Tvennumbrúna landnámsmann frá Noregi
Árnesingakórinn í Reykjavík syngur.[b:2nq8ykl9]Opin hús á Skeiðum kl. 11:00-13:00[/b:2nq8ykl9]
Tekið á móti gestum[b:2nq8ykl9]Grænahlíð[/b:2nq8ykl9]. Einstakt umhverfi, skrautfiskar úti og inni o.fl.
[b:2nq8ykl9]Blesastaðir 1a[/b:2nq8ykl9]. Hestabúgarður, reiðhöll, vatnsbretti o.fl
[b:2nq8ykl9]Þjórsárdalsskógur kl. 13:00-15:00[/b:2nq8ykl9]Skógarkaffi og skógarpönsur yfir opnum eldi.
Göngustígar.[b:2nq8ykl9]Skaftholtsréttir kl. 15:00-17:00[/b:2nq8ykl9]
Boðið upp á kjötsúpu að hætti landnámsmanna
Forn handverk að hætti víkinga
Smalahundadeild Árnessýslu sýnir
Kirkjukór syngur
Harmonikuleikur og fjöldasöngur
Landnámshænur og fleiri dýr
Bogfimi með börnum að hætti víkinga
Teymt undir börnum[b:2nq8ykl9]Þjórsárstofa Árnesi [/b:2nq8ykl9]margmiðlunarsýning opin 10:00-18:00
[b:2nq8ykl9]Búrfell[/b:2nq8ykl9] gangvirk sýning opin 10:00-18:00
[b:2nq8ykl9]Þjóðveldisbær[/b:2nq8ykl9] opinn 10:00-18:00
[b:2nq8ykl9]Stöng opin[/b:2nq8ykl9]
Allir velkomnir, enginn aðgangseyrir
Þannig að það er ýmislegt hægt að skoða og bralla fyrir og eftir uppgræðslu – allt að gerast í Þjórsárdal.
Kveðja
Didda
Árni – það er fúlt að þið Sigrún komist ekki með í Þjórsárdalinn um næstu helgi – en við hin munum örugglega bauka sitthvað sniðugt…
kveðja Didda
Skemmtilegt að segja frá því að það eru alltaf að bætast við fleiri og fleiri i uppgræðsluferðina um helgina.
hér er listinn:
Ólafur Magnússon +2
Hjörtur og Jakinn+1
Logi Már +1
Guðmundur G. Kristinsson +1
Guðmundur Geir Sigurðsson +1
Laila Margrét Arnþórsdóttir +2
Sigurður Bjartmar Sigurjónsson
Þórarinn Guðjónsson
Jóhannes þ Jóhannesson +1-2
Glæsilegur hópur sem mætir í ár – enn er ekki búið að loka fyrir skráningarKveðja
Didda
