Forum Replies Created
-
Replies
-
Þyngdarseðla og aðrar pælingar tengdar þyngd Patrol skal ekki ræða á opinberum vetvangi!!
–
En svona til að spara okkur vinnuna með bílprófin þá eru hinir regluglöðu frændur okkar, Norðmenn, með reglugerðir sem takmarka réttindi ungra ökumanna. Við getum bara gert þær reglur að okkar eins og venjulega.
Þegar svona hlutir eru í umræði detta menn alltaf í "ég" gírinn sbr. "ég kann ekki að keyra í hringtorgum á Íslandi samt….".
Að mínu viti snýst þetta ekki um hvað menn hafa komist upp með í umferðinni heldur hvernig hægt er að bæta umferðina til framtíðar. Breytingar ná oftast ekki aftur í tímann og þar af leiðandi eru allar núverandi "tímasprengjur" í umferðinni hólpnar.
Það kom fram hér fyrr að menn séu að fara í gegnum meirapróf án þess að læra nokkurn skapaðan hlut. Þegar ég fór í meirapróf vildi ég hafa eitthvað gagn af því þar sem það var ekki gefið þá að taka þetta próf og er sannarlega ekki ódýrara í dag. Þannig geri ég ráð fyrir því að það sé undir mönnum komið hvort þeir læri eitthvað eða ekki.
Að sjálfsögðu er engin krafa um það að menn taki allann pakkann til þess eins að geta keyrt bíl yfir 3,5 tonnum og það yrði ekki krafa með jeppa heldur þar af leiðandi er þetta 300.000 króna tal skot upp í loftið.
Það er vandi að aka 44" jeppa sem og öðrum bílum á stórum dekkjum. Þeir kastast til í hjólförum, hafa annann beygjuradíus og aðra bremsueiginleika. Við að taka meirapróf lærir maður ekki endilega að bregðast við því sem maður lendir í á 44" jeppa en maður lærir að hugsa stærra (allavega þegar ég tók prófið) og það er það sem málið snýst um.
Ef að ég kem að bílprófsaldrinum sjálfum tel ég 17 ára ungling ekki vera færan um að keyra stóran jeppa. Ef að við gefum okkur það að bílprófsaldurinn haldist óbreyttur væri þjóðráð að binda blessaða krakkana við fólksbíla og hafa þá þar fyrst um sinn. Það er hreint ekkert skemtilegt fyrir þau en þetta snýst ekki allt um skemtun.
Kv. Davíð
Bjór er bara fyrir þá sem eru kynferðislega bældir og/eða bældir af öðru leiti við hinir drekkum bara Vodka og Viskí.
Kv. Davíð
Ég hefði nú haldið að meiraprófið hefði skánað síðan ég tók það og það var rúmlega helmingi ódýrara, ef ekki þá er það miður.
Annars talaði ég nú ekki um að maður lærði á 44´´ bíla í meiraprófinu heldur STÓRA bíla en þú hefur væntanlega orðið þess var að stór bíll hefur aðra aksturseiginleika en fólksbíll og þar finnst mér vanta upp á kennsluna.
Kv. Davíð
Í framhaldi af umræðu um æfingaakstur fór ég að spá í því hvort eðlilegt sé að 17 ára einstaklingur hafi heimild til að keyra 44´´ jeppa? Sjálfur þykist ég hafa nokkra reynslu á akstri 44 bíla og þar að auki hef ég keyrt um á langferðabifreiðum og öðrum stærri ökutækjum. Ef við miðum saman 50 manna rútu og 44´´ Patrol þá er í flestum tilfellum auðveldara að hafa stjórn á rútunni heldur en Patrolnum. Ég tel nokkuð víst að menn hér á spjallinu geti verið sammála um það að akstur jeppa er hreint ekki auðveldur og er ég eiginlega á því að allt fyrir ofan 38´´ dekkjastærð ætti að vera meiraprófsskylt.
Í grunnbílprófi í dag er hreint ekkert kennt og svo ég tali fyrir mig breyttist aksturslag mitt eftir að ég hafði tekið meiraprófið (í það minsta um stundarsakir). Það er mitt álit að akstur stórra jeppa krefjist þess að maður hafi lært eitthvað um akstur stórra bíla!
Sennilega eru margir á móti þessu eins og þegar bílprófinu var breytt þannig að það þurfti meirapróf á stóru Fordana en ég held að það sé einfaldlega mjög rökrétt að hafa þetta þannig.
Kv. Davíð
Ég ók nú einusinni um á svona fararskjóta og fannst mér hann nú alltaf eyða meira en góðu hófi gengdi. Síðan í það eina skipti sem ég hengdi sleðakerru aftan í hann sá ég bensínmælin falla hraðar álit mitt á þessari vél. Mæli ekki með þessu!
Kv. Davíð
Já ég er ekki frá því að hann Hlynur sé klár…
Rosalega erum við heppin hér á Íslandi að fjöllin séu ekki hærri en 2110 metrar, annars gæti þetta orðið svolítið flókið.
Það er merkilegt hvernig fyrirtæki okkar Landsmanna, Landsvirkjun, og OR, gæluverkefni Reykjavíkurborgar, geta haft sína henntisemi í sínum verkum. Ekki virðist vera til það afl sem þarf til að stoppa framgang þessara kompanía. Við sjáum einfaldlega hvernig úrskurður skipulagsstofnunnar um Kárhnjúkavirkjun var numinn úr gildi á sínum tíma. Ekki virðist það skipta máli hvað við eigendurnir segjum um þetta mál, enda hugsum við nú ekki hálfa hugsun.
Ekki alls fyrir löngu var Hellisheiðin paradís útivistafólks bæði að sumri og vetri en í dag hætta sér ekki margir á heiðina enda er hún sundurskorin af pípum og öðrum mannvirkjum og gæti maður hreinlega meitt sig á þessu öllu saman. En það er nú samt stórundarlegt hvað Hellisheiðarvirkjun hefur farið ljúft í gegn með öllum sínum stækkunum á sama tíma og herástand ríkir við Kárahnjúka þar sem óður skríll veður uppi með þvílíkum dólgshætti að saklausum víkingum lögreglunnar.
Er enginn áhugi á að skella sér með keðjur og pappaspjöld á Hellisheiðina við tækifæri?
Kv. Davíð
Utanvegaakstur er í öllum tilfellum óþolandi hvort sem eiga í hlut jeppamenn, hjólamenn eða jafnvel sleðamenn sem oft þurfa að skjóta sér á milli skafla. Ég hef farið um landið í sumar og víða séð ljót merki um utanvegaakstur en flest voru gömul seingróin sár. En þessi fáu nýju för sem maður sér er ekki hægt að réttlæta nú þegar upplýsingamiðlun til fólks á ekki að vera neitt vandamál.
En pínlegast finnst mér að sjá för út fyrir veg, jafnvel út á gróið land, þar sem menn eru að sneiða fram hjá pollum. Sömu menn fara seinna óhikað yfir Krossá og önnur foráttuvöð og sanna þannig ótvíræða karlmennsku/kvenmennsku sína. Þetta er að mínu mati ekki í lagi og krefst líka hugarfarsbreytingar.Kv. Davíð
..En nafni, ef þú ert að fara í Mörkina til að skemta þér og öðrum mæli ég með Básum. Þar er úrvalsstemning og gott að vera enda svæðið stórt. Þannig er bæði er hægt að fynna næði fyrir börnin og fjör fyrir stóru börnin. Sjáumst í Básum…
Kv. Davíð
Þessi Moggi kemur víða við og tekur sér augljóslega margt fyrir hendur. Ekki nema vona að hann hafi ekki komist á bjórkvöld.
En talandi um drykkju eftir bíltegundum, ég ek um á Toyotu Corollu. Er mér þá ætlað að drekka mikið eða lítið? Kanski ágætt að vita það áður en ég byrja minn drykkjuferil.
Kv. Davíð
Ég held að þessi bók sé þörf öllum þeim sem lifa í íslensku þjóðfélagi. Þessi bók lýsir Íslandi í dag og er löngu þörf ádeila á það sem er að gerast á þessu skrípaskeri
Mæli með henni..
Þó að ég hef nú oft verið talinn til ofstopamanna gegn virkjunum held ég að klúbburinn sem slíkur hafi lítið með það að gera að mótmæla virkjunum þar sem skoðanir félagsmanna eru skiptar varðandi þetta og því væri seint sátt um þetta. Einstaklingar innan klúbbsins eiga þó að láta skoðun sína í ljós og má gera það á marga vegu eins og t.d. greinaskrif í blöðum.
Ég vill benda mönnum á þá stafðreynd að 20 greinar félagsmanna gerir 20 sinnum meira gagn en yfirlýsing frá klúbbnum og það er það sem þarf. Við verðum að skapa umræðu á meðal almennings ekki láta staðar numið á spjalli 4×4.
Svo má náttúrulega ræða það sem kemur fram hér að ofan að stuðningsmenn stjórnarinnar séu orðnir langþreyttir á virkjanagleði ríkisstjórnarinnar. Í þeim efnum vill ég benda þeim á að þeir geta gert tvennt. Í fyrsta lagi valið hvað þeir kjósa, en að kjósa stjórnarflokkana er væntanlega samþyki fyrir þeim verkum sem ríkisstjórnin hefur verið að vinna. Og í annann stað geta þeir þá reynt að komast til valda innan flokkanna og breytt þessari stefnu.
Kv. Davíð
PS. Tek við skráningum í VG milli 15:00 og 16:00 í dag
Nr. 1. Það að framsóknarflokkurinn hafi verið í Egilshöllinni gæti skýrst af brennandi áhuga þeirra á skautaferðum, þeir hafa verið á skeutum.
Nr. 2. Klúbburinn firrir sig allri ábirgð á þeim skrifum sem eiga sér stað á spjallinu og segir ummæli sem hér sjást vera á ábyrgð höfundar. Þar af leiðandi á höfundur að hafa fullan aðgang að sínum póstum. Spurning að bæta við "eyða" hnapp líka.
Nr. 3. Ég held að skítkast og leiðindi komi seint með að rífa niður vefinn, heldur þvert á móti er þetta sem heldur þessu gangandi.
Kv. Davíð
Hvar er íbúð á 20 þú á mánuði? Ég er til að leiga þá íbúð.
Eða eitthvað um það bil
Ég vill bara koma einu á framfæri þar sem þarsíðasti maður talaði um að það væri leiðinlegt að keyra fjörðinn. Það er alls ekki leiðinlegt að keyra fjörðinn og ég mæli með að þið sem hafið ekki keyrt hann síðan 1998 að prófa það!! Þetta er náttúruperla og að auki er mjög gaman að skoða skrítna staði eins og Botnsskála og álíka staði. Það er vissulega langt að keyra hann m.v. að fara göngin en alveg þess virði að gera það einu sinni á hverjum 8 árum.
Sjáumst í Hvalfirði.
Kv. Davíð
En ég held að það að fara niður Sólheimajökul sé dæmi um mjög slæmt leiðarval!! Endilega fáðu nothæfa GPS leið áður en þú leggur af stað
Kv. Davíð
Verður að passa sig á sprungukollunum uppaf Skálpanesinu þannig að vissara er að hafa leið þar niður.
Kv. Davíð
