Forum Replies Created
-
Replies
-
Ekki þekki ég nákvæmlega munin á áherslum FÍ og Páls Ásgeirs, en hann hefur á fundum í Umhverfisstofnun komið fram eins og hann gerir á eyjunni, sem fulltrúi FÍ.
Hann virðist ekki gera greinarmun á eigin skoðunum og stefnu FÍ þegar hann kemur fram fyrir FÍ og þess vegna skipta hans persónulegu skoðnir verulegu máli fyrir Ferðafélag Íslands.
En ég veit Skúli að þú ruglar þessu ekki saman.
kveðja Dagur
Á eyjunni er enn og aftur pistill eftir Pál Ásgeir stjórnarmann í Ferðafélagi Íslands þar sem hann „hraunar“ yfir landsbyggðarfólk http://blog.eyjan.is/pallasgeir/2010/10/07/landsbyggdarvael/#comments
Ekki skil ég af hverju Ferðfélag Íslands velur mann með slíkar skoðanir í stjórn sína, en Forseti ferðafélagsins Ólafur Örn Haraldsson kom með þennan mann á fund Samút, sem væntanlegan fullrtúa FÍ í Samút, en af sjálfsögðu var honum algjörlega hafnað af öðrum félögum í Samút.
Hvert stefnir FÍ? Er Ferðfélag Ísland orðið gegn eigin stefnu sem sett var á stofnfundi þess félags http://fi.is/um-fi/stofnun-felagsins/ en skoðanir stjórnarmanna spegla yfirleitt stefnu þess félagskapar sem þeir eru stjórnarmenn í.Árni Pétur Hilmarsson skrifaði þennan ágæta texta hér að neðan og veitti hann mér góðfúslega leyfi til að byrta hann hér.
kveðja Dagur
“ Árni Pétur Hilmarsson // 9.10 2010 kl. 11:43
Eitt sinn heyrði ég nýyrðið „moldarbarðsmiga“ . Þegar ég spurði orðsmiðinn að merkingu orðsins svaraði hann: ,,Þetta er einstaklingur sem kemur til æskustöðvanna á eins til fimm ára fresti, andar djúpt að sér, kastar af sér þvagi, blessar það að ekkert hefur breyst síðan í uppeldinu, stígur upp í bíl sinn og hverfur á braut.“ Þessir menn eru undantekningalítið verstu óvinir uppeldisstöðvanna, því þeir reyna með ráð og dáð að standa í vegi fyrir hvers konar breytingum eða framþróun, því allt skal vera eins og það var. Páll var eitt sinn landsbyggðarmaður, bjó fyrir vestan en af einhverjum ástæðum gafst hann upp á því að búa þar og fór suður eins og svo margir aðrir, sennilega til þess að sækja meiri lífsgæði.
Ég veit ekki alveg hvað það er sem gerir það að verkum að menn sem hafa gefist upp á því að búa út á landi og hafa flúið á mölina, taka sér þann rétt að afskrifa baráttu fólks sem er að verja sín núverandi lífsgæði og kalla það landsbyggðarvæl.
Orðið „landsbyggðarvæl“ fer ofboðslega í taugarnar á mér. Yfirleitt er þetta barátta fólks við að verja lífgæði sín, verja störf og tryggja samgöngur sem er afskrifað sem landsbyggðarvæl. Það er ekki eins og landsbyggðin sé í stórsókn, við erum í varnarbaráttu enda er fólksfækkun viðvarandi.
Ég ætla ekki að detta ofan í tölfræði eins og það að innlegg landsbyggðafólks er meira en tvöfalt meira til þjóðarbúsins en höfuðborgarbúans, né heldur að af hverjum tveimur krónum sem lansdbyggðamaðurinn borgar í skatt fær hann eina til baka í formi þjónustu.
En það sem ég er að reyna að koma til skila er að það er ekki um neina ölmusu okkur til handa að ræða þegar við gerum þá sjálfsögðu kröfu að þjónusta við okkur sé ekki skert meira en annars staðar.
Við búum við samtryggingakerfi og því drögum við öll vagninn saman, það er vel. En brauðið sem í vagninum er á að deilast út eins jafnt og hægt er. Það gerist ekki með því að í niðurskurði til heilbrigðismála sé skorið niður um 85% úti á landi en 15% á höfuðborgarsvæðinu.
Ég tók ákvörðun um að búa út á landi. Ég sé ekki eftir því og er full viss um það að lífsgæði mín og hamingja er meiri hér en ef ég byggi á mölinni.
Ég á þrjú börn og mér finnst það hart ef það að verja það að hér sé sjúkraþjónusta sé kallað „landsbyggðarvæl“.
Ég hef stundum velt fyrir mér hver hvatinn fyrir skrifum eins og þessum eftir Pál sé. Það sem mér dettur í hug er eftirfarandi: Sérhagsmunagæsla. Páll virðist vera svo einkennilega samsettur að hann getur ekki stundað sitt áhugamál ef einhver er nærri. Hann getur ekki unnt öðrum að stunda sín áhugamál s.s. hestamensku, mótorhjól, vélsleða eða jeppamennslu, virðist það vera af þeim sökum að hann gæti séð þá eða heyrt einhverstaðar og þar með er göngutúrinn ónýtur. Af þessu leiðir að kannski finnst Páli bara best að fara út á land í göngutúr ef það býr enginn þar. En auðtvitað vona ég að þessar hugleiðingar mínar séu rangar.
Annars finnst mér ánægjulegt að sjá efnistökin í nýjasta pistli Páls og vona að hann haldi sig við að skrifa bara um tjaldið sitt í framtíðinni, það er alla vega engum til tjóns.
Árni Pétur Hilmarsson“
Réttast væri að reka þig úr klúbbnum og alla sem voru með þér í Nautöldu, enda er alveg bannað að keyra í Þjórsárverum og þú vildir ekki hlusta á varnaðarorð.
Þakka fyrir mig og Brynhildi kóara, þetta var skemtileg ferð.
Vaskur hópur stikara kláraði djobbið í góðum tíma þótt ég hafi brugðið mér frá til að spila bílaí sundur, eftir árekstur.
Dalakofinn lofar góðu og væri enn betri ef hitaveitan virkaði.
kveðja Dagur
Nú er stikuferðinn í fyrramálið og allir geta komið með, en aðeins skráðir fá gistingu og grill.
kveðja Dagur
Skráning
Dagur Bragason s-8940095
Farþegi: 1
Gisting: já 1 fullorðinn og 1 barn.
Bíll: Hálfpatti með öllum græjum.
Unirbúningur stikuferðar umhverfisnefndar 4×4 hefur gengið brösulega í ár.
Sótt var um leyfi til að stika Breiðbak um miðjan júlí, en formlegt leyfi hefur ekki borist enn.
Var því sótt um leyfi til að stika innan friðlands að fjallabaki og kom upp leiðin úr Dómadal um pokahrygg í Hrafntinnusker.
Var þetta auðsótt og barst okkur eftirfarandi póstur frá Ólafi Erni UST:„Umhverfisstofnun þakkar umhverfisnefnd Ferðaklúbbsins 4×4 kærlega fyrir gott boð um að stika leiðir á Fjallabaki og vill þiggja að Ferðaklúbburinn stiki leiðina inn að Hrafntinnuskeri, þ.e. leiðina frá Vegamótum Landmannaleiðar að gatnamótum vegar sem liggur upp í Hrafntinnusker annars vegar og niður að Laufafelli hins vegar. Leiðin er 9,7 km samkvæmt korti (sjá meðfylgjandi skjal). Umrædd leið er erfið yfirferðar og samkvæmt athugun Umhverfisstofnunar hefur verið töluverð hætta á akstri utan vega á leiðinni. Því telur stofnunin að stikunin muni hafa jákvæð áhrif á öryggi ferðamanna og draga úr líkum á akstri utan vega.“
Stikuferð Umhverisnefndar hefst því laugardaginn 4 september kl 08.00 í Select á höfða. Haldið verður þaðan í Dómadal um landveg og stikað úr Dómdalnum í Hrafntinnusker.
Að lokinni stikun verður haldið í Dalakofan, skála Útivistar í boði Útivistar og Grillað í boði F4x4. Gist verður 1 nótt í Dalakofanum, en um 20 gistipáss eru í skálanum.
Á sunnudegi verður valin skemtileg útsýnisleið á leið til byggða.
Skráning er hér á vefnum og hjá umhverfisnefd hja f4x4.is og hjá Diddu s-6948862
Taka skal fram hve margir eru í bíl, símanúmer, hvort verður gist en takmarkað gistipláss er í skálanum.
Skráningargjald: góða skapið.
Kvaðir: Ekki er ekið utanega og endalaust púl.
kveðja Dagur umhverfisnefnd F4x4
Jú er það ekki málið að stofna umhverfissjóð gegn óhóflegri orkunotkun og sækja um styrk, enda er papírsvinnan mikilvægust samaber kastljósið um geisisvæðið í kvöld og ekki er hægt að hengja upp ónýtar girðingar þar án þess að fara yfir hættumat fyrir allt landið fyrst, svona eru umhverfistjórnun í dag, pappírsblaður.
kveðja Dagur.
Vertu ekki sár þó að ég hafi verið á undan
Hún vinkona mín hún Svandís Svavarsdóttir dóttir versta samningamanns Íslands fyrr og síðar, sem enginn í F4x4 þorir að senda bréf, er ekki manneskja til að klára eitt eða neitt, enda gafst hún upp þegar átti að svifta huluni af spillingunni innan orkuveitunar og lét kveða sig í kút.
Reyndu bara að hanka mig á einhverju öðrukveðja Dagur
Fullt af alskonar fræðingum sögðu að kaup á þessari vél væru röng hér á vef 4×4, en þáverandi skálanefnd taldi að félagsmönnum kæmi þetta ekki við og ættu als ekki að skipta sér af þessu.
Hinsvegar ætti þessi vél ekki að vera gangsett nem í neið og er löngu komin tími á að hlustað verði á skinsamlegar ráðleggingar félagsmanna, enda er fullt af góðu fólki í F4x4.
velja þarf hæft fólk úr röðum félagsmanna til að fara yfir þessi mál í heild og taka skynsamlega ákvörðun.
kveðja Dagur
Stikuferð
Væntanleg stikuferð Umhverfisnefndar verður líklega fyrstu helgina í september, enda er um að ræða fjallveg sem liggur mjög hátt, eða um 1000m.
Upprunalega planið er að fara í Jökulheima föstudaginn 3 september og gista.
Laugardaginn 4 september er að fara yfir Tungná yfir á Breiðbak og stika Breiðbakin að Langasjó á 2 stöðum. Fyrri staðurinn er við NA enda Langasjós og seinni við SV enda sama sjós. Sent hefur verið erindi til sveitarstjórnar Skáptárhrepps og á fyrsta fundi sveitarstjórnarinnar voru jákvæð viðbrögð fyrir umleitan okkar:[url:3b2w2azh]http://www.klaustur.is/Stjornsysla/Fundargerdir/Sveitarstjorn/?b=1,1411,content_view.html[/url:3b2w2azh] "6. Umhverfisnefnd Ferðaklúbbs 4X4: Stikun leiðar á Breiðbak.
Ferðaklúbburinn óskar eftir heimild til að stika hálendisleið á Breiðbak, en merkingum leiðarinnar hefur lítið verið sinnt í áratugi. Sveitarstjórn tekur erindinu vel og felur yfirmanni tæknisviðs að afla nánari upplýsinga hjá klúbbnum og hafa samráð við Vatnajökulsþjóðgarð."
Ekki hefur enn náðst í yfirmann tæknisviðs um framkvæmdina enn.
Einnig hefur ekki verið ljóst hvort gistipláss verður í Jökulheimum vegna stækkunar skála Jöfri. Skúli hjá Utivist sagði gistirými laust í Sveinstindi og í Skælingum á laugardag en upptekið á föstudegi, svo svar frá Jöfri er mikilvægt.
Eins og er sagt hér að ofan er ekki búið að hnýta alla enda og því hefur ferðin ekki verið auglýst, en vonumst til að allar endar verði hnýttir í þessari viku.
kveðja Dagur
Vona að sem flestir taki Gísla sér til fyrirmyndar.
Gerum allt sem við getum til að hindra utanvegaakstur sem veldur spjöllum, en hann er mjög skaðlegur þeim sem una náttúrunni og ferðafrelsinu.
Setti þetta á eyjuna: [url:37uf1cjc]http://blog.eyjan.is/pallasgeir/2010/06/30/skyrsla-af-fimmvorduhalsi/comment-page-1/#comment-1379[/url:37uf1cjc]
Dagur Bragason // 7.7 2010 kl. 13:07
Ég held að að Stefán ætti að spara bílinn og efast ég að hann drífi þarna uppeftir með kerru, enda ekki vegur alla leið (ef ég skil staðsetninguna rétt).
Líklega væri verra ef hann reyndi og hætt við spóli og spjöllum.
Ég talaði við Skúla H framkvæmdastjóra Útivistar og spurði um göngufólk sem gæti tekið með sér tappa í tunnuna og lokað henni og ætti það að geta komið í veg fyrir mengun og síðan væri hægt að sækja blessuðu tunnuna þegar snjólög væru trygg.
Kveðja Dagur
Stjórn Vatnajökulsþjóðgarðar Reykjavík, 24. júní 2010
Klapparstíg 25-27
101 Reykjavík
Athugasemdir við auglýsta tillögu að verndaráætlun Vatnajökulsþjóðgarðs.Hellar:
Geri alvarlegar athugasemdir við lokun allra hella þjóðgarðsins fyrir umferð alls almennings, en rétt er að takmarka aðgengi að viðkvæmum hellum vegna verndarsjónarmiða, en mjög líklegt er að aðeins lítill hluti hella í þjóðgarðinum er nú fundinn og alvarlegt er að banna fólki að líta inn í hella án sýnilegrar ástæðu.
Svona allsherjarbann gengur þvert gegn 2 grein laga um Vatnajökulsþjóðgarð.Hópar:
Annað atriði sem kemur víða fram í áætluninni er hversu mikið er gert úr því að aðgreina gesti þjóðgarðsins í hópa, sem sýnast ekki mega hittast á hálendinu og þeim því stillt upp sem andstæðum fylkingum, en mín reynsla er að maður er manns gaman þá sjaldan sem fólk hittist á víðfeðmu hálendinu, en talsvert öryggi er fyrir göngufólk að ekki er mjög langt í ökutæki ef slys henda.Vaðalda og “loftnet”
Á Vaðöldu er er GSM og TETRA endurvarpi með dísilvél sem þarfnast olíuflutninga og viðhalds og er lokun á leiðinni á Vaðöldu tilgangslaus, nema ef afnema eigi fjarskiptakerfin.
Einnig má benda á að þessi vélbúnaður er án hljóðkúts og er um 90 db. Hávaði frá dísilvélinni, en ekki virðist það hafa truflað skálaverði í Dreka undanfarin 3 ár.
Hugtakið Víðerni gengur ekki upp með svona búnaði og að setja upp slíkann búnað á svæðum þar sem öllum vélknúnum ökutækjum er úthýst, vegna Víðernishugtaksins er mótmælt enda er þetta vélbúnaður sem framkallar hávaða allan sólarhringinn og kallar á reglubundna olíuflutninga.Úrgangur:
Einnig er atriði sem ég tel vanta og er hvergi krafist þess að ferðfólk er með útbúnað til að taka allann úrgang með sér, en þess er nú krafist af hundaeigendum í bæ og Borg, en í Vatnajökulsþjóðgarði eru fá svæði sem heimilt er að skilja eftir úrgang.
Fjölda leiða og slóða á samkvæmt áætluninni að loka án rökstuðnings og mótmæli ég því, enda eru fjölmargar leiðir í þjóðgarðinum sem eiga fyllilega rétt á sér og eru til að veita aðgengi að svæðum sem annars væru aðeins aðgengileg vel þjálfuðu göngufólki.Lokanir slóða á Jökulheimasvæði:
Fjölmarkir slóðar í hrauni og foksanssvæðum er lokað án ástæðu og var fjölsóttur fundur í Ásahreppi sem ályktaði um að mörgum slóðum yrði haldið opnum.
Hinsvegar er ekkert tekið tillit til þessa fundar, sem boðið var til af hálfu hreppsnefndar Ásahrepps, við gerð verndaráætlunar Vatnajökulsþjóðgarðs, enda var fundirinn opinn öllum og auglýstur.
Tel ég mjög ámælisvert að ekkert er tekið mark á fundum sem opnir eru almenningi.Vegur inn í Vonarskarð fram hjá Gjallanda:
Þar segir: „Endi vegarins verði við Gjóstu..“ [tilvitnun lýkur]. Þetta er í raun lokun fyrir akstur um Vonarskarð, sem að okkar mati er óþörf aðgerð. Þessi leið liggur einungis um grjót og sanda og hverfur að mestu um veturinn, en akstur um þessa leið í Vonarskarði truflar alls ekki göngumenn gangandi á Snapadal eða á hverasvæðinu, nema þeir leyti sérstaklega eftir því.Leið sunnan Vaðöldu:
Leið sem er af F910 sunnan við Vaðöldu með Svartá er ekki uppsett í töflunni. Hún er í aðalega í sandi. Síðasti spölurinn liggur um hraun og mætti að skaðlausu loka þeim hluta, nema fyrir fötluðum. Við ármót Svartár og Jökulsár er fallegur foss er nefnist Skínandi. Sé þessi leið ekki til staðar verða afar fáir sem koma þangað.Leið norðan Dyngjufjalla: Vikrafellsleið um 45 Km löng.
Leið sem liggur frá mynni Dyngjufalladals í austur norðan Dyngjufjalla og kemur inná F910 sunnan Vikrafells og austan Dreka.
Þessi leið hefur verið ekin í hálfa öld og ekki verður séð að hún hafi orsakað skemmdir á landi, enda liggur hún um hraun og vikurjarðveg. Austast á þessari leið við Vikrafell er vikur og hverfa ummerki eftir ökutæki að mestu milli ára. Þarna ætti að stika leið til að forðast villuslóða.
Á þessari leið er mikið útsýni norður yfir útbrunann og upp til Dyngjufjalla. Á leiðinni eru margar áhugaverðar og fallegar jarðmyndanir og gil. Við Einstæðing má t.d. sjá hraundrýlaröð og kleprahraun og skemmtilegar sandsteinsmyndanir í Svartagili. Ekki eru færð nein náttúruverndarrök fyrir lokun á þessari leið og afar fátítt er að þessi leið er gengin.
Til að auka aðgengi ferðamanna, dreifa álagi og efla ferðaþjónustu þarf fleiri áhugaverðar leiðir og væri hringleið um Dyngjufjöllin kærkomin viðbót fyrir ferðamenn til að njóta svæðisins.
Vegur um gömlu vöðin á Gæsavatnaleið: (Skjálfandafljót, Rjúpnabrekkukvísl og Hraunkvísl)
Þessi leið er hluti af upphaflegri Gæsavatnaleið og var farin þar til brú kom á Skjálfandafljót norðan við Gjallanda. Þessi leið hefur menningarsögulegt gildi og ekki síður samgöngusögulegt.Akstursbann í Kverkfjöllum.
Vísað er til reglugerða um óheimilan vetrarakstur án þess að fram komi hvaða reglugerð er um að ræða. Ef um reglugerð 608/2008 er að ræða þá gerum við ekki athugasemdir við ákvæði hennar þar um. Sé þessu öðruvísi farið en þar kemur fram krefst það skoðunar.Ákvörðunarvald þjóðgarðsvarða.
Þarna er þeim gefið alræðisvald og hefur reynslan sýnt margoft að slík er afar óheppilegt og ekki holt nokkrum manni, enda eru nú þegar stofnanir sem ákveða lokun landsvæða vegna náttúruhamfara og óþarfi að að veita þjóðgarðsverði sama vald.Mannvirkjagerð.
Flestir slóðar í Vatnajökulsþjóðgarði eru ógreinilegir og sjást ekki lang að, en vegir vegagerðarinnar eru heflaðir og grafast á hverju ári vegna vatnsaga og breyta ásýnd landsins mikið.
Gert er ráð fyrir að vegagerðinn taki yfir alla vegi í þjóðgariðnum, en ekki er mynnst á skaðsemi heflunar vega og slóða. Heflun eykur sýnileika vegarins umtalsvert og þar með ásýnd landsins.
Legg ég til að vegagerð og heflun verði haldið í algjöru lágmarki innan þjóðgarsins.Takmörkun á akstri einkabíla.
Í umhverfisskýrslu kemur oftsinnis fram að takmarka beri akstur einkabíla og hvetja frekar til almenningssamgangna. Ekki koma fram frekari rök fyrir þessu ákvæði, líklega er verið að hvetja til færri og stærri farartækja.
Ekki er tekið tillit til þess að stórir bílar þurfi burðarmeiri vegi og þar með vegagerð, en léttir bílar með lágann loftþrýsting í hjólbörðum eru mun ólíklegri til að marka spor í jarðveginn.Virðingarfyllst.
Dagur Bragason
kt.
Keilugranda 4
107 Reykjavík
Páll Ásgeir Ásgeirsson
blogg á eyjan.isForsíða Um ← Þórsmörk rís úr öskunni
Vinsældaveiðar
22.6 2010 | 22:12 | 4 ummæli
Í tilefni þess að mótmælafrestur við tillögu að verndaráætlun Vatnajökulsþjóðgarðs er að renna út þann 24. júní n.k vil ég taka fram eftirtalin atriði:
Mér finnst ekki rétt að heimila akstur á jökul úr Hoffellsdal og Skyndidal og hef mótmælt því með formlegum hætti. Í framhaldinu væri rétt að bæta Goðahnjúkum og Goðahrygg á listann yfir þau svæði á Vatnajökli þar sem akstur er ekki leyfður.
Mér finnst tillagan um bann við sumarakstri gegnum Vonarskarð ganga of skammt. Rétt væri að loka ökuslóðum fyrir norðan Jökulheima og koma þannig í veg fyrir akstur norður með jöklinum.
Ég sé ekkert athugavert við að loka bílslóðinni inn Heinabergsdal og veit fyrir víst að þegar fjallað var um lokun Vikrafellsleiðar á fundum hreyfði enginn mótmælum. Sú lokun má því fortakslaust standa.
Ekkert væri athugavert að loka mun fleiri slóðum á svæðinu milli Köldukvíslar og Tungnaár. Líklega mun skipulag sem verið er að vinna á svæðinu taka til þeirra leiða sem liggja utan þjóðgarðsins.Mér finnst að loka ætti hinum svokallaða Styrkvegasjóði og koma þannig í veg fyrir að ráðherrar og þingmenn geti hyglað tækjaóðum frændum sínum og vinum heima í héraði til vegagerðar utan eftirlits og mats.
Mér finnst réttur fólks til mótmæla vera afar mikilvægur og hvet alla til þess að senda formleg mótmæli á sogv@vjp.is. fyrir 24. júní. Ég hef miklu meiri trú á vel rökstuddum mótmælum en póstkortabunkum og háværum hvatningarhrópum sem ákafir stuðningsmenn beina hver að öðrum í hita leiksins.
Ég birti skoðanir mínar ekki opinberlega til að afla mér vinsælda eða til að hækka gengi mitt í augum annarra. Af sjálfu leiðir að mér er nákvæmlega sama hvað öðrum finnst.
Spyrjum að leikslokum.Flokkar: Óflokkað | Facebook
Ummæli (4)
Kristófer Már Kristinsson // 22.6 2010 kl. 23:49Heill Páll, hvað áttu við með ,, að ráðherrar og þingmenn geti hyglað tækjaóðum frændum sínum og vinum heima í héraði til vegagerðar utan eftirlits og mats.“ Þetta virðist vera alvarleg ásökun?
Snorri Ingimarsson // 23.6 2010 kl. 00:05Með framangreindri verndaráætlun er hart sótt að frelsi annara en útvalinna ferðamanna, þ.e. fullfrísks fólks á besta aldri. Innsiglað með því að gera einstaklingum erfiðara fyrir heldur en þeim sem kaupa ferðir hjá ferðafélögum.
Sjálfsagt er að mótmæla en útilokað er að allir þeir sem er gersamlega ofboðið finni tíma til að setja fram ritgerðir á hálfgerðu lögfræðimáli. Þar koma póstkortin að góðum notum fyrir þá sem eru sammála texta þeirra.
Mér finnst því ekki rétt að gera lítið úr þessari aðferð til að koma á betra lýðræði. Hún er eina leið mikils fjölda til að opinbera skoðun sína en því miður er mikill plagsiður hér á landi að tala niður aðferðir og persónur þeirra sem eru á öndverðum meiði.
Ég veit að það bullsýður á mörgum, þar á meðal miklum náttúruunnendum sem ferðast hafa akandi og gengið um af mikilli virðingu um landið um áratugi. Þessu fólki finnst að sér vegið og ég fékk eftirfarandi í tölvupósti í dag: „Gangi eftir að loka akstursleiðum fyrir almennum ferðamönnum en leyfa umferð vegna atvinnustarfsemi þá virðist þetta vera frekar verndaráætlun um völd og peninga frekar en Verndaráætlum um Vatnajökulsþjóðgarð.“
Sjáfum finnst mér til dæmis alveg galið að loka Vonarskarði fyrir bílaumferð og tel það dæmi sýna einna best hvaða ofstæki og hatur er komið í gang hjá ráðamönnum gegn öllu sem knúið er af vél.
Svo vil ég upplýsa hér að mér er kunnugt um að hið svokallaða samráð sem ráðamenn halda mjög á lofti hefur verið meira í orði en á borði og engu líkara en að frjálsum útivistarsamtökum hafi verið haldið eftir mætti frá samráði.
Ég var áskrifandi að frábæru tímariti sem hét Útivera. Nú er farið að gefa blaðið út aftur en fyrsta tölublaðið er mikið breytt. Ég fekk blaðið sent ásamt feitum gíróseðli, ég er greinilega talinn áskrifandi enn. Þrátt fyrir yfirlýsta ritstjórnarstefnu um að öllum tegundum ferðamannsku verið gerð skil, fann ég lítið eða ekkert um vélknúin feraðlög í þessu blaði. Ég veit ekki betur en að Páll Ásgeir Ásgeirsson sé þarna í ritstjórn og vænti þá ekki mikillar umfjöllunar um vélknúin ferðalög. Sem er miður því að ég hef mikinn áhuga á útivistartímariti sem gerði öllum jafnt undir höfði og væri án öfga og fordóma. Verð því líklega að segja þessari áskrift upp.
Páll Ásgeir // 23.6 2010 kl. 08:53Svar til Kristófers:
Styrkvegasjóður er einskonar skúffusjóður sem Vegagerðin ræður yfir. Úr honum er hent milljón hér og milljón þar með milligöngu þingmanna á atkvæðaveiðum. Nær undantekningarlaust er um að ræða vegarstubba sem landeigendur eru að leggja sjálfir og eru utan allra áætlana. Nýlegt dæmi er um vegagerð á Hoffellsdal þar sem þessi sjóður styrkti landeigendur til óhæfuverka án mats eða undirbúnings.
Þú getur fengið nánari upplýsingar um starfsemi sjóðsins hjá Vegagerðinni eða í samgönguráðuneytinu.
Páll Ásgeir // 23.6 2010 kl. 11:19Svar til Snorra:
Útivera hefur komið út samtals í nærri sjö ár. Ég var ritstjóri blaðsins um tæplega eins árs skeið og sit í ritnefnd fyrir núverandi eiganda sem er fjölmiðlafyrirtækið Athygli.
Ef Snorri vill sniðganga blaðið vegna skoðana minna á náttúruvernd eða skorti á fylgispekt við jeppamenn er hann frjáls að því en mér finnst ekki mikil reisn yfir hótunum af þessu tagi.
Dagur Bragason // 24.6 2010 kl. 02:06Niðurlag greinar Páls Ásgeirs finnst mér nokkuð merkilegt:
„Ég birti skoðanir mínar ekki opinberlega til að afla mér vinsælda eða til að hækka gengi mitt í augum annarra. Af sjálfu leiðir að mér er nákvæmlega sama hvað öðrum finnst.“
Hann hefur lýst sig andvígan því að bílum verði leyftað aka Vonarskarðið nýlega hér á Eyjublogginu: http://blog.eyjan.is/pallasgeir/2010/04 … /#comments en í erindi hanns á ferðamálaráðstefnu: http://www.ferdamalastofa.is/upload/fil … asgeir.pdf segir hann þetta um Vonarskarðið: „Sá sem stendur á hlaðinu í Snapadal í Vonarskarði hefur Bárðarbungu að bæjarfjalli. Það kemur aldrei neinn í Vonarskarð nema fáeinir jeppamenn í hálfgerðu leyfisleysi og mótorhjólamenn í algerri óþökk því að eftirsóttustu stöðunum er enginn vegur.
Það er góður vegur en ómerktur að Valahnúkum en þaðan eru um það bil 2-3 km að heita læknum og í fjallinu þar fyrir ofan er hverasvæðið.
Þarna vantar ekkert nema svolítinn vegarspotta, nokkur skilti, góðan skála, salernisaðstöðu, góða stíflu í lækinn til að búa til stórkostlegusta villibað á Íslandi og þá mætti taka þarna á móti þúsundum ferðamanna á hverju einasta ári og létta álaginu af öðrum stöðum til mótvægis.
Mér skilst að Vonarskarð sé innan vébanda hins nýstofnaða Vatnajökulsþjóðgarðs svo ég geri ekki ráð fyrir að neitt af þessu gerist á mínum líftíma. Reyndar á ég ekki von á að neitt gerist annað en að ástandið haldist óbreytt og staðurinn haldi áfram að keppa í flokki óuppgötvaðra leyndarmála. Ég get ekki séð að Vonarskarð myndi missa neitt af töfrum sínum þótt þangað kæmu 50 þúsund manns á ári. Þvert á móti.“
Hvað hefur breyst? En í millitíðinni gerðist hann atvinnuleiðsögumaður og stjórnarmaður í Ferðafélagi Íslands. Þarna eru komið hagsmunatengsl og vill ekki atvinnuleiðsögumaður í gönguferðum ekki tryggja sýn forréttindi fram yfir aðra sem ferðast á hálendi Íslands?
Kveðja Dagur BragasonUmmælin þín bíða samþykkis.
Rita ummæli
Setti athugasemd inn á sjallið hjá Páli Ásgeiri:
[url:llh5w0sj]http://blog.eyjan.is/pallasgeir/2010/06/14/motmaelabref/#comments[/url:llh5w0sj]
Páll Ásgeir Ásgeirsson
blogg á eyjan.isForsíða Um ← Skýrsla úr Þórsmörk Þórsmörk rís úr öskunni →
Mótmælabréf
14.6 2010 | 09:48 | 4 ummæli
Á heimasíðu Vatnajökulsþjóðgarðs liggur nú frammi tillaga að verndaráætlun fyrir þjóðgarðinn. Öllum er heimilt að senda inn athugasemdir við tillöguna og skal það gert fyrir 24. júní n.k. Senda má athugasemdir í snigilpósti á skrifstofu garðsins á Klapparstíg 25-27 eða senda þær í tölvupósti á sogv@vjp.is.
Til þess að sem mest sátt ríki um starfsemi þjóðgarðsins ættu sem flestir að nýta sér þennan rétt til athugasemda. Eftir 24. júní missa menn eiginlega líka réttinn til þess að vera með nöldur út í starfsemi þjóðgarðsins hafi þeir ekki sent formlegar athugasemdir.
Sjálfur hefi ég nýtt mér þennan rétt og sent athugasemd vegna fyrirhugaðs sumaraksturs upp á jökul úr Skyndidal um Lambatungnajökul. Einnig mótmælti ég stjórnlausri vegagerð og náttúruspjöllum við vegagerð upp úr Hoffellsdal í átt að jökulrönd við Goðahrygg þar sem landeigendur vaða yfir hvað sem fyrir verður án nokkurra rannsókna eða mats. Þar er um að ræða vinnubrögð sem þjóðgarðurinn getur að óbreyttu ekki tekið þátt í án þess að brjóta sín eigin lög en hin umdeilda vegagerð er einmitt komin að þjóðgarðsmörkum.
Ég vona að stjórn þjóðgarðsins taki athugasemdir mínar til greina og veit að margir aðrir hafa mótmælt á svipuðum nótum. Nýtum rétt okkar, lesið tillöguna á vef þjóðgarðsins og sendið athugasemdir áður en það verður of seint.Flokkar: Óflokkað | Facebook
Ummæli (4)
Bæring // 14.6 2010 kl. 21:11Þú ert faggi. Þetta er það eina sem mér dettur í hug þegar ég rekst á pósta frá þér. Mér fynnst sorglegt og er varla að trúa því að ætlunin sé að loka svæðum á íslandi, nema fyrir einhverjum útvöldum, þegar ég nota orðið útvalinn vil ég meina það að það er afskaplega þröngur hópur á íslandi sem getur gengið þessar vegalengdir, ég tel mig vera alveg temmilega frískann, en ef mig langar að sjá umrædd svæði á næstu 12-15 árum þá þyrfti ég að velja um það að fara einn í göngutúr eða verja sumarfríinu með börnunum mínum, En myndi ég samt vilja fara með börnin mín inná þessi svæði ef einhver umferð gönguhópa verður þarna, vill maður vera á ferðinni þarna eftir segjum 3 ár þegar enginn ökutæki hafa fengið að fara þarna um, eða ætlar þú að flytja inn sjerba frá Nepal til að trítla með ruslið og skítinn til byggða. Ekki að mig langi í eithvað skítkast eða hártoganir við þig en ég sé bara ekki hvernig þetta á að ganga upp og ég vil meina að umferð þarna leggist nánast af. En það er kanski draumurinn.
Kveðja Bæring
Bæring // 14.6 2010 kl. 23:52það er verður eiginlega að útskíra orðið faggi örlítið. svona til að fyrirbyggja misskilning og of mikil leiðindi.
Faggi er einhver sem tekur ekki tillit til annara og fær sínu framm, með yfirgangi og frekju, svo ofaná er nánast hægt að setja samasem merki við fagga og 15 ára gelgju, sem gerir allt til að fá athyggli og er hvött áfram af vinum sínum.
t.d. vil ég meina að Orkuveita Reykjavíkur sé Faggi, þeyr eiðilögðu Hellisheiðina, tóku allann sjarma af henni! Malbikuðu hana en þeir reyndu svo að redda þessu með því að leggja reiðvegi um svæðið, áður var þarna talsverð umferð af göngu og jeppafólki, en núna sér maður ekki sálu þarna, ég hef t.d. aldrei séð neinn á þessum reiðvegum.
Og fyrir utan að þeir eru búnir að eigna sér Hellisheiðina með skiltum þar sem talað er um lokað svæði eða eithvað álíka ömurlegt.Þetta er akkúrat hin leiðin á móti þessum friðunum sem þú ert að mæla svo vel með.
Kveðja Bæring
Páll Ásgeir // 15.6 2010 kl. 08:19Bæring sem skrifar hér að ofan hefur að jafnaði notað felunafnið „bazzi“ en stígur hér hálft skref í átt til tjáningar undir fullu nafni. Því ber að fagna.
Fullt nafn hans mun vera Bæring Jóhann Björgvinsson, rafvirki Klyfjaseli 23. Bæring er áhugasamur ferðamaður, að sögn ættaður úr Skálmardal á Barðaströnd og segist á feisbók vera starfsmaður Mjólkursamsölunnar.Bæring virðist eiga erfitt með að þola þá sem hann telur ósammála sér og grípur því til persónulegra svívirðinga. Almennt finnst mér slíkt ekki svaravert og síst fallið til þeirrar uppbyggilegu umræðu og sáttar sem menn eins og Bæring segjast stundum vilja taka þátt í.
Sérstaklega vekja upphafsorð fyrri athugasemdarinnar athygli þar sem Bæring kýs að kalla greinarhöfund fagga sem almennt er notað um þá sem eru samkynhneigðir eða sérstaklega huglausir nema það tvennt fari saman. Þetta val Bæring staðfestir vilja hans til málefnalegra umræðna enda hnykkir hann á því síðar í færslunni með því að segjast vilja forðast skítkast og hártoganir. Heimatilbúnar útskýringar á merkingu orðsins í seinni færslunni gætu verið fyndnar ef þær væru betur stafsettar en svo flýgur hver sem hann er fiðraður.
Að svo komnu máli vil ég engar ályktanir draga um kynhneigð Bærings né hugprýði af skrifum hans þótt hann standi vissulega vel til höggsins.
Ég vil hvetja Bæring til þess að lesa færsluna aftur og leita sér aðstoðar þegar hann rekst á eitthvað sem hann skilur ekki. Best væri auðvitað ef hann réðist í að lesa hina eiginlegu tillögu að verndaráætlun Vatnajökulsþjóðgarðs sem er í rauninni umfjöllunarefni færslunnar. En líklega er það til of mikils mælst.
Dagur Bragason // 16.6 2010 kl. 01:57Ég hvet alla landsmenn til að kynna sér þessa tillögur að vernaráætlun Vatnaökulsþjóðgarðs. http://www.vatnajokulsthjodgardur.is/st … nni/nr/236 Þetta plagg er með ólíkindum og andstætt venjum í Íslensku þjóðfélagi. Þarna er farið fram á að fólki sé stórlega mismunað eftir getu til ferðalaga og einum ferðamáta á kostnað annars.
Ekki eru það náttúruverndarrök sem liggja að baki heldur óþol óskilgreinds hóps, sem ekki má sjá eða heyra í vélknúnu ökutæki.
Ekki eru allar tillögunar í þessa átt og má reisa „loftnet“ hvar sem er í þjóðgarðinum þótt þessi loftnet eru með díselvél, oftast án hljókúts, og þurfa reglulega olíu sem ekki er flutt nema á olíubílum.
Þarna er verið að tala um svokölluð víðerni, en upphafið þessu hugtaki er að finna í Bandaríkjunum og eru kölluð Vilderness og lagasetningin kölluð Vilderness act frá 1964. Þar voru tekin frá óbyggð svæði og það stærsta í Alaska og er um 15% af heildar flatamáli þess ríkis en önnur ríki tóku frá friðuð svæði og eru þau öll innan við 1% að flatarmáli hvers ríkis.
Mjög stífar reglur gilda um þessi svæði og á ummerki mansins að vera í algjöu lágmarki innan þessara vilderness svæða. Settar voru stífar reglur þar sem allir vegir, skálar og önnur mannvirki vou bönnuð og stífar umgengnisreglur þar sem óheimilt var að mynda gönguslóða og reiðhjól voru bönnuð. Ef fólk fékk leyfi að ganga um þessi svæði var því óheimilt að ganga hvert á eftir öðru, heldur þurfti hver að ganga sýna leið svo ekki mynduðust stígar. Þetta þótti ofsalega fín hugmynd hjá nokkrum sem vildu hafa miðhálndi Íslands útaf fyrir sig og þingnefnd undir formennsku hestakonunar Kristínar Halldórsdóttur bræddi saman texta um ósnortin víðerni sem áttu að vera allt að 64% á öllu landinu. Þessi víðerni áttu að vera minnstst 25 ferkílometrar og áttu vegir, rafmagnslínur og stæri mannvirki ekki að vera inni á þessum svæðum. Allt vélknúið átti að vera bannað og einnig girðingar. Skálar áttu á fá að standa og tækjabúnaður þeirra.
Ferðamaður átti að geta fundið sig einan á stóru svæði án truflunar frá öðrum, svo framanlega sem hann lítur ekki til himins, enda er enn heimil flugumferð yfir Íslandi.
Allt átti að miðast við að gangandi og ríðandi fengju að fara um þessi ósnornu Víðerni, en ekki akandi. Vissar undanþágur þurfi að hafa tilækar, enda eru skálar ekki reistir og ekki hey flutt án véknúinna ökutækja ásamt trússi og öðru tilherandi.
Þarna var "ég“ hugsunin í algleymingi og ekkert tekið tillit til þeirra sem ekki eru á hestum og þeirra sem ekki geta gengi um landið þvert.
Þessi tillaga að vernaráætlun Vatajökulþjóðgarðs stríðir alvarlega gegn hefðbundnum ferðalögum Íslendinga um þetta landsvæði. Fjölskildufólk verður útilokað frá stórum landsvæðum, fötluðum er eingöngu tryggt aðgengi að salernum, en ekki náttúrunni. Allir aðrir en þrautþjálfaðir göngumenn fá ekki aðgang eins og hefur verið.
Páll Ásgeir nefndi í fyrri pósti að stofnun Vatnajökulsþjóðgarðs væri ekki til að viðhalda óbreyttu ástandi, heldur til að breyta því.
Við hvern er hann að berjast? Er hann að berjast gegn virkjunarfyrirtækjum? Nei öll hugsanlg virkunarsvæði eru ekki innan þjóðgarðs. Er hann að berjast fyrir náttúrunni? Það er spurning sem ég vildi sjá hann svara, en flestar lokanir innan Vanajökulsþjóðarðs, eru ekki náttúrunnar vegna heldur vegna þeyrrar tiktúru einhverra sem ekki vilja sjá eða heyra í öðru ferðafólki og er þá ekki auðveldast að úthýsa ökutækjum?
Hvert markmið stofnun Vatnajökulsþjóðgarðs?
1. grein laga um Vatnajökulþjógarð nefnir auðvelda aðgengi almennings, en meginmarkmið tllögu að vernaráætlun virðist vera að takmaka aðgengi almennings.
Tekið er sérstakelga fram i upptalningu skála innan Vatnajökulsþjóðgarðs, í hvaða skála almennini heimil gisting. Má þá skilja þetta þannig að ef ekki er nefnd heimil gising, þá er gisting óheimil?
Rita ummæli
Nú hefur stjórn Vatnajökulsþjóðgarðs auglyst tillögu að verndaráætlun:http://www.vatnajokulsthjodgardur.is/starfsemi/a-dofinni/nr/236
Mikið er boð og bönn í þessu plaggi og minnir helst á umgengnisreglur fyrir börn hjá fínni frú sem safnar kristal.
Umræðan um verndaráætlunina virðist að komast í gang, enda mikilvægt mál fyrir alla hér á landi sem stunda ferðamennsku.
Á Eyjunni hefur Soffía Sigurðardóttir skrifað ágætis pistil http://blog.eyjan.is/fia/2010/05/21/vonarskard/ og kommenaði ég og fleiri við hennar skrif http://blog.eyjan.is/fia/2010/05/21/vonarskard/#comments
Fleiri hafa fjallað um málið og í MBL.is kom grein um málið: http://www.mbl.is/mm/frettir/innlent/2010/05/21/bara_gongufolk_en_hvorki_hesta_ne_jeppa/ en þar er talað við Skúla H Skúlason og Önnu Kristínu Ólafsdóttur, formann stjórnar Vatnajökulsþjóðgarðs, en hún segir: “ að þau sjónarmið hafi komið fram í stjórninni að ef umferð væri leyfð, væri skaðinn skeður. Svæðið væri fyrst og fremst göngusvæði og stjórn þjóðgarðsins þyrfti ávallt að vega og meta þarfir mismunandi hópa. Þarna væri mikil umferð göngufólks og svæðið væri þar að auki viðkvæmt. „Ef við ætluðum að halda þessu friðuðu frá umferð og vernda gróðurfarið þarna, þá varð að taka af skarið. Stundum eru málamiðlanir ekki mögulegar“
Þetta eru miklar fullyrðingar og vekja þessi orð hennar furðu í huga mér, hvað er manneskjan að meina?
Páll Ásger hefur einn lyst stig fylgjandi lokun Vonarskarðs: http://blog.eyjan.is/pallasgeir/2010/04/21/strik-i-sandinn/ en hann treystir sér ekki í rökræður við Skúla H Skúlason og fleiri:http://blog.eyjan.is/pallasgeir/2010/04/21/strik-i-sandinn/#comments enda hefur Páll ásgeir haft allt aðra skoðun til skamms tíma: http://www.ferdamalastofa.is/upload/files/pall_asgeir.pdf Þarna segir Páll Ásger m.a: „Það kemur aldrei neinn í Vonarskarð nema fáeinir jeppamenn í hálfgerðu leyfisleysi og mótorhjólamenn í algerri óþökk því að eftirsóttustu stöðunum er enginn vegur“ Þetta er í algjörri andstæðu við það sem hann og Anna Krisín seigja í dag. Einnig sagði hann: „Þarna vantar ekkert nema svolítinn vegarspotta, nokkur skilti, góðan skála, salernisaðstöðu, góða stíflu í lækinn til að búa til stórkostlegusta villibað á Íslandi og þá mætti taka þarna á móti þúsundum ferðamanna á hverju einasta ári og létta álaginu af öðrum stöðum til mótvægis.“ Þetta er í algjörri andstæðu við það sem þetta fólk seigir í dag, en veröldin er stundum öfugsnúinn og þarf skynsamt fólk til að snúa ofan af þessar vitleysu.
kveðja Dagur
Flott framtak óli, en ég kemst því miður ekki með því ég er bundinn á vakt alla helgina.
Ég þikist nú samt kunna til verka síðan ég var í sveit, en eftir að hafa lesið girðingarreglugerðina [url:12grmcxo]http://www.reglugerd.is/interpro/dkm/WebGuard.nsf/key2/748-2002[/url:12grmcxo] þá er ég ekki svo viss, en fyrir þá sem fara, er reglugerðin skemtilegt lesefni til að lesa í bílnum á leið austur.kveðja Dagur
Nú hefur Páll Ásgeir lýst skoðun sinni að loka eigi Vonarskarði fyrir akandi umferð:
http://blog.eyjan.is/pallasgeir/2010/04/21/strik-i-sandinn/comment-page-1/#comment-1206Strik í sandinn
21.4 2010 | 09:43 | 12 ummæli
Um þessar mundir er verið að ljúka við gerð verndaráætlana fyrir Vatnajökulsþjóðgarð. Ekki er víst að alger sátt ríki um þær ákvarðanir sem þar verða teknar og þess vegna er ágætt hafa eftirfarandi í huga.
Vatnajökulsþjóðgarður var ekki stofnaður til þess að varðveita óbreytt ástand. Honum er ekki ætlað að standa vörð um stjórnleysi og sjálftöku sem of lengi hefur ríkt í óbyggðum Íslands. Þvert á móti er garðinum ætlað að skilgreina notkun lands og umgengni og draga strik í sandinn á hentugum stað.
Mín persónulega skoðun er sú að Vatnajökulsþjóðgarður hafi fundið góðan stað til þess að draga strik í sandinn, nánar tiltekið í Vonarskarði. Ég held að rétt sé að loka skarðinu fyrir vélknúinni umferð og skilgreina það sem svæði fyrir göngufólk.
Um þetta ætti að geta tekist ágætt samkomulag því til skamms tíma var aldrei ekið um Vonarskarð að sumarlagi og því byggir slíkt leiðaval ekki á neinum hefðarrétti.
Vonarskarð er dýrmæt náttúruperla þar sem heitt vatn flæðir fram á vatnaskilum í skjóli jökla við svarta sanda. Við skulum geyma hana eins og hún er því það væru mistök að breyta Snapadal í aðrar Landmannalaugar.Skúli H Skúlason svarar honum mjög svo málefnalega:
Skúli H. Skúlason // 22.4 2010 kl. 14:40
Blessaður Páll
Vissulega rétt að þjóðgarður er stofnaður til að draga strik í sandinn, þá sérstaklega í því skyni að koma í veg fyrir að náttúran spillist og menn geti notið hennar áfram. Einnig er skilgreint markmið skv. lögum um þjóðgarðinn að gefa almenningi kost á að njóta náttúrunnar. Mér hefur hins vegar fundist þessi umræða um Vonarskarð svolítið undarleg á köflum og stundum gott dæmi um að fókusinn brenglast, menn setja fram sínar óska ákvarðanir út frá persónulegum draumum og búa svo til röksemdirnar eftir á.
Umræðan um verndun náttúrunnar í Vonarskarði snýst aðallega um það hvort leyfa eigi akstur eftir vegslóð sem liggur þarna í gegn, þá sérstaklega kaflann frá Gjóstuklifi að Svarthöfða. En er þessi akstur það sem ógnar helst viðkvæmri náttúru þarna? Þessi vegur liggur alfarið í sandi og sést afskaplega lítið (ef undan er skilinn kaflinn þar sem hann liggur eftir stíflugarði sem Landsvirkjun fékk illu heilli að hrúga upp hér um árið). Sjálfsagt er að loka fyrir akstur inn að Snapadal, enda er þar komið í gróður og viðkvæmasta hluta Vonarskarðs. En akstur um hefðbundna akstursleið í gegnum Vonarskarð ógnar ekki náttúrunni þarna. Það er miklu betra að sleppa tilbúnum og veikburða skýringum og segja það beint út að þessi hugmynd snýst um að þarna sé hægt að ganga um án þess að verða fyrir truflun af vélknúinni umferð, að göngumenn hafi svæðið fyrir sig. Það hvarflar ekki að mér að gera lítið úr því markmiði í sjálfu sér ef menn bara tala hreint um hlutina. Víða í náttúrunni má finna svæði þar sem málum er þannig háttað að akstursleiðir liggja ekki að þeim eða um þær og hægt er að ganga um án þess að sjá nokkurs staðar bíl eða mótorhjól og það hefur vissulega sitt gildi. Þarna er vel hægt að ná þessu markmiði með því að fara ákveðna millileið sem allir sæmilega víðsýnir ferðamenn ættu að geta sætt sig við, þ.e. að yfir hásumarið sé akstur bannaður um svæðið, en þegar líður að hausti og dregur úr gönguumferð verði opnað fyrir umferð, enda akstur þarna hingað til verið aðallega bundinn við haustmánuði. Til þess að menn sjái gildi þessarar lausnar þarf hins vegar þann hæfileika að sjá út fyrir eigin bæjarhól, bæði af hálfu fulltrúa göngumanna og jeppamanna og raunar held ég að í þeim hópum sé ekki sérstaklega skortur á því þegar vel er að gáð.
Það sem er hins vegar verst er að meðan fókusinn er á þessu eru menn að missa fókusinn á því sem raunverulega ógnar náttúrunni þarna. Eitt af því sem þar má nefna tengist vissulega akstri, en það er ekki akstur á vegum heldur akstur utan vega. Hann er vissulega bannaður alls staðar, en kannski vantar meira eftirlit þarna. Góð aðstaða fyrir landvörð inn á svæðinu gæti verið viðleitni til að bregðast við þessu. Svo er það umgengni um Snapadal og sjálft hverasvæðið. Það er án nokkurs vafa viðkvæmasta svæðið í Vonarskarði. Ógnunin þar er ekki hjólbarðar heldur gönguskór og raunar aðstöðuleysi. Það er leiðinlegt að koma að hveraleirnum útsporuðum um allar trissur og enn verra að rekast hvarvetna á hvítan og brúnann pappír gægjast undan hverjum steini. Kannski rétt að skjóta því inn í hér að þetta síðast talda vandamál vex ekki þó akstur sé leyfður þarna í gegn, því akandi ferðamenn eru yfirleitt í aðstöðu til að halda í sér þar til komið er að næsta kamri eða klósetti, en þetta er raunveruleg ógnun þarna. Þetta er sá staður sem fólk sækir í, ótrúlega flott umhverfi og í ofanálag þessi fína baðaðstaða sem alltaf hefur aðdráttarafl. Þær hugmyndir sem eru á lofti er að setja gönguskála sunnan við Svarthöfða sem líkega er um tveggja tíma gangur frá svæðinu. Það hjálpar ekki til við þetta og gerir afskaplega lítið fyrir svæðið. Raunar vandséð hvaða tilgangi sá skáli ætti að þjóna, langt úr leið fyrir þá sem þarna fara um. Með því að hafa skálann nær en í hæfilegri fjarlægð myndi hann án vafa draga úr þessu vandamáli, myndi nýtast þeim sem koma til að skoða svæðið og í ofanálag myndi hann nýtast við landvörslu sem er ekki síst mikilvægt. Það er einfaldlega þannig að stærsta ógnin við náttúru svæðisins er ekki akstur þarna í gegn eða bygging á nettum fallegum skála heldur er það aðstöðuleysi ferðamanna. Ég hef ekki svo ævintýralegt hugmyndaflug að sjá fyrir mér að þetta svæði breytist í „aðrar Landmannalaugar“. Inn í Laugar er fólksbílafær vegur, stöðug umferð af rútum alla daga og stórt tjaldsvæði, semsagt öll umgjörð utan um massatúrisma sem ekki er fyrir hendi í Vonarskarði og engar hugmyndir um að skapa.
Nú veit ég ekki hvers vegna margir virðast eiga erfitt með að skilja þetta en ég velti fyrir mér hvort þetta snúist um einhver skilgreiningaatriði á pappírum. Í þeim hugmyndum sem komið hafa fram um verndaráætlun Vatnajökulsþjóðgarðs eru miklar vangaveltur um víðerni og skilgreiningu á því hugtaki og þar eru einhver 5 km viðmið frá „mannvirki“ eins og skála eða vegslóða. Ef það er rétt kenning hjá mér þá ættu menn að athuga að það er miklu meira virði að upplifa náttúruna úti á mörkinni heldur en í einhverjum skilgreiningum á pappírum.
Úr því ég byrjaði að tala um tilhneigingu til að tala ekki hreint út um hlutina heldur búa til götóttan rökstuðning (sbr. að bann við akstri á vegslóðinni í Vonarskarði snúist um náttúruvernd), þá var annað dæmi um þetta í fréttum núna í dag (22. apr.). Umhverfisráðherra var að svara fyrirspurn Sivjar Friðleifsdóttur um veiðibann á austursvæði þjóðgarðsins þar sem ákveðið svæði er skilgreint þar sem allar skotveiðar eru bannaðar. Samkvæmt umhverfisráðherra er þetta gert til að hlífa gróðri og mosa! Nú spyr ég (og sjálfsagt skotveiðimenn sömuleiðis), skemmir göngumaður með byssu meira en göngumaður með göngustafi? Stafar gróðri á svæðinu hætta af rjúpnaveiðum sem fara fram í nóvember? Er það skoðun umhverfisráðherra að gróðri stafi meiri hætta af skotveiðmönnum en öðrum ferðamönnum? Nú er ég ekki skotveiðimaður en mér segir svo hugur að reiði skotveiðmanna stafi meira af svona útskýringum heldur en banninu sem slíku. Það eiginlega liggur í augum uppi að þessar reglur um veiðarnar eiga sér einhverjar aðrar rætur en þarna kom fram og ef menn settu þær hreinskilnislega fram má vel vera að víðsýnir skotveiðimenn myndu gangast sáttir inn á þetta bann, en þetta yfirklór ráðherrans er bara hreinlega móðgun við veiðimenn.En Páll Ásgeir svarar ekki rökum:
Páll Ásgeir // 22.4 2010 kl. 19:13
Sæll Skúli
Löng og ítarleg athugasemd kallar á stutt svar:
Vatnajökulsþjóðgarður var ekki stofnaður til að varðveita óbreytt ástand.kv
PÁÁ
Bætti við kommenti um þetta hjá Páli Ásgeiri [url:3tdc7kwd]http://blog.eyjan.is/pallasgeir/2010/04/11/ad-frida-eda-stjorna/#comments[/url:3tdc7kwd]
kveðja Dagur
