Forum Replies Created
-
Replies
-
Hurðu væni vinur minn
vertu ekki að slugsa,
ávaxtaðu aurinn þinn
um það skaltu hugsa.Ef þú bara botna vilt
og basla eitthvað cheap,
þú gætir líf þitt af því fyllt
með því að aka Jeep.Ef lífið bara um það snýst
að lifa, læra og húkka,
Alla jafna í það hlýst
öldruð ekinn Súkka.Ef utaná þér baslið berð
og gerir flesta vonda,
í venjlega helgarferð
þér ætti að duga Honda.Ef þú vilt af fullri trú
þig úr að leysa hlekkjum,
Þér ætti að duga Malibu,
á risastórum dekkjum.Ef eiginleikar engir berir
og ert til í að missa´n,
engar kröfur sjálfur gerir
og færð þér bara Nissan.Sértu af minningunum háður,
bugaður af "feiser"
Altrei skaltu alsgáður
prófa að aka Blazer.Margir engar kröfur gera
forðast bara "púkó"
gera sjálfa sig þó bera
af því að aka mússó.Suma dreymir fjallaferðir
og líka Range Rover,
þeir allir verða "lygamerðir"
nema að játa "game over".Einnig bara til að nefna
gamlan lítinn fant,
engra harma á að hefna
"old charm" du Trabant.Ef þú engar gerir kröfur
um gamlan hómopata,
þú segir áfram þínar sögur
um Niveau de Lada.Stöku menn þá dreymir um
stóran, mikinn, lord.
Stífbónaðann risa Hummer
eða bara ford.
Þó okkur þjái mega bömmer,
tökum annan kord,
Þótt við hér sjáum okkar kammer
spörum okkar ord.Ef þú vilt á fjöllum drífa
og lenda ekki í gjótu.
Á hestaflanna vængjum svífa,
…fáðu þér Toyotu!Eftir einn ei aki neinn…
BÞV
Að sjálfsögðu smá hnoð í restina… hvað um það…
Sæll aftur.
Jú maður kemst helvíti langt í góðum sokkum, no svet…
Já hvar eru allir mínir 4runnerar í LC 90 breytingum. Þetta er skítlétt dót og drífur allra best á "38, af hverju fer enginn á "44 og spælir allan heiminn…
Sjáumst á túr…
BÞV
Sæll Jón.
Já, það er margt að skoða í þessu lífi, en hefurðu reiknað út hvað það kostar þig að skella þér í "38?
Ef þú hefur snefil af þessum "drífa-genum" muntu hvort sem er enda þar (nú eða í "44 sem ég bíð enn eftir að sjá einhvern skella sér í). Mig hefði nebblega langað til að sjá svona Barbí á "44 ("Ég skal spæla allan heiminn elsku mamma…").
Ég trúi að það væri algjör helvítis bomba til einkanota (frekar plásslítill til að fylla af túristum), nógur kraftur, fín fjöðrun og fallegur bíll…
Mig langar til að varpa því fram hér, er enginn LC 90 eigandi með "44 í maganum???
Ef ég væri 10 árum yngri og hefði minna um að hugsa, þá væri ég að skrúfa svoleiðis hjól undir minn…
Ferðakveðja,
BÞV
Sæll Jón.
Ég er að pæla aðeins í þessu hjá þér.
Ég er sjálfur að aka svona Barbí Krúser eins og þú veist, en að vísu á "38.
Ég er pottþéttur á að þú drífur helling á "36 hjólum, en ég er sammála viðmælanda þínum að ég myndi hafa þau á "12 felgum. Ég hef séð "36 dekk sem sem voru sundurskorin við felguna (þ.e. "10 felgur) eftir úrhleypingar. Ég hef séð svona bíl á "35 hjólum og hann gerði sig bara mjög vel (að vísu lunkinn dræver).
Það er ábyggilega allt í lagi að keyra "36 á "10 felgum ef maður ætlar ekki að hleypa úr, en ég held það gangi illa ef þú ætlar að "jeppast" eitthvað að ráði.
Ef þú ferð í "38 þarftu að færa afturhásinguna, olíutankinn og klippa meira úr, auk þess sem þú þarft held ég stærri kanta. Þá ertu hins vegar kominn með bíl sem fjaðrar talsvert betur (þessir 12 cm. í hásingarfærslunni muna ótrúlega miklu), drífur betur og þú getur spælt alla "38 kallana í kringum þig ( og"44 kallana á þungu bílunum), en allt er þetta spurning um pening og ástríðu til að drífa (sumir leggja allt undir eins og þú veist, bara til að drífa oggulítið meira en hinir).
Annars hvet ég þig bara til að festa þessi "36 dekk ef þú heldur að þau séu á fínu verði, prófa þau og láta reynsluna ráða. Ef þú ert sáttur, ertu í fínum málum. Ef þú ert ósáttur, ferðu bara aðeins lengra og selur gúmíin!
Hvernig heldurðu annars að C að vera kallaður "Jón þrjátíuogsextommu"? 😉
Heyrumst síðar.
BÞV
Sæll Kitti.
Gaman að heyra frá "atvinnumönnum" um þessi mál. Eru "HELLA luminator" þessi bláu ljós frá HELLA? Finnst þér titringur ekkert pirra þig með punktljósin? Kannski er það bara spurning um að stífa ljósin nógu vel af. Það er einnig gott að fá ráð frá mönnum um það hvaða perur endast betur en aðrar, því það er fátt meira pirrandi en að vera endalaust með þær í höndunum.
Mér dettur í hug í þessu sambandi: Ég keypti perur hjá Esso um daginn í grænum pökkum (ég man ekki hvað þær heita) og þvílíkt bölvað drasl. Það var svo slappur ljósgeislinn af þeim að það minnti helst á gömlu amerísku samlokurnar frá því á 7. áratugnum. Ég reif þær snarlega úr og henti þeim.
Lýsum upp tilveruna!!
BÞV
Mér finnst Glanni hafa ótrúlega kímnigáfu að láta sér detta í hug að aðilar úti í bæ "setji snöggvast reglugerð" til að auglýsa væntanlega vöru sína, sem auk þess er þá um leið orðin ólögleg… eða hvað? (a.m.k. ef bíllinn sem þau eiga að fara undir er innan við 3,5 tonn).
Að mínu viti er hér á ferðinni regluverk sem einfaldlega þarf að breyta og það snarlega. Eins og fram kemur í pistli vefstjóra þá eru flestir sammála um að dekkjaskurður eins og hann hefur verið praktíseraður hér á landi stórauki umferðaröryggi, þar sem bílarnir eru miklu rásfastari í snjó og hálku með flipaskurð og/eða skurð þar sem opnað er út úr mynstri.
Mér finnst að þessar reglur dæmi sig líka sjálfar úr leik með því að leyfa dekkjaskurð á bílum þyngri en 3,5 tonn. Hvaða heimsins rök ætli þessir reglugerðarsmiðir hafi haft fyrir því að telja dekkjaskurð á léttari bílum það varasaman að ástæða væri til að banna hann???????
Hér þarf tækninefnd að hóa saman fundi og beita sé í að fá snúið ofan af þessari vitleysu, en þeim tókst sem kunnugt er með málefnanlegum rökum að koma í veg fyrir að hámarkshraði á "40 dekkjum og stærri yrði færður niður í 80 km. nú fyrr á árinu.
Með ferðakveðju,
BÞV
Sæll magnum og aðrir félagar.
Ég frétti að þetta hefði verið magnað teiti og fínar veitingar í boði Renniverkstæði Ægis. Ég komst því miður ekki, en hugga mig við það að Einar Sólons er búinn að bóka næstu tvö bjórkvöld hjá aðilum sem vilja ólmir fá okkur í heimsókn. Gaman að því, og eins mun Skemmti-Einar vera búinn að bóka kokteila á árshátíðum til 2004.
Skemmtinefndin er í fínum málum !!
Með ferðakveðju,
BÞV
Sæll nonnimagg.
Ég átti áður IPF helvíti fína kastara, með gulu lítið skornu gleri. Það voru original 130W perur í þeim sem entust illa, en með 100W OSRAM perum gerður þeir sama/svipað gagn. Þessir kastarar voru léttir í rekstri og lýstu vel, en létu dálítið á sjá hið ytra. Þeir koma ekki með "lúmminu" og því þarf að kaupa það sérstaklega (vírar, rofi og relay).
Nú er ég með IPF 130/100, með hvítu lítið skornu gleri en litaðri "gold" 2ja geisla peru. Fín ljós sem koma með lúmminu kláru, standa sig vel í útliti, en perurnar eru hrikalega dýrar (ca. 4-5000 kall stk.) Ég nota lága geislann nánast ekki neitt, þannig að ég leggði ekki sérstaklega uppúr því í þínum sporum. Ef þú kaupir svona kastara, skaltu rífa krómgrindina framan af þeim, hún dregur helling úr virkninni.
Ég kýs litaða kastara til að minnka endurkast frá snjókomu og ég vil ekki glæra punktkastara, þar sem mér finnst þeir viðkvæmari fyrir titringi og einnig lýsa þeir upp minni flöt. Ég nota kastarana mikið á þjóðvegakeyrslu og er að segja má háður þeim við þær aðstæður.
Ekki eyða peningunum þínum í fiskaugu nema þú viljir skreyta bílinn þinn. Þau eru ekki til annars!
Svo finnst örugglega einhverjum öðrum allt annað, en það er jú það sem gefur lífinu gildi.
Með ferðakveðju,
BÞV
Æ, ég gleymdi að hvetja félagsmenn til að vera duglega að koma breytingum varðandi skráningu sína til felagatal@f4x4.is, eða á skrifstofuna í síma 568-4444.
Við fáum endursend 30-50 eintök af SETRINU í hverjum mánuði, þótt reynt sé að uppfæra gögn um alla þá félaga í hvert sinn. (Auðvitað verður aldrei hægt að fá allt 100% rétt, enda félagsmenn u.þ.b. 1.800 á öllu landinu og hluti þeirra flytur í hverjum mánuði eins og aðrir landsmenn).
Verum dugleg að tilkynna breytt heimilisföng !!!
BÞV
Sæll Jón.
Þetta hefur oft borið á góma hjá stjórn félgsins, en niðurstaðan ætíð orðið sú, að ákveðið hefur verið að hleypa ekki hverjum sem er í félagatalið. Við fáum mikið af beiðnum frá allskonar sölumönnum og þjónustuaðilum sem vilja fá að hringja í félagsmenn eða senda þeim boð um að kaupa vöru sína eða þjónustu (t.d. tryggingasalar og sölumenn viðbótar lífeyrissparnaðar o.fl. o.fl.).
Við höfum viljað fá að ákveða sjálfir hverjir hafa fengið að senda félagsmönnum tilboð og þess háttar og þeir aðilar þá fengið útprentaða miða með nöfnum félagsmanna, gegn greiðslu á kostnaði við útprentunina. Með þessu höfum við talið okkur fría félagsmenn við allskyns "ruslpósti" sem mörgum finnst nóg af fyrir.
Auk þess finnst okkur það vera hluti af friðhelgi einkalífs hvers og eins hvort hann er í félagi eða ekki og það sé þá hans sjálfs en ekki okkar að upplýsa um það opinberlega.
Sumum kann að finnast þetta óþarfa íhaldssemi, en þetta eru nú samt helstu skýringarnar.
Með ferðakveðju,
BÞV
Sælir félagar.
Ég tek undir með Rúnari, sem öryggistæki ættu menn hiklaust að kaupa bílstöð með 25 w sendistyrk. Það er mun skynsamlegri búnaður, m.a. með tilliti til þess að nokkur spotti er oft í næsta endurvarpa.
Bílstöðvarnar eru ódýrari held ég, á tilboðum söluaðilanna til Ferðaklúbbsfélaga heldur en handstöðvar.
Reyndar er best að eiga hvorttveggja, eina handstöð til að geta spjallað við coarann þegar hann er úti í kolvitlausu veðri að reyna að finna leiðina á undan…
með feðakveðju,
BÞV
Sælir drengir og takk fyrir að nenna að spjalla.
Ég er hrifinn af umræðunni um lægri kostnað fyrir ferðamenn til að eignast búnað. En, hvað þurfa menn að borga í vörugjöld, skatt og virðisauka samtals, ef þeir fara út í að flytja þetta inn sjálfir?
Er hægt að fá þjónustuaðila hér heima til að setja rásirnar okkar inn í stöðvar sem við flytjum inn sjálfir?
Bara svona smá pæling…
Með ferðakveðju,
BÞV
Sæll vefstjóri.
Ef þú skoðar síðasta þráð "versta svindl…" þá eru meldaðir inn 6 póstar, en aðeins 4 sjást ef þú smellir á linkinn.
Á þetta að vera svona?
Með kveðju,
BÞV
Sæll vefstjóri.
Mér datt í hug hvort hægt væri að útbúa spjallið þannig að þeir sem eru skráðir inn á hverjum tíma sjái hvern annan. Þannig eru meiri líkur á að menn lendi í „spontant“ spjalli sem hugsanlega gæti leitt til meira lífs á spjallinu.
Þetta er t.d. svona á Hugi.is, þar sérðu hverjir eru loggaðir inn á hverjum tíma.
Hvernig líst félögum annars á þessa hugmynd? Kannski vilja menn ekkert láta það sjást að þeir eru loggaðir inn á spjallrásir allan liðlangan daginn þegar þeir eiga að vera í vinnunni…
Með ferðakveðju,
BÞV
Sæll kæri vefstjóri.
Mig grunar að einhver villa sé að hrekkja okkur, þar sem t.d. núna er sagt að þráðurinn „VHF – CB“ í innanfélagsmálum sé síðast uppfærði þráðurinn og hafi uppfærst um kl. 10.31 í kvöld. Þegar klikkað er á þennan þráð kemur hins vegar í ljós að engin skilaboð eru frá deginum í dag. Ég man eftir að hafa séð þetta áður, en man því miður ekki á hvaða þræði.
Vonandi er ekki mikið mál að laga þetta.
Með kveðju,
BÞV
Sæll Óli og aðrir félagar.
Mér fannst sýningin að mörgu leyti mjög vel heppnuð þó að gestir hefðu mátt vera fleiri eins og þú nefnir.
Vissulega voru Patrolarnir óþarflega margir og svipaðir í salnum eins og margir hafa bent á en á því eru skýringar eins og flestu öðru í þessu lífi.
Mér finnst frábært að heyra þá athugasemd frá ykkur Sigurgeir, sem sennilega eruð reyndustu menn klúbbsins varðandi þessi sýningarhöld okkar, að aldrei hafi mórall og skipulag okkar félaganna verið í eins góðu lagi og núna og að allir hafi unnið sem einn maður við sýninguna.
Ég hef heyrt í nokkrum sýnendum á sýningunni og eru þeir allir ánægðir með það hvað fólkið sem kom á sýninguna var afslappað og gaf sér góðann tíma í básunum.
Hins vegar er ljóst að við þurfum að hugsa rækilega okkar gang áður en ráðist er í næstu sýningu, m.a. hvort ekki sé rétt að hafa hana á öðrum árstíma (síðari hluta vetrar eða snemma vors) og reyna þá að fá inn breiðari línu af sumarvarningi og útivistarvörum þannig að við höfum upp á meira að bjóða á sýningunni.
Allar hugmyndir eru vel þegnar.
Með kveðju,
BÞV
Sælir félagar.
Ég var að komast að því að Edvald Geirsson félagi okkar í fjarskiptanefndinni er í viðræðum við einhverja spekúlanta um að við fáum inn alþjóðlega neyðarrás að ég held sjófarenda (ég held hún heiti 1132) en skv. alþjóðasamningum sem við erum aðilar að er ennþá sólarhringshlustun á þá rás hér á landi.
Málið á eftir að fara fyrir nokkra fundi, sennilega hjá fjarskiptastofnun áður en það fæst á hreint hvort þetta verður hægt, en Eddi var nokkuð vongóður.
Ekki henda SSB stöðvunum…!!!
Með ferðakveðju,
BÞV
Sælir Glanni og Snake.
Glanni er áfram á "jákvæðu nótunum" og sér ekkert spennandi við nýja dekkið. Kannski er það ekki eins spennandi og ég sé það fyrir mér, en ég verð að játa að ég er mjög spenntur að sjá hvernig þetta virkar í snjónum.
Kannski finnst mönnum ég of hátíðlegur, en samt veit ég ekki betur en að þetta sér fyrsta dekkið "ever" í þessum stærðarflokki sem er sérstaklega hannað til snjóaksturs. Hönnunin byggist einkum á reynslu Freysa í Arctic Trucks, sem óumdeilanlega hefur eina mestu reynslu íslenskra jeppamanna í snjóakstri og hefur hlotið verðlaun fyrir þann árangur sinn. Hann hefur játað það opinberlega að hafa einnig horft á þróun í fólksbíladekkjum við tillögur sínar i sambandi við þetta dekk.
Mér fannst gaman að hlusta á röksemdafærsluna hjá Frey á fundinum um daginn, enda lýsti hann þar vel hvernig ákvarðanir um allt mögulegt og ómögulegt í sambandi við þetta dekk voru teknar og mér virtist sem betur fer flest í þeim málflutningi byggjast á reynslu við ÍSLENSKAR aðstæður.
En vissulega er það rétt, við verðum að bíða til áramóta áður en staðfesting byggð á reynslu liggur fyrir…
Gæti gúmíið kannski orðið jólagjöfin í ár… ég ætti í það minnsta nokkuð auðvelt með að "fyrirgefa" frúnni minni að setja svona dekkjagang í pakkann minn…
Með ferðakveðju,
BÞV
Sæll Finnur.
Hvað áttu við með "24/7 hlustun".
Er virkilega hlustun á SSB eftir að Gufunes hættir að hlusta???
Ég veit að það er ekki auðhlaupið að því að fá 2182 inn í stöðina sína eins og Jón bendir á, enda er sú rás hugsuð sem neyðarrás fyrir sjófarendur ef ég skil þetta rétt.
Nú er það svo að SSB er með þeim takmörkunum að það er "bölvað skvaldur" á rásunum, þannig að mönnum hættir til að draga niður í þeim ef ekki er verið að nota þær. Um leið er þetta eina tæki sem virkar 100% alls staðar (þrátt fyrir skvaldirð) dottið út… Það er ekki nóg að merkið þitt náist ef enginn nennir að hlusta…
Það er helst á þessari forsendu sem þessi hugmynd um að semja um sólarhringsvöktun hefur skotið upp.
Haldið áfram að tjá ykkur!
Með ferðakveðju,
BÞV
Ég er sammála Ringo um að könnunn tekur ekki beint á fjölda þeirra sem eru með VHF, en ég er algerlega ósammála því að CB sé ennþá hentugasta tækið milli bíla.
Ég og mínir ferðafélagar hafa upplifað tómt klúður og klandur við notkun á CB, einfaldlega vegna þess að þú þarft helst að vera í sjónfæri til að það virki, menn eru oft með squelchinn hátt stilltann vegna endalausra truflana á rásunum, þannig að oft er einhver félaganna "dottinn út" um leið og meira en nokkrir tugir metra skilja að. Þetta hefur oft valdið meiriháttar áhyggjum og töfum í ferðamennskunni, enda hentar ekki öllum að ferðast alltaf í sjónfæri við alla ferðafélagana.
VHF kerfið er það besta sem ég hef kynnst milli bíla, enda eru rásirnar truflanalausar og mun langdrægari en CBið. CB sleppur vissulega alveg fyrir þá sem nenna að aka í halarófu og helst aldrei með meira en 50 metra á milli bíla, en þar sleppir líka öryggi þess kerfis. VHF rásirnar okkar eru að virka alveg ótrúlega vel, bæði beinu rásirnar og endurvarparásirnar. Vissulega getur verið varhugavert að baktala menn á VHF eða að viðhafa annað ósæmilegt orðbragð sem ekki má fréttast, en það út af fyrir sig lýsir miklu fremur styrk þess kerfis fremur en ókostum.
Venjulegt ferðaraus er eitthvað sem menn eiga ekkert að skammast sín fyrir, enda eiga menn ekki að þurfa að vera að þvælast hver fyrir öðrum með allar þær beinu samtalsrásir sem klúbburinn hefur yfir að ráða.
Ég segi fyrir mig; ég kveiki helst ekki á CB nema að ég nauðsynlega þurfi, sem vissulega gerist þegar einhver ferðafélaganna er ekki með VHF.
Gaman væri að heyra í fleirum um þetta mál, sérstaklega þeim sem hafa kynnst báðum þessum kerfum.
Með ferðakveðju,
BÞV
