Forum Replies Created
-
Replies
-
… ég gleymdi, það er 100% lás í afturdrifinu og verið er að kanna með lás að framan fyrir þá sem það vilja.
Ég hef reyndar aldrei verið með 100% lási í framdrifi, en kannski er öruggast að eiga séns á því núna… 😉
BÞV
Sæll eik.
Original hlutföllin eru 1:3,9 Það eru til hlutföll 1:4.88, þannig að það mál leysist vel (reyndar aðeins umfram aukið ummmál hjólanna) og vegur þá eitthvað upp tiltölulega hátt hlutfall í lágadrifi millikassans sem er rétt tæplega 1:2
Nú ef það dugir ekki setjum við bara dúkkuna á lyfið "lóló" sem er þunglyndislyf sem hefur komið vel út á þunglyndum Patrol eigendum undanfarið.
Ferðakveðja,
BÞV
Sælir.
Hvernig væri að kalla nýju kærustuna Sindy… fyrst maður er búinn að slíta samvistum við Barbí… Aðrar tillögur vel þegnar (það þarf samt nauðsynlega að vera kvenmansnafn).
Ég þakka annars hólið sem mér finnst ég nú ekki alveg verðskulda, þar sem ég hef í sjálfu sér farið nokkuð hefðbundnar leiðið við útfærslu á mínum bílum hingað til (með smá afbrigðum þó).
Bíllinn verður hækkaður 80 mm. á "boddýi", þ.e. settur verður 80 mm. biti milli boddýs/grindar og hjólabúnaðar, en einnig verður 2ja-3ja cm. lyft á gormum. "Hjólabúnaður að aftan verður færður aftur um 12 cm.
Já já, eflaust er hægt að velta svona bílum eins og öðrum, ég átti nú ekki von á öðru…
Lúther, ég fullyrði ekki neitt fyrirfram um það hvort þetta muni virka, en áskorunin er einmitt sú, að þetta hefur aldrei verið gert áður, þ.e. að setja "38 undir bíl með sjálfstæða fjöðrun á öllum hjólum (a.m.k. ekki svo ég viti). Ef ég fíla ekki græjuna eða dríf ekki rassgat, þá rata ég aftur á Nýbýlaveginn… Bestu kveðjur þangað!
Ferðakveðja,
BÞV
Sælir félagar.
Gaman hvað þessi pæling er búin að valda mörgum hugarangri… Ég hef ekki getað staðfest neitt hingað til, en nú get ég sagt ykkur að ég skrapp í Heklu í dag og gekk frá kaupum á nýjum Mitsubishi Pajero. Bíllinn er kominn í breytingu og til stendur að koma honum á "38 hjól.
Þetta er nokkur ákvörðun fyrir mann eins og mig sem hef ekki ekið öðru en Toyota síðan 1990 og líkað vel! (kom einhversstaðar fram áður…:) Það er því ekki að undra að sumir hafi rekið upp stór augu…
Ég hef fyrir löngu velt því upp hér á spjallinu af hverju enginn hafi sett svona bíl á "38 hjól, en sumir hafa haldið því fram að ekki sé hægt að nota drifbúnaðinn í þessum bíl til að setja undir hann "38 hjól, af því að bíllinn er ekki á hásingu að aftan. Sjálfur hef ég haldið hinu gagnstæða fram, með hliðsjón af reynslu minni af sjálfstæðri fjöðrun á Barbí, sem ég tel vera einn helsta styrk þeirra bíla (aksturseiginleikar og drifgeta).
Ég skoðaði einnig nýja 120 bílinn með það í huga að setja hann á "44 hjól (frúin var heit fyrir því!), en ég hef einnig haldið því fram á spjallinu að menn eigi að prófa svoleiðis ´"dúndurbreytingu", en þetta varð niðurstaðan núna.
Þessi bíll er aðeins þyngri (og rúmbetri) en LC 90 en samt léttari en nýji 120 bíllinn. Það verður svo bara að koma í ljós hvernig gengur að fá græjuna til að drífa…
Ferðakveðja,
BÞV
Sæll Siggi.
Ég er sammála þér að menn eiga að hugsa áður en þeir framkvæma, meta hvað þeir fá fyrir það sem fórnað er. M.a. á þessari forsendu er ég sammála eik um það að Kárahnjúkavirkjun er ekki að fullu réttlætanleg meðan orkuverðið er leyndarmál. Þetta er auðvitað ömurlegt laumuspil og lætur alla fá það á tilfinninguna að eitthvert plott sé í gangi hjá Landsvirkjun og stjórnvöldum. Af hverju megum við ekki vita hvert orkuverðið er? Er það kannski svo eins og eik og fleiri hafa haldið fram að almennir raforkunotendur í landinu muni niðurgreiða það rafmagn sem þarna verður framleitt.
Á hinn bóginn tel ég að við getum ekki fyrirfram verið á móti öllu, bara af því að það eru breytingar á ósnortinni náttúrunni. Heildarsýn á skipulagsmál á hálendinu er eitthvað sem menn eiga klárlega að skoða og ég get tekið undir það með þér að það er auðvitað undarlegt að núverandi stjórnvöld skuli ekki framfylgja eigin ákvörðunum um rammaáætlanir. Hví skyldi það vera?
Þessi pæling þín með að leggja niður umhverfisnefndina er að sjálfsögðu grín og ég læt öðrum eftir að svara því…
Ferðakveðja,
BÞV
…ég gleymdi að ég ætlaði að benda mönnum á Jónskrókinn (Jón hjá Alla Bridde hannaði hann) þ.e. þessir gulu sem menn stinga í prófíltengin.
Þetta er það besta/öruggasta sem ég hef séð til að nota í prófíltengin.
BÞV
Sælir.
Það er rétt að gefa gaum að þessu hjá Hirti. Það eru ótrúlegir kraftar í gangi þó það séu ekki miklir slynkir eða rykkir þegar keyrt er í langa teygjuspotta. Ég lenti einu sinni í því að venjulegt (nýtt) prófíltengi með 50 m/m kúlu brotnaði hjá mér. Sem betur fer hlaust ekki slys af, en þetta eru eins og byssukúrlur þegar þetta skýst út í loftið.
Gott ráð er að hnýta galla, úlpu eða e-ð þ.h. á miðjan spottann til að dempa ferðina á spottanum ef e-ð gefur sig. Svo á gangandi fólk alls ekki að standa nálægt.
Það hefur margoft legið við stórslysi við svona aðstæður og full ástæða til að fara varlega.
Ferðakveðja,
BÞV
Sæll Óli.
Ég hef einmitt velt þessu fyrir mér. Hlaut ekki að vera um fámennan hóp að ræða? Ég trúi því seint að heil deild sé sammála í svona máli og þá er spurning hvort hinir fáu sem á fundinn mættu hafi verið að misnota sér deildina með því að álykta í hennar nafni. Skyldi hafa komið fram í fundarboði að til stæði að bera þessa ályktun undir atkvæði?
Bara svona smá pæling.
Ferðakveðja,
BÞV
Sælir félagar.
Bara af því að ég rakst á það í pistlinum hjá Hlyni, þá er rétt að ítreka að Bílabúð Benna er nú að bjóða "38 Mudderinn á 39.990 til félagsmanna. Þetta tilboð kynnti Benni á sl. mánudagsfundi (og ég held líka í Setrinu).
Ég er líka Mudder sinnaður! Við Hlynur erum þó allavegana sammála um dekk… ég átti nú síst von á því vegna þess hve lítið vit hann hefur á bílum…. ob ob ob…
Sælir.
Ég tek algjörlega undir þetta hjá Eiríki og ítreka að ég er ekki á móti skoðunum þeirra sem vilja fara mjög varlega þegar kemur að því að ákvarða um meiriháttar jarðrask. Ég er reyndar einarður talsmaður þess eins og margoft hefur komið fram hér á spjallinu. Mér finnst hins vegar allt ofstæki varhugavert og þá hættir mönnum til að verða ómálefnanlegir (þó alls ekki algilt).
Ég var búinn að gleyma þessu Skúli með suðurlandsdeildina (enda er félagið sem heild ekki að álykta þar). Þetta er einmitt málið!, mörgum finnst svona afstaða fráleit og enn öðrum ef ályktunin hefði verið 180° í hina áttina!!! Við getum ekki og eigum ekki að gera allt vitlaust innan félagsins með því að taka eina "ríkisákvörðun" fyrir alla félagsmenn í þessu máli. Siggi Helga bendir á að nauðsynlegt sé hins vegar að ræða þessi mál á málefnanlegan og hreinskiptin hátt og tek ég undir það.
Reyndar verð ég að játa að ég tel líklegt að suma félaga okkar úr suðurlandsdeild hefur örugglega dreymt um uppbyggðan veg um hraunið úr Landmannalaugum sl. sunnu- til þriðjudag og lái þeim hver sem vill … : )
Ferðakveðja,
BÞV
Sælir.
Þessar myndir eru hreinasta snilld. Gaman að fá þetta svona glóðvolgt á netið. Það ætti öllum að vera ljóst sem skoða þessar myndir að menn eiga ekki að kasta til hendinni við val á spottum og frágang festinga!
Gaman verður að fá erindi og ferðasöguna á mánudagsfundi við tækifæri.
Ferðakveðja,
BÞV
Sæll.
Mér heyrist allir sem prófað hafa, mæla með micro skurði dekkja. Rásfesta í hálku er talin aukast mjög og svo hafa sumir haldið því fram að dekkin slitni minna, þar sem þau fá betri kælingu.
Ferðakveðja,
BÞV
Sæll David.
Ég missti þráðinn þarna um daginn og sá ekki spurninguna þína. Ég hef látið Aron Árnason hjá Jeppaþjónustunni Smiðjuvegi 32 Kópavogi (587-2930) stilla inn mín hlutföll. Þau hafa komið vel út. Sjálfsagt eru til aðrir góðir menn í þessu líka en ég get mælt með Jeppaþjónustunni.
Til gamans: Ég ók Ca. 110 þ.km. á 5,71 og braut aðeins einu sinni afturhlutfall þrátt fyrir óvægna notkun oft á tíðum (dregið, hjakkað, tosað og rykkt, m.a. í erfiðum krapatúrum). Er einnig búinn að keyra 105 þ.km. á "7,5 Barbí framdrifi (tveir bílar 32/73 þ.km) án þess að brjóta drif, jafnvel þótt sumir haldi því fram að þau séu svo léleg að ekki sé óhætt að fara einbíla til Hafnarfjarðar…
Ferðakveðja,
BÞV
Sælir.
Hvenær ályktaði klúbburinn með uppbyggingu hálendisvega???
Búðarhálsinn er fín leið, sérstaklega eftir að brúin kom á Tungnaá !!
Kv. BÞV
Sælir.
Bara svo það sé á hreinu, þá tók ég dæmið um Vinstri Græna bara af handahófi og hefði alveg eins getað nefnt að taka afstöðu til mesta ranglætis Íslandssögunnar, kvótaframsalsins og hvernig núverandi stjórnarflokkar halda vörð um þann óskapnað. Nú eða Evrópudýrkun Samfylkingarinnar… Á Ferðaklúbburinn 4×4 að fara á álykta eða taka afstöðu í þessum málum?
Ef einhver varð sár af því að ég nefndi VG, þá er þessu hér með komið á framfæri.
Það er ofstæki þegar menn (jeppamenn eða ferðamenn) líta á það sem heilaga kýr að engu megi breyta og ekkert gera sem raski umhverfinu. Með sama hætti er það ofstæki að fórna náttúruauðæfum án þess að mat á því hvað við fáum í staðinn liggi fyrir.
eik, mætti ekki alveg eins snúa þessu við og segja að "hæfileg uppbygging vega á hálendinu" stuðli að því að jeppamenn geti ferðast víðar um landið á öllum árstímum? Er það ekki hagsmunamál fyrir jeppamenn líka? Mér hefur sýnst að allir noti þá fínu vegi sem eru til staðar á fjöllum, a.m.k. hef ég aldrei rekist á neinn sem leggur sig fram um að aka bara meðfram þeim…
Að sjálfsögðu á Ferðaklúbburinn að berjast fyrir því að við fáum áfram að ferðast um landið, það er útúrsnúningur að blanda því inn í umræðuna. Á hinn bóginn er ég ekki eins viss um að klúbburinn eigi að berjast fyrir því að aðrir en jeppamenn geti ekki ferðast um landið…
Ferðakveðja,
BÞV
Fyrsti bíll er kominn upp brekkuna við Sigölduna og hinir að laumast upp úr hrauninu þar fyrir neðan. Smá bilanir og óhöpp eins og fram kom hjá GTurbo, en þó aðeins búið að skilja einn bíl eftir, Range Rover (Hang over) sem saup víst aðeins á í einum krapapittinum.
Allir hressir, þrátt fyrir að lítið sé orðið um mat og eldsneyti, en þetta er líka að klárast, menn ættu að ná í Hrauneyjar fyrir hádegið.
Sennilega er þetta nýtt met á þessari leið, ca. 48 klst að fara þessa 25 km.
Baráttukveðjur,
BÞV
Sælir Datsunbræður.
Þið eruð nú meiri snillingarnir. Eruði virkilega að fara barasta á tauginni? Auðvitað er Barbí jeppi! Það hafið þið sjálfir reynt, pikkfastir á rassgatinu með stirðnað vandræðabros og svoleiðis tól keyra hringinn í kringum ykkur…
Enda heyrir maður það helst núna að Datsun menn keppist nú hver um annan þverann við að komast úr landi yfir hábjargræðistímann í jeppamennskunni til að verða ekki að atlægi í snjónum… Kannski er það af því að það vantar malbikið á fjöllum…???
Annars átti ég bara við það, að þótt mörgum sé heitt í hamsi vegna virkjanamála og annarra framkvæmda á hálendinu, þá á klúbburinn ekki að láta draga sig inn í þá umræðu. Skoðanir jeppamanna eru mjög misjafnar í þessu efni, þótt allir séu þeir sammála um helstu markmið klúbbsins sjálfs.
Ég verð að játa það að mér finnst á köflum þessi umræða gersamlega vera kominn á ofstækisstig og menn eru þvílíkt blóðheitir og þykjast flestir hafa hina einu réttu sýn á málið.
Eins og ég hef áður sagt, eru alla vaga tvær hliðar á málinu og hægt að rökstyðja þær báðar nokkuð vel. Í öllum bænu látum ekki svona eldfimt mál fuðra upp í höndum félagsins, þannig að það skaðbrennist…
Ferðakveðja,
BÞV
Sælir.
Af hverju viljið þið kljúfa klúbbinn með því að múlbinda hann í hápólitískum deilumálum. Er þá ekki rétt að menn taki líka afstöðu til skattastefnu Vinstri Grænna???
Ferðakveðja,
BÞV
Blessaður Eiki.
Fyrst er rétt að upplýsa aðra félagsmenn um það af hverju þú hefur svo mikinn skilning á því með "röflandi landsbyggðarmönnum" að vera lengi á milli staða, jafnvel þótt þú búir bara á Akranesi sem er fyrir alla venjulega í svona…30-40 mín akstursfjarlægð úr höfuðborginni. Það er auðvitað af því að bílkostur þinn býður ekki upp á þann ferðahraða… enda er löngu orðið upplýst að þið Datsun kallar límið dagatal yfir "hæg(ð)amælirinn", enda yfirferðin á þeim nótum. : ))
Ekki skal ég bera brigður á mat ólsarans á þeim bifreiðum sem hann hefir kynnst, en það vekur þó athygli mína að hann telur það ekki eftir sér að skreppa frá Sauðárkróki í bæinn, eins og þið hinir vælukjóarnir… (dæmigert með þessa Þingeyinga… þegar kemur að því að gera eitthvað, þá er bara endalaus væll. Hann er þó á alvöru bíl, þannig að þó maður skilji að þú hafir ekki tíma í endalaus stórferðalög í bæinn á þínum "fjallabíl", þá skil ég ekki hvað plagar norðanmannin. (er hann ekki á stórum Cruiser með lágan þyngdarpunkt?)
Hvernig er það annars, er ekkert að frétta af þorrablótinu hjá ykkur vestlendingum í Húsafelli um síðustu helgi??? Ég hef heyrt að ýmsir hafi gerst hressari en aðrir…???+
Annars finnst mér þetta helvíti skítt hvað allt er seint tilkynnt á þessu neti. Ég bý á Seltjarnarnesi og það tók mig 12,5 min að aka upp í Aukaraf á föstudaginn og það var bara fullt af fólki mætt á undan mér… ömurlegt
Ég sem vill helst skoða í friði…Ferðakveðja, 😉
BÞV
Sæll Sveinn.
Þú ættir að hlusta Þórarinn á breytignaverkstæðinu hjá Bílabúð Benna, ég held að þeir hafi mesta reynslu af Korando breytingum.
Ferðakveðja,
BÞV
