Forum Replies Created
-
Replies
-
Í guðsalmáttugsbænum ekki láta Ellu vita af því hverjir verða þátttakendur – ég hef heyrt að "ÓVISSAN" felist m.a. í því að hún ásamt öðrum úr Óþverrafélaginu muni verða með skemmtiatriði í túrnum.
Með því yrði ferðin eyðilögð…. enda enginn húmor í þessu liði.
Ferðakveðja,
BÞV
Sælir félagar.
Þessi ferð toppar allar aðrar jeppaferðir að einu leyti… Mér er a.m.k. ekki kunnugt um að félagi í vertrarferð hafi áður verið kallaður heim úr miðjum túr til að taka við ráðherradómi…
Merkilegt reyndar að hún skyldi láta hafa sig heim úr svona góðu veðri fyrir ekki betra ráðuneyti…
Til hamingju Siv!
Ferðakveðja,
BÞV
Sælir félagar.
Ég er sammála þessu, boð og bönn eru almennt ekki af hinu góða. Uppbyggileg fræðsla er málið, þannig að hver og einn taki sjálfur afstöðu í málum sem þessu. Var ekki mjög hress með yfirlýsingu okkar ástsæla formanns í fréttum sjónvarps í kvöld – enda finnst mér ekki rétt að vera með upphrópanir og reglusmíð þegar allir eru rétt að ná sér af sjokki helgarinnar. Heppilegra er að skoða málin af yfirvegun fyrst.
Með þessu er ég alls ekki að mæla gegn veltigrindum, þær mættu sannarlega sjást víðar. Merkilegt annars að almennt tíðkast ekki að setja veltigrindur í nýja bíla – það er frekar að menn séu að hnoða þessu í ef bíllinn er kominn e-ð til ára sinna.
Hef annars velt þessu nokkuð fyrir mér á síðustu vikum – eftir að PalliHall skoraði á mig að setja veltigrind í nýju Pæjuna. Alli Bridde mun smíða svona búnað, væntanlega úr 42 mm. heildregnum efnisrörum. Læt mynd fylgja þegar þetta verður klárt.
Ferðakveðja,
BÞV
Sælir félagar.
Ég tók þessa stöng úr Pajero með þróaða-nýmóðins fjöðrun
Það eykur misfjöðrun verulega, en á móti fann ég fyrir því að bíllinn fór að haga sér miður skemmtilega á þjóðvegakeyrslu ef farið var eitthvað verulega yfir 100 (kannski bara ágætis radarvari…)Mér fannst ég ekki finna fyrir því að bíllinn yrði mjög svagur í beygjum, en þess ber líka að geta að ég tók einungis stöngina að aftan úr bílnum.
Þessi origingal aftengi-búnaður í Patrol er stór sniðugur.
Ferðakveðja,
BÞV
Fasteignasalan Miðborg ehf. leggur til 10.000 kall í söfnunina.
Ferðakveðja,
BÞV
Sælir félagar.
Frábært framtak!
Þekki þessa lífsreynslu af eigin raun, þó ekki þá skelfingu að hafa barnið mitt með mér í gegnum svona hremmingar.
Sóðagengið leggur til 10.000 kall í söfnunina.
Ferðakveðja,
F.h. SÓÐA-legustu jeppamanna Íslands, BÞV
Sælir félagar.
Gott að heyra að menn eru heilir. Sjálfur velti ég bíl þarna 1997 vegna galla í GPS leið og mikillar snjóblindu. Gaman að sjá hve fljótt félagar bregðast við með varahluti.
Ferðakveðja,
BÞV
Mar, bara rétt kemur inn á jákvæðum nótum, erekki nema bara öll jákvæð túlkun meint sem "von um skítkast" af virðulegum fulltrúa skemmdarinnar… Þetta veit bara á gott eða hvað….
Ferðakveðja,
BÞV
að þú ert enn á lífi! Já, ég er eins og veira, vill alltaf meira… Annars er ég nú bara að benda á flottustu árshátiðina í mörg ár, með flottustu skemmtiatriðunum og besta Pappadrættinu…
Þetta er flottasta uppákoman í klúbbstarfinu á hverju ári… og ég frétti að enn væru lausir fimm miðar… lucky bastards úr Óþverragenginu….
Ferðakveðja,
BÞV
Ég frétti að einungis ööööööörfáir miðar væru eftir á þessa einu rosalegustu árshátíð í áraraðir…
Ég hef heyrt af stórhættulegum STÖNT- skemmtiatriðum frá Lúdda, stórglæsilegu happadrætti og síðast en ekki síst megaMAT sem bíður okkar á Grand Hotel þetta kvöld!
Sjáumst öll í lóló- skemmtigírnum… sem fer allt…
Ferðakveðja,
BÞV
Hó!
Ég er svo spenntur að ég get varla sofið… Það sagði mér maður að Hlynur væri búinn að vera í útlöndum að redda skemmtiatriðum fyrir óþverragengið…. Ella hlýtur að ritskoooooða allt bullið sem henni berst…
Ferðakveðja,
BÞV
Ég mótmæli hér með 50 cm. ákvæðinu. Það er greinilega samið af aðilum sem hafa ekki vit eða þekkingu á þessum málum, eða þá að um hreint ofstæki er að ræða. Virðum reglur sem settar eru af skynsemi – setjum ekki óskynsamlegar reglur. Gögnum vel um landið og skiljum ekki eftir okkur spor. Það er hægt án þess að aka á 50 cm. þykku snjólagi!
Ferðakveðja, Björn Þorri Viktorsson kt. 230666-5399
Er ekki nýjasta mæling á þesum hæsta hól landsins 2.111 metrar…
feraðkveðja,
BÞV
Frábært framtak, þetta er akkúrat á þeim nótum sem fyrirsvarsmenn klúbbsins hafa aðeins vanrækt á sl. misserum!
Ferðakveðja, BÞV
Sælir félagar.
Því miður komst ég ekki á aðalfundinn og sakna því fundargerðarinnar hér á vefnum (e.t.v. er hún hér einhversstaðar, en ég játa að ég á erfitt með að fóta mig á þessum nýja vef). Jón Ebbi áttar sig á því að það er sótt að okkur úr ýmsum áttum og að við því þarf að bregðast. Hvað hefur stjórn og umhverfisnefnd gert í þeim heilögu skyldum sínum að koma sjónarmiðum jeppamanna á framfæri varðandi þær breytingar sem framundan eru? Hér á ég bæði við þjóðgarða/þjóðlendu þróunina og einnig reglugerðardrögin um akstur utan vega.
Átta menn sig á því að það er leynt og ljóst verið að stefna að því af hálfu "umhverfisofstækismanna" að banna akstur bæði á fjölda slóða sem eknir hafa verið um áratuga skeið og einnig á snjó? Reglugerðardrögin gera ráð fyrir að til að heimilt sé að aka á snjó þurfi bæði frosna jörð OG 50 cm snólag ofaná!!! Það eru teljandi á fingrum annarrar handar þeir dagar sem bjóða upp á aðstæður af þessum toga til langferða á sl. árum.
Mér finnst mikilvægt að stjórn og umhverfisnefnd (og aðrir þeir sem hafa verið að vinna í málinu) haldi okkur félagsmönum upplýstum um stöðu þess. Undirritaður ásamt nokkrum öðrum varaði mjög við þessari þróun fyrir nokkrum misserum, m.a. með hvatningu til stjórnar- og félagsmanna til að skilgreina hugtakið slóð eða slóði, þannig að klúbburinn væri raunverulega fær um að taka þátt í þeirri umræðu sem sýnt þótti að framundan væri.
Því miður fór sú umræða (hér á vefnum) að miklu leyti í útúrsnúninga fulltrúa umhverfisnefndar og mér er næst að halda að menn hafi ekki nennt eða ekki talið neina þörf á að forvinna þetta mál á nokkurn hátt. E.t.v. skjátlast mér, en ég spyr; hafa menn skilgreint þetta hugtak? Ef svo er væri gaman að fá að sjá afkvæmið. Einnig væri gaman að heyra af stöðu og baráttu stjórnar í reglugerðar og þjóðgarðamálum.
Ferðakveðja,
BÞV
Til hvers hásingu?
Ég veit um marga sem eru bara á original búnadinum og virkar bara fullkomlega, baedi "38 og "44 breyttir.
Er sagan um hásingarnar og yfirburdi theirra enn ad komast á kreik??? Spurdu Rotturnar sem voru í Hofsjokulstúrnum hvort hásingar séu ekki sterkar og óbrjótanlegar!
Ferdakvedja úr fjallaferd.
B.V.
Sæll Einar.
Ég er í sjálfu sér ekkert að halda því fram, enda hef ég engar forsendur til þess þar sem ég var ekki á staðnum og varð ekki vitni að þessum óhöppum. Hins vegar hefur það komið fyrir hjá mér eins og öðrum að taka stór og mikil stökk oftast óundirbúið, en aldrei hef ég samt skemmt klafasístemið við slíkar æfingar. Það eitt og sér er merkilegt miðað við þær miklu fullyrðingar um ónýti þessa búnaðar sem margir hafa látið hafa eftir sér í umræðunni bæði á þessum þræði og öðrum.
Ferðaklafakveðja,
BÞV
Sælir félagar.
Auðvitað datt mér í hug þessi annars ágæti þráður (sam orðinn er lengri en ég gat nokkurn tíma látið mér detta í hug) þegar ég heyrði af röravandræðum þeirra Rottubræðra í Hofsjökulsferðinni.
Sjálfstæðir stöndum vér, röraðir bognum vér!
Ferðakveðja,
BÞV
Heyrði rétt í þessu af PIAA hópnum (Sóðagengið) á PAJERO rennireiðum sem ku hafa stungið Patrolana af á leiðinni upp jökulinn. Niðurlæging rörakallanna var víst alger þegar Pæjurnar þeyttust fram úr þeim á báðar hendur…
Þegar niður kom af jöklinum ætluðu rörmenn Íslands víst að jafna um sakirnar og nýttu aðdráttarafl móður jarðar til hins ítrasta með þessum fáu grútarhestöflum sem þeir hafa til ráðstöfunar og segir sagan að Kalli og Þröstur Rottugengisbræður hafi náð alveg rúmlega 100 km. hraða þegar best lét. Voru þeir bræður víst brosmildir mjög þegar þeir sáu nálina síga yfir 3ja stafa töluna og hugðust ná undrunum á mynd, þar sem það ku mjög fátítt að slíkar tölur sjáist á Nissan hraðamælum (sem sumir kalla víst frekar dagatöl…).
Á meðan á myndatökunni stóð yfirsást þeim víst smá vilpa í annars frosinni fönninni og tóku þeir víst eitt glæsilegasta langstökk með atrennu sem sést hefur í langa tíð. Eftir stökkið góða gekk víst ýmislegt úr lagi, en þó ekkert sem ekki mátti hagræða aftur NEMA HÁSINGARNAR! Aumingja Þröstur sem auðtrúa lét selja sér Patrol hásingu undir Terranoinn af því að SAGAN segir að hásingar séu svo sterkar og eiginlega sé ekki farandi austur fyrir Hellisheiði nema að hafa helst tvö rör undir bílnum og alls ekki færri en eitt!
Gulli Rottubróðir fór víst að klóra sér verulega í höfðinu yfir þessu og er víst búinn að afpanta Unimog rörið sem hann var búinn að festa sér undir barminn á Barbí.
Sagan segir að liðhúsin hafi bæði brotnað af framhásingunni á Terranó og að afturhásingin á Patrol sé nú bogin í báða enda og líkist helst aftursvipurinn á bílnum hlaðinni Pæju með sjálfstæðan fjöðrunarbúnað…
Þá fylgdi einnig sögunni að ónefndur morgunsvæfur Akureyringur sem hefur talsverða reynslu af ónýtum rörum, væri búinn að koma sér upp ferðarafstöð og rafsuðutransara til að gera við ónýt rör og er víst búið að vera vitlaust að gera hjá honum síðan í gær, en hann fékk víst útkall í Skiptabakkaskála í nótt til að sjóða þar í Toyota rör. Hann er víst á leiðinni á sínum sjálfstæða fjöðrunarbúnaði til að bjarga ræsis-Rottunum.
Vonandi komast allir heilir heim!
Ferðakveðja,
BÞV
Sæll Skúli.
Sjálfur er ég sveitamaður og er afar stoltur af. Skagfirðingar eru ekkert endilega allir góðir búmenn, en þar er bruggaður góður landi….
Ég játa líka að sjálfum finnst mér gaman að múga og er reyndar búinn að græja Dömuna í svoleiðis verk ef bjóðast. Það væri nú ekkert slor að hengja Bamford múgavél aftan í elskuna og dóla svo um í heilan dag við heyskap…Öxulbrotið tek ég alls ekki nærri mér nema síður væri. Það er í raun fyrsta staðfestingin á því að hægt er að skemma eitthvað í þessum annars frábæru elskum.
Mér finnst reyndar merkilegt ef þú hefur sloppið við að brjóta öxul í landbúnaðartækinu, en það er auðvitað staðfestingin á því að meðferð skiptir máli. Mér er í fersku minni mikil "öxlareisa" Land Rovers í Krapa 2000 sem endaði með drifi á einu hjóli og 3 brotna öxla.
Vona annars að hvorki þú né nokkur annar brjóti eitt eða neitt í Hofsjökulstúrnum (nema kannski odd af oflæti sínu… :).
Ferðakveðja,
BÞV
