Forum Replies Created
-
Replies
-
Sælir félagar.
Þetta er hin fróðlegasta umræða. Mér eins og mörgum öðrum hefur ekki alltaf þótt það til fyrirmyndar sem maður hefur heyrt af innheimtu björgunarsveitamanna fyrir bjarganir og/eða greiðasemi.
Í því sambandi minnist ég sögunnar hér á spjallinu þegar sá sem vitni varð að peningainnheimtu björgunarsveitarmanns sagði frá því á þessum vetvangi. Það vakna auðvitað margar spurningar ef þetta er raunin, enda spratt af því lífleg umræða sem forkólfar Landsbjargar sáu ástæðu til að blanda sér í ef ég man rétt (ég kann ekki að setja link á þann þráð – gott ef einhver nennir því…).
Ef það er rétt sem hér er komið fram að bjöggararnir semji kinnroðalaust um þóknanir vegna aðstoðar sem ekki telst björgun, þá vakna auðvitað spurningar um heimildir, skattskil o.fl. o.fl. Einhver sagði hér að framan að óheimilt væri að nýta þessi björgunartæki sem seld eru án skatta og aðflutningsgjalda í samkeppnisrekstri. Er þá ekki bara einfaldlega bannað að semja um þóknanir fyrir einstök verk yfir höfuð?
Tek það annars fram að ég vil sjá veg bjöggaranna sem mestan, en jafnframt að þeir hafi þann metnað og framkomu sem þarf til að ávinna og viðhalda virðingu í leik/störfum sínum.
Ferðakveðja,
BÞV
Sælir.
Þetta með gírkassalegurnar í Patrol hef ég aðeins kynnst. Þekki mann sem alls ekki þjösnaðist á sínum og þurfti að skipta um legur í 91 Patrol eftir ca 70.000 km.
Heyrist á mörgum að það sé "eðlilegt" í kringum 100.000 km. eða um svipað leiti og heddið fer.
Gaman væri að heyra frá fleirum um þetta, en mér hefur sýnst að flestir Pattakallar kannist við þetta vandamál. Ath. þetta er "endingarbetri" Pattinn, 3ja lítra vélin er víst búin að fá 2-3 upptektir áður en 100.000 km. markinu er náð.
Ferðakveðja,
BÞV
Sælir.
Einhverju sinni sagði Land Rover eigandi sem kominn var í þrot vegna samanburðar um það hvað aðrir jeppar hefðu sem Robbinn hefið ekki… "…nú ef það er ekki, þá bilar það ekki…"
Það er vissulega kostur!
Ferðakveðja,
BÞV
Sælir.
Er þetta ekki "Spicer – eða Dana eitthvað" sem er í hásingunum á Musso. Þ.e. eru þetta ekki eftirlíkingar af slíkum búnaði sem er í þessum bílum? Einhver sagði mér að það hefði verið eitthvað þróunarverkefni við Kóreu að gefa þeim teikningar af ýmsum "nýjungum" (svo sem 20-30 ára gömlum) og leyfa þeim að spreyta sig á þeim.
Framhjólabúnaðurinn á Musso er ekki í ætt við þróaða framfjöðrun hvað ég best veit. Reyndar best að taka fram ef SkuliH skyldi lesa þetta, að ég hef aldrei keyrt Musso og þekki hann því ekki af eigin raun…
Ferðakveðja,
BÞV
æ, ég gleymdi að spyrja ólsarann í tilefni góðlátlegrar ábendingar eik á dögunum. Hversu oft hefurðu velt þessum tíkum þínum eins og þú vilt kalla þær? Manni skilst að þessar dósir séu barasta stórhættulegar!
Með velta-fyrirsér kveðju,
BÞV
Sælir vitringar.
Ég játa það Skúli minn að mér yfirsáust útreikningarnir og viðurkenni það í hvelli. Það er hins vegar rannsóknarefni hvernig í heiminum menn ferðast þá á þessum Róbertum á org. hjólum. Þetta er hins vegar í fyrsta skipti sem það gæti hugsanlega meikað sens að "það þurfi ekki hlutföll". – En nóg um það, þetta er örugglega gríðarlega fínt miðað við þessar tölur og aftur játa ég að ég féll í eigin gryfju og talaði ekki af reynslu… Geturðu einhverntíman fyrirgefið mér þetta fláræði??
Annars finnst mér verst að ólsarinn skuli ekki enn sjá til sólar eftir að ég vogaði mér að kalla hann framsóknarmann. Hann hefur bara ekki verið með sjálfum sér síðan það gerðist og ég er farinn að efast um sálarheill þessa annars mikla höfðingja vegna þessa. Í öllum bænum…. ég skal lofa að kalla þig þessu aldrei aftur…
Já, kannski er Daman ókeyrandi án auka millikassa… Það skyldi þó ekki enda með því líka…
Ferðakveðja,
BÞV
Sæll Skúli.
Auðvitað er það hreinasta bull að halda því fram að breytingu á "38 bíl sé lokið ef ekki er búið að lækka drifhlutföllin á móti stærri hjólum. Með þessu ertu enn að leiða umræðuna á villigötur. Allt bla bla um að þetta þurfi ekki á þessum bílnum eða hinum bílnum er hjáróma þvæla sem allir komast að lokum að að stenst ekki.
Þessu reyndu allir Íshús kallarnir að halda fram á sínum tíma og líka Patrol kallarnir á meðan hlutföllin fengust ekki í þá. Svo steiktu þeir bara kúplingar og drifu ekki rassgat – enduðu svo allir á hlutföllum að lokum.
Ef Robbinn er svona fínn á original hlutföllunum á "38 og "44 hjólum, þá hlýtur hann að vera ókeyrandi á original hjólunum.
Þú ert að misskilja okkur eik varðandi sjálfskiptingarnar. Við erum í raun sammála þér um að þær er vel hægt að nota, en þær krafjast mikillar æfingar. Hlynur Datsun maður sagði einhverntíman að hann hefði verið á annað ár að læra á þetta. Lagnir menn eru mjög seigir á sjálfskiptingunni.
Ferðakveðja,
BÞV
er nú reyndar ekki til í orðabók Pattanna… 😉
Sæll Lúther og til hamingju með nýja bílinn!
Auðvitað er Coolerinn, Pústið og olíuverkið það sem maður teldi að breytti mestu, en auðvitað er það líka dýrasta comboið í þessu. Það breytir engu að fara að fikta í olíuverkinu nema að fá þá cooler og/eða aukið boost frá bínunni í leiðinni (þá færðu bara aukna eyðslu og svartan reeeeyk!
Þessi 2,8 vél tuttlast nú ótrúlega, en hún vinnur ekkert nema á snúningi (þ.e. hún togar ekkert á lágsnúningi). Fullt af mönnum samt að gera fína hluti á svona vélum. Þetta er eins og með allt annað, maður þarf bara að læra á það…
Ferðakveðja,
BÞV
Sælir.
Ég hef heyrt að svona græja eyði engu…
…bara því sem sett er á hana :)+
A.m.k. hef ég ekki séð að það hamli mönnum frá því að ferðast, Jón vinur okkar ofsalegi staðfestir það…
Ferðakveðja,
BÞV
sem endar vel…
Svo þú ert svona stemmdur.
Því miður fór þessi póstur þinn inn á meðan ég var að slá inn hitt svarið. Hefði ég lesið þennan áður, hefði ég ekki svarað.
Ferðakveðja,
BÞV
Sæll JÞJ.
Af hverju þarf þessi umræða alltaf að fara út í þetta skítkast um "minni og meiri bílakarla". Það stóð ekki til að móðga neinn eða særa, en það vill bara þannig til að ég hef sjálfur ekkert alltaf möguleika til að mæta á fundi og uppákomur af ástæðum sem ég ætla heldur ekkert að tíunda hér og svo er það óvart þannig að ég vil líka fá að hafa skoðanir hér á vefnum (ekkert endilega réttar, en engu að síður mínar skoðanir). Ég er ekkert að gera lítið úr því að það hafi meira að segja boðið sig fram maður til að skipuleggja ferð. Það vill óvart svo til að ég sjálfur hef staðið að skipulagi og fararstjórn í slíkum ferðum og yrði síðasti maður til að fara að gera lítið úr þeim.
Varðandi spurninguna þína þá er henni auðsvarað: Auðvitað kunna menn ekkert allt, hvorki nú né þá. Varðandi ábendinguna mína, þá var hún einmitt hugsuð í þeim tilgangi að menn læri af reynslunni (án þess þó að menn séu að taka óþarfa áhættur). Reynslan er besti kennarinn og mín tillaga laut að því að kynnast persónulega einum eða tveimur vanari mönnum sem geta leiðbeint og hjálpað af stað. Ég held meira að segja að nýliðar fái mun meira út úr slíku heldur en endilega að keyra um í 20 bíla lest og ná kannski ekki eins góðum persónulegum kontakt við þá sem þar stýra för. Ég nefndi líka þetta með að "grípa daginn". Þá á ég við að það er hægt að fara þegar veðrið er gott, en því miður er ekki alltaf hægt að stóla á slíkt þegar planað er með löngum fyrirvara og vissulega skiptir veðrið miklu ekki hvað síst í nýliðaferðum.
Annars veit ég ekki af hverju ég er að svara þessu hjá þér…, sennilega aðallega vegna þess að mér fannst þú vera að gera mér upp eitthvert yfirlæti með fyrri skrifum mínum en svo er alls ekki.
Gangi þér allt sem best.
Ferðakveðja,
BÞV
Sæll Benni.
Helvíti ertu öflugur! Bara með sérbíl fyrir frúna. Þetta hefðu Sindri og Ella þurft að gera líka í stað þess að berjast um ökuréttinn heilu helgarnar…
Annars er þetta hættuleg þróun og alveg í stíl við allt "jafnréttisbröltið" í þessu landi að nú skuli þurfa sérjeppa fyrir frúna. Manni hálfvegis fallast bara hendur. En talandi um jafnrétti, er það þá ekki hennar mál að halda græjunni við…
Ertu ekki kominn með milligír í 120 bílinn?
Ferðakveðja,
BÞV
Sæll.
T.d. hjá Alla Bridde (Prófílstál) á Höfðanum. Nú svo eru auðvitað Benni, Fjallasport og Arctic Trucks að selja þetta líka held ég.
Ferðakveðja,
BÞV
Sæll.
Með til þess gerðum kapli. Talaðu við seljanda tækisins þíns og fáðu hjá honum kapal. Þetta er einfalt.
Ferðakveðja,
BÞV
Sælir félagar.
Mér finnst Jón Ebbi koma með mjög sannfærandi greiningu á þessu með muninn á röri og klafa. Auðvitað hefur allt eitthvað til síns ágætis. Þetta með drifgetuna, þá hef ég oft velt því fyrir mér að þegar klafabíll er að stoppa í þungu færi, þá sjá menn snjóinn sem hann ryður á undan sér, en slíkt sést ekki eins vel á rörabíl, auk þess sem í sumu færi nær eitthvað að fara yfir rörið. Kannski er það þess vegna sem fordómarnir eru svona miklir í garð þessa búnaðar hjá sumum? Ég þekki líka menn sem eignuðust bíl með þróaðri fjöðrun og þóttust verða að byrja á því að setja hann á rör áður en þeir færu út af tjörunni, en svo keyra þeir bara og keyra og hætta að minnast á þetta.
Ég vil samt undirstrika að sjálfur hef ég reynslu af því að t.d. í krapa, þá er bíll á röri heppilegri til að smella út í óþverrann… Já og þetta með verðið á breytingunni gat aldrei staðist hjá SkúlaH og gott að fleiri en ég eru búnir að skoða það mál.
Þetta með legurnar var skemmtilegt innlegg hjá Snorra og sennilega er þetta stór (stærsti) þátturinn í endingartíma hjólalega (þ.e. að fá ekki skít og óhreinindi í þær). Þó veit ég dæmi þess að hjólalegur að aftan í Hilux hrundu á "44 hjólum áður en það náðist að skíta þær út eða eftir svo sem 1-2 þús. km. Þar er búnaðurinn einfaldlega ekki að þola svo stór hjól.
Einar bendir á muninn á sjálfskiptingum og beinskiptingum og get ég alveg fallist á það sem þar kemur fram, það er að mörgu leyti erfiðara að læra á sjálfskiptingu í þungu færi en beinskiptingu. Þetta þekki ég af eigin raun, þar sem Daman er fyrsti sjálfskipti jeppinn sem ég hef átt og satt að segja gekk nú ekkert sérstaklega í upphafi og þar var mitt reynsluleysi á sjálfskiptingu sennilega stærsti þátturinn (hreinn og klár klaufaskapur til að byrja með)
Hins vegar kem ég nú alveg til með að sofa rólegur áfram þótt þessi amerísku organisations séu að vara við hættueiginleikum Montero/Pajero.
Annars er þetta að verða pínu vindlaust og allir meira og minna sammála – sem er vont… Ég minni á að í upphafi þá var ég að segja frá fjöðrunarsviðinu (travel) í Pajero sem er nokkru meira en í original 80 Cruiser og kom það mér satt að segja mjög á óvart, þar sem umræðan hefur yfirleitt verið á þá leið að fjöðrunarsvið í sjálfstæðri fjöðrun væri almennt mun minna en í rörabílum. Það er eins og svo margt annað sem er í hinni almennu umræðu, sem er ekki endilega rétt þegar maður káfar á því sjálfur…
Ferðakveðja,
BÞV
Sæll Benni.
Hvernig er þetta eiginlega með þig? Ertu hættur í barbíleik og kominn alfarið í ammeríska drauminn???
Helvíti góð mynd af þér annars á Svaðilfara í túrnum þarna um daginn!
Ferðakveðja,
BÞV
Sælir félagar.
Margir góðir punktar á þessum þræði og skýringar sem greinilega þarf að koma á framfæri annað slagið.
Mér finnst þetta samt snúast fyrst og fremst um það að menn (og konur) sýni pínu frumkvæði sjálfir til að ná sér í þá upplifun sem þeir eru að sækjast eftir. Þetta á bæði við um menn á lítið- og mikið breyttum bílum. Með því að mæta bara í opið hús, mánudagsfund nú eða einhverja ferð, kynnast þeim sem eru að starfa og fylgjast með í félaginu, er strax kominn grundvöllur til að búa eitthvað til á eigin vegum. Þá á ég við að t.d. 2-4 taki sig bara saman og skreppi eitthvað hér í grenndinni til að reyna á fákana og sjálfa sig. Þetta er hægt að gera án mikils undirbúnings og nánast hægt að "grípa bara daginn" þegar gott er veður. Á dögunum var t.d. nægur snjór hér rétt ofan Þingvalla og norðan Meyjarsætis voru "38 bílar í brasi við að komast áfram. Aðeins 30 mínútna akstur úr bænum…
Hin leiðin er sú að reyna að fá skipulagða svona ferð, helst auglýsta og mikið umstang og skipulag… það er að mínu viti lengri leiðin, auk þess sem alltaf er þungt að færa til ef veður er óhagstætt o.þh.
Varðandi breytinguna á runnernum, þá tek ég undir með Einari varðandi No spin læsinguna. Þetta er vissulega alvöru læsing og svíkur aldrei, en ef þú ert að nota bílinn í hefðbundið snakk hér í bænum, þá er þetta leiðinlegur búnaður af því að það er ekki hægt að taka hana af. Það er hægt að herða upp á svona LSD læsingu þannig að hún virki bærilega vel. Ég notaði slíka læsingu á "38 hjólum fyrir nokkrum árum og hún hjálpaði heilmikið þótt vissulega sviki hún við allra erfiðustu aðstæður.
Það hvort þú ert á leiðinni á "35 eða "38 hjól fer svo bara eftir þeim áherlsum sem þú ert að sækjast eftir. Þar þarf einfaldlega eins og alltaf að vega alla kosti og galla.
Ferðakveðja,
BÞV
Sælir félagar.
Já, ég segi eins og margir fleiri, þessi umræða er ekki alvitlaus. Samt sýnist mér ennþá eima eftir af pínu þráhyggju hjá SkúlaH í þessu efni. Hann gerir lítið úr því að ég sé að kalla eftir reynslusögum og frásögnum frá þeim sem sjálfir hafa prófað og upplifað. Það er hins vegar einfaldlega forsenda þess að menn eigi skynsamleg skoðanaskipti sem byggjast á upplýstum staðreyndum en ekki sögusögnum og for- eða sleggjudómum. Reyndar er hann þó einnig búinn að staðfesta það að mörgum gengur bara býsna vel á þessum búnaði.
Mér finnst athyglisverður punkturinn sem fram kom hér áður, að menn tala lítið um original rörin sem eru allt of veik, þannig að það þarf að koma nýju slíku fyrir, en alhæfa svo endalaust um klafana sem "sagan segir" að séu ónýtir.
Þá vil ég einnig benda á að kostnaður við breytingar á jeppum virðist mér lítið/ekkert hafa með þróaða fjöðrun að gera. Ég hef þegar bent á að kostnaður við að breyta Patrol (rörabíll) á "38 hjól er 1130 þúsund. Ég hef síðan sannfrétt að í því verði er hvorki að finna drifhlutföll né hásingafærslu. Til samanburðar er verð á "38 Pajero breytingu 1379 þúsund með drifhlutföllum og færslu á afturöxli um 12 cm. (sjálfstæð fjöðrun á öllum hjólum). Ég leyfi mér að halda því fram að drifhlutföllin og færsla afturröxulsins geri meira en að skýra þennan verðmun og þar með er fullyrðingin um "dýrari breytingu" á bíl með þróaðri fjöðrun kolfallin.
Í þessu efni grunar mig að menn hafi í upphafi verið með LC 120 í huga og þá gríðarlega dýru breytingu sem þar er á ferð, en staðreyndin er hins vegar sú að þar eru allt aðrir hlutir en hin þróaða fjöðrun sem skýra þann mun s.s. óheyrilega dýrir brettakantar, bremsubreytingar og annað slíkt sem í raun hefur ekkert með útfærslu fjöðrunarinnar að gera. Ég skrapp að gamni á vefsíðu B&L til að kanna með verð á "38 breytingu á Defender Land Rover, en fann það ekki fyrir nokkurn pening… Er umboðið ekki að bjóða upp á slíkar breytingar? Ath. þessi verð sem ég hef nefnt að framan eru listaverð frá umboðsaðilum, ekki frá Pétri eða Páli sem keppast við að bjóða ofurlág verð og skila svo vinnu og útfærslum í samræmi við það.
Í raun var ég búinn að gleyma því sem eik benti réttilega á, aða Hummerinn er með þessari hönnun (þ.e. sjálfstæðri fjöðrun á öllum hjólum) og ég segi eins og hann að mér er ekki kunnugt um að þar hafi verið teljandi vandamál á ferð, án þess þó að ég hafi af því persónulega reynslu
Garðar Vilhjálmsson ók slíkum "44 bíl um árið og sá a.m.k. ekki ástæðu til að hlífa honum neitt…Lifi Þróunin!
Ferðakveðja,
BÞV
Sæll.
Fáðu að skoða þetta í gamla bílnum hans Jóhannesar Jóhannessonar (eða hafðu samband við hann 693-6805). Þar var þetta mjög snyrtilega leyst.
Ferðakveðja,
BÞV
