Forum Replies Created
-
Replies
-
Sæll Benni….
Veit ekki betur en að þú hafir lagt út meiri pening en það til að eignast spil sem þú fluttir inn sjálfur.
Er ekki ca: 35 kall í viðbót við þetta sem þú tapaðir í viðskiptum við aðila í Ameríkunni sem sveik þig??
Þannig að 79 þ. + 35 .þ eru nú hvorki meira né minna en 114 þúsund, vantar lítið uppá til að kaupa nýtt spil hjá t.d. Bílabúð Benna og þá fá ábyrgðina með.
Bara svona smá pæling af því að ég veit af hinu 😉
Ekki þar með sagt að maður eigi ekki að flytja inn hluti sjálfur. Um að gera að prófa. Ég prófaði og er mjög sáttur við mína vöru.
Tapaði sjálfur peningum á sama aðila og þú.
Kv. Siggi
44 tommu Cruiser vx árg 92
Verð 3.2 millurHvað er í gangi? Þetta er 13 ára gamall bíll.
Þó svo að þetta sé mikill og góður bíll og fullt af nýju dóti í honum, getur þetta talist eðlilegt?
Það væri gaman að lesa hvað mönnum finnst um þetta.
Þó svo að þetta sé Toyota að þá hlýtur þetta að vera einhver brenglun, eða hvað?
Kv Siggi
Hvernig er það…??….Ætla menn ekkert að taka sig saman og mótmæla þessu?….Það var talað um að dísel olían muni kosta 112 krónur…
Eigum við að láta þetta ske án þess að gera nokkuð???
Ég meina….Ég get ekki mótmælt þessu einn…það er eins og að pissa í skóinn sinn til að hlýja sér….
Gefur EKKERT…
GERUM EITTHVAÐ.
Kveðja..
Sigurður Friðriksson
Sælir félagar!
Hvernig væri það nú að við díselfólkið sýnum samstöðu í þessu máli? Það vill alltaf verða þannig að Íslendingar tala og tala um að vilja mótmæla þessu og mótmæla hinu og gugna svo alltaf þegar á hólminn er komið.
Breytum þessu,gerum eins og frakkarnir, mótmælum þannig að tekið verði eftir því….
Söfnum saman lágmark 500 jeppum á degi hverjum og leggjum þeim einhversstaðar þar sem þeir verða fyrir, stoppum umferðina við austurvöll, stoppum umferð inná bensínstöðvar, eða eitthvað annað róttækt sem mönnum dettur íhug.
En það er nokkuð ljóst að það þarf eitthvað að gera í þessu. Það er bara verið að ríða okkur í rassgatið með þessu, ósmurt í þokkabót og bensínfólkinu líka ef bensíngjöldin hækka.
Þetta þýðir að í raun geta ALLIR meðlimir klúbbsins mótmælt þessu og þar af leiðandi stjórn þess.
Þetta hækkar rekstrarkostnað á ALLA jeppamennsku sama hvort um sé að ræða hobbý eða atvinnustarfssemi.
Þetta hækkar flutningskostnað, á landi allaveganna og skilar það sér einungis í verðlagið sem við þurfum öll að borga og þá er þetta orðinn svolítið meiri hækkun en um er rætt.
GERUM EITTHVAÐ RÓTTÆKT
Kveðja ósáttur Íslendingur
Sigurður Friðriksson
Sæll Palli!!
Eitt skulum við hafa alveg á hreinu. Ég sagði að mér hafi verið lofað endurgreiðslu útaf þeim aðstæðum sem gerðu að ég komst ekki í ferðina og er það staðreynd sem þú þarft ekki að segja mér.
Svo mættumst við á línuveginum sem liggur af Kaldadal og austur í átt að skálaþyrpingunni sunnan Langjökuls og nefndir þú þar að ég ætti alltaf eftir að fá endurgreitt fyrir ferðina, mikið rétt. En hvorki þá né seinna baðstu mig um reikningsnúmer til að leggja inná heldur nefndir að við ættum að vera í sambandi útaf þessu. Og jú það er líka rétt að þú spurðir mig hvernig systir mín hefði það og kann ég að meta það við þig Páll.
Ég nefndi enginn nöfn þar sem að ég ætlaði ekki að fara að skíta einn eða neinn út. En verð ég nú að segja að mér finnst alveg merkilegt að að fá svona skít í hausinn frá þér hérna.
Ég er ekki að segja að þetta sé bara einhverjum öðrum að kenna, en mér finnst fúlt að þurfa að ganga á eftir pening sem mér var lofað að skyldi endurgreiðast sem ekki hafi þurft að vesenast í að rukka mig um upphaflega þar sem að ég greiddi hann á fyrsta fundinum sem haldinn var vegna þessarar ferðar.
Og til að hafa einn hlut alveg á hreinu PALLI að þá hringdir þú aldrei í mig útaf þessu heldur var þetta bara nefnt í þetta eina skipti sem við hittumst á fyrrnefndum línuvegi.
Og svo annað, ég nenni ekki í einhverja pyssukeppni við þig varðandi skrif á netinu. Vil bara benda þér á það að ég hef nú lítið skrifað á þetta blessaða spjall undanfarna mánuði og hef nú ekki verið að væla í hvert sinn sem ég hef opnað gogginn.
Kveðja
Siggi Frikk ( "vælukjói" )
Ég má nú til með að skjóta svipuðu máli að þó svo að það sé orðið rúmlega 2gja ára gamallt.
Var búinn að skrá mig í nýliðaferð og búinn að greiða fyrir mig og kóarann kostaði samtals 8.000.-
Var orðinn klár að leggja af stað í ferðina og aðeins ca: 1/2 tími til brottfarar. Búinn aðgera bílinn kláran og var að sækja kóarann þegar hringt er í mig og mér sagt að systir mín hafi lent í mjög alvarlegu bílslysi með öll börnin sín í bílnum, ákvað ég því að fresta því eins lengi og ég gat að fara af stað í ferðina þar til að ég vissi betur hvernig ástand þeirra var.
Hringdi ég í Fararstjóranna fljótlega og varð að tilkynna að ég kæmist ekki með í ferðina þar sem að systir mín væri á gjörgæslu nær dauða en lífi. Var mér tjáð að ég fengi endurgreitt þær 8.000.- sem ég hafði lagt út þar sem að þetta væri eitthvað ófyrirsjáanlegt.
Ég er ekki að kvarta yfir að hafa ekki fengið endurgreitt þar sem að það eina sem skipti mig máli var systir mín og börn hennar.
En mér finnst svolítið fúlt að mér hafi verið sagt að ég fengi endurgreitt en að það hafi svo aldrei komið.
Þetta eru þó tvenn ársgjöld í klúbbnum og rúmlega það.
Sumt í rekstri félagsins þarf að endurskoða.
Kv
Siggi
Ég myndi skipta út vökvanum, bremsuvökvi er "fersk" vara og þarf að skipta honum út þar sem að hann "slitnar" alveg eins og bremsuklossar. Sé vökvin orðinn mjög gamall getur hann haft þessi áhrif.
Bremsurnar voru orðnar svona í bíl hjá mér og ég skipti um vökvan og var þá í fínu lagi með bremsurnar eftir að allt loft var komið af.
Ástand bremsuvökvans skipta miklu máli, alveg eins og að vera með heila klossa og diska.
Kv
Brutal
Sæll
Mæli með því að þú farir á einhvern geymasölustað, t.d. Rafgeymasalan í Hafnarfirði þeir mæla geymirinn ókeypis og þá kemur í ljós hvort að hann sé ónýtur eða ekki.
Myndi telja það gáfulegra að byrja á því frekar en að tæma sýruna og skola og hella á hann aftur…
Þú færð svar strax hvort að það sé í lagi með hann.
Kv
Brutal
Ég vil taka það fram að menn fá að sjálfsögðu ekki svona afslætti þó svo að sumir séu það ósvífnir að fara fram á að fá þá. Þetta var bara dæmi sem ég tók vegna skilningsleysis hjá fólki varðandi sölulauna.
Tökum eitt dæmi.
Toyletti sagði að bílasalar rukki um himinhá sölulaun fyrir enga vinnu.
Tekið skal fram að fastur kostnaður við reksturs bílasölu er gífulegur miðað við að vera ekki nema 1 – 3 starfsmenn og eins og áður sagði þá eru sölulaun eina tekjulind bílasölu og að halda því fram að fólk borgi sölulaun fyrir enga vinnu er eins heimskulegt og það mest getur orðið.
Bíllinn myndi aldrei seljast nema að þessi þjónusta væri veitt og þarf að halda úti miklum kostnaði þess vegna.
Ég vona að menn sýni skilning fyrir því að Bílasala er ekkert öðruvísi en annar rekstur þar sem að tekjur þurfa að koma inn einhversstaðar frá til að geta veitt þá þjónustu sem fyrirtæki veita.
Kveðja
Bílasali
Sæll Ásgeir a.k.a. gurkan!
Í fyrsta lagi borgar sig ekki að ráðast á menn án þess að vita hvað þeir eru að tala um. Ég greiði félagsgjald í þennan klúbb og hef gert síðan ég varð félagi.
Og að sjálfsögðu veit ég nákvæmlega hvernig jeppa ég á, ekki þar með sagt að ég sé skyldugur til að útlista nákvæmlega öllu um hann. Síðast þegar ég gerði það lenti ég í því að brotist var inn í hann og allur búnaður hreinsaður úr honum og er það lífsreynsla sem ég óska engum manni. Er það eiginlega ástæðan fyrir því að ekki séu meiri upplýsingar um mína bíla.
Borgar sig ekki að vera með skítkast og leiðindi útí náungann nema að hafa fyrir því rök og vita um hvað maður er að tala.
Finnst megnið af þessum þræði vitleysa frá upphafi til enda. Væri mun skemmtilegra að lesa málefnalega þræði en ekki einungis fullyrðingar og skítkast í garð annarra.
Ég er sammála mörgu af því sem sagt er um bílasala og eru því miður alltof margir í þessari stétt sem ættu alls ekki að koma nálægt þessu og meira að segja sumir hverjir henni tengdir sem ættu varla að ganga lausir.
Þætti mér reyndar gaman ef einhver á þessum ágæta vef gæti bent mér á stétt þar sem ekki einn einasti er engan veginn hæfur til starfa í þeim geira sem hann vinnur í.
Kveðja
Sáttur bílasali
Sæll Bjarni Þorgilsson a.k.a. BTH!!
Í fyrsta lagi verð ég að hrósa þér fyrir HELVÍTI flotta grein þar sem að ég hló eins og um besta uppistand væri að ræða.
Mín svör við þínum athugasemdum eru eftirfarandi.
a) Svara nær aldrei meilum sem sendar eru á bílasölurnar. = Þetta er fullyrðing sem á ekki við rök að styðjast sambærilegt að gera alla jeppamenn ábyrga fyrir utanvegarakstri fárra manna. Sem einnig er fáránleg fullyrðing.
b) Það er ekkert að marka vefi s.s. bilasolur.is þar sem að ótrúlega margir bílar eru seldir sem eru þar inni og bílasölur virðast ekki einu sinni hafa fyrir því að taka þó út þegar það uppgötvast = Það er engan veginn hægt fyrir bílasala að halda skránni ferskri á þann hátt sem þú talar um þar sem að bílar eru ekki teknir útaf skrá fyrr en upp kemst að hann sé seldur og er ekki hægt að fylgjast með því nema með auknum kostnaði sem myndi skila sér í hærri þjónustugjöldum. Þökkum við ávallt þeim sem hafa samband og láta vita að bíll þeirra sé seldur, ert þú einn af þeim Bjarni?
b2) Ótrúlega margir bílar rangt skráðir í grunninn = Það er reyndar margt til í því hjá þér,. Margir bílasalar þekkja ekki suma bíla eða gerðir í sundur og geta þar af leiðandi ekki skráð réttar upplýsingar nema að eigandi viðkomandi ökutækis segi satt og rétt frá um bílinn sinn. Vill svo vel til að margir bileigendur hafa ekki hugmynd um hvað sé í bílnum þeirra eða hvaða týpa bíll þeirra sé. Þar af leiðandi ekki hægt að dæma bílasala eingöngu í þessu sambandi.
c) Margir hverjir segja " já ég skal kanna það, hef svo samband" ekkert gerist ca: 2 daga….= Málið er oft þannig að maður kannski hringir strax í viðkomandi og hann svarar kannski ekki eða hann svarar og maður ætlar að hringja í spyrjanda aftur og þá kemur kúnni inn eða síminn hringir og eitthvað annað fær þann forgang sem maður þarf að sinna í það og það skiptið. Ekki getur maður ávallt hringt tilbaka í hvelli eða hreinlega ef ekki hafa fengist neinar frekari upplýsingar.
d) Þegar maður kemur inná bílasölu og vill prufukeyra e-h bíl þá finnst ekki lykill fyrr en eftir 10 mínútur í haugnum á hinu borðinu = Þetta er góð ábending og er hlutur sem allaveganna hjá mér má betur fara.
e) Ef lykill finnst þá nær undantekningarlaust er viðkomandi bíll straumlaus eða a.m.k. 1 dekk vindlaust = Já það er rétt hjá þér, en þetta eru bílasölur en ekki viðgerða og dekkjaþjónusta. Kannski maður ætti að skilyrða að allir bílar sem komi á planið komi við á dekkjaverkstæði og rafgeymasölu og geri nú bílinn kláran í sölu og komi með vottorð um að þessir hlutir hafi verið framkvæmdir. JEPPAMENN mættu taka þetta sérstaklega til sín því nær undantekningarlaust mígleka 44" jeppar og margir 38" ( ný 44" kostar nú ekki nema rúm 200 þúsund og ætti ekki að vera vandamál að gera þá klára í sölu)
f) Ef maður er svo heppinn að bíll sé með fullum vindi og tögg í starti ásamt því að fara í gang þá er nær öruggt að hann sé bensínlaus = Ætti kannski að hafa það með í skilyrðinu að koma einnig við á bensínstöð og tankurinn fylltur þetta er jú bílasala en ekki bensínstöð. Spurning með að veita í örfáum tilfellum að ef tankar geyma meira en 200 lítra sé það talið nóg.
g) Mörg bílasöluplön eru vart jeppafær = Það vill nú svo einkennilega til að margir af þeim sem keyra inná t.d. planið hjá mér sjá sér ekki annað fært en að spóla eins oft og þeir geta eða eins langt og hægt er, gæti kannski verið að þeir séu að klára tútturnar og bensínið þannig að þeir geti nú örugglega verið vissir um að tapa ekki of miklu við að þurfa að koma við á þessum skilyrtu stöðum.
Í sambandi við söluþóknun og eftirlit með reynsluakstri = Söluþóknun er eina tekjulind bílasölu. Mikill fastur kostnaður er við að veita þessa þjónustu og er alltaf farið fram á meiri þjónustu án þess að söluþóknun eigi að breytast. Nánast allir fara frammá afslátt alltað 70 – 80 %. Værir þú til í að koma í vinnu hjá mér fyrir 1000 krónur á tímann en svo þegar útborgun er að ég greiði þér einungis 200 – 300 krónur.
Í sambandi við ábyrgð á bílunum á planinu er það engan veginn hægt þar sem að slík trygging myndi kosta gífurlegar upphæðir og myndi það þá koma inn í þjónustugjöld okkar, Enda er öllum gert grein fyrir því að bíllinn sé á eigin ábyrgð.
Prufuakstur = Ekki er hægt að vera með auka starfsfólk í prufuaksturs nema að taka greitt fyrir það og hækka þá enn of aftur gjöldin. Allaveganna við tökum ávallt niður kennitölur þeirra sem vilja reynsluaka og í flestum tilfellum símanúmer, og eru það upplýsingar sem geymdar eru og er þá hægt að rekja þá aðila sem prófað hafa bílanna ef eitthvað skyldi koma í ljós sem ekki ætti að vera.
Ég þakka þér kærlega fyrir samlíkinguna við fasteignasala. Man nú ekki betur en að einn slíkur sé með nokkuð margar milljónir á bakinu í skuld vegna "heiðarleika" hafi vakið mikla umfjöllun í þjóðfélaginu.
Kveðja
Sáttur bílasali
Sæll
Ég er með Weld Racing álfelgur undir bílnum hjá mér og eru það felgur sem voru háglanspóleraðar þegar þær voru keyptar nýjar.
Með árunum hefur það að sjálfsögðu orðið dapurt með glans á þeim, það sem ég geri til að fá MJÖG góðan glans á þær aftur er að ég þríf þær upp með BRILLO stálull eins og notað er á eldavélar en það er sápa í þessari ull sem gerir hana það góða að hún skemmir ekki álið né áferð álsins, þegar ég er búinn að skola það af með vatni þá þurka ég felguna og nota svo efni sem fæst hjá Bilabúð Benna sem er frá American Racing og heitir Custom Wheel Polish.
Þegar ég er búinn að bóna upp felgurnar með þessu efni og Polér Tork þá eru þær ekki fjarri lagi að glansa jafn mikið og þær voru sem nýjar. Þá er ég að tala um að felgurnar verða mjög líkar krómfelgum, eða glansinn allaveganna.
Aftur á móti gæti ég trúað því að það sé erfitt að fá svona glanshúð á ál sem hefur ekki verið pólerað áður en sakar ekki að prufa.
Einnig geturu spjallað við þá hjá Ályðjunni og spurt þá hvernig þeir póleri svona.
Kveðja með glans
Brutal
Jæja….þetta varð eiginlega ólæsilegt…..ég vona að þetta skiljist betur
Get boðið í flestar gerðir díselbíla tölvukubba sem geta aukið kraftinn í jeppanum hjá þér umtalsvert.
Hér eru nokkur dæmi: Orginal Brutalbox
Toyota LC90 3.0 125hö 295Nm (150hö 340Nm)
Toyota LC90 3.0 163hö 343Nm (190hö 385Nm)
Toyota LC100 4.2 205hö 430Nm (250hö 480Nm)MMC Pajero 3.2 DI-D 165hö 373Nm (195hö 415Nm)
NISSAN Patrol 3.0 DI-TD 158hö 354Nm (190hö 395Nm)
IZUSU Trooper 3.0 159hö 300Nm (192hö 365Nm)
Verð eru væntanleg, ef þú hefur áhuga á þessu þá er um að gera að hafa samband. Til að byrja með get ég einungis svarað e-pósti.
Get boðið í flestar gerðir díselbíla tölvukubba sem geta aukið kraftinn í jeppanum hjá þér umtalsvert.
Hér eru nokkur dæmi: Orginal Brutalbox
Hö Tog(Nm) Hö Tog(Nm)
Toyota LC90 3.0 125 295 150 340
Toyota LC90 3.0 163 343 190 385
Toyota LC100 4.2 205 430 250 480MMC Pajero 3.2 DI-D 165 373 195 415
NISSAN Patrol 3.0 DI-TD 158 354 190 395
Verð eru væntanleg, ef þú hefur áhuga á þessu þá er um að gera að hafa samband. Til að byrja með get ég einungis svarað e-pósti.
[HTML_END_DOCUMENT][url=mailto:dylja@simnet.is?subject=Fyrirspurn um BRUTALBOX]
Kveðja
Sigurður Friðriksson
[/url]
