Forum Replies Created
-
Replies
-
Góðan dag, hér er lítil ferðasaga. Við hjónin skruppum í helgarferð í Ingólfsskála, sem er við austustu upptakakvísl Vestari Jökulsár norðan Hofsjökuls. Við fórum um Varmahlíð og upp úr Skagafirði og síðan merkta afleggjarann til Ásbjarnarvatna og Ingólfsskála. Fengum frábært veður, hitinn fór upp í 21 stig! Okkur þótti umhverfi Ingólfsskála flottara en Ásbjarnarvatna, bæði nærumhverfi og fjallasýn. Við vorum svo heppin að hafa skálann alveg út af fyrir okkur.
Þegar ég pantaði skálann hjá Ferðafélagi Skagfirðinga var ég spurður að því hvort ég væri í einhverju ferðafélagi og nefndi ég 4×4 og var það látið gott heita og fékk ég ferðafélagsafslátt. Mér skildist samt að það væri enginn samningur til milli 4×4 og FÍ um skálagjöld o.þ.h., er það rétt? Er ekki eðlilegt að 4×4 leiti eftir slíkum samningum við FÍ og e.t.v. fleiri aðila?
Við fórum Strompleið til baka í áttina að Laugafelli (fyrir þá sem ekki vita er Strompleið slóði, sem liggur nær jöklinum frá ruddu leiðinni skammt austan Ásbjarnarvatna og út á Skagafjarðarleiðina við Orravatn). Frá Orravatni rennur lítill lækur til suðurs og er mjög bratt að læknum beggja vegna og því hefur verið sett ræsi þarna og fyllt upp með stórgrýti. Ræsið stendur hins vegar talsvert upp úr og þar sem litli fjallajeppinn minn er bara á 30″ þurfti ég að vanda mig töluvert til að komast þarna yfir og er ég ekki frá því að stálplatan, sem ég var svo forsjáll að setja undir vélina fyrir nokkrum árum hafi aðeins nuddast við ræsið. Mæli ekki með þessari leið fyrir neitt minna en Grand Vitara á 30″ 😉
Margir fara þá leið að hafa spjallsíðuna sér, myndi það ekkert hjálpa? Þá er tengill af aðalsíðu á spjallið og annar til baka. Dæmi: http://www.neptunepinkfloyd.co.uk og http://www.neptunepinkfloyd.co.uk/forum/
Góðan dag, veit einhver hér um reglur um notkun VHF talstöðva í Danmörku eða hvar ég get fundið upplýsingar? Það eina, sem ég hef fundið eru reglur um notkun þeirra í bátum en í þeim tilfellum þarf að hafa farið á sérstakt námskeið til að fá leyfi fyrir slíkri stöð. Við verðum á þremur bílum að þvælast og það væri þægilegt að nota VHF til samskipta en ef það er bannað verð ég líklega að skilja bílstöðina eftir heima. Allar upplýsingar vel þegnar.
Reyndi að fara þessa leið einbíla á litla fjallajeppanum mínum á 30″. Komst án vandræða upp fyrstu brekkuna eftir gilið en sá þá talsvert framundan aðra brekku, sem sýndist jafnvel enn sundurskornari og verri og ákvað þá að snúa við til að verða ekki hugsanlega innlyksa. Hvað segið þið, sem hafið farið þessa leið, er seinni brekkan verri en hin fyrri?
Takk fyrir þessar upplýsingar. Getur verið að þetta hafi ekki verið nægjanlega auglýst hér á síðunni eða fór það fram hjá mér?
Ég man ekki eftir neinum ferðum á vegum Litlunefndar í vetur fyrir bíla á minna en 35 tommu dekkjum. Er það misminni eða er nefndin hætt að sinna litlum jeppum?
Tja, nú er hluti Króksleiðar/Tindfjallaleiðar ekki lengur á korti LMÍ en hann er samt ekki merktur lokaður.
Skil ekki af hverju ég er enn skráður í þessa ferð, ekki skráði ég mig í hana og áréttaði það hér að framan. Þess utan er litli fjallajeppinn á 30″ en ekki 35″ dekkjum.
Góðan dag.
Nú þegar Suzuki er hættur með Grand Vitara, eru þá einhverjir minni jeppar, þ.e. með millikassa (fyrir utan Jimny), eftir á markaðinum?
Humm. Nú er einhver misskilningur, ég var ekki búinn að skrá mig (þó að ég svaraði hér að ofan) og kemst því miður ekki með.
Ég tók niður nokkur hnit á korti LMÍ í sumar til að nota með Garmin tækinu og viti menn! Þeim bar ekki saman.
Góðan dag, hér er lítil ferðasaga af fjöllum. Mér finnst reyndar að fólk mætti vera duglegra að setja inn ferða- og reynslusögur
Við hjónin fórum á litla fjallajeppanum (Suzuki GV á 30″, sem sagt breyttur jeppi) nokkrar leiðir núna í ágúst:
1. Suður sprengisand. Beygðum út af hinni hefðbundnu leið við Kistuöldu og ókum vestur fyrir Kvíslavatn og suður í Þúfuver þar sem við tjölduðum í 16° hita nálægt Þjórsá en hitinn í Nýjadal var ekki nema 7°. Ætluðum að skoða Sóleyjarhöfðavað en nenntum ekki á skrönglast í stórgrýtinu.
Daginn eftir héldum við áfram suður fyrir Kvíslavatn og ætluðum stystu leið niður á Búðarháls en urðum að snúa við vegna sandbleytu þar sem slóðin hvarf á talsverðum kafla ofan í talsvert stórt leysingavatn. Þar var greinilegt að einhver hafði fest sig nokkrum dögum áður, líklega stór og þungur bíll á mjóum dekkjum. Merkilegt hvað sumum reynist viðsnúningur erfiður. Við fórum því frá suðurenda Kvíslavatns yfir á Sprengisandsleið og strax út af henni aftur til suðurs að slóðamótum, þar sem m.a. var hægt að velja um slóða niður í Klifhagavalladal eða til Kjalvatna, sem við fórum. Þar var stutt vað syðst í Kjalvötnum og setti ég í lága drifið og lét vaða og brá okkur dálítið þegar litli fjallajeppinn stakkst niður í pollinn á vaðinu. Muna að vaða næst
Þessi pollur gæti verið of djúpur fyrir minnstu jeppana eða ef loftinntakið er mjög neðarlega. Ókum síðan suður Búðarhálsinn. Þetta var skemmtileg leið og tilbreyting frá hinni hefðbundnu leið.2. Króksleið eða Tindfjallaleið. Ég var búinn að sjá myndband á Youtube af akstri um þessa leið og taldi að litli fjallajeppinn mundi geta þetta, enda á hann góðan bílstjóra. Við fórum frá Mosum við Markarfljótsbrú og sem leið lá gegnum gilið og þrengingarnar þar. Þá kom brekkan. Litli fjallajeppinn fór upp á topp á 30″ 28 punda dekkjunum gegnum hliðarhallann og allt án þess að spóla
Þegar upp var komið sáum við aðra brekku talsvert langt framundan, sem okkur sýndist amk jafn brött og sú fyrri með jafnvel sundurskornari slóðum. Þá ákváðum við að snúa við af því að við vorum einbíla og vildu ekki lenda í hugsanlegri sjálfheldu. Við fórum svo hina leiðina austan gilsins til baka en mig langar til að spyrja hvort seinni brekkan sé að ykkar mati léttari eða erfiðari en sú fyrri.3. Við ætluðum að fara Leppistungur til baka en þær voru enn ekki opnar á heimferðardag (búið að opna þær í dag einmitt þegar maður er kominn heim) þannig að við völdum Sprengisand aftur en nú með öðrum krókaleiðum:
Botnaversleið austan Þórisvatns. Nokkuð auðveld leið fyrir litla fjallajeppa en mætti stika. Hraunið og urðin til Þórisóss frekar seinleg. Er hægt að aka frá Þórisósi til norðurs og þar inn á Sprengisand?
Þegar komið var yfir Svartá var beygt til vesturs og skömmu síðar til norðurs að Kvíslavatni, þar sem bróðir minn var að veiða. Stoppuðum stutt þar en héldum svo áfram sama slóða til norðurs og ætluðum inn á Sprengisandsleið ofar en snerum við við vað á lítilli á þar þar sem við tók brekka með miklum hliðarhalla.
Gistum í Nýjadal og tókum svo krókinn í Laugafell og svo Dragaleið aftur á Sprengisand. Fengum fínt veður og frábært útsýni til austurs yfir til Herðubreiðar, Dyngjufjalla, Snæfells, Trölladyngju, Kverkfjalla, Bárðarbungu og Tungnafellsjökuls.
Niðurstaða: Skemmtilegar leiðir utan hinnar hefðbundnu Sprengisandsleiðar en mætti merkja stika betur.
Þú segir „hugsanlega að Fjallabaki“. Ef aðrar leiðir koma til greina bendi ég á leiðir á Sprengisandi sunnanverðum vestan hinnar hefðbundnu „Ölduleiðar“ og Botnaversleið austan Þórisvatns.
Er þá ekki líklegt að Leppistunguleiðin sé líka orðin fær?
Er þá lítið eða ekkert að marka pdf kort Vegagerðarinnar, sem sýnir bæði svæðin norður af Langjökli og suður af Hofsjökli lokuð?
Góðan dag, það er best að prófa þennan þráð
Við hjónin reiknum með að halda til fjalla á litla fjallajeppanum (Suzuki GV) einhvern tíma upp úr miðri næstu viku. Planið er eftirfarandi (sum þessara svæða eru reyndar enn merkt lokuð á pdf korti Vegagerðarinnar og verður sleppt ef svo verður áfram):
1. Stórisandur frá Arnarvatni stóra yfir á Kjöl (við snúum þá bara við ef litli fjallajeppinn treystir sér ekki).
2. Leppistungur frá Kerlingafjöllum og suður úr (eru einhverjar ár á þessari leið, sem litlir fjallajeppar þurfa að gæta sín sérstaklega á?).
3. Tindfjallaleið frá Mosum í Hungurfit.
Ég veit ekki nákvæmlega hvenær við verðum á ferðinni en ég reikna þó með að leiðir 1 og 2 verði farnar strax hvor á eftir annarri. Tindfjallaleiðin verður líklega ekki farin fyrr en eftir 10. ágúst. Það væri gaman að fá ferðafélaga einhverjar þessara leiða og ekki skemmdi fyrir að einhverja, sem hafa farið þessar leiðir áður. Áhugasamir geta sent mér tölvupóst á brell at simnet.is, enn fremur er ég með síma 8636605 og VHF kallmerkið er Þ480. Þá má enn fremur svara þessum pósti hér á síðunni
Bendi á að sumt af ofangreindu hefur slóðina:
Spjallið – Áhugaefni félagsmanna – Getraunir.
Það er hæpið að fólk átti sig t.d. á því að þráðurinn „Ferðaáætlun – gerast ferðafélagar“ sé undir „Getraunir“. Þetta á líklega við um fleiri þræði undir „Getraunir“.
Jæja, þetta virðist komið í lag, takk fyrir skjót viðbrögð.
Það virðist að þegar umræða er ekki lengur nýjust í sínum flokki eða hverfi úr yfirlitinu „Nýjustu umræður“ á forsíðunni verði hún óaðgengileg sbr. nýstofnaðan þráð minn þar um.
Biðst afsökunar á krosspóstum en til að tryggja að sem flestir sjái þetta:
<p style=“box-sizing: border-box; margin: 0px 0px 26px; padding: 0px; font-family: ‘Open Sans’, serif; color: #303438; font-size: 12px; line-height: 19px;“>Ég er innskráður, smelli á “SPJALL” og smelli svo á einhvern umræðuflokk.</p>
<p style=“box-sizing: border-box; margin: 0px 0px 26px; padding: 0px; font-family: ‘Open Sans’, serif; color: #303438; font-size: 12px; line-height: 19px;“>Alls staðar fæ ég: “Engar umræður fundust hér!” þrátt fyrir að skv. flokkayfirlitinu sé fullt af umræðuþráðum.</p>
<p style=“box-sizing: border-box; margin: 0px 0px 26px; padding: 0px; font-family: ‘Open Sans’, serif; color: #303438; font-size: 12px; line-height: 19px;“>Þetta er eitt af því, sem virðist hafa farið úrskeiðis þegar skipt var yfir í nýjustu síðuna og verður að laga.</p>
Ég er innskráður, smelli á „SPJALL“ og smelli svo á einhvern umræðuflokk.
Alls staðar fæ ég: „Engar umræður fundust hér!“ þrátt fyrir að skv. flokkayfirlitinu sé fullt af umræðuþráðum.
Þetta er eitt af því, sem virðist hafa farið úrskeiðis þegar skipt var yfir í nýjustu síðuna og verður að laga.
