Forum Replies Created
-
Replies
-
Hefur einhver farið Bárðargötu núna í haust? Og vita menn hvernig færðin er á leiðinni?
Björgvin
Ég veit ekki hvort ég eigi að pósta þessar pælingar undir vefsíðan eða undir innanfélagsmál. Ég er ekki sérlega virkur félagsmaður en borga glaður því mér finnst mikilvægt að jeppamenn eigi sér öflugan málsvara. Ég nota stundum auglýsingarnar og kíki á spjallið reglulega. Þegar ég gekk í klúbbinn fyrir nokkrum árum, sennilega 2008. Þá var f4x4.is forystusíða í jeppamennsku bílaferðum á Íslandi. Ég er ekki viss um að svo sé lengur. Ég hef tekið eftir að umræður eru litlar og ég skoða núna fyrst jeppaspjall.is áður en ég kíki á f4x4.is. Það sem verra er að mér finnst miklu líflegra á jeppaspjallinu.
Ég hef lengi haft þetta á tilfinningunni en fékk einhverskonar áþreifanlega vísbendingu í vikunni. Ég fann nokkur gömul dekk í skúrnum og þann 12. júlí auglýsti ég þau til sölu fyrir lítið á f4x4.is. Ég fékk enign viðbrögð og hafði svso sem ekki búist við miklu. Ég ákvað svo að skella inn auglýsingu á jeppaspjallið í gær og seldi dekkin áðan.
Ég veit ekki alveg hvað mönnum finnst um síðuna og félagið, en ég er þeirrar skoðunar að 4×4 eigi að hafa metnað til að halda úti alvöru vefsíðu um jeppamennsku og ferðalög. Á sama hátt og félagið á að hafa metnað til að vera alvöru ferðafélag sem mark er á takandi. Félag sem stendur með ferðamennsku og náttúrunni, öryggi og skynsemi.
Ég get ekki séð að old.f4x4.is standi undir þessum væntingum um þessar mundir.
Hvernig var ferðin? Var færið þokkalegt?
Þú ert sjálfsagt löngu búinn að finna og leysa vandann. En ég lenti í þessu nákvæmlega sama. Vandamálið hjá mér var annars vegar stýrisdælan og hinsvegar stýrisdemparinn. Bílinn byrjaði að láta eins og þú lýsir og svo fór að þyngjast stýrið og þá var ljóst að stýrisdælan var orðin léleg. Eftir að ég skipti um hana snarlagaðist málið og svo þegar ég skipti út lúnum stýrisdempara þá losnaði ég við þennan ófögnuð.
Auglýsingin er ennþá þarna, rakst á hana þegar ég var að athuga með svör. RÍ-Verslun takk fyrir.
Björgvin
Sælir meistarar.
Ég minnist þess að hafa séð auglýsingu hér á vefnum, undir innskráningunni, þar sem fyrirtæki auglýsti m.a. kassa undir farangur og verkfæri. Þetta voru kassar í nokkrum stærðum til að hafa inni í bílum. Man einhver hvaða fyrirtæki þetta var?Björgvin Sigurðsson
Það er frábærlega gaman að sjá þessi videó En ekki síður er það mikið stórvirki að ráðast í kortlagningu á sprungusvæðum. Þetta er þarft verk sem margir eiga vonandi eftir að njóta.
Mér finnst þessi umræða sýna að það var misráðið að loka spjallinu fyrir aðra en félagsmenn. Er ekki sjálfsagt og eðlilegt að Páll, og aðrir, geti tekið þátt þar sem skoðanaskiptin fara fram. Annars fer hún bara fram annarsstaðar en á vef 4×4. Vilja menn það? Umræða er af hinu góða og við jeppamenn hljótum að vilja fá sjónarmið allra útivistarmanna fram.
Ég er ekki bara jeppamaður heldur líka göngumaður og stundum líka hjólreiðamaður. Ég hef áhuga á að ferðast um landið okkar. Vatnajökulsþjóðgarður og skipulag hans er sennilega mikilvægasta málið í áratugi. Viljum við ekki góða umræðu og góða niðurstöðu í víðu samhengi. Opnum spjallið aftur fyrir alla, og gerum þannig f4x4.is að alvöru vettvangi fyrir umræðu um þetta mál og önnur sem snerta útivist og ferðamennsku, faratæki og ferðir.Björgvin Sigurðsson
Það er marg ágætt komið fram í þessari umræðu og ekki mikið um það að segja ef þetta var samþykkt á félagsfundi. Ég sakna þess samt að fá ekki að heyra helstu röksemdir og tilganginn með þessari lokun. Ég hef ekki tekið eftir að utanfélagsmenn séu til sérstakra vandræða á spjallinu. Ég fæ ekki betur séð en menn séu almennt kurteisir og svo eru langflestar færslurnar frá "fólki með númer", hvort þeir eru ógreiddir veit ég ekkert um. Ég held að ekki nokkrum lifandi manni detti í hug að greiða félagsgjöldin bara til að fá að spjalla og þá er kannski til lítils að loka. Þ.e. utanfélagsmenn haga sér vel og koma með fína pósta, þeir eru ekkert að drekkja hinum og það sér það hver maður að enginn borgar sex bláa fyrir að taka þátt í spjalli á einhverri vefsíðu.
En á móti kemur að það er frábært að félagið haldi úti spjalli og góðum umræðum um jeppamennsku, er ekki bara fínt að allir geti tekið þátt í því.
Við urðum ekki varir við neinar sprungur á okkar ferðum.
Við fórum um Kaldadal að Jaka og þaðan á jökulinn í ca 1250 metra. Það var púður 50-100 cm á jöklinum en ágætis færi. Vegurinn um Kaldadal er orðinn nokkuð þungur enda fullur af púðursnjó og þar voru mestu vandræðin í þessari ferð.
Ég veit ekkert um færið en við ætlum að komast að því á morgun. Förum upp úr kl. 9:00 frá Select Vesturlandsvegi. Við verðum á tveimur bílum; Patrol og Pinzgauer fyrir þá sem hafa áhuga á að kanna málin.
Björgvin Sigurðsson
695 2650
Í Afríku tíðkast að rukka útlendinga um talsvert hærra gjald en innlenda. Þar borga útlendingar kannski $ 40-50 fyrir nóttina á meðan heimamenn greiða 4 eða 5. Kannski mætti rukka inn í þjóðgarða og helstu náttúruperlur þannig. Þ.e. Íslendingar greiða málamyndagjald, segjum 500 á mann, en erlendir borga eitthvað betur. En það er sjálfsagt bannað, mismunun að einhverju tagi. Aðalmálið er að ferðamenn verða að borga fyrir viðhald og uppbyggingu á ferðamannastöðunum, það er ekki nema sanngjarnt, jafnvel þótt við séum líka þessir ferðamenn. Alveg eins og það er sanngjarnt og sjálfsagt að bensíngjaldið, bifreiðagjöldin og hvað þetta heitir renni til uppbyggingar á vegakerfinu eins og talað er um. Þótt ríkið klúðri því breytir það ekki því hvað er rétt og sanngjarnt.
