Forum Replies Created
-
Replies
-
Sælir félagar!
Var þarna á mánudaginn 9. og þetta var ljótt að sjá. Það var líka búið að aka á auðum melum á leiðinni inn í laugar langt umfram það sem þarf. Það er alltaf jafnskrítið að sjá ummerki eftir stóra öfluga bíla sem hafa farið út fyrir veg til að krækja framhjá snjóhöftum eða pollum á veginum sem þeir eiga auðveldlega að komast yfir.
mbk, Atli
Ég hef komið þarna 3 sinnum að mig minnir og einu sinni keyrt upp og gist, Minnir að það hafi verið fyrir um 8 árum síðan. Þá var snjór þarna alveg upp. Skálinn var þá nýlegur og eftirminnilegt hvað skálinn var í einu orði sagt frábær.
mbk, Atli
Ég á FORD með 5.4 vélinni og lenti í svipuðu og þú ert að lýsa fyrir nokkru síðan. Það var búið að skipta um bensíndælu, hreinsa upp alla skynjara sem náðist í, yfirfara kertin, reyna að hreinsa spíssana osfrv. Reyndar gerðist það alltaf af og til að vacum slanga losnaði sem hefur sennilega ekki gerst hjá þér. En hvað um það, bíllinn varð alltaf kraftlausari og kraftlausari. Að lokum datt einum snillingnum í hug að rífa þústkerfið undan og kíkja inn í stóra hvarfakútinn. Þá kom í ljós að það var eins og það hefði verið settur steypuklumpur inn í hann. Við náðum í stóra járnkarlinn og hreinsuðum allt út úr kútnum. Eftir það var allt í himnalagi og bíllinn aldrei sprækari.
Bara svona til að flækja málin aðeins.
Sæll!
Þetta fer mikið eftir bílnum og aksturslaginu. Ég er með Econoline 351 v8 bensín sem er álíka þungur og Patrol með sambærilegri breytingu. Bíllinn er mjög skemmtilegur á þessum dekkum, hann er miklu betri í akstri og heldur sig á réttri akrein ólíkt því þegar gleðigúmmíin eiga í hlut.
GH eru auðvitað þyngri og það heyrist meira í þeim en góðir aksturseiginleikar vega það upp að mínu mati. Þessi dekk eru líka efnismikil og sterk, það þarf að hleypa vel úr til að eitthvað gerist og það tekur tíma að mýkja þau upp. Það gerir gagn að skera vel í þau og míkróskera að auki, þá leggjast dekkin og kæla sig betur.
Mér finnst líka skemmtilegt að hafa gróft munstur og nota kraftinn í bílnum þannig að hann rífi sig áfram í stað þess að spóla en um leið þarf að passa sig betur og þú ert fljótari að grafa þig niður.Vona að þetta hjálpi eitthvað inn í eilífðarumræðuna um hvað sé best, á endanum snýst þetta alltaf um hvað hentar hverjum og einum.
Sælir!
Ég hef pælt svolítið í metaninu. Lét gera mér tilboð í að setja metan á alla 8 cylindrana og með kútum sem rúma ígildi 80 lítra af bensíni var þetta um 800 þúsund, en það þarf mjög stóra kúta til að rúma svo mikið af eldsneyti.
Varðandi frostþol þá virðist það ekki vera vandamál, amk eru þeir að nota þetta í Alaska og á köldustu svæðum Kanada án vandræða eftir því sem ég best veit.
Ég var búinn að mæla þetta þannig að þegar ég var kominn með 80 lítrana, sem er svona eins dags keyrsla hjá mér, var ég var búinn að fórna aukabensíntanknum, troða í allt laust pláss undir bílnum og fylla allt geymslupláss inni í bílnum.
Þannig að til að þetta nýtist í fjallabíla þá þarf sennilega pallbíl til að þetta sé raunhæft.
Svo treystir maður auðvitað ekki skattmann fyrir horn.
mbk, Atli
Það væri forvitnilegt að fá að vita hvort keðjan er enn á sínum stað ef einhver hefur verið þarna á ferðinni
mbk, Atli
Sælir og takk fyrir upplýsingarnar, það er mjög mikilvægt fyrir okkur sem erum á hliðarlínunni að fá að fylgjast með framvindu þessara mála.
Ég er að velta fyrir mér hvort það sé framkvæmanlegt að ná samstöðu stærstu útivistarsamtakanna eins og 4X4, Skotvís, Ferðafélaginu og Útivist (ég er til dæmis félagsmaður í öllum þessum félögum og það eru örugglega margir fleiri). Það væru mjög sterk skilaboð ef samtök sem rúma nánast alla íslendinga sem eru notendur/njótendur þjóðgarðsins gætu sameinast um áskorun til ráðherra.
Baráttukveðjur, Atli Lýðsson, jeppa-, skotveiði- og göngumaður
Fór mestan hluta þessarar leiðar um helgina eða frá Húsafelli og inn í Fljótsdrög. Vegurinn er fínn að Arnarvatni stóra en ömurlegur eftir það. Stórgrýttur slóði sem farinn er að hluta til nánast á gönguhraða. Þetta var allt orðið þurrt og snjólaust þannig að þetta lítur ágætlega út en það þarf bara að gefa sér góðan tíma. Veit ekki hvernig frá Fljótsdragaafleggjara og að Kjalvegi í sumar en geri ráð fyrir að það sé allt í lagi miðað við hvernig hitt er.
Góða ferð, Atli
Vel unnið og til fyrirmyndar. Nú er maður svo sannarlega stoltur af klúbbnum sínum. Nú ríður á að sem allra flestir taki þátt og skrifi undir þetta fallega kort sem búið er að setja á síðuna. Það er líka mjög mikilvægt að við hvetjum alla sem við þekkjum og unna ferðafrelsinu til að taka þátt. Ef okkur tekst ekki að stöðva eða amk hægja á þessari þróun þá erum við bara að sjá fyrstu hænuskrefin í því lokunarferli sem nú er að fara af stað.
Flott hugmynd, bíð spenntur eftir kortinu!
Finnst þetta frábært framtak hjá Ferðafrelsisnefndinni, um að gera að setja þetta á mannamál og helst myndrænt t.d. á korti þannig að sem flestir geri sér grein fyrir því hvað verið er að leggja til og hafi þá betri forsendur til að koma með efnislegar athugasemdir. Það er mjög mikilvægt að sem flest félög og ekki síst einstaklingar sendi inn sitt álit á því sem er lagt til þarna.
Takk fyrir og bestu kveðjur, Atli
Dollan er seld, takk fyrir áhugann
Bestu kveðjur, Atli
Er með box á afturhlera sem lenti í tjóni, það er beyglað inn í miðjunni. Festingar eru fyrir álkarl, drullutjakk og skóflu. Held að þetta passi á flesta hlera. Ef einhver laghentur vill reyna við þetta þá er boxið ásamt festingum falt fyrir 5.000 kall.
Atli sími 866-7065 og netfang atli.lydsson@gmail.com
Var að þvælast þarna í gær m.a. við Hlöðufellið og Skjaldbreið. Það var fólksbílafæri þarna fyrir utan nokkur úrrennsli vegna vatnaveðurs í desember, það var ekki einu sinni hægt að finna skafl til að renna sér á snjóþotu nema á jöklinum. Þetta lítur nú reyndar örugglega allt öðruvísi út í dag en í gær:-), loksins loksins er smá snjór að láta sjá sig.
mbk, Atli
Spáin er að verða þannig að það er ekki hægt að vera heima, er til í að renna með.
Atli 866-7065
Vil bara taka undir, hef oft leitað til þeirra og alltaf fengið úrlausn minna mála hvort sem það eru viðgerðir, smíði eða bara kaffi og góð ráð.
Atli
Setti nemann í pönnuna hjá mér, það gefur jafnari hitamælingu. Fékk þessar ráðleggingar frá margreyndum atvinnumönnum í bransanum.
Atli
Er með svona dekk sem sumardekk undir Econoliner á 13" breiðum felgum. Frábær sem slík, kringlótt og rásföst. Hef keyrt um 8.000 km á dekkjunum og mér finnst ekki vera farið að sjást mikið á þeim.
Atli
Ég hef verið að nota þetta í nokkurn tíma og gengur stundum hálfbrösuglega að fikta mig í gegn.
Er þó orðinn slarkfær á búnaðinn.
Ég er samt alveg viss um að það er fullt af sniðugu dóti inni í þessu sem ég veit ekkert um. Búinn að spyrjast fyrir hjá R. Sig. og þeir eru ekkert að reyna að græða á námskeiðahaldi.
Mér skilst að klúbburinn hafi áður staðið fyrir námskeiðum í þessum búnaði Þannig að kannski er ekki mikið mál að prófa eitt í nýja húsinu!
