Forum Replies Created
-
Replies
-
Það verður felldur annar dómur á morgun kl 15:30 í Hérðasdómi suðurlands vegan sambærilegs máls. Þ.e. vegna aksturs í folaldadölum þar sem einn ökumaðurinn "gufaði upp". Sá dómur verður ekki kveðinn upp af sama dómara og verður því fróðlegt að sjá úrskurðinn….
Ég gæti ekki verið meira sammála síðasta ræðumanni.
Spólför eftir hjólamenn í hestaslóðum og lækjarfarvegum í vestanverðum Henglinum eru lítilfjörleg í samanburði við stóriðjuframkvæmdir OR á svæðinu. En framkvæmdirnar eru í þágu fyrirtækis í eigu Reykvíkinga þannig að þetta er allt í lagi. Eða hvað ?
Það sama á við um úrgangs heitavatnið sem bunar frá Nesjavallavirkjun í þingvallavatn. Í Þorsteinsvík í þingvallavatni er hægt að baða sig í 24°C heitu vatni og þingvallaurriðinn kemur forsoðin upp. Þarna kemur ekki lengur ís á vatnið þó hann sé allsstaðar annarsstaðar og hægt er að moka upp fiski á stöng þarna yfir veturinn. Þetta er mengun sem má ekki tala um af því að hún er í þágu OR.
Tvískinnungur opinberra starfsmanna er alger. Þetta snýst bara um pólitík og af því við erum þægileg skotmörk þá erum við notaðir til þess að beina athyglinni frá öðrum öllu stærri umhverfisspjöllum.
En sem betur fer eru kosningar eftir ár…
Aron Reynisson
Ágætu jeppamenn,
Það er fróðlegt að lesa umræðuna á spjallvefum jeppa og hestamanna þessa dagana. Menn keppast hver um annan við að bölsóttast yfir þessum vélhjólamönnum sem stunda umhverfisspjöll. Staðreindin er hinsvegar sú að það eru umhverfissóðar í öllum þessum hópum og kasti nú sá fyrsta steininum sem saklaus er. Það voru t.d. teknir jeppamenn í þessu fræga þyrluflugi á stöðum þar sem þeir áttu ekki að vera.
Einnig er fróðlegt að horfa og hlusta á Ómar Ragnarsson fjalla einhliða um þessi mál án þess að hleypa forsvarsmönnum vélhjólamanna að í umræðunni. Það er ekki eins og hann hafi aldrei ekið utan vega….
Staðreyndin er hinsvegar sú að við stöndum frammi fyrir verkefni sem við þurfum að leysa. Þetta er ekki bara verkefni vélhjólamanna heldur allra þessara hópa sem ég taldi upp áðan. Það er jafnvel hægt að taka göngufólk inn í þennan þar sem fjölfarnir göngustígar á óæskilegum stöðum eru víða að verða vandamál.
Fræðsla er það fyrsta sem kemur upp í hugann. Það vantar meiri fræðslu. Umhverfisnefnd VÍK gaf út bækling sem fjallaði um þetta vandamál og einnig voru sett upp skilti í samvinnu við 4×4 á stöðum sem þóttu líklegir til árangurs. Ég veit ekki til þess að það hafi komið til fjármunir frá hinu opinbera í þetta verkefni og það var unnið í sjálfboðastarfi af félögum í þessum klúbbum.
Því finnst mér rétt að benda ykkur 4×4 mönnum á það að setja krafta ykkar í að kalla eftir meiri fræðslu til handa almenningi frá hinu opinbera. Það er verið að eyða milljónum í þyrluflug en það fer ekki króna í fræðslu. Er ekki verið að byrja á öfugum enda ?
Það þarf að höfða til heilbrigðar skynsemi þeirra sem eiga og nota ökutæki. Rétt eins og í umferðinni. Forvarnir og áróður í bland við efirlit skila árangri.
Kveðja
Aron Reynisson
