Forum Replies Created
-
Replies
-
Sæll Kjartan,
Það er eins og Y60 sérfræðingar landsins séu fjarverandi svo að ég verð að hlaupa í skarðið fyrir þá. Ég reikna með að þú sért búinn að taka skiptirinn úr hásingunni og sjáir að hann er ónýtur. (Oft eru aðrar ástæður fyrirþví að drifið læsist ekki).Ég er búinn að eiga svona bíl í 14 ár og hef enn ekki lent í þessu vandamáli. en allt bilar um síðir. Þess vegna keypti ég mér gamla hásingu fyrir nokkrum árum og þar á ég skiptarann sem varastykki sem ég get notað þegar þegar þarf. Ég ráðlegg þér að auglýsa eftir svona grip á auglýsingavefnum hér á síðunni og víðar. Þessir bílar eru víða til í pörtum. þessi skiptari/afturhásing er trúlega víða til sölu.
Lengi lifi Y60 – Baráttukveðjur, Arnþór
Fundurinn var vel heppnaður. Fjórir bílar til sýnis. 15 manns sátu og spjölluðu fram eftir kvöldi og undirbjuggu hvítasunnuferðina í Þórsmörk. Björgvin Filippusson tók þessar ljósmyndir.
[attachment=0:3oayiqni]unim.jpg[/attachment:3oayiqni][attachment=1:3oayiqni]benz vilbergs.jpg[/attachment:3oayiqni][attachment=2:3oayiqni]econ.jpg[/attachment:3oayiqni][attachment=4:3oayiqni]hústrukkanefndin-2 30.4.2013 trausti vilberg[attachment=0]Benz Grétars-2 30.4.2013.jpg[/attachment:3oayiqni] Grétar.jpg[/attachment]
Stjórn Ferðaklúbbsins 4×4 hefur skipað þriggja manna nefnd til að vinna að málefnum áhugafólks um hústrukka. Hústrukkar teljast þeir fjórhjóladrifsbílar sem hafa svefnrými. Nefndina skipa eftirtaldir: Grétar Hrafn Harðarson ghh@lbhi.is, (formaður), Trausti Kári Hansson, halendingur@gmail.com og Viggó Vilbogason taeknivelar@taeknivelar.is.
Nefndarmenn voru einmitt kosnir til þessarar forystu á almennum fundi áhugafólks um hústrukka sem haldinn var á vegum Ferðaklúbbsins 4×4 í byrjun mars sl. Áhugafólk er hvatt til að setja sig í samband við skrifstofu klúbbsins eða nefndarmenn og skrá sig á póstlista.
Hústrukkanefnd hefur þegar tekið til starfa og mun efna til almenns fundar í fundarsal Ferðaklúbbsins 4×4 á Eirhöfða 11 þriðjudaginn 30. apríl kl 19.30, eins og kemur fram hér á öðrum þræði. Þar verða fjallað um sitthvað tengt hústrukkum og auk þess rætt um fyrirhugaða hústrukkaferð í Þórsmörk um hvítasunnuna (18.-20. maí). Allt áhugafólk um húsbíla með fjórhjóladrifi er velkomið á fundinn.
Stjórn F4x4
Hústrukkar – fundur þriðjudaginn 30. apríl að Eirhöfða 11.
Hústrukkanefndin boðar til fræðslu- og kynningarfundar í húsakynnum Ferðaklúbbsins 4×4, að Eirhöfða 11, þriðjudaginn 30. apríl, kl. 19:30. Þeir félagar sem eru með bíla á númerum eru hvattir til mæta á þeim. Bifreiðastæði er að finna þegar ekið er inn Eirhöfðann fyrir norðan Ísaga.
Dagskrá:
1. Félagar kynna bíla sína.
2. Umræður um búnað hústrukka.
3. Hvítasunnuferð í Þórsmörk.
4. Starf nefndarinnar næstu mánuði.
5. Önnur mál.
Hústrukkanefndin
(Grétar Hrafn Harðarson s: 892 1480, Trausti Kári Hansson s: 894 9529, Viggó Vilbogason s: 892 3245)
Fjórir bjartir dagar á hálendinu. Skemmtilegt fólk dvaldi í Nýjadal um páskana. Arnþór þakkar fyrir sig.
Varðandi færðina norður sprengisandsleið í Nýjadal þá hef ég eingöngu 2 vikna gamlar fréttir um að þar sé jörð vel frosin og snjólétt. hringdu í mig um kaffileytið á morgun, skírdag og þá get ég vonandi lýst færðinni nákvæmlega.
Til fróðleiks má nefna að í fyrramálið fara fimm bílar frá Akureyri og fimm bílar frá Rvík áleiðis í Nýjadal.
kv Arnþór s 8201680.
Jæja, þá styttist í páska. Það er enn nóg pláss í Nýjadalsskálum. Í tilefni af góðri veðurspá er búið að flýta brottfor um 2 klst. Lagt verður af stað frá Stöðinni kl. 11.00 á skirdag. Þeir sem ætla að ferðast á eigin vegum í Nýjadal um páskana mega gjarnan hringja í mig og láta vita af sér.
Akureyringar munu fjölmenna eins og fram hefur komið. Þá er ekki óhugsandi að einhverjir fleiri komi úr Reykjavík á föstudaginn langa og jafnvel austan af fjörðum.
kveðja, Arnþór s 8201680 og arnthor@vji.is
[attachment=0:3f5nhabo]Skálar í Nýjadal.jpg[/attachment:3f5nhabo]
Jæja, nú er að styttast í páskana. Veðurútlit er gott.
Hér er dagskráin:Ferðaklúbburinn 4×4, efnir til ferðar í Nýjadal um páskana 28.-31. mars nk. Skálavarsla á vegum Ferðaklúbbsins verður þar frá skírdegi og fram á annan í páskum. Heitir skálar og kamarinn í lagi. Stefnt er að því að skapa notalegar aðstæður í báðum skálum. Fjölskyldufólk er velkomið. Ýmislegt verður skemmtilegt á dagskrá, allt eftir veðri og færð. Ekkert þátttökugjald er í ferðina og allir ferðast á eigin vegum með sinn eigin mat.
Menn geta komið og farið í smærri hópum að vild. Allir eru velkomnir til lengri og skemmri dvalar. Skálagjald er 1500 kr /nótt og frítt fyrir yngri en 13 ára. Þau verða innheimt á staðnum. Annars er ekkert þátttökugjald í ferðina. Formleg brottför með fararstjórn á vegum Ferðaklúbbsins er kl 13.00 á skírdag frá Stöðinni við Vesturlandsveg.
Fararstjórar eru Árni Bragason og Arnþór Þórðarson. Þátttöku í þessari skipulegu ferð skal til kynna með tölvupósti til arnthor@vji.is eða með skráningu hér á vefsíðunni.<strong>Dagskráin er eftirfarandi</strong>:
[u:1g6h76w6]Miðvikudagur 27. mars[/u:1g6h76w6]: Hraustir menn fara á undan koma góðum hita á skálana.
[u:1g6h76w6]Fimmtudagur 28. mars[/u:1g6h76w6] Skírdagur:
Lagt af stað frá Shell / Stöðinni við Vesturlandsveg Reykjavík, kl 13.00 og ekið í Hrauneyjar. Haldið þaðan kl. 13.00 norður Sprengisandsleið. Við Versali er ekið inn á Kvíslaveituveg og hann ekinn á enda. Þar verður ekið eftir vegslóð í Nýjadal.[u:1g6h76w6]29. mars (föstudaguinn langi) og laugardagur 30. mars:[/u:1g6h76w6]
Ferðast um nágrennið og komið til baka í skálann síðdegis. Veður og færð ræður miklu um hvað gert verður: Til dæmis eitthvað af þessu:
a. Fjallganga á Þvermóð.
b. Kyrrð og lestur í skála. Bakaðar pönnukökur og rjómi þeyttur.
c. Gönguferð austur í Jökuldal.
d. Skoðunarferð norður í Gæsavötn og jafnvel uppí Vonarskarð.
e. Ekið sunnanfrá í átt að Vonarskarði og gengið um hverasvæðin þar.
f. Gengið á gönguskíðum um nágrennið.
g. Gönguferð/gönguskíðaferð austur í Snapadal til að skoða þar hverasvæðin.
h. Jeppaferð í Gæsavötn og til baka sömu leið.
i. Jeppaferð upp á Tungnafellsjökul.
j. Jeppaferð á Vatnajökul.
k. Baðferð í Laugafell.31. mars Páskadagur
Frjáls dagskrá. Tiltekt og brottför heim á leið kl 13.00.
Jæja, þetta er allt að taka á sig mynd. Við Árni Bragason ætlum að stjórna ferðinni.
Brottför er á skírdag kl 13.00 frá Stöðinni við Vesturlandsveg. Komið til baka seint á páskadag. Skráning fer fram hér á síðunni. Gert er ráð fyrir að bílar séu að lágmarki á 38 tommu dekkjum og að hver bíll hafi VHF talstöð og GPS tæki. Ferðast verður út frá Nýjadal og komið þangað í náttstað á hverju kvöldi. Fjölskyldur sérstaklega velkomnar. Skálagjald er 1500 kr/mann/nótt og verður innheimt á staðnum. frítt fyrir börn yngri en 13 ára.Dagskráin er í vinnslu. Allar hugmyndir vel þegnar.
Arnþór s. 8201680 og Árni s. 8953840.
Sælir félagar,
Ákveðið hefur verið að efna til hópferðar í Nýjadal á vegum Ferðakúbbsins með brottför kl. 13.00 á skírdag 28. mars frá Stöðinni við Vesturlandsveg. Meiri upplýsingar koma síðar.
Þeir sem vilja koma með vinsamlega láta vita hér á þessum þræði eða senda mér email: arnthor@vji.is
Skálagjaldið er það sama og í Setrinu: 1500 kr/mann/nótt.kveðja,
Arnþór
Ágætu félagar,
til tals hefur komið að hafa skálana í Nýjadal opna, heita og vistlega um páskana næstu. Hugmyndin er fara á skírdag 27. mars í Nýjadal og hiti húsin og geri þau vistleg. Einkum „gamla húsið“ sem alla jafna er læst og lokað á vetrum. Allir sem vilja geti svo komið þá strax eða hvaða dag sem er og dvalið í smærri eða stærri hópum að vild. Ef áhuginn reynist nægur verður hér auglýst skipulögð ferð með fararstjóra og dagskrá.Áður en lengra er haldið langar mig að kanna hug manna til þessarar hugmyndar. Er áhugi á því fara í Nýjadal opg dvelja þar um páskana? þá er ég líka forvitinn að vita hvort til séu þeir sem vilja vera „fyrstu menn“ á skírdag og koma hita á húsin osfrv.
Vilja menn taka þátt í skipulagðri ferð (frá Reykjavík og/eða annars staðarfrá) með fararstjórn? Svara má hér á þræðinum en einnig má hafa samband við mig beint.
kveðja, Arnþór s. 8201680 arnthor@vji.is
ég ók suður Kjalveg frá Hveravöllum á sunndagssíðdegi 10. feb. á 38 tommu dekkjum. þá hafði rignt mikið í sólarhring og verið hiti í 3 daga. Þarna var lítill og blautur snjór. þó meiri snjór norðar en sunnar. krapi eftir helgarrigninguna. mikið vatn og í námunda við Hveravelli. Vegkanturinn sjáanlegur alls staðar. stórir og varasamir hálkuflákar á vegi norðan í bláfellshálsi og að brú. Auður vegur sunnan beinakerlingar.
kv Arnþór
Þriðjudaginn 5. mars verður haldinn spjallfundur um húsbíla með fjórhjóladrifi (hústrukka). Fundurinn verður í húsnæði Ferðaklúbbsins á Eirhöfða 11 kl 20.00. fundurinn er aðallega ætlaður eigendum slíkra bíla og öðru áhugafólki um ferðalög á hústrukkum. Á fundinum verður ákveðið hvort stofna skuli hóp þeirra sem hafa þetta áhugamál. kveðja, Arnþór
[attachment=0:16or6tqv]msar_096.jpg[/attachment:16or6tqv]Það er komin upp sú hugmynd að stofna hóp eða deild eða klíku þeirra sem eiga húsbíla með fjórhjóladrifi. Stundum nefndir hústrukkar. Sjá mynd. Þetta gætu verið bílar af gerðinni Ford Econoline, Man, Unimog, Benz o fl og fl.
Tilgangur með stofnun svona áhugahóps væri að stuðla að kynnum meðal félaga, miðla upplýsingum um búnað hústrukka og efna til skipulagðra ferða, einkum á hálendi Íslands.
hér eru vefslóðir sem sýna svona bíla:
http://www.xor.org.uk/index.html
http://blog.caranddriver.com/zetros-zetros-golly-ultra-luxury-mercedes-benz-6×6-rvs-tackle-mongolian-wilderness-and-weve-got-interior-photos/
http://www.unicat.net/en/Þeir sem vilja fylgjast með þessu máli og etv. fá boð á umræðufund um þetta málefni geta skrifað hér á þráðinn eða þá bara sent mér email.
Kveðja, Arnþór, gjaldkeri í stjórn Ferðaklúbbsins 4×4. arnthor@vji.is
Það er helst frá að segja að skoðunarferðin í Nýjadal gekk vel. Átta manns úr Rvík á fjórum bílum. Tvær nætur í stóra skálanum. Mínus 2-7 gráður úti. Engin ósköp af snjó í Nýjadal en þó allt hvítt og sumstaðar skaflar. Ekið í 15 pundum Kvíslaveituveginn á enda. Þá tók við púðursnjór en þó melkollar og stærri steinar að mestu uppúr. Eftir að uppbyggðum Kvíslaveituvegi sleppti var 3-4 punda færi í 22 km að Nýjadal.
Gífurlega öflug Sólóvélin og þrír gasofnar hitaði stóra húsið upp í 15 gráður á circa 12 klst. Þannig hélst hitinn innandyra alla helgina.
Tólf manna hópur úr Skaga- og Eyjafjarðadeildum F4x4 kom á laugardeginum í 4 klst heimsókn með gas og olíu og tóku til hendinni með okkur og skoðuðu sig vel um. Húsin voru könnuð rækilega, mæld og ljósmynduð. Betur verður sagt frá þessu öllu síðar. Hugsanlegt að eitthvað verði sagt frá ferðinni á næsta mánudagsfundi í Rvík. 3. des.
Menn brunuðu suður til Reykjavíkur frekar léttir í skapi heldur en hitt. Meðfylgjandi mynd var tekin rétt fyrir brottför á sunnudeginum.Frá vinstri: Óskar Erlingsson, Hafliði Magnússon, Þórður Höskuldsson (FÍ) Soffía Sigurðardóttir (skálavörður FÍ), Árni Bragason, Halldór Jónsson (FÍ), Arnþór Þórðarson, Pétur Hans Pétursson.
Kv
Arnþór
Jæja, Reykjavíkurliðið er að ranka við sér, loksins.
Hafliði formaður klúbbsins, Óskar ritari og Arnþór gjaldkeri ætla að koma í vettvangsferðina. Þá hefur Ferðafélagsmönnum verið boðið að koma í þessa ferð. Þórður Höskuldsson stjórnarmaður FÍ og formaður Bygginganefndar FÍ hefur þegar ákveðið að koma. Fleiri FÍ-menn eru væntanlegir.
Meiningin að fara alla leið í Nýjadal á föstudagskvöldið og vera þar fram á sunnudag.kveðja,
Arnþór
Ágætu félagsmenn,
Sjá í viðhengi undirritaðan samning um Nýjadal.kveðja,
Stjórn Ferðaklúbbsins 4×4
ég ætla að fara úr Reykjavík snemma á laugardagsmorgun. Get verið á bíl og tekið farþega. Eins væri ég til í far með öðrum. Áforma brottför kl. 0600 úr Reykjavík.
kveðja,
Arnþór s. 8201680.
Enn einu sinni sjáum við þann ljóta leik hér á spjalli klúbbsins að efnt er til æsinga í okkar röðum og ekkert til sparað: Sannleikanum hagrætt, rýrð kastað á stjórn klúbbsins og sem alvarlegast er: illa talað um gest þann sem boðinn er á fund okkar á mánudaginn. Í þetta sinn heppnaðist þessi leikur svo vel að leikstjóranum sjálfum er brugðið.
Gott er þó að sjá að ekki gleypa allir vitleysuna hráa. Einnig er gott að sjá hve fáir nenna að taka þátt enda er hér lágt lagst hvað dylgjur og niðrandi tal varðar. Til að verja heiður okkar ágæta félagsskapar gagnvart Róbert Marshall sting ég nú niður penna.
1 Ég átti hugmyndina að því að fá Róbert Marshall til að flytja erindi og var það strax ákveðið í stjórninni að fá hann til að koma á fundinn. Það er algerlega rangt og ótrúlegt að heyra menn tyggja upp hver eftir öðrum að Róbert Marshall sé óvinur Ferðaklúbbsins eða óvinur jeppamanna. Hvílík endemis della! Í þingmannahópnum er Róbert nú sá sem hefur einna besta innsýn í starf Ferðaklúbbsins og er trúlega eini þingmaðurinn sem ekur um á 38 tommu jeppa. Róbert er félagi í klúbbnum og hefur tekið þátt í starfi hans, t.d. stikuferð fyrir um einu ári. Róbert er baráttumaður gegn utanvegaakstri, sem er nákvæmlega það sem Ferðaklúbburinn berst líka gegn. Barátta gegn utanvegaakstri er um leið mjög öflug barátta fyrir ferðafrelsi sem er eitt af markmiðum Ferða-klúbbsins.
2 Sumir gætu af lestri hér að framan haldið að nú verði refsað fyrir utanvegaakstur með 350 þús kr sekt og eignaupptöku. Það er ekki svo. Ég hvet þá sem vilja hafa það sem rétt er varðandi nýlega breytingu á lögum um umhverfisvernd að fara á vef Alþingis. Þar má lesa um aðdragandann, umræðuna, umsagnirnar, atkvæðagreiðslur ofl. Þetta er fljótgert enda frumvarpið stutt og einfalt, vakti engar deilur og var samþykkt einróma.
3 Hér koma nokkrar staðreyndir/leiðréttingar: Lagasetning á Alþingi er ekki eins manns verk. Fjórir þingmenn lögðu fram umrætt frumvarp og 29 þingmenn greiddu atkvæði með frumvarpinu við fyrstu atkvæðagreiðslu. Margir þingmenn sátu hjá en enginn greiddi atkvæði á móti því. Þannig var það í allri meðferð þingsins: engin mótatkvæði. Alls bárust Alþingi 12 umsagnir um frumvarpið (frá Félagi leiðsögumanna, Landmælingum Íslands, Landsvirkjun, Landvernd, Náttúrufræðistofnun Íslands, ríkislögreglustjóra, Samorku, Samtökum ferðaþjónustunnar, Skipulagsstofnun, Skógrækt ríkisins, Umhverfisstofnun og Vegagerðinni). Í engum þessara umsagna er mælt gegn lagabreytingunni. Frumvarpinu var þó breytt lítillega í meðförum þingnefndar m.t.t. framkominna umsagna. Allt þetta má sjá á vef Alþingis.
4 Það sér því hver maður að það er beinlínis rangt sem skrifað er hér að framan að lagabreytingin hafi verið umdeild á þingi eða í þjóðfélaginu. Þvert á móti. Enda eru viðurlög (refsing, sektir eða eignaupptaka) við lögbrotum ekki áhyggjuefni annarra en þeirra sem geta hugsað sér að brjóta lögin.
5 Þá verð ég að segja hér að mér vitanlega kannast ég ekki við að þáverandi umhverfisnefnd klúbbsins né aðrar nefndir klúbbsins hafi lagt til við stjórn F4x4 neins konar mótmæli eða athugasemdir við þetta frumvarp. Stjórn F4x4 fjallaði um þetta mál en sá ekki ástæðu til aðgerða. Innan klúbbsins voru semsagt heldur engar deilur um þetta mál. Aldrei kom til greina að klúbburinn mótmælti þessari lagasetningu enda hefði það orðið gífurlegur álitshnekkir og skaði fyrir klúbbinn og vatn á myllu þeirra sem vinna gegn jeppaferðalögum.
6 Störf og stefna stjórnar klúbbsins í fyrravetur var að mínu mati farsæl og virtist falla öllum þorra félagsmanna í geð. Aðalfundur okkar í vor fór fram í þessum anda. Þetta var staðfest í hressilegu lófaklappi á aðalfundi klúbbsins í maí sl. þegar stjórnin var einróma endurkjörin og án mótframboðs, fáum dögum eftir að frumvarpið varð að lögum.
7 Best gæti ég trúað að þeir félagsmenn sem fylgdust með starfi klúbbsins í fyrravetur geti búist við meira af því sama: Klúbburinn mun vinna verkin af stillingu, hófsemd og virðingu, áfram verður unnið að því að bæta samskipti út á við og ástunda málefnalega umræðu. Eftir þessu verklagi hefur verið tekið bæði innan klúbbsins og utan. Á aðalfundinum okkar síðasta fékk stjórnin 100% stuðning til áframhandandi setu. 100% stuðning til að keyra áfram á þessari sömu línu.
8 Varðandi val á fundarefni á mánudagsfundum finnst mér klúbburinn hafa verið víðsýnn og frjálslyndur gegnum árin. Þótt maður segi stundum, stórkarlalega, að maður gangi nú helst ekki lengra en spilvírinn nær hef tekið eftir því að margir jeppamenn eiga vandaða (og stundum vel notaða) gönguskó og stunda því einnig gönguferðir. Það er því alls ekki óviðeigandi í okkar félagsskap að fá stöku sinnum erindi um gönguferðir og annan ferðamáta, einkum um óvenjuleg svæði og umdeild eins og Vonarskarðið er. Ég heyrði t.d. um skemmtilega jeppa+fjallahjólaferð á Syðra-Fjallabaki sem farin var nýlega og verður etv. verður fundarefni einhvern daginn.
9 Þá má ekki gleyma að á mánudaginn verður á dagskrá annar góður fyrirlesari: Einar Jónsson frá Skipulagsstofnun fjallar um skipulagsmál á miðhálendi Íslands. Málefni sem mikilvægt er fyrir okkur að fylgjast vel með og taka þátt ef við á.
10 Þeir þekkja það sem starfað hafa í stjórn klúbbsins að gott fundarefni er ekki tínt upp af götunni. Það sýnir sig á mánudaginn hvort vel hafi tekist til í þetta sinn.
Arnþór Þórðarson – R1727
gjaldkeri í stjórn Ferðaklúbbsins 4×4
Ég heyrði í skálanefndarformanninum í dag. Þægileg vinnuhelgi framundan. Uppsláttur, járnavinna og steypa. Einnig skemmtilega gluggaviðgerðir og sitthvað fleira. Það vantar enn svo sem eins tvo eða fjóra vinnufúsa menn og konur í viðbót til að helgin heppnist vel.
Hvet til þess að menn slái nú til og komi í þessa vinnuferð.kveðja,
Arnþór
